Yuxuyozma 1500 – Miller Gustavus Hindman

Abort — Qadın xeylağının yuxuda aborta razılıq verdiyini görməsi bir xəbərdarlıqdır: görünür, həmin qadın xoşagəlməz hadisələrlə nəticələnə biləcək bir qərar verməyə hazırlaşır. Əgər belə bir əməliyyat həkim işləyən adamın yuxusuna gəlirsə, bu yuxu onu öz professional vəzifəsinə laqeyd yanaşmadan çəkindirmək məqsədi daşıyır.

Aclıq — Yuxuda ac olduğunuzu görmüsünüzsə, qarşıda səmərəsiz iş və dostların uzaqlığı gözlənilir. Əgər ac olan başqalarıdırsa, gerçəkdə yoxsulluq təhlükəsi var həmçinin işinizdən və ətrafınızdan narazı olacaqsınız. Bəzi hallarda bu növ yuxular xəstəliyə işarədir. Yuxuda düşmənlərin aclıq çəkdiyini görmək isə olduqca xoş yuxudur. Bu o deməkdir ki, hansısa əhəmiyyətli bir məsələdə onlara qalib gələcəksiniz. Sevgililər üçün belə yuxu xoş olmayan əlamətdir, belə ki, qurmağa hazırlaşdıqları nikah xöşbəxt olmaya bilər. Yuxuda özünüzü aclıqdan can verən görmüsünüzsə, ehtiyyatı və diqqəti əldən verməyin – uğur və müvəffəqiyyət vəd edən hansısa bir iş xoşagəlməz nəticələr verə bilər.

Açar, klid — Yuxuda açar görmək dəyişikliklərdən xəbər verir. Yuxuda açar itirmisinizsə, gerçək həyatda baş vermə ehtimalı böyük olan xoşagəlməz olaylar əhvalınızı korlayacaq. Açar tapmaq ailədə əmin-amanlıq, işlərdə isə canlanma əlamətidir. Xarab olmuş açarlar ayrılığa işarə edir. Gənc bir xanımın yuxuda zinət əşyasının ilgəyini, bəndini itirdiyini görməsi sevdiyi insanla küsülülüyünə işarə ola bilər.

Ad günü — Ad günü görən adam gənc bir oğlandırsa, gələcəkdə maddi çətinliklər və dost xəyanətilə üzləşmə ehtimalı var. Yaşlı bir adamın belə yuxu görməsi əhvalının pozulacağına işarədir.

Ada — Yuxuda özünüzü təmiz, şəffaf su ilə əhatə olunmuş adada görməniz ürəkaçan səyahət və uğurlu sahibkarlığın əlamətidir. Xanımlar üçün belə yuxu xöşbəxt ailə vəd edir. Çılpaq ada spirtli içkilərə aludəçiliyiniz üzündən xöşbəxtliyin və əmin-amanlığın tükənəcəyinə dair xəbərdarlıqdır. Ümumiyyətlə, ada görmək çoxsaylı səylər və qayğılardan sonra əldə olunacaq rahatlığın və azadlığın əlamətidir. Adada adamlar görməniz isə cəmiyyətdə daha yüksək məqama çatmanız üçün mübarizəyə başlamalı olduğunuzdan xəbər verir.

Adamayovuşmaz — Yuxuda adamayovuşmaz birini görmək həyatda düşmənlərinizin sizə qarşı açıq-aşkar müqavimət göstərəcəyindən xəbər verir. Özünüzü adamayovuşmaz kimi görəniz isə bəzi planlarınızın reallaşmasında uğursuzluq yaşayacağınıza işarədir.

Adəm və Həvva — Yuxuda Adəmlə Həvvanı görmək işlərinizi xoşagəlməz istiqamətə yönəldəcək hansısa bir hadisənin gizləndiyindən xəbər verir. Cənnət bağında Həvvanı bədəninə sarılmış ilanla görmək kiminsə xəyanətinin xöşbəxtliyinizə təhlükə olduğunun işarəsidir. Həvvanın ilanla söhbət etdiyini görüb eşitmək isə bir xəbərdalıqdır: nüfuzunuzu ləkələyə biləcək hansısa bir hiyləgər şəxs işlərinizi də uğursuzluğa uğrada bilər.

Aeroplan — Yuxuda aeroplan görmək bəzi maliyyə işlərinin xoş nəticələnəcəyindən xəbər verir. Aeroplan qəzası olan yuxu isə həyatınıza qarışıqlıq və narahatlıq gətirəcək bir sıra yeni planların əlamətidir.

Afrika — Yuxuda Afrikada olub adamyeyənlərin əhatəsinə düşüyünüzü görməniz reallıqda düşmənlərin sizi sıxışdıracağından xəbər verir. Qadın üçün Afrika mövzulu yuxular görmək qarşıda heç də maraqlı olmayan və onun ürəyini sevindirməyən bir səyahətin gözlənəcəyinin əlamətidir.

Ağcaqanad — Yuxuda ağcaqanad görməniz reallıqda hiyləgər gizli düşmənlərin həmlələri qarşısında sarsılmaz qalmaq cəhdlərinizin boşa çıxacağını bildirir. Bu şəxslər sizin təmkininizə və uğurunuza əhəmiyyətli şəkildə zərər vuracaq. Əgər yuxuda ağcaqanadları vurub öldürmüsünüzsə, deməli, nəticədə bütün maneələri dəf edərək, zənginlik və ailə səadətindən zövq alacaqsınız.

Ağcaqovaq — Bir o qədər də xoş əlamətli yuxu sayılmır. Qadınlar üçün bu yuxu nüfuzlu sə səxavəli şəxslərin etimadını itirə biləcəyilə təhlükəlidir. Yağı düşmənlər adınızı ləkələməyə çalışacaq. Sevgililər isə bir-birinə zərər vurmaq istəyəcək.

Ağısızlıq, dəlilik — Yuxuda özünü dəli olmuş görmək qarşıdan gələn pis xəbərlərin müjdəçisidir. Hnasısa bir xəstəlik səbəbindən əmlakınızdan məhrum olmaq ehtimalı vardır. Başqalarını belə bir xəstəliyə düçar olmuş görmək dostların vəfasızlığı, dönüklüyü və ya gələcək planlarının alt-üst olması deməkdir. Gənc bir xanımın yuxuda özünü dəli olmuş görməsi izdivacda peşmançılıq əlamətidir.

Ağlamaq — Yuxuda ağlamaq xoşagəlməz xəbərlərin və ailədə əsəbi gərginliyin, başqalarının ağladığını görmək isə uzunmüddətli anlaşılmazlıqların ürəkaçan qovuşma ilə əvəzlənəcəyinin əlamətidir. Gənc bir xanım üçün yuxuda ağlamaq sevgilisilə mübahisəyə işarə edə bilər. Yaranmış soyuqluğu isə yalnız fədəkarlıqla aradan qaldırmaq mümkün olacaq. Ticarətçi üçün bu sayaq yuxu müvəqqəti tənəzzül və xırda uğursuzluqların xəbərdarlığı kimi yozulur.

Ağrı — Adətən fiziki səbəblərdən irəli gələn bu sayaq yuxuların yozulmasına ehtiyac yoxdur. Bəzi hallarda yuxuda duyulan ağrı hansısa bir bədbəxtlik əlamətidir. Əgər yuxuda başqalarının ağrıdan əziyyət çəkdiyini görmüsünüzsə, belə bir yuxu mümkün səhvlərin xəbərdarlığı kimi yozulur.

Axmaq, səfeh — Yuxuda axmaq adamlar görmək narazılıq və mümkün itkilərin əlamətidir. İnsanın özünü yuxuda axmaq kimi görməsi planlarının iflasa uğradığından, özünü təhqir olunmuş kimi hiss edəcəyinə işarə edir. Kəmağıl uşaqlar görmək məyusluq və xoşagəlməz dəyişikliklərdən xəbər verir.

Axsaqlıq, topallıq — Yuxuda gəzərkən axsadığınızı görməniz gözlənilmədən rastınıza çıxmaqla sevincinizi azaldacaq xırda çətinliklərə işarə edir. Başqalarının axsadığını görməniz isə yaxın dostunuzun tezliklə tamailə əsassız yerə xətrinizə dəyəcəyindən xəbər verir. Həmçinin bu yuxu xırda uğursuzluqların əlaməti hesab olunur.

Axşam qonaqlığı, əyləncə gecəsi — Yuxuda tanımadığınız və sonda sizə hücum edərək pulunuzu və ya dəyərli nəyinizisə əlinizdən almağa cəhd edən adamların toplaşdığı əyləncə axşamını görmək reallıqda düşmənlərinizin birləşərək işlərinizə xələl yetirmək niyyətində olacaqlarından xəbər verir. Əgər yuxuda təzyiqlərdən qurtulmağı bacarmısınızsa, deməli, gerçəkdə də həm şəxsi, həm də işgüzar sahədə istənilən çətinlikləri aradan qaldırmağı bacaracaqsınız. Yuxuda, sadəcə, şən və ürəkaçan bir məclisdə iştirak etdiyinizi görməniz isə yaxın gələcəkdə həyatın olduqca gözəl olduğunu anlayacağınıza işarədir.

Axşamçağı — Yuxuda axşamın düşdüyünü görmək həyata keçməyən arzulardan xəbər verir. Görünür, son zamanlardakı davranışınız o qədər də doğru olmamışdır. Ulduzlu səmalı aydın axşam çağını görmək bir çox uğursuzluqların tezliklə parlaq uğurlarla əvəz olunacağından xəbər verir. Yuxuda axşamçağı kiminləsə gəzişmək o qədər də yaxşı əlamət deyil.

Ailə — Yuxuda mehriban və xöşbəxt ailə görmək sağlamlıq və əmin-amanlıq əlamətidir. Sağlamlığın və sülhün olmadığı ailə görməniz isə məyusluq və qüssəyə işarə edə bilər.

Akkordeon — Yuxuda akkordeon ifasını dinləmək hansısa bir əyləncədə iştirakınızdan və keçmişin qəmli düşüncələrindən azad olacağınızdan xəbər verir. Gənc bir xanımın özünü akkordeon çalarkən görməsi kədərli, lakin onu sevgilisilə görüşdürəcək hadisələrin nişanəsidir. Onların ittifaqı uzunömürlü və xöşbəxt olacaq. Əgər yuxuda akkordeon yanlış notlar çıxarırsa, xanımı yaxın dostunun xəstələnməsi gözləyir.

Akrobat (ya da canbaz) — Yuxuda akrobatlar görmək ətrafınızdakı insanların narahatlığının sizi gərəksiz riskdən qoruyacağı deməkdir. Yatan adamın özünü yuxuda akrobat kimi görməsi gözlənilməzlik, eyni zamanda nəyəsə görə məsuliyyət daşıyacağından, çətinliklərdən və düşmənlərin hiylələrindən xəbər verir. Yuxuda qadın akrobat görmək ehtimal olunan şər və uğursuzluq deməkdir. Gənc bir xanımın yuxuda kəndirbaz görməsi onun əks cins tərəfindən seviləcəyindən xəbər verən xoş müjdədir.

Aktyorlar — Yuxuda aktrisa görmək ürəkaçan kef-səfadan və ətrafdakıların təqdirindən xəbər verir. Aktrisanı dərdli görmək dostunuzun borclardan xilas olmasında yardımçı olmaqla, onu problemlərin böyük qismindən azad etmiş olacaqsınız. Əgər yuxuda özünüzü aktrisa kimi görürsünüzsə, real həyatda gəlir mənbəyi axtarmaq məcburiyyətində qalacaqsınız, amma inanın ki, əməyiniz hədər getməyəcək.

Yuxuda aktyora və ya aktrisaya (yuxu görənin kişi və ya qadın olduğundan asılı olaraq) aşiq olduğunuzu görürsünüzsə, meyillərinizlə istedadınızın sayəsində işlərinizin öhdəsindən yorulmadan, zövq ala-ala gələcəyinizə əmin ola bilərsiniz. Yuxuda vəfat etmiş aktyor və ya aktrisa görmək böyük bir bədbəxtlik üzündən planlarınızın alt-üst olmasına işarə edə bilər. Köçəri, yoxsul aktyorlar görmək bəzi işlərin pozulması deməkdir. Gününü rahatlıq içində evdə keçirənlər üçün bu yuxu müəyyən dəyişikliklər, eyni zamanda mümkün xəyanət barədə xəbərdarlıqdır. Gənc bir xanımın aktyorla nişanlı olduğunu və onunla ailə qurmağa hazırlaşdığını görmək real həyatda qurduğu tanışlığının ona məyusluq bəxş edəcəyinə işarədir.

Kişinin yuxuda hansısa bir aktrisa ilə vaxt keçirdiyini, eşqbazlıq etdiyini görməsi real həyatda sevgilisi və ya həyat yoldaşı ilə münasibətlərdə yaşanan küsülülüyün və qovğaların ona bədbəxtlik gətirəcəyini bildirir. Həvəskar bir aktyoru səhnədə çıxış edərkən görmək tezliklə reallaşan planlarınızın sizə böyük sevic bəxş edəcəyi deməkdir. Səhnədə tragediya əsərinin oynandığını görmək hansısa bir xoşagəlməzlik haqqında xəbərdarlıqdır. Görünən obrazların anlaşılmazlığı da uğursuzluq işarəsidir.

Akula — Yuxuda görülən akulalar qorxunc və güclü düşmənlərin işarəsidir. Əgər akulalar sizi təqib edib üstünüzə hücum çəkirsə, sizi məyusluq girdabına qərq edən uğursuzluqlar qaçılmaz olacaqdır. Şəffaf, təmiz suda oynaqlaşan akulaları görmək real həyatda qadınların əhatəsində kef-səfa çəkdiyiniz vaxt kiminsə pxıllığının əl altından sizi rahatlıq və xöşbəxtlikdən məhrum etməyə istiqamətləndiyi deməkdir. Yuxuda ölü akula görmək yenidən rahatlıq və əmin-amanlığa nail olacağınızdan xəbər verir.

Alabalıq — Yuxuda görülmüş alabalıq sərvətin artacağından xəbər verir. Alabalıq yediyinizi görməniz yaxın gələcəkdə olduqca əlverişli bir vəziyyətə düşəcəyinizi bildirir. Tutduğunuz alabalığın qarmaqdan sürüşərək yenidən suya düşməsi səadətinizin çox çəkməyəcəyinə işarə ola bilər. Yuxuda tilovla tutulmuş alabalıq isə misilsiz çiçəklənmə müjdəçisidir. Bulanıq sularda gördüyünüz alabalıq isə sevgidə məyusluq və kədərə işarə edir.

Alaqaranlıq — Yuxuda alaqaranlıq görmək kədər əlamətidir. Bu yuxu vaxtsız zəiflik və reallaşmamış istəklərə işarə edə bilər. Həmçinin işlərdə tənəzzül, insanlarla ünsiyyətdə çətinliklər də ehtimal olunur. Bütün bunların öhdəsindən isə enerjinizlə iradənizi səfərbər etməklə gəlməyi bacaracaqsınız.

Albalı — Yuxuda albalı görmək dostpərvərliyiniz və qərəzsizliyiniz sayəsində tezliklə populyarlıq qazanacağınızdan xəbər verir. Albalı yemisinizsə, çoxdandır arzuladığınız bir şeyi əldə etməyi bacaracaqsınız. Yetişməmiş, yaşıl albalı görmək tezliklə uğur qazanacağınıza işarə edir.

Albom — Yuxuda albom görmək uğur və əsl dostlar qazanacağınıza işarədir. Gənc bir qadının yuxuda alboma yığılmış şəkillərə baxması yaxın gələcəkdə çox xoşbəxt olacağı yeni bir sevgili ilə tanış olacağından xəbər verir.

Alçaltma, təhqir — Yuxuda təhqir olunduğunuzu görməniz firavanlıq zirvəsinə yetişmək cəhdlərinizi zəiflətməyə qadir olan kədərli xəbərlərin əlamətidir. Başqalarının təhqirə məruz qaldığını görməniz isə mübahisələrə və ya dostların xəyanətinə işarə edə bilər.

Alətlər — Yuxuda alətlər görmək reallıqdakı hansısa bir işin uğursuz tamamlanacağını bildirir. Sınmış alətlər görmək isə yaxınlarınızdan və ya dostlarınızdan birinin sağlamlığında problemlər yaranacağına, yaxud da işlərdə uğursuzluğa işarə edir.

Alın — Yuxuda gözəl, hamar alın görməniz sağlam düşüncəylə ədalətə can atmanız sayəsində nüfuzunuzun xeyli möhkəmlənəcəyini bildirir. Eybəcər alın özünüzdən razı qalacağınıza işarə edir: şəxsi işlər bir müddət tənəzzülə uğraya bilər. Yuxuda bir uşağın alınını sığallamısınızsa, gerçək həyatdakı davranışınızla ünvanınıza tərif qazanacaqsınız. Gənc bir xanım yuxuda dostunu alnından öpdüyünü görmüşsə, yaxın gələcəkdə gözlənilən mənasız şayiələr qısa müddətliyinə aralarında inciklik yarada bilər.

Alış-veriş — Yuxuda alış-veriş etmək adətən ürəkaçan hadisələrlə müşayiət olunacaq böyük gəlir əlaməti hesab olnur.

Almalar — Yuxuda alma görmək bir çoxları üçün son dərəcə uğurlu əlamət hesab olunur. Ağacda yaşıl yarpaqlar arasında qırmızı almalar görmək bu yuxunu görən adam üçün müstəsna dərəcədə uğurlu əlamətdir. Xarab almalar yediyinizi görməniz isə xeyirli sayılmır. Ağacda yetişmiş almalar görməniz arzularınızın gerçəkləşmə dövrünün gəlib çıxdığını bildirir, nə etmək niyyətində olduğunuzu yaxşı-yaxşı düşünərək irəliləmək vaxtıdır. Ağacın yuxarısında gördüyünüz yetişmiş almalar isə sizi arzularınızda həddindən artıq xəyallara qapılmamağa səsləyir. Yerə tökülmüş almalar görməniz saxta dostlarınızla yaltaq adamların sizə ziyan vuracağına dair xəbərdarlıqdır. Çürük almalar isə bəhrəsiz cəhdlərin əlamətidir.

Almaz — Yuxuda almaz görmək real həyatda xoşagəlməz hadisələrlə üzləşmək ehtimalı və ən  əziz bir istədiyiniz reallaşmayacağı deməkdir.

Alov — Yuxuda alov görməniz gerçək həyatda arzuladığınız kimi zəngin olmanız üçün bütün var-gücünüzlə enerjinizi səfərbər etməli olacağınızdan xəbər verir.

Alov (yanğın) — Yuxuda özünüzə xətər yetirməmək şərtilə alov görməniz xoş əlamətdir. Belə bir yuxu dənizçilər, səyahətçilər və bütün quruda işləyənlər üçün unuzmüddətli firavanlıq əlamətidir. Öz evinizi yanan görməniz sadiq dostlarınızın və itaətli, üzüyola övladlarınızın olduğunu bildirir. Sahibkar öz dükanının yandığını görmüşsə, reallıqda əlverişli işlərinin sürətli inkişafı gözlənilir. Alovla mübarizə etmək və şiddətlənməyinin qarşısını almağa cəht etmək narahat bir əməyin müjdəçisidir. Dükanınızın (anbarınızın və sair) divarlarını yanıb qaralmış görməniz uğursuzluq əlamətidir. Alovu özünüzün alışdırdığınızı görməniz ürəkaçan yeniliklərə işarə edir.  Belə bir yuxudan sonra uzaqda yaşayan dostlarınızı ziyarət etmək imkanınız yaranacaq. Böyük bir yanğın görmək dənizçilər üçün uğurlu və təhlükəsiz səfər, ədiblər üçün uğur və hörmət, işgüzar adamlar üçün isə işlərdə misilsiz uğur vəd edir.

Alümin — Yuxuda alümin görmək istənilən, hətta kiçik bir uğurdan məmnunluq vəd edir. Qadın üçün alümin qab-qacağı bozarmış görməsi gözlənilməz itki və kədərin əlamətidir.

Alver etmək — Yuxuda alver etdiyinizi görməniz reallıqda başladığınız işin uğurla nəticələnəcəyini müjdələyir. Ticarətinizin bir o qədər də uğurlu getmədiyini görməniz isə kədər və məyusluğa işarə edə bilər.

Amerika — Yüksək çinli rəhbərlər dövlət işlərinin qeydinə qalmalıdırlar. Qalanları isə özlərinin qeydinə qalsalar yanılmış olmazlar, çünki belə bir yuxudan sonra uğursuzluqların ehtimalı böyük olacaq.

Amputasiya — Yuxuda bədənin müəyyən üzvlərinin amputasiya olunduğunu görmək işdə bəzi mümkün itkilərdən xəbər verir. Əl-ayağın tam kəsilməsi isə ticarət işlərində durğunluğun işarəsidir. Dənizçilər üçün belə bir yuxu fırtına, əmlak itkisi deməkdir. Böyük bədbəxtlik üz vermiş insanlar üçün belə bir yuxu xəbərdaredici işarə deməkdir.

Ana — Yuxuda ananızın evizinizə gəldiyini görməniz istənilən bir işdə ümüdverici nəticələrdən xəbər verir. Onunla söhbət etmək tezliklə son dərəcə maraqlı olduğunuz işlər barədə xoş xəbərlər alacağınıza işarə edir. Qadın xeylağının yuxuda anasını görməsi xoş öhdəçiliklər və ailə səadətindən xəbər verir. Kiminsə başqa bir adamın anasını xəstə və ya ölmüş görmək kədərin əlamətidir. Yuxuda ananızın sizi səslədiyini, çağırdığını eşitməniz reallıqda faktiki olaraq tənha qaldığınızı, hamı tərəfindən unudulduğunuzu və işlərdə səhv istiqamət seçdiyinizi bildirir. Onun ağladığını eşitmisinizsə, ehtiyyatlı olun, riskli addımlar atmayın.

Ananas — Ananas görmək işlərin olduqca xoş məcrada inkişaf edəcəyindən xəbər verir. Əgər yuxuda ananas toplayıb və ya yeyirsinizsə, uğur və müvəffəqiyyət ən yaxın gələcəkdə gözlənilir. Əgər yuxuda ananasları süfrə üçün hazırlayarkən barmağınızın yaralandığını görmüsünüzsə, real həyatda gec də olsa sizə sevinc və uğur bəxş edəcək işlərdən ilk vaxtlarda güclü dilxorluq yaşaya biləcəyinizin ehtimalıdır.

Anbar — Yuxuda yetişmiş, dəymiş taxılla (buğda, arpa) ilə dolu anbar, ətrafında da sıx mal-qara sürüsü görmək böyük və uzunmüddətli müvəffəqiyyətin əlamətidir Əgər anbar boş idisə, qarşıda yoxsulluq və uğursuzluqlar gözlənilir.

Angina — Yuxuda bu xəstəliyə düçar olduğunuzu görməniz reallıqda cansıxıcı bir işə sövq ediləcəyinizdən xəbər verir. Əgər anbar boş idisə, qarşıda yoxulluq və uğrsuzluqlar gözlənilir.

Antilop — Yuxuda antilop görmək geniş planlarınızı yalnız böyük enerji sərf etməklə həyata keçirə biləcəyinizdən xəbər verir. Gənc bir xanımın yuxuda ayağı büdrəyərək hündürlükdən yıxılan antilop görməsi bu xanımın can atdığı məhəbbətin uğursuz olacağının əlamətidir.

Araba — Yuxuda arabada getdiyinizi görmüşsünüzsə, ailənizin ehtiyaclarını təmin etmək üçün əlinizdən gələni əsirgəmədiyinizə baxmayaraq, ağır əmək və çoxlu sayda xırda uğursuzluqlarla üzləşə bilərsiniz. Araba görmək xoşagəlməz xəbərlərin əlamətidir. At arabasını idarə etdiyinizi görməniz bütün işlərdə layiq olduğunuz uğura yiyələcəyinizdən xəbər verir. Sevgililər üçün at arabasında birlikdə getdiklərini görməsi reallıqda düşmənlərinin çoxsaylı fitnə-fəasına baxmayaraq, bir-birinə sadiq qalacaqlarının göstəricisidir.

Araq — Yuxuda arağın təsiri altına düşmək gerçəkdə tezliklə vəsaitinizi və vaxtınızı dostların əhatəsində sərf edəcəyinizdən xəbər verir. Bu növ yuxular hər zaman vaxt və enerjinin müəmmalı əyləncələrdə bihudə sərf olunmasına işarə olaraq dəyəndirilir.

Arfa — Yuxuda arfanın kədərli və xoşagələn sədalarını eşitmək hansısa bir işinizin ürəyinizcə olmayacağından xəbər verir. Qırıq arfa görmək xəstəliyin; sevən kəslər üçün bu yuxu qarşı tərəfin öz sözünə sadiq qalmayacağının əlamətidir. Əgər yuxuda özünüzü arfada çalarkən görürsünüzsə, belə bir yuxu sizi xüsusilə də sevgi münasibətlərində ifrat sadəlövlükdən çəkindirir.

Arı — Yuxuda görülmüş arılar amansız davranan və böhtan yaxan düşmənlərn olduğunu bildirir. Arının sizi sancdığını görmüşsünüzsə, bədxah kəslərin paxıllığı və nifrəti, sevgidə isə rəqiblərin həmlələrilə üzləşə bilərsiniz. Arıları öldürməniz düşmənlərinizə qalib gələcəyinizdən və hüquqlarınızı qorumağı bacardığınızdan xəbər verir. Bəzi hallarda isə bu yuxu dostluğun sonunun və ya maddi imkanların azalmasının əlaməti ola bilər.

Armud — Yuxuda armud yediyinizi görməniz işlərin o qədər də uğurlu getməyəcəyindən və sağlamlığınızın bir qədər zəifləyəcəyindən xəbər verir. Gözəl, barlı-bəhrəli bir ağacın qızılı rəngli məhsulunu heyranlıqla seyr etmisinizsə, tale qarşınızda çox ümüdlər verən prespektivlər yaradacaq. Dəymiş armud məhsulunun yığıldığını görməniz müəyyən məyusluğun ardınca gələn xoş gözlənilməzliklərə işarədir. Armud konservləşdirmək bəxtin dönüklüyünə qarşı fəlsəfi yanaşmanızın, armudları qurutmaq isə cansıxıcı və sevginin əlamətidir.

Artım, çoxalma — Yuxuda ailədə artım görmək bir qisim planların iflasa uğrayacağına, digər planların isə reallaşacağına işarə edir. Biznes gəlirlərinin artımını görmək isə ciddi çətinliklərin aradan qalxacağından xəbər verir.

Arvad (həyat yoldaşı) — Kişi xeylağının yuxuda öz arvadını görməsi ailədə söz-söhbət və ixtilaflardan xəbər verir. Arvadını qeyri-adi dərəcədə gülərsiz, xoşrəftar görmüşdürsə, hansısa bir riskli, lakin son dərəcə əhəmiyyətli ticarət sazişindən böyük gəlir əldə edəcək. Qadının yuxuda həyat yoldaşının onu qamçı ilə döydüyünü görməsi real həyatda hansısa uğursuz hərəkətinin onu sərt məzəmmət obyektinə çevriləcəyinə, sonra da ümumi qarışıqlığa yol açacağına işarədir.

Asketizm (tərki-dünya) — Asketizmlə əlaqəli görülən yuxular həyati prinsiplərinizin və nəzər nöqtənizin dəyişəcəyindən xəbər verir. Yeni yanaşma göstərdiyiniz zaman tanımadığınız insanları valeh etməyi bacarsanız da, dostları özünüzdən kənarlaşdırmış ola bilərsiniz.

Asqırmaq — Yuxuda görülmüş asqırma yaxın gələcəkdə alacağınız xəbərlərin planlarınızı dəyişməli olacağınıza işarə edir. Başqa birinin asqırmağını görməniz və ya eşitməniz isə bəzi adamların ziyarətlərilə sizi usandıracağından xəbər verir.

Astar — Yuxuda astar görməniz kədərlərin səadətlə əvəzlənəcəyindən və bədxah qınaqlara qarşı əhəmiyyət verməmək üçün güc əldə edəcəyinizdən xəbər verir.

At — Yuxuda ata minib çapmaq son dərəcə gözəl əlamətdir. İlk növbədə, bu yuxu dostluq əlaqələrinin möhkəmliyinin və dostlarla xoş görüşlərin, sevincli anların müjdəçisidir. Atınızın kirli olduğunu görmüsünüzsə, etibar etdiyiniz adamların sizə paxıllıq edəcəyini və sizi aldatmağa cəhd edəcəyini bildirir. Qara atı çapdığınızı görmüsünüzsə, işləriniz uzun müddət uğurlu məcrada inkişaf etsə də, gözləmədiyiniz anda təşəbbüslərinizin əbəs və mənasız olduğunu anlayacaqsınız. Yuxuda açıq şabalıdı, kürən tüklü atların qaçışını seyr etmək qafildən yaxşıdan pisə doğru yönələn halların yaşana biləcəyinə işarə edir. Həmçinin bu yuxu ötəri və səthi əyləncələrdən də xəbər verə bilər. Xallı at görmək işlərin gəlir gətirəcəyindən xəbər verir. Gözəl, kəhər atı minib çapdığınızı görmüsünüzsə, yüksəlmə və arzuların həyata keçəcəyinin müjdəçisidir. Belə bir yuxu görmüş xanımı zəhlətökən bir pərəstişkarının, nəhayət, ondan uzaqlaşması və maddi gəlir gözləyir. Atınızın vəhşi atlar ilxısına qoşularaq qaçdığını görməniz tanışlarınızdan kiminsə xəstələndiyi barədə xəbər alacağınızı bildirir. Ümumiyyətlə, yuxuda gözəl atlar görmək uğur və əmin-amanlıq əlamətidir.

Yuxuda at belində şəffaf sulu, kiçik bir çaydan keçdiyinizi görmüsünüzsə, uğura nail olacaqsınız. Çaydan keçərkən aşağı boz-bulanıq sulara baxmısınızsa, sevincinizi pozan şeylər ola bilər. Duru sulu çaydan at belində keçdiyinizi görməniz isə bir çox arzularınızın reallaşacağından və işlərdə gəlir əldə edəcəyinizdən xəbər verir. Lakin yaralı və ya ölü at görmək kədərli xəbərlərə işarə edir. Şıllaq atan bir atın belində çapdığınızı görməniz uğura doğru yolda müxtəlif cür çətinliklərlə üzləşə biləcəyinzidən xəbər verir. Atın sizi belindən atdığını və ya sizi təpiklə vurduğunu görmüsünüzsə, tale sizə rəqib qismində sınaqlar göndərəcək və ya səhhətinizdə bəzi prolemlər yaşanacaq. Yuxuda atın cilovundan yapışaraq onu iradənizə ram etmisinizsə, həyatınızda gözlənilmədən yaxşılığa doğru xeyli dəyişikliklər baş verəcək. Gözəl nallanmış ata tamaşa etdiyinizi görməniz yaxın tezlikdə uğrlarınız təkcə ətrafdakıları deyil, sizin özünüzü belə heyran edəcək. Qadın xeylağının belə bir yuxu görməsi vəfalı, sadiq bir ömür yoldaşının olacağından xəbər verir. At yarışından iştirak etmək firavan bir həyatın müjdəçisidir. Özünüzün atı nalladığınızı görməniz real həyatda müəmmalı yollarla var-dövlətə sahibləncəyinizi bildirir. Yuxuda yəhərlənmiş bir atı minib, iti sürətdə çapdığınızı görmüsünüzsə, həyatda heç də asan olmayan bir mübarizədə qalib gələrək, rifah və rahatlığa nail olacaqsınız; həmçinin bu yuxu sadiq dostların dəstəyinə işarə edir.

Qadınların cəmiyyətində olub at belində çapmaq gələcək istəklərin qeyri-müəyyən olması və asılılıq əlamətidir. Atın təmizləndiyinə tamaşa etmisinizsə və ya özünüzün onu qaşovla təmizlədiyinizi görmüsünüzsə, şan-şöhrət və cəmiyyətdə nüfuslu bir məqama yetişmək üçün bir sıra ağır sınaqlardan keçməli olacaqsınız. İşgüzar adamlar, kəndlilər, ədiblər üçün atın yalı ilə quyruğunu bəzədiklərini gördükləri yuxu son dərəcə uğurlu əlamət sayılır. Minik arabasına qoşulmuş atlar görmək xöşbəxtlik uğrunda bir sıra əngəllərə rast gəlinəcəyini bildirir. At belində ensiz bir cığırla dağ başına qalxdığınızı görmüsünüzsə, reallıqda olduqca nüfuzlu bir məqama sahiblənəcəksiniz. Belə bir yuxuda atın tab gətirmədiyini və özünüzün yolun qalan hissəsini dağa piyada qalxdığınızı görmüsünüzsə, həyatda tutacağınız mövqeyiniz misilsiz səylər bahasına başa gələcək. Gənc bir xanım yuxuda özünün qara atı minib çapdığını görmüşsə, gözlənilməz bir hadisə onun arzularının gerçəkləşməsinə səbəb olacaq, həmçinin müdrik və mehriban həmsöhbətlərlə ünsiyyət quracaq. Yuxuda at belində dağdan aşağı enmək uğursuzluq əlamətidir. Xanımın sevgilisinin at belində onun arxasınca gəldiyini görməsi reallıqda uzun müddət çoxlu sayda pərəstişkarlarının maraq dairəsində olacağına işarə edir. At minmiş xanımın yuxuda qorxduğunu görməsi reallıqda yaxın adamının qısqanclığı ilə narahatlığına məruz qalacağını bildirir.
Xanımın yuxuda atın belində hoppanaraq endiyini və atın elə həmin anda donuza çevrildiyini görməsi əlverişli bir evlilik təklifindən imtina edəcəyindən və ondan sonra üstünlük verdiyi sərbəstliyin tezliklə onu usandıracağından xəbər verir. Gənc qızın özünün ağ at belində dərəli-təpəli ərazilərdə çapdığını və tez-tez arxaya dönərək, qara atlı çaparın onu təqib etdiyini görməsi uğurlarla uğursuzluqların növbələşəcəyini, həmçinin onun üçün önəmli olan bir iş üçün hər zaman həyəcan və narahatlıq keçirəcəyini bildirir. Yuxuda bir atın göylərdən enərək, tanımadığınız adama çevrildiyini və həmin bu adamın sizə tərəf durmadan nə isə atdığını görməniz uğursuzluq, gerçəkləşməyən arzuların və bir müddətliyinə vəziyyəti idarə etmək cəhdlərinizin əbəsliyinin əlamətidir. Yaşıl çəməndə otlayan atları seyr etmək işgüzar sahədə müntəzəmlikdən və portnyorlarınızın yekdil addımlar atacağından xəbər verir. Yuxuda görülən barsız otlaq, quru torpaq isə kasib da olsalar, sadiq dostlarınızın varlığının əlamətidir. Gənc bir xanım üçün bu sayaq yuxu xöşbəxt nikahın müjdəçisi sayılır. Yuxuda at taciri görmək maddi gəlir, bununla yanaşı da riskli təşəbbüslərə işarə edir. Özünüzün at aldığınız və yuxuda tacirin sizi aldatdığını dərk etmənizi görməniz itkilərin ehtimalını artırır. Özünüzə cins atı saxlayaraq, bir o qədər də yaxşı olmayan atı satdığınızı görməniz isə böyük uğurlara imza atacağınızdan xəbər verir.

At tövləsi —Yuxuda görülmüş at tövləsi uğur və ürəkaçan bir mühit vəd edən xoş əlamətdir. Alışıb yanan bir tövlə gördüyünüzü yuxu isə ya xöşbəxt dəyişikliklərin, ya da real həyatda oxşar bir vəziyyətin mümkünlüyünə işarə edən bir yuxudur.

Ata — Yuxuda atanızı görməniz qarşınıza çıxan maneələrdən çətinliklə qurtaracağınızdan və yaranmış problemləri həll etmək üçün müdrik insanın məsləhətinə zərurət duyacağınızdan xəbər verir. Atanızın öldüyünü görmüsünüzsə, işlər çətinliklə irəliləyəcək və onları idarə edərkən son dərəcə ehtiyatlı olmalısınız. Gənc bir xanımın yuxuda vəfat etmiş atasını görməsi sevgilisinin onu aldatdığına, yaxud da yaxın zamanda aldadacağına işarə edir.

Atəş — Əgər yuxuda gülləyə tuş gəldiyinizi və can verən birinin nə hiss etdiyini yaşamışsınızsa, gerçəkdə sizə qarşı qəddarlaşan dostların qəfil təhqirinə məruz qalacaqsınız. Lakin əgər yuxudan tez oyanaraq ölümdən qurtulmuş olsanız, tezliklə dostlarla barışacaqsınız.

Atəş, atışma — Yuxuda atəş açan adamlar görmək və ya atəş sədaları eşitmək sevgililər və həyat yoldaşları arasında ifrat xudpəsəndliyin yaradacağı ixtilaflara işarə edə bilər. Həmçinin bu yuxu ehtiyyatsızlığın nəticəsi olaraq, işinizdən narazı qalacağınıza dair də xəbərdarlıq kimi yozulur.

Atlas (xəritə) — Yuxuda diqqətlə atlas öyrənmək hansısa yeni bir işə imza atmazdan və ya səyahətə çıxmazdan öncə yüz ölçüb-bir biçəcəyinizdən xəbər verir.

Auksion (hərrac) — Hərrac haqqında yuxu görmək xoş əlamətdir. Yuxuda hərracda təyin olunmuş qiyməti elan edən auksionçunun səsini eşitmək riskli əməliyyatların uğurla bitəcəyindən və sizin parlaq gələcəyə sahib olacağınızdan xəbər verir. Tacir üçün yuxusunda hərracda alış-veriş etmək uğurlu alver, kəndli üçün mal-qara yetişdirilməsində uğur vəd edir. Qadın üçün isə belə bir yuxu xüsusilə gözəl işarədir.

Avar, kürək — Yuxuda əlinizdə avar tutduğunuzu görməniz məyusluq əlaməti ola bilər: ola bilər ki, öz şəxsi rifahınızı başqalarının dəstəyi uğrunda qurban verməli olarsınız. Avarı itirmək gerçəkdə planlarınızı başa çatdırmaq uğrunda göstərdiyiniz səylərin yetərli olmayacağını bildirir. Qırıq avar isə sevicinizin gözlənilmədən xoşagəlməz bir halla əvəz olunacağına işarə ola bilər.

Avtomobil — Yuxuda avtomobildə getdiyinizi görməniz işlərdə aktivlik və uğurdan xəbər verir. Əgər yuxuda avtomobil qəzasına uğramışsınızsa, belə bir yuxudan sonra iştirak etməyə hazırlaşdığınız əyləncələrdən xoş təəssüratlar gözləməyin. Avtomobil qəzasından qurtulduğunuzu görməniz isə xeyir işarədir: niyyət və istəklərinizə qarşı çıxan rəqibinizlə toqquşmadan yaxa qurtarmağı bacaracaqsınız. Yuxuda maşın almanız da öz əvvəlki nüfuzunusu bərpa etməyi bacaracağınızdan xəbər verən xeyir əlamətdir. Maşını satmaq isə xoşagəlməz dəyişikliklərin əlamətidir. Maşını idarə etmək itkilərdən, bəzən fiziki nasazlıqdan xəbər verir. Maşın gedə-gedə oradan itələnib sallanmış olmaq xoşagəlməz xəbərlərə işarə edir. Yuxuda nasaz maşın görmək də uğursuzluq müjdəçisidir. Sadəcə, avtomobillər görmək səfərlərdən, həyatda baş verəcək dəyişikliklərdən, ürəkaçan səyahətlərdən xəbər verir. Avtomobilinizin yoxa çıxdığını, qaçırıldığını görməniz gələcəyin asılı olduğu bir çox planlarınızın pozulmasına işarə edir. Avtomobildən endiyinizi görməniz isə planlarınızın uğurlu reallaşmasının işarəsidir ki, bu da sizə layiqli bir məmnunluq bəxş edəcək.

Ay — Yuxuda bədirlənmiş Ay görmək sevgidə uğur, sahibkarlıqda müvəffəqiyyət əlamətidir. Ecazkar və qeyri-təbii şəkildə böyük bir Ay görmək isə arzuolunmaz sevgi əlaqəsi, ailədə qanqaraldıcı və işgüzar xarakterli ümüdsizlikdən xəbər verir. Ay tutulması ətrafınıza yayıla bilən yolxucu xəstəlik epidemiyasının ehtimalını artırır. Təzə Ay görmək rifahınızın yüksələcəyindən və gələcəkdə ruhən sizə doğma olan biriyləailə quracağınızdan xəbər verir. Gənc bir xanım yuxuda bəxti-taleyini öyrənmək üçün Aya müraciət etdiyini görmüşsə, taleyin böyük bir bəxşişinə nail olacaq – layiqli bir həyat yoldaşı ilə ailə quracaq. Iki ay görmüşsə, mənfəətpərəstliyi üzündən məhəbbətini itirə bilər. Ayın tutduqnlaşdığını görmüşdürsə, səadətin ən ali zirvəsində qadınlıq nəzakətini itirmək təhlükəsilə üzləşə bilər. Al-qırmızı rəngli Ay görmək isə müharibə və ixtilaflar əlamətidir: bu yuxunu görən xanım sevgilisinin Vətənin müdafiəsi üçün müharibəyə yollandığının şahidi ola bilər.

Ay və ya günəşin tutulması — Yuxuda günəşin tutulmasını görmək, sadəcə, müvəqqəti uğursuzluqlara işarədir. Həmçinin yaxınlarınız da nədənsə narahat ola bilər, lakin xoşagəlməz hadisələrin müddəti qısa olacaq.

Ayaqqabı — Yuxuda öz ayaqqablarınızı cırıq və kirli görmüşsünüzsə, əsassız tənqidinizlə özünüzə düşmən qazana bilərsiniz. Ayağınızda qara ayaqqabı görməniz işlərinizin yaxşılaşacağından, hansısa mühüm bir hadisənin sizə məmnunluq gətirəcəyindən xəbər verir. Təzə əyaqqabı gördüyünüz yuxu xeyriniz olan dəyişikliklərin müjdəçisidir. Ayaqqabının ayağınızı sıxdığını görməniz isə məşuq və ya məşuqənizə rişxənd etməyi arzulayanlar qarşısında zəiflik göstərəcəyinizə dair xəbərdarlıqdır. Ayaqqabıdakı qaytanları açılmış görmək itki, mübahisə və xəstəlik əlamətidir. Ayaqqabı itirdiyinizi görmüşsünüzsə, ətrafdakıların sizinlə əlaqələrini kəsəcəyi və ya ümumiyyətlə, sizdən üz döndərəcəyi ehtimal olunur. Yuxuda ayaqqabınızın oğurlandığını, lakin ayağınızda uzunboğaz və ya qısa corabın olduğunu görməniz reallıqda nəyisə itirmək, eyni zamanda nəyisə qazanacağınızdan xəbər verir. Gənc xanım yuxusunda ayağındakı ayaqqablarına baxıb fərəhləndiyini görürsə onu yeni tanış olduğu adamlarla, xüsusilə də münasibətlərdə məsafə saxlanılması zəruri olan müəyyən tipli kişilərlə ifrat dərəcəli sadəlövlük və təklifsizlik etməməli olduğuna səsləyir.

Ayaqlar — Yuxada yaraşıqlı qadın ayaqlarından xoşunuz gəlmişdirsə, reallıqda sağlam düşüncənizi itirərək, cazibədar bir xanımla sizə yaraşmayan yelbeyinlik edəcəksizin. Eybəcər ayaqlar məşğuliyyətinizin əlverişsiz, dostlarınızın isə əsəbi olduğunu bildirir. Yaralı ayaq itkilərin əlamətidir. Yuxuda ayağınızın taxtadan olduğunu görməniz dostlarla riyakarlıq etmək kimi bir səhvə yol verəcəyinizdən xəbər verir. Ayaqlarınızın yaralı-xoralı olduğunu görməniz maddi gəlirlərinizin azalacağına işarə edir. Ayaqlarınız sözünüzə baxmırsa, yoxsulluq ehtimal olunur. Ayağınızın kəsildiyini görməniz bəzi dostları itirəcəyinizi bildirir. Gənc bir xanım yuxuda öz ayaqlarına heyranlıqla baxmışdırsa, real həyatdakı şöhrətpərəstliyi sevdiyi insanı ondan iyrəndirə bilər. Xanim ayaqlarının tüklü olduğunu görmüşsə, gələcəkdə həyat yoldaşı onun sözündən çıxmayacaq. Ayaqlarınızın yaraşıqlı və düz olduğunu görməniz xöşbəxt gələcəkdən və sadiq dostlardan xəbər verir. Sadəcə, ayaqlarınızı olduğu kimi görmüsünüzsə, nəyəsə görə narahat olacaqsınız. Ayaqlarınızı yumanız başqalarının hiyləgərliyinin sizin planları dəyişməyə çalışacağını bildirir. Ayaqlarınızın şişdiyini və qızardığını görməniz xoşagəlməz olaylara işarə edir: rüsvayçılıq, təhqir, ayrılıq, işlərin kəskin dəyişilməsi ehtimalı var.

Ayğır, dayça — Yuxuda dayça görmək qarşıda layiqli və şərəfli bir mövqe tutacağınız əlverişli bir dövrün yaxınlaşmasından xəbər verir. Gözəl, qədd-qamətli bir atı minmək, nüfuzunuzun və ictimai mövqeyinizin sürətlə yüksələcəyinə işarədir, lakin bu yüksəliş əxlaqınıza və ədalət hissinizə xələl yetirə bilər. Hirslənmiş bir dayça gördüyünüz yuxu sizi əhatə edən dəbdəbənin iddialı və təkəbbürlü olmanıza yol açacağından xəbər verir, bütün bunlar isə dostları sizdən uzaqlaşdıraraq, özünüzü şübhəli zövqlərə sürükləyə bilər.

Ayı — Yuxuda görülmüş ayı ən müxtəlif sahələrdə gözlənilən rəqabət əlamətidir. Ayını öldürmək hansısa çətin bir vəziyyətdən uğurlu qurtuluşa işarə edir. Gənc bir xanımın yuxuda ayı görməsi təhlükli bir rəqibinin və ya hansısa uğursuzluğun olacağından xəbər verir.

Ayıdöşəyi — Yuxuda ayıdöşəyi görməniz reallıqdakı ürəyinizə xoşagəlməz düşüncələrin sevincinizi azaldacağından xəbər verir. Ayıdöşəyinin yarpaqlarını qurumuş və ya solğun görmüşsünüzsə, yaxınlarınızdan bəzilərinin səhhətindəki nasazlıqlar sizi narahat edəcək.

Ayrılma, vida — Yuxuda dostlarla və ya iş ortaqları ilə coşqun şəkildə vidalaşdığınızı görməniz gündəlik həyatınızda çoxlu sayda xoşagəlməzliklərlə üzləşəcəyinizdən xəbər verir. Bədxahlarla kəskin surətdə ayrıldığınızı görməniz isə işgüzar səhədə və sevgdə gözlənilən nəhəng bir uğurun əlamətidir.

Bacı, ögey bacı — Yuxuda gördüyünüz ögey bacı cansıxıcı və zəhlətökən nəzarət əlamətidir.

Badam — Bu yuxu olduqca xoş əlamətdir. Var-dövlət və bolluqdan xəbər verir. Lakin qısa bir müddətdən sonra baş verənlər ovqatınızı bir qədər korlaya bilər. Gördüyünüz badam xarab idisə, müəyyən məqsədlərə çatmaq cəhdləriniz bir müddətliyinə boşa çıxa bilər. Lakin yenə də Tanrının möcüzələr sahibi olduğuna şübhə etməyin, çünki dərmansız dərd yoxdur!

Bağ — Yuxuda sevgilinizlə birlikdə gül-çiçəklə dolu bir bağdan keçdiyinizi görməniz uzunmüddətli bir tanışlığın səadətə qovuşacağından xəbər verir. Gəzişdiyiniz bağı gözəl, yetişmiş meyvələrlə dolu görmüşsünüzsə, işgüzar sahədə sadiq bir işçi olduğunuzun bəhrəsini görəcəksiniz və ya sahibkarlıqda liderlik məqamına yüksələcəksiniz. Xanımlar üçün beləbir yuxu səadətlə dolu yuva, sadiq həyat yoldaşı və üzüyola övladlar vəd edir. Donuzların bağdakı ağaclardan yerə tökülmüş meyvələri yediyini görməniz hansısa bir əmlakınızı itirə biləcəyinizə dair xəbərdarlıqdır. Bağda yetişmiş meyvələr yığmaq hər kəs üçün xöşbəxt bir əlamətdir. Sürünənlərin qaynaşdığı bir bağ görmüşsünüzsə, başqalarının sevinc və kef-səfa içində yaşadığı dövrdə ehtiyac və çətinliklər çəkəcəyiniz ehtimal olunur. Bağdan keçərkən böyürtkən kollarına girdiyinizi görməniz isə qısqanc rəqiblər və ya səs-küylü qalmqallara dair xəbərdarlıq olaraq yozulur. Barsız bağ görmək həyat nərdivanı ilə daha yuxarılara qalxmaq imkanının olmadığını bildirir. Yarpaqları olmayan bir bağ görməniz hazırkı durumunuzdan zövq olaraq, gələcəyə barmaqarası yanaşdığınızın göstəricisidir. Şiddətli küləyə məruz qalmış bir bağ görməniz isə arzuolunmaz qonağın gələcəyindən və ya xoşagəlməz öhdəçiliklərin yaranacağından xəbər verir.

Bağışlama, bağışlanma — Yuxuda etmədiyiniz bir əmələ görə kimdənsə üzr istəməyə, onun sizi bağışlamasına çalışdığınızı görməniz işgüzar sahədəki vəziyyətdən narahat olacağınızdan, lakin son nəticədə hər şeyin sizin üçün son dərəcə uğurlu bitəcəyindən xəbər verir. Etdiyiniz əmələ görə üzr istəməyə çlışdığınızı görməniz işlərindizdəki qarışıqlığı uğurla yoluna qoyacağınızı bildirir. Yuxuda bağışlama almaq isə reallıqdakı bir sıra uğursuzluqlardan sonra çiçəklənmə dövrünün başlanğıcına işarə edir.

Bahar — Yuxuda baharın gəldiyini görmək möhkəm dostluq əlaqələrinin yaranacağından və işlərin uğurla inkişaf edəcəyindən xəbər verir. Erkən və ya gecikmiş bahar isə həyəcan və narahatlıq əlamətidir.

Baqaj — Yuxuda baqaj görmək xoşagəlməz xəbərlərin əlamətidir. Sizə ziyan vurmaq niyyətində olan insanlar üzündən bir sıra problemlərlə üzləşəcəyiniz gözlənilir. Yuxuda özünüzü şəxsi baqajınızı daşıyan görmüsünüzsə, real həyatda başınız öz qayğılarınıza o qədər qarışacaq ki, ətrafdakıların möhnətinə biganə qalacaqsınız. Baqajı itirmək həqiqətdə birja oyununda uğrsuzluq və ya ailədə söz-söhbət vəd edir. Ailəli olmayanlar üçün belə bir yuxu şəxsi münasibətlərdə inciklik əlamətidir.

Bal (rəqs gecəsi) — -Yuxuda valehedici musiqi sədaları altında rəqs edən gözəl geyimli xoşagələn insanlar görmüsünüzsə, yaxşı əlamətdir. Əgər rəqs gecəsində özünüzü ətrafdakıların diqqətsizliyi üzündən kefsiz görmüsünüzsə, yaxın gələcəkdə alacağınız xəbərlər o qədər də ürəkaçan olmayacaq.

Bal — Yuxuda bal görmək yaxın gələcəkdə əhəmiyyətli bir var-dövlətə sahiblənəcəyinizdən xəbər verir. Süzgəcdən keçirilmiş bal görmək uğur və dincliyin əlamətidr, lakin bununla belə, hansısa həyata keçməmiş arzularınız daim qəlbinizi narahat edəcək. Bal yemək zənginlik və məhəbbət müjdəçisidir. Sevgililər üçün belə bir yuxu ailə həyatının sevincindən xəbər verir.

Bal arıları — Yuxuda görülmüş bal arıları uğurlu və mənfəətli sazişlərin müjdəçisidir. Zabitlər üçün bu yuxu tabeliklərində olacaq insanların üzüyola, itaətkar və intizamlı olacağının, işgüzar adamlar üçün ticarət dövriyyələrinin inkişaf edəcəyinin, valideyinlər üçün isə övladlarının yüksək əxlaqına sevinəcəklərinin əlaməti kimi yozulur. Bal arısının sancmasını görməniz itkiyə və ya dostlardan birinin təhqirinə məruz qalacağınıza işarə edə bilər. Bütöv bir arı beçəsinin sizi təqib etdiyini görməniz isə sağlamlıq əlamətidir. Arı beçəsinin sizin övladınızı təqib etdiyini gördüyünüz yuxu xüsusilə xeyir əlamət sayılır.

Balet — Baletlə bağlı bir yuxu ailə münasibətlərində vəfasızlıq, həmçinin biznesdə, maliyyə işlərində uğursuzluq, sevgililər arasında söz-söhbət vəd edir.

Balıq, baliq ovu — Yuxuda təmiz sularda üzən balıqlar görmüşsünüzsə, talenin sizə səxavətli hədiyyələri olacaq. Ölü balıq kədər və itki əlaməti hesab olunur. Gənc bir xanımın yuxusunda diri balıq görməsi xöşbəxt bir məhəbbətdən xəbər verir. Balıq ovlayıb tutduğunuzu görməniz möhkəm iradə ilə öhdəsindən gələcəyiniz sınaqlarda işarə edir. Əlinizdə balıq toru tutaraq suda hərəkət etdiyinizi görməniz tədbirli olmağınız və zirəkliyiniz sayəsində uğura nail olacağınızdan xəbər verir. Balıq ovunu seyr etdiyinizi görmüşsünüzsə, yüksək enerjiylə dolğunlaşaraq, münbit şəraitdən səmərəli yararlanmağı bacaracaqsınız. Balıq ovundan əliboş qayıtdığınızı görməniz və arzularınızın bihudəliyinə dair xəbərdarlıq kimi yozulur. Balıq bazarına getdiyinizi görmüsünüzsə, gerçək həyatda sevinc və firavanlıq gözlənilir. Balıq toru görmək tapıntı və nəaliyyətlər vəd edir, lakin tor zədəli idisə, məyusluq ehtimalı var. Yuxuda əlinizə balıqçı qarmaqları götürdüyünüzü görməniz isə taleyinizi öz əlinizlə qurmaq üçün istənilən imkanlara sahib olduğunuzun göstəricisidir.

Balıqqulağı — Yuxuda balıqqulağı və ya yosunlarla dolu dayazlıqlar görmək firavanlıq və məmnunluq əlamətidir; sərf etdiyiniz səylər ümüdlərin gerçəkləşməsilə nəticələnəcək. Boş dayazlıqlar özü ilə ümüdsüzlük və mənəvi narahatlıq gətirən itkilərə işarə edə bilər. Yuxuda dayazlıqlarda gəzişərək balıqqulağı yığdığınızı görməniz israfçılığa meyilli olduğunuz üzündən ziyana uğraya biləcəyinizdən xəbər verir. Belə bir yuxunuz üzündən ziyana uğraya biləcəyinizdən xəbər verir. Belə bir yuxudan sonra bihudə sərf etdiyiniz vaxt üçün peşmançılıq gözlənilir.

Balta, təbərzin — Yuxuda balta görməniz reallıqda yaşayacağınız sevinclə məmnuniyyətin sizin enerjinizlə cədlərinizdən asılı olduğunu bildirir. Başqalarının əlində balta görməniz isə həyatınızı bəzəyən şən və sadiq dostlarınızın olduğunun göstəricisidir. Qadın xeylağı üçün belə yuxu bir o qədər zəngin olmasa da, layiqli bir pərəstişkarlarının olacağından xəbər verir. Qırıq və ya paslı balta isə xəstəliyə, sərvət və əmlakı itirilməsinə işarə edə bilər.

Banan — Yuxuda banan görmək cansıxıcı və xoşagəlməz bir iş ortağı ilə ünsiyyət vəd edir. Bananı yemək yeni, lakin riskli işlərin yaranması və zorla qəbul olunmuş öhdəliklər deməkdir. Yuxuda xarab olmuş banan görmək yaxın gələcəkdə xoşagəməz bir işə sövq olacağınızdan xəbər verir. Banaları satmaq mənasız işlərlə məşğul olma ehtimalını artırır.

Bank — Yuxuda boş-bekar bank kassirlərini görmək şəxsi işlərdə itki və problemlərdən xəbər verir. Banka qızıl pullar vermək yelbeyinlik, səliqəsizlik, ehtiyyatsızlıq, qızıl pulları almaq isə gəlir və çiçəklənmənin əlamətidir. Böyük miqdarda toplanmış gümüş və banknot görmək nüfuz və uğurun müjdəçisidir. Bu o deməkdir ki, siz cəmiyyətin bütün təbəqələrində dərin hörmət sahibi olacaqsınız.

Banket — Yuxuda banket görmək yaxşıdır – dostlar sizə qarşı iltifatlı olacaq. Özünü şən, gözəl geyimli, bahalı qab-qacaqdan yemək yeyib, son dərəcə qiymətli şərab içən qonaqlar arasında görmək istənilən işlərdə misli görünməz uğur və dostlar arasında səadət vəd edir. Yuxuda qeyri-səmimi və bədniyyət qonaqlar arasında olmaq reallıqda son dərəcə ağır anlaşılmazlıq, dedi-qodu və söz-söhbətin əlamətidir.

Bankrot (iflas) — Əgər yuxuda borclarınızı ödəyə bilməyib özünüzü iflasa uğramış görürsünüzsə, reallıqda bu kimi təhlükədən qətiyyən qorxmayın. Əksinə, yüksək enerjinizlə özünəarxayınlığınız işlərinizi yüksək səviyyədə yoluna qoymanıza yardımçı olacaq. Lakin qəlbinizi sıxan digər səbəblər də mümkündür.

Əgər yuxuda başqa adamları iflasa uğramış görmüsünüzsə, real həyatdakı iş sahəsində rastınıza çıxanlar nəcib, vicdanlı insanlar olacaq. Halbuki ifrat dərəcədə səmimiliklərilə onlar bəzi işlərinizi korlaya da bilər.

Gənc bir adamın iflasla bağlı yuxu görməsi sevgilisilə yüngülvari küsülükdən xəbər verir ki, bu incikliyin səbəbi də fikir ayrılığı ola bilər.

Baraban (təbil) — Yuxuda zəif təbil səsləri eşitmək uzaqda olan bir dostunuzun darda olduğu və sizdən imdad dilədiyi mənasına gəlir. Təbilin özünü görmək kiminsə sizə qarşı simpatiya və xeyirxah münasibət bəslədiyindən xəbər verir. Dənizçi, balıqçı, kəndli və ticarətlə məşğul olanlar üçün bu yuxu uğur və çiçəklənmə əlamətidir.

Barı, sürahi — Yuxuda barı və a sürahi görmək reallıqda sizin işinizə və ya ailə-sevgi münasibətlərinizə ziyan vermək niyyətində olduğunun əlamətidir. Sürahidən yapışdığınızı görməniz isə dəlicəsinə sevdiyiniz bir adamın məhəbbətini, etimadını itirməmək üçün əlinizdən gələni əsirgəməyəcəyinizdən xəbər verir.

Barmaqlar — Yuxuda əlinizin baş barmağını görməniz hiyləgər adamların və müəmmalı uğurun qurbanına çevrilə biləcəyiniz təhlükədən xəbər verir. Baş barmağınızın ağrıdığını duymusunuzsa, işlərdə uğursuzluq ola bilər. Baş barmağınızın olmadığını görməniz də ehtiyac və tənhalığa işarə edə bilər. Baş barmağınızı qeyri-təbii dərəcədə kiçik görməniz ötəri bir sevincdən xəbər verir. Qeyri-təbii dərəcədə böyük ölçülü barmaq isə uğurunuzun böyük və parlaq olacağını bildirir. Baş barmağınızı çirklənmiş görmüsünüzsə, reallıqda mübtəlalığınıza uyaraq zövq yaşayacaqsınız. Baş barmağınızın dırnağının həddindən artıq uzun olması isə müəmmalı əyləncələr dalınca düşmənizin sizi günaha sürükləyəcəyini bildirir. Əl barmaqlarını çirkli, səliqəsiz görmək kədər əlamətidir. Gözəl, təmiz, ağ dərili, səliqəli barmaqları olan əllər görməniz isə reallıqda yaşadığınız hisslərin layiqincə dəyərləndiriləcəyindən xəbər verir. Xeyirxahlığınızla səxavətiniz sizə məşhurluq gətirəcək. Əl barmaqlarınızın olmadığını göməniz isə maliyyə çətinliklərinin əlamətidir.

Barometr — Yuxuda barometr görmək yaxın gələcəkdəşəxsi  işlərdə gəlir gətirəcək dəyişikliklərin baş verəcəyindən xəbər verir. Əgər barometr sınıqdırsa, alacağınız xəbərlər bir o qədər də xoş olmayacaq.

Baş — Yuxuda kiminsə başını görmüsünüzsə, reallıqda güc, səlahiyyət sahibi olan və sizə real yardım göstərə bilən nüfuzlu şəxslərlə mühüm görüşünüz gözlənilir. Öz başınızı görməniz xəstəlik əlamətidir. Kəsiliş və qanlı baş görmək işlərdə pozuntular və digər xoşagəlməzliklərin əlamətidir. Yuxuda özünüzü ikibaşlı görməniz yaxın gələcəkdə karyerada yüksəlişdən və digər uğurlardan xəbər verir. Şişmiş baş və ya uşaq başı olan yuxular da çox ümüdlər verən bir yuxudur. Yuxuda kəskin baş ağrısı hiss etmək qayğılara işarədir. Başınızı yuduğunuzu görmüsünüzsə, reallıqda bütün sağlam düşüncənizi cəmləyərək, kamallı və məhsuldar addımlar atacaqsınız. Heyvan başı görmək isə dost və məşğulluq seçimində diqqətsizlik və etniasızlıq göstərəcəyinizə işarədir.

Başgicəllənməsi — Yuxuda başınızın gicəlləndiyinizi görməniz itkilərdən, uğursu işlərdən və ailədə söz-söhbətdən xəbər verir.

Baş kilsə, came — Yuxuda az qala səmaya ucalan, hündür günbəzləri olan nəhəng kafedral bir kilsə görsəniz qısqanc təbiətinizin və həm mənəvi, hə də fiziki baxımdan əlçatmaz şeylərə meyilli olmanız sizə məyusuqdan başqa bir şey bəxş etməyəcəyindən xəbər verir. Lakin kilsəyə daxil olduğunuzu görmüşsünüzsə, həyatda bir çox şeylərə nail olacaqsınız, ətrafınızda isə çoxlu sayda müdrik və alim insanlar toplaşacaq.

Baş örtüyü — Yuxuda dəbdəbəli, bahalı baş örtüyü görmək uğur və məşhurluqdan xəbər verir. Baş örtüyü köhnə və nimdaşdırsa, sahib olduğunuz hansısa əmlakınızı güzəştə getmək məcburiyyətində qalacaqsınız.

Bataqlıq — Yuxuda bataqlıqda, yaxud da durğun sular olan yerlərdə gəzmək xoşagəlməz hallardan xəbər verir. Gözlənilən miras qeyri-real olacaq, sevgi münasibətlərində ümüdsizlik yaşanacaq. Yox, əgər yuxuda bataqlıqda gəzərkən təmiz gölməçələrə və yaşıl təpəciklərə rast gəlmisinizsə, işlərdə uğura nail olacaqsınız və təhlükəli olan fitnə-fəsadlara qarşı daha diqqətli olmağa başlayacaqsınız. Özünüzü bataqlığın ortasında görməniz borcunuzu layiqincə yerinə yetirmək iqtidarıda olmadığınıza dəlalət edir. Başqalarını bataqlıqda görmək yaxınlarınızın sizi məyus edə biləcəklərini bildirir. Belə bir yuxu həmçinin xəstəlik əlaməti də ola bilər.

Bayquş — Yuxuda eşitdiyiniz qəmgin və boğuq bayquş qışqırtısı xoşagəlməz olayların əlaməti ola bilər. Belə bir yuxudan sonra özünüzün və yaxınlarınızın həyatını qoruyaraq, ehtiyyatlı olmanız tövsiyə olunur. Həmçinin xoşagəlməz xəbərlər də ehtimal olunur. Ölü bayquş görməniz xöşbəxt təsadüf nəticəsində ağır bir xəstəlikdən qurtula biləcəyinizdən xəbər verir. Bayquş görməniz böhtana uğraya biləcəyinizə və ya hücum təhlükəsinə məruz qalacağınıza dair xəbərdarlıqdır.

Bayraq — Yuxuda müharibə dövründə milli bayraq görmək qələbənin, sülh və əmin-amanlıq dövründə isə çiçəklənmənin əlaməti olaraq yozulur. Qadın xeylağının yuxuda bayraq görməsi meylini salacaq adamın hərbçi olacağına işarə edir. Xarici ölkələrin bayraqlarını görmək millətlər və qonşular arasındakı münasibətlərin və etimadın pozulacağından xəbər verir. Yuxuda kiminsə sizə bayraq vasitəsilə məlumat verdiyini, işarələr etdiyini görməniz xəbərdarlıq hesab olunur: səhətinizə qarşı diqqətli olun və təmiz adınızı qoruyun, bu nemətin hər ikisi təhlükə altına düşə bilər.

Bayram ziyafəti, banket — Yuxuda bayram ziyafəti görmək ürəkaçan gözlənilməzliklərin əlamətidir. Ziyafətdə intizamsızlıq hökm sürmüşsə, kiminsə səhlənarlığı üzündən mübahisə və qanqaraldıcı hallar artır. Bayram ziyafətinə yubandığınızı görməniz qarşıdakı narahat günlərin xəbərdarlığıdır. Yuxuda tez-tez səs-küylü bayram ziyafətlərində iştirak etdiyinizi görürsünüzsə, deməli, həyatın qəddar reallıqlarına qarşı çox etinasızlıq göstərirsiniz. Bu yuxu, həmçinin sizin əsla kimdənsə asılı olmaq istəməyəcəyinizin göstəricisidir.

Bazar — Yuxuda bazarda olduğunuzu görməniz yaradıcılığın istənilən sahəsində böyük aktivlik və qənaətkarlıq göstərəcəyinizdən xəbər verir. Boş bazar işlərdə depressiya və ruh düşkünlüyünün əlaməti hesab olunur. Bazarda çürüyən tərəvəzlər və ət görmək işlərdə itkilərə işarə edə bilər. Gənc xanım üçün yuxuda görülmüş bazar taleyində ürəkaçan dəyişikliklərin baş verəcəyindən xəbər verir.

Bel çantası — Yuxuda bel çantası görməniz dostluq dairənizdən kənar bir mühitə böyük mənəvi zövq alacağınızdan xəbə verir. Qadın xeylağını yuxuda köhnə, yamaqlı bel çantası görməsi, taleyi özünə ram etmək üçün əlindən gələni etməzsə, kasıblıq və ümüdsüzlük içində qala biləcəyinə dair xəbərdarlıqdır.

Bel, kürək — Yuxuda çılpaq kürək görmək ixtiyarın, səlahiyyətin itkisinin əlamətidir. Bu yuxu hazırkı durumda pul borc verməyin və ya kiməsə məsləhətlər etməyin təhlükəli olduğuna dair xəbərdarlıqdır. Çox vaxt bu yuxu xəstəliyə də işarə edir. Kiminsə sizə arxa çevirərək çıxıb getdiyini gördüyünüz yuxu isə paxıllıqla qısqanclığın birləşərək, sizə qarşı mübarizə apardığının göstəricisidir. Öz kürəyinizi gördüyünüz yuxu da ürəkaçan əlamət sayılmır.

Belləmə işləri — Yuxuda belləmə işləri görmək qarşıda sizi çətin, lakin firavan bir həyatın gözlədiyini xəbər verir. Quyu qazarkən parlayan qiymətli əşyalar tapdığınızı görmüsünüzsə, tale sizə qarşı son dərəcə rəhmdil olacaq. Lakin qazdığınız quyuda geniş boşluqlar görmüsünüzsə, ehtiyyatlı olun, bir sıra xoşagəlməz hallarla üzləşə bilərsiniz. Qazdığınız quyunun suyla dolduğunu görməniz isə son dərəcə ciddi-cəhdlərinizə baxmayaraq, vəziyyətin sizin iradənizə tabe olmayacağının əlamətidir.

Beşik, nənni — Yuxuda içində gözəl-göyçək bir uşaq olan beşik görməniz çiçəklənmənin və övladlarınızın sizə olan istəyinin artmasının əlamətidir. Öz övladınızı beşikdə yırğaladığınızı görməniz ailə üzvlərindən hansınınsa narahatlığına işarə edir. Gənc bir xanımın yuxuda beşik yırğaladığını görməsi məşum bir məğlubiyyət əlamətidir. Dedi-qodudan ehtiyyatlı olması məsləhət görülür.

Beyin — Yuxuda öz beyninizi görməniz reallıqda hansısa xoşagəlməz hadisələrin sizi qıcıqlandıracağından və ürəyinizcə olmayan bir şərik və ya yol yoldaşıyla əlaqəli olmaq məcburiyyətində qalacağınızdan xəbər verir. Heyvanların beynini görmək həyat çətinliklərindən sarsılacağınıza işarə edir. Beyin (xörək) yeməniz gözlənilməz surətdə zəngin biliklər və ya böyük gəlir əldə edəcəyinizi bildirir.

Bədbəxt hadisə — Yuxuda bədbəxt hadisənin şahidi olduğunuzu görməniz, taleyiniz, sağlamlığınızın sizin üçün önəmlidirsə, bir müddətliyinə səfərləri təxir salmanıza dair bir çağırışdır.

Bəbəxtlik, fəlakət — Yuxuda hansısa bir fəlakət məngənəsində olduğunuzu görməniz reallıqda uzunmüddətli uğursuzluq və xoşagəlməz prspektivlər əlamətidir. Başqalarının fəlakətini görməniz vəziyyətin qarışıq olacağından xəbər verir. Özünüzü xəstə görmüsünüzsə, məqsədinizə çatmaq üçün son dərəcə həyəcan keçirəcəksiniz. Köhnə yuxuyozma kitablarında belə bir yuxu çiçəklənmə əlaməti kimi şərh olunur. Fikrimizcə bu şərh düzgün deyil. İnsanın madiyyatını iki qüvvə idarə edir: daxili və xarici qüvvələr. Bu qüvvəllər bir-birindən olduqca uzaq sahələrdən irəli gəlir. İnsanın şəhvani tələbatlarının nüfuz etdiyi beyinlə mənəvi idrak yuxuların bir-birinə zidd tərkibli olmalarına təsir edir. Sözügüdən bu iki qüvvə ahəng təşkil etsəydi, yuxunun mənəvi təsviri onu görən adamnın həyatında tam dolğunluğu ilə əks olunardı. Cismin xoşagələn təssüratları mənəvi sarsıntılara səbəb olur. Cismani həyatın üstünlüyü mənəvi amillərin insanın ruhuna təsirini zəiflədir. Bədbəxtsizlik sınaqları əksər hallarda ruha sevinc, cismə isə kədər bəxş edir. Kədərli ruhun ağlaması yatan bir idraka sirayət etməsi yuxu görən adama dünyəvi sevic vəd edə bilər.

Bəxtli adam — Yuxuda özünüzü bəxtli görməniz olduqca uğurlu prespektivlərin əlamətidir. Bu yuxu ən ümdə arzularınızın həyata keçəcəyinin və məşuliyyətinizin ürəyinizcə olacağının müjdəçisidir. Ümidini itirənlərə də yuxu işlərini çiçəklənməyə doğru aparmalarına səbəb olacaq ruh yüksəkliyi vəd edir.

Bəraət — Yuxuda hansısa bir cinayətdə qazandığınızı görməniz reallıqda bir əmlaka yiyələnmək astanasında olduğunuzu bildirir, lakin bunun üçün məhkəmə çəkişməsi təhlükəsi də ehtimal olunur. Başqalarının bəraət qazandığını görməniz isə dostlarınızın sizin həyatınızda ürəkaçan bir iştirakından xəbər verir.

Bərbər — Yuxda bərbər görməniz işgüzar sahədə mövqelərinizin uğrunda apardığınız mübarizəylə səliqənizin sizi uğura gətirib çıxaracağından xəbər verir. Gənc bir xanımın yuxuda bərbər görməsi gələcəkdə hazırkı halından daha xöşbəxt və bəxti gətirən olacağına, lakin bununla belə, taledən narazı qalacağına işarə edir. Yuxuda bərbərə getməyə hazırlaşdığınızı görmüsünüzsə, yaxın gələcəkdə sövq oluna biləcəyiniz sensasiyalı bir hadisəyə hazır olmalısınız. Qadın xeylağı üçün belə bir yuxu özünün günahı üzündən aildə soyuqluq yaranma ehtimalı kimi yozulur. Bərbərin onun saçlarını olduqca gözəl bir şəklə saldığını görməsi isə həqiqətdə əhəmiyyətsiz şeylər dalınca qaçmasının ona məyusluqdan başqa heç nə gətirməyəcəyindən xəbər verir.

Bərə, sal — Yuxuda bərə (sal) görməniz reallıqda uğurla nəticələnəcək bir təşəbbüstə iştirak etmək üçün yaşayış yerinizi dəyişmək məcburiyyətində qalacağınızdan xəbər verir. Özünüzün bərə ilə bir sahildən o birinə keşdiyinizi görməniz müəmmalı bir səyahətə işarə edə bilər. Yollandığınız yerə çatmışsınızsa, sözsüz ki, uğur sahibi olacaqsınız. Üzərində üzdüyünüz bərədə hansısa bir zədə və ya deşiyin olduğunu görmüsünüzsə, ya özünüzün, ya da yaxınlarınızdan birinin səhhətində narahatlıqlar yarana bilər.

Bəsirət, gələcəyi görmə, baxıcılıq — Yuxuda baxıcı olduğunuzu və gələcəyinizdən xəbər verməyi bacardığınızı görməniz hazırkı məşğuliyyətlərinizdə köklü dəyişikliklərin, onların ardınca isə xain adamların iştirakıyla bir sıra uğursuz toqquşmaların baş verəcəyini bildirir. Gələcəkdən xəbər verən adamın yanına gəldiyinzi görməniz isə uğursuz kommersiya işlərinə və bəxtsiz bir nikaha işarə edir.

Bibliya — Yuxuda Bibliya oxumaq real həyatda saf və pak bir nəşə imkanı əldə edəcəyinizdən xəbər verir. Özünüzün Bibliya nəzəriyyəsini inkar etdiyinizi görməniz nəfsinizin sizi aldadacağının əlamətidir.

Biclik, hiyləgərlik — Yuxuda hiyləgər olduğunuzu hiss etməniz reallıqda bacarıqlı və xeyirxah insanların dostluğunu qoruyub-saxlamaq şanslarınızın böyük olduğuna işarə edir. Hiyləgər adamlarla birləşdiyinizi gördüyünüz yuxu hərəkətlərinizin sizin özünüzə qarşı istifadə olunacağına, üsullarınızın da düşmənlərinizə xidmət edə biləcəyinə dair xəbərdarlıqdır.

Bıçaq — Yuxuda bıçaq görmək mübahisə, ayrılıq və işlərdə itkiləri ifadə edən bir əlamətdir. Paslı bıçaqlar ailədə narazılığa və ya sevgili ilə ayrılığa işarə edir. İti və cilalanmış bıçaqlar isə nigarançılıqdan xəbər verir. Qırıq bıçaqlar xəyalların puça çıxacağından xəbər verir. Bıçaqla yaralandığınızı görməniz ailədə söz-söhbətə və yaxud da rəqiblərin fitnə-fəsadına işarə edir. Subay adamlar üçün belə bir yuxu rüsvayçılıqdan xəbər verir. Yuxuda özünüzün əlinizdə bıçaq kiminsə üzərinə hücum etdiyinizi görmüsünüzsə, gerçək həyatda xasiyyətinizin zəifliyi müşahidə olunacaq; özünüzdə yüksək ədalət hissini tərbiyə etmək üçün çox çalışmalı olacaqsınız.

Biçin, məhsul yığımı — Yuxuda məhsul yığımını seyr etmək çiçəklənmə və əmin-amanlıqdan xəbər verir. Məhsulun bol olması kəndlilər və siyasətçilər üçün xoş əlamətdir. Az məhsul isə ürəkaçan əlamət deyil.

Bığ — Yuxuda bığ saxladığınızı görməniz özünəvurğunluğunuzla əminliyinizin əhəmiyyətli bir miras əldə etməyinizə mane olacağından və sizi qadınlara qarşı xainlik etməyə sövq edəcəyindən xəbər verir. Qadın xeylağının yuxuda bığlara məftun olduğunu görməsi comərdliyinin təhlükə altında olduğuna işarə edir, bu səbəbdən davranışında ehtiyyatlı olması məsləhətdir. Kişi xeylağının yuxuda bığlarını qırxdığını görməsi əyyaşlar kompaniyasından uzaqlaşaraq, hörmətli və layiqli bir insan mövqeyinə qayıtması üçün əlindən gələni əsirgəməyəcəyindən xəbər verir.

Bikarçılıq — Yuxuda bikarçılıqdan yorulmaq işlərdə böyük bir uğursuzluqdan, ümüdlərin puça çıxmasından xəbər verir. Avaraçılıqla məşğul olan dostlarınızı görmək reallıqda onlarla bağlı xoşagəlməz xəbərlər ala biləcəyinizin əlamətidir. Əgər gənc bir xanım yuxusunda boş-avara həyat tərzi sürdüyünü görürsə, real həyatda zərərli vərdişlərə meyillənəcəyindən və uğursuz ailə qurma ehtimalından xəbər verir.

Bildirçin — Yuxuda diri bildirçinlər görmək son dərəcə xoş bir əlamətdir, vurulmuş bildirçinlər isə ciddi problemlərə işarə edə bilər. Özünüzün bildirçini vurduğunuzu görməniz reallıqdakı ən yaxın dostlarınızla son dərəcə qəddar davranacağınızı bildirir. Bildirçin əti yeməniz isə israfçı və bədxərc olduğunuzun göstəricisidir.

Bilərzik — Yuxuda öz qolunuzda bilərzik görməniz məşuqunuzun və ya yaxın dostunuzun sizə hədiyyə verəcəyindən xəbər verən erkən və xoşbəxt evliliyin işarəsidir. Əgər gənc bir xanım yuxuda bilərziyini itirirsə, onu müxtəlif cür xoşagəlməz hallar gözləyir. Yuxuda bilərzik tapmaq böyük var-dövlətə sahiblənəcəyinizi bildirir.

Bilyard — Yuxusunda bilyard görən adamı əmlakla bağlı məhkəmə çəkişmələri və xoşagəlməz anlar gözləyir. Şər-böhtan üzündən itkilər verəcəksiniz. Bilyard masası ilə şarları oyundankənar görmək dostlarınızın sizə zərər verəcəyinin əlamətidir.

Bina — Yuxuda qarşısında yaşıl qazonları olan gözəl, nəhəng binalar görmək uzun və səfalı bir ömrün, uzaq ölkələrə çoxlu sayda səyahətlərin və kəşflərin müjdəçisidir. O qədər də böyük olmayan və yeni tikilmiş binalar, evlər görmək möhkəm ailə münasibətlərinə, işlərdə isə uğurlu və mənfəətli təşəbbüslərə işarə edir. Lakin əgər gördüyünüz evlər köhnə və kirlidirsə, sağlamlığın zifləməsi, işlərin tənəzzülü və yaxınlarla münasibətlərdə soyuqluq ola bilər. Yuxuda hansısa bir evin inşa olunduğunu müşahidə edirsinizsə, reallıqdakı işlərinizdə tezliklə yeni bir istiqamət yaranacaq. Özünüzü gözəl bir evin sahibi kimi görməniz isə taleyin sizə qarşı çox rəhmdil olacağından əmin ola bilərsiniz.

Birələr — Yuxuda bit-birə görmək hansısa bir yaxınınızın öz fitnə-fəsadları ilə sizi əsəbləşdirəcəyindən xəbər verir. Bir xanım yuxuda birələrin onu çaldığını görürsə, gerçəkdə rəfiqələri onu şərə-böhtana sala bilər. Əgər xanım məşuqunun üzərində birələr görürsə belə bir yuxu onun məşuqunun vəfasızlığına işarədir.

Biskvit — Yuxuda biskvit bişirib yeyirsinizsə, reallıqda sağlamlığınızda müəyyən problemlər yarana bilər. Bəlkə də mənasız ailə münasibətləri ciddi çəkişmələrə gətirib çıxaracaq.

Biş-düş, xörək — Yuxuda biş-düşlə məşğul olduğunuzu görməniz yaxın gələcəkdə ürəkaçan bir vəzifəyə yiyələnəcəyinizin əlamətidir. Həmçinin çox əziz dostlarınızın sizi ziyarət edəcəyi də gözlənilir. Yuxunuzdakı biş-düş zamanı hansısa bir işin öhdəsindən gəlmədiyinizi görməniz isə narahatlıq və dilxorluq gətirə biləcək olaylara dair xəbərdarlıqdır.

Bit — Yuxuda bit görmək kədər və məyusluq əlamətidir. Çox zaman belə yuxu nasazlıqlardan xəbər verir. Ev heyvanının üzərində bit görmək aclıq və itkilərin ehtimalıdır. Birəni yuxuda öz üzərinizdə görmüsünüzsə, reallıqda köhnə tanışlarla münasibətdə nümayiş etdirə biləcəyiniz nəzakətsizlik heç də müsbət nəticələr verməyəcəkdir. Biti tutmağı bacarmısınızsa, sağlamlığınızda bəzi problemlər yarana bilər və siz bu məsələyə son dərəcə ciddi yanaşacaqsınız. Ümumiyyətlə, bitlə bağlı bütün yuxular sağlamlıq və ya düşmən həmlələrilə bağlı narahatlıqlardan xəbər verir.

Bitki — Yuxuda yaşıl bitki görməniz dərin bir məmnunluq hissi ilə nəticələnəcək qayğıların əlamətidir. Gördüyünüz bitkinin zəhərli olduğu izah edilən yuxu mümkün fitnə-fəsada dair xəbərdarlıq olaraq yozulur. Faydalı bitkilər görmək dostlar arasında mehriban münasibətlərin, ailədə də sevgi və əmin-amanlığın əlami hesab olunur. Evinizin yanında bitən həmişəyaşıl bitki və ya həmişəyaşıl kol görməniz isə firəvanlıq və sizi xöşbəxt edəcək biliklər əldə edəcəyinizi vəd edir.

Blinlər (nazik kökə) — Yuxuda blinlər yemək başladığınız hər bir işdə misilsiz uğura sahib olacağınızı bildirir. Blinlər bişirmək isə öz evinizdə qənaətcil və səliqəli olacağınıza işarədir.

Boa ilanı — Yuxuda boa ilanı görmək şeytan görmək kimi bir şeydir: bu yuxu təlatümlü dövrün gələcəyinə və uğursuzluqların çoxalacağına işarə edir. Həmçinin bu yuxunun ardınca ümumilikdə insan təbiətindən məyusluq hissi keçirəcəyiniz də ehtimal olunur. Boanı öldürdüyünüzü görməniz isə xoş əlamətdir.

Boğaz, hülqum — Yuxuda sağlam, təmiz bir boğaz görmüsünüzsə, vəziyyətiniz xeyli düzələcəkdir. Əgər yuxuda boğazınız ağrıyırsa, deməli, dostunuza dəyər vermək məsələsində səhv edirsiniz və yaxın zamanda bu səhviniz sizə narahatlıq gətirə bilər.

Bolluq — Gənc bir xanımın yuxuda özünün misli görünməmiş, əfsanəvi bir bolluq içində yaşadığını görmüşsə, reallıqdakı həyatı bir müddətliyinə gördüyü yuxuya bənzəsə də, nəticədə aldanmış olacaqdır. Bir qədər sonra isə yoxsulluq və rüsvayçılıqla üzləşmə ehtimalı da böyükdür. Bu sayaq yuxular xəbərdarlıq sayılır. Gənc xanımlar yuxuda az qala həqiqətə bənzəyən zənginlik və rahatlıqdan zövq aldıqlarını görəndə, həmişə reallıqda da gördükləri yuxuya oxşar bir həyata qovuşmaq hissi ilə oyanırlar və yuxudan oyanmaları onların ovqatını pozur. Onların gördükləri yuxu nəticəsində gərilmiş təxəyyülləri, tənbəl hərəkətlərilə istəkləri bir-birilə ziddiyyət təşkil edir. Bu vəziyyəti isə yalnız enerji və sayıq təcrübəylə ardan qaldırmaq mümkündür. Heç bir gənc xanım bu sayaq yuxuların təsiri altına düşüb, boş xülyalara qapılmamalı, istənilən ideaları gerçəkləşdirməyin mümkün olduğunu unutmamalıdırlar.

Bolonka (ağ, yumşaq tüklü otaq iti) — Yuxuda bolonka görmək reallıqda yaxın dostlarınızın öz kəmiyini sizdən əsirgəməyəcəklərinə işarə edir. Əgər gördüyünüz it çox arıq və xəsdədirsə, kədərli prespektivlər gələcəyinizi pisləşdirə bilər.

Bolt — Yuxuda boltlar, rəzələr və sair bu kimi ehtiyat hissələri görmək müəyyən çətinliklərlə üzləşə biləcəyinizdən xəbər verir. Əgər boltlarda rəzələr köhnə və lazımsızdırsa, demək olar ki, bütün ümüdləriniz əbəs olacaqdır.

Borc — Yuxuda borc görmək xoşagələn əlamət deyil, bu sayaq yuxular sevgidə uğursuzluqdan və əmlak mübahisələrindən xəbər verir. Lakin əgər yuxuda bütün borc iltizamlarınızı yerinə yetirmişsinizsə, real həyatdakı işləriniz ürəkaçan məcrada inkişaf edəcək.

Borc vermək — Yuxuda kiməsə borca pul verdiyinizi görməniz reallıqda maliyyə hesabatlarının ödənilməsi və sair bu sayaq çətinliklərlə üzləşə biləcəyinizin əlamətidir. Müxtəlif cür əşyaları borc verdiyinizi görmüsünüzsə, insanlara comərd yardımçı yolunu tutmaqla, özünütəkmilləşdirmə qərarına gələcəksiniz. Yuxuda kiməsə şəxsi əşyalarınızı borc verməkdən imtina etdiyinizi görməniz öz işlərinizə böyük maraq göstərcəyinizdən və beləliklə, ətrafdakıların hörmətini qazanacağınızdan xəbər verir. Kiminsə sizə pul və ya hansısa əyşayaları borc verməyi təklif etdiyinizi görməniz isə möhkəm bir dostluğun yaranacağının əlamətidir.

Borc, borc almaq — Yuxuda borca pul götürmək reallıqda itkilərə və hansısa bir dəstəyin olmayacağına işarədir. Bank sahibi üçün yuxuda başqa bir bankdan borc götürdüyünü görməsi reallıqda bankına daxil olan sərmayələrin qaytarılması tələblərinin axını, əgər ehtiyyatlı olmazsa, onu tam iflasa uğrada biləcəyindən xəbər verir. Yuxuda kimsə sizdən borc pul alırsa, nə vaxtsa, ehtiyacınız olan bir məqamda yardım, dəstək alacaqsınız. Həqiqi dostlarınız sizi ziyarət edəcək.

Boru, borucuq — Yuxuda görülmüş borular reallıqdakı uzunmüddətli və yorucu bir işdən sonra gələcək dinclik və əmin-amanlıq əlamətidir. Kanalizasiya qaz və digər bu sayaq borular görməniz ətrafdakıların sizə qarşı müstəsna bir diqqət və ehtiram göstərəcəyindən xəbər verir. Köhnə və ya qırılmış boru isə səhhətin zəifləyəcəyinə və ya işlərdə durğunluğa işarə edə bilər. Tənbəki çubuğu çəkdiyinizi gördüyünüz yuxu isə köhnə bir dostunuzla görüşəcəyinizdən xəbər verən bir vəddir. Bundan əlavə, bu yuxu hansısa bir mübahisənin barışıqla yekunlaşcağını da müjdələyir.

Boşanma — Yuxuda boşanmış olduğunuzu görməniz reallıqda dostlarınızdan narazı olduğunuzun göstəricisidir; bundan əlavə, ailənizin güzəranını sakit və ürəkaçan etməyin yollarını aramalısınız. Bu yuxu xəbərdarlıq xasiyyətlidir. Gənc xanım üçün bu sayaq yuxular sevgilisinin vəfasızlığı üzündən ailə qurmayacağına dair xəbərdarlıqdır.

Boşqab — Gənc xanım yuxuda boşqablar görmüşsə, həyatı boyu qəna­ətcil bir ev xanımı olacaq və layiqli birisiylə ailə quracaq. Ailəli xanımın yuxusunda boşqab görməsi isə ev təsərrüfatını müdrik idarəetməsi sayəsində ərinin ona olan məhəbbəti ilə hörmətinin artacağından xəbər verir.

Botinka (çəkmə) — Yuxuda öz çəkmənizi kiminsə ayağında görmək sevgililər üçün yaxşı məna daşımır. Rəqibinizin sizin obrazınızı sevgilinizin qəlbindən kənarlaşdıracağı ehtimalı böyükdür. Təzə çəkmə geyinmək işlərdə böyük uğurdan, kişilər üçün isə əməkhaqqının artacağından xəbər verir. Köhnə çəkmələr uğura aparan yolunuzda mümkün olan tələ və hiylələr barədə xəbərdarlıqdır.

Boya (rəssamlıq) — Yuxuda yenicə boyanmış evlər görməniz şəxsi planlarınızın reallaşmasında uğura nail olacağınızdan xəbər verir. Paltarınızın üstündə boya aşkar etməniz isə başqalarının düşüncəsiz müha­kimələri üzündən xoşagəlməz olaylara cəlb olunacağınıza işarə edir. Əlinizdə fırça tutduğunuzu görməniz hazırkı məş­ğu­liyyətinizdən məmnun qalacağınızı bildirir. Yuxuda rəssam­lığın şah əsərlərini seyr etdiyinizi görməniz reallıqda dost­­larınızın sizə qarşı ədalətsiz davranacağına işarə edir və siz heç gözləmədiyiniz bir yerdən zərbə alacaqsınız. Gənc bir xanım rəsm çəkdiyini görmüşsə, sevgilisi tərəfindən aldanmış olacaq. Yuxuda müxtəlif cür donların, parçaların boyanmasını seyr etməniz, boyaq maddəsinin rəngindən asılı olaraq, uğur və ya uğursuzluqdan xəbər verir. Məsələn, mavi, qırmızı və qızılı rənglər xoş əlamətdir, qarayla ağ rənglər isə o qədər də ürəkaçan əlamət deyil.

Boyun — Yuxuda öz boynunuzu görməniz korlanmış ailə münasibət­lə­rini­zin işgüzar məsələlərinizə ziyan vurmaq iqtidarında oldu­ğundan xə­bər verir. Kiminsə boynuna heyranlıqla baxdığı­nızı görməniz isə təcrübəliliyinizlə hisslərə bəslədiyiniz ədəb­sizliyinizin yad bir ailənin dağılmasına səbəb olacağını bildirir. Qadın xeylağının yuxuda boynunun incə olduğunu görməsi xasiyyətini idarə etməyi bacarmasa, tezliklə deyingən olacağından xəbər verir.

Boyunbağı, həmayıl — Qadın xeylağının yuxuda boyunbağı hədiyyə aldığını görməsi sevən bir həyat yoldaşı və gözəl yuva sahibi olduğunu bildirir. Boyunbağını itirdiyini görməsi hansısa bir itkidən sarsıla bilə­cəyinə işarə edir. Boynunuzda gözəl bir boyunbağı, həmayıl görməniz yüksək şərəfə layiq olduğunuzu bir qədər tərəddüdlə qəbul edəcəyinizi bildirir.

Böcəklər — Yuxuda üstünüzdə böcəklər görməniz yoxsulluq və xırda problem­lərdən xəbər verir. Onları əzib öldürmək müsbət əla­mətdir.

Böhtan — Yuxuda böhtana uğradığınızı görmüsünüzsə, gerçək həyatda təbiə­tinizə ədalətsiz hərəkətlər və nəzakətsizlik xasdır. Özünüz kiməsə böhtan atmısınızsa, xudpəsəndliyinizə tab gətirməyən dostlarınız əvvəl-axır sizi tərk edəcəklər.

Böyrəklər — Yuxuda böyrək görməniz nasazlığa və ya ailə münasibətlərində xoşagəlməz olaylara işarə edə bilər. Böyrəklərin fəaliyyətdən düşdüyünü görmüşsünüzsə, qalmaqala və onun törədəcəyi zərərə hazır olma­lısınız. Yuxuda pörtlədilmiş böyrək xörəyi yediyinizi görmüsünüzsə, reallıqda zəhlətökən biri gizli eşqinizə qarşı soyuyacağınızın səbəbkarı olacaq.

Böyürtkən — Yuxuda böyürtkən görmək ciddi xəstəliklərdən və digər xoşa­gəl­məz narahatlıqlardan xəbər verir. Onu yığmaq uğursuzluğa, yemək isə itkilərə işarədir. Böyürtkən kollarında dolaşdığınızı görməniz də xoş əlamət deyil. Belə bir yuxunun ardınca qanqaraldıcı olaylar baş verə bilər.

Brilyant — Özünüzü yuxuda brilyant sahibi kimi görməniz tezliklə hör­mət qaza­nacağınızı və bacarıqlarınızın dəyərləndiriləcəyini bildirən son dərəcə xoş əlamətdir. Gənc bir xanımın sevgilisinin yuxuda ona bril­­yant hədiyyə etdiyini görməsi toyunun son dərəcə gözəl və yaddaqalan keçəcəyindən, doğmaların və dostların onların səadətinə sevinəcəklərindən xəbər verir. Yuxuda brilyantları itirmək rüsvayçılıqla qatı ehtiyacı bildirən uğursuz bir yuxudur.

Bronxit (bronxların selikli qişasının iltihabı) — Yuxuda özünüzü bronxitdən əziyyət çəkən görmüsünüzsə, yaxın gələcəyə dair planlarınızın bir qədər pozulması ehtimal olunur ki, buna səbəb də məhz hansısa bir qohumunuzun naxoşluğu ola bilər. Halbuki yuxuda bronxitdən əziyyət çəkmək bəzən ən sevindirici perspektivlərin yaxınlaşması demək də ola bilər. Yəni çoxdandır arzuladığınızı əldə etmək şansınız yaranacaq.

Budaq — Yuxuda yaşıl yarpaqlı və meyvəli, barlı budaq görmək var-dövlətdən və dostlarla xoş anlardan xəbər verir. Qurumuş budaqlar isə uzaqda olan bir kəs barədə xoşagəlməz xəbərlərə işarə ola bilər.

Bufet — Yuxuda bufet görmək məmnunluq və rahatlıq işarəsidir. Eyni yuxu, bufeti səliqəli və təmiz qablarla dolu və ya boş və kirli gördüyünüzdən asılı olaraq, ehtiyac və uğursuzluqdan da xəbər verə bilər.

Buğda — Yuxuda gen-bol buğda zəmiləri görməniz reallıqda sizin üçün xüsusi bir maraq təşkil edən işlərdə sevindirici perspektivlərin olacağından xəbər verir. Gördüyünüz buğda yetişmişdirsə, taleyiniz tam təminatlı, məhəbbət də əbədi yol yoldaşınız olacaq. Taxıl döyümündən sonra iri, təmiz buğda dənələrini görməniz firavanlıq və çiçəklənməyə doğru aparan yolların üzünüzə açıq olacağını bildirir. Buğdanı kisələrə yığılmış görməniz isə uğurun zirvəsini fəth etməkdə qəti qərarlı olmanızın tezliklə sizə qələbə gətirəcəyindən xəbər verir. Taxıl anbarınızın damını deşilmiş, taxılınızı da islanmış görmüşsünüzsə, deməli, sərmayənizi toplayarkən onun istifadəsinə dair hüquqlarınızı möhkəmlətmək haq­qında düşünməmisiniz və yaxın zamanda düşmənlərinizin sizin maraqlara zərər yetirdiyinin şahidi olacaqsınız. Buğdanı əlinizdə ovxalayıb dadına baxdığınızı görməniz isə uğura nail olmaq üçün çox çalışsanız, nəticədə qələbə çalacağınıza işarə edir. Yuxuda buğda saplaqlarından yapışaraq taxıl zəmilərilə dolu olan sıldırım yamaclara dırmandığınızı görmüsünüzsə, yaxın gələcəkdə firavanlıq və çiçəklənmə içində nəşələnəcək və seçdiyiniz istənilən bir işdə xüsusilə fərqlənəcəksiniz. Tər buğda tarlasında yeridiyinizi görməniz isə bolluq, səadət və sadiq dostların əlamətidir.

Buxanka (kömbə) — Yuxuda çörək buxankası görmək reallıqda sizdə çatışmayan qə­naət­karlıqdan xəbər verir. Əgər gördüyünüz buxankalar təzə-təzə bi­şirsə, uğura, sevgiyə, var-dövlətə sevinmək imkanı ya­ranacaq. Əllə qırılıb parçalanmış buxankalar sevgililər arasında söz-söhbətlərin ola bilə­cəyindən xəbər verir. Göz önündə çoxalan çörək buxankaları görmək böyük bir uğurun əlamətidir. Sevənlər xoşbəxt və bir-birindən razı qalacaqlar.

Buxarı, baca — Yuxuda buxarı görmək xoşagəlməz olayların ehtimalını artırır. Ki­minsə xəstələndiyi xəbərini alacaqsınız. Bacayla aşağı enmək dilxorluq əlamətidir. Sarmaşıq və ya üzüm tənəyi bürümüş bir buxarı görmək bir sıra kədərli hallardan sonra hakim olacaq xoşbəxtlikdən xəbər verir. Buxarının içində yanan ocağa baxmaq son dərəcə gözəl olayların yaxınlaşdığını bildirir. Buxarının yanında gizlənmək isə kədərlə şübhələrin yaranacağına, bəzi işlərin pozulacağına işarə edir. Gənc bir xanımın yuxuda buxarı ilə aşağı endiyini görməsi reallıqda yersiz bir hərəkətə yol verə biləcəyinə dair xəbərdarlıqdır. Yuxarı qalxdığını görməsi isə hansısa bir bəladan asanlıqla qurtulacağını bildirir. Yuxuda buxarı odunları üçün altlıq görmüsünüzsə, dostlarla münasibətləriniz son dərəcə gözəl olacaq. Ocaqsız və odunsuz boş bir buxarıya baxmaq isə müxtəlif çətinliklərin mümkünlüyünə işarə edir.

Buldoq (it cinsi) — Əgər yuxuda tanımadığınız bir evə girərkən buldoqun hücumuna məruz qalmısınızsa, reallıqda öz ölkənizin qanunlarını pozmaq, yaxud da niyyətlərinizə çatmaq üçün yalançı şahidlik etmək məcburiyyətində qala bilərsiniz. Əgər buldoq sizi mehribanlıqla qarşılayırsa, gerçəkdə rəqiblərinizin sərt tənqidinə və bədxah əməllərinə baxmayaraq, sizi həyatda böyük uğurlar gözləyir.

Buzovlar — Yuxuda yaşıl otlarla dolu məxməri çəmənlikdə otlayan buzovlar görmək gənclər üçün sevinc və səadət dolu bayram gün­lərinin əlaməti olaraq yozulur. Sərvətinin, əmlakının artırılmasına can atanlar isə bu yuxunu gördükdən sonra əməklərinin gözəl bəhrəsini görəcəklər.

Buludlar — Yuxuda ağır qara buludlar görməniz uğursuzluğa və işinizin öhdə­sindən gəlmədiyinizə işarə edir. Yağış yağdığını görmü­sünüzsə, nasazlıq və xoşagəlməz şeylər ehtimal olunur. Arasından gün şüaları saçan parlaq, aydın buludlar görməniz uzunmüddətli həyəcan və qayğılardan sonra uğura nail olacağınızdan xəbər verir. Arasından ulduzlar parlayan şəffaf buludlar isə ötəri sevincin və xırda uğurların əlamətidir.

Burğu, probkaaçan — Yuxuda əlinizdə probkaaçan tutaraq butulka açmağa hazırlaşdığınızı görməniz fikirlərinizin bir-birilə ziddiyyət təşkil etdiyini bildirir. Bu yuxunu görmüş adam təcili olaraq tələblərini məhdudlaşdırmalıdır, çünki yuxu bu tələblərdə sağlamlığa və əmin-amanlığa təhlükə yaradacaq nəyinsə olduğuna dair xəbər­darlıqdır. Yuxuda probkaaçandan isti­fadə edərkən onu sındırdığınızı görməniz isə təhlükə əlamətidir. Zərərli vərdişlərdən qurtulmaq üçün iradənizlə cəsarətinizi səfərbər etməniz gərəkdir.

Burulğan, girdab — Yuxuda burulğan görmək gerçəkdə ehtiyatlı olmanıza bir çağırışdır. Belə ki, diqqətsizlik və başısoyuqluq üzündən işlərinizin böyük risk altına düşəcəyi və nüfuzunuzun çoxsaylı fitnə-fəsadlardan zərər çəkəcəyi təhlükəsi yarana bilər.

Burun — Yuxuda öz burnunuza tamaşa etdiyinizi görməniz reallıqda dəyanət və səbir nümayiş etdirməklə, istənilən işin öhdəsindən gələ biləcəyinizi bildirir. Burnunuz gözünüzə son dərəcə kiçik görünürsə, işlərdə uğur­suzluq ola bilər. Burnunuzda tük bitdiyini görmüsünüzsə, güclü ira­dəniz və mətin xasiyyətiniz sayəsində son dərəcə uğurlu təşəbbüslərə imza atacaqsınız. Burundan qan axdığını görmək isə bir o qədər də xoş əlamət deyil.

Burun yaylığı — Yuxuda burun yaylığı görmək eşq macərası və gözlənilməz hadisələr silsiləsinə işarə edir. Burun yaylığını itirdiyinizi görməniz başqalarının səhvi üzündən planlarınızın baş tutmayacağıyla təhlükəlidir. Cırıq burun yaylığı sevgi münasibətlərində soyuqluqdan xəbər verir. Çirkli burun yaylığı dost seçimində tələbkar olmadığınızı bildirir. Bir neçə təmiz, ütülənmiş burun yaylığının üst-üstə yığıldığını görməniz reallıqda çətin bir sınaqdan başucalılığıyla çıxacağınıza və bunun səbəbinə böyük bir uğura imza atacağınıza işarə edir. Rəngbərəng burun yaylıqları olan yuxu riskli, hətta müəmmalı tədbirlər görəcəyinizdən, üstəlik, qınaq və mənəvi sarsıntıları dəf etməklə, işlərinizi son dərəcə uğurlu quracağınızdan xəbər verir. İpək burun yaylığı xeyirxahlığınız və səmimiliyiniz sayəsində ətrafdakılarla münasi­bətlərdə harmoniyaya nail olacağınızın müjdəçisidir. Qadın xeylağının yuxuda kiməsə əl yaylığını yellətdiyini və ya kimlərinsə yaylığını yellətdiyini görməsi son dərəcə əyləncəli, lakin eyni zamanda təhlükəli bir səfərə çıxacağından, bu səfərdən qayıtdıqdan sonra isə ümumi qınaq obyektinə çevriləcəyindən xəbər verir.

Butulkalar — Yuxuda ağzına kimi şəffaf maye ilə dolu butulkalar görmək yaxşıdır. Sevgidə bütün maneələri dəf edib, işlərinizi uğurlu qur­mağı bacaracaqsınız. Yox, əgər gördüyünüz butulkalar boşdursa, gözlənilən uğursuzluqlar sizi öz ağuşuna ala bilər və bu məngənədən qurtulmaq üçün əhəmiyyətli bir iradə nümayiş etdirməli olacaqsınız.

Buz — Yuxuda görülən buz xoş əlamət deyil. Bədxahlar sizin üçün ən əziz olan bir işdə əngəllər törətməyə çalışacaq. Təmiz su axınında üzən buz görmüsünüzsə, kiminsə paxıllığı üzündən xoşbəxtliyinizə zərər yetişə bilər. Yuxuda buz üzərində gəzişdiyi­nizi görməniz hörmətinizi və rahatlığınızı müvəqqəti əyləncələrə qurban verməyə qadir olduğunuzu bildirir. Gənc bir xanımın yuxuda buz üzərində yeridiyini görməsi reallıqda zərif bir pərdənin onu rüsvayçılıqdan gizlətdiyinə işarə edir. Evlərin damından sallanan buz salxımları yoxsulluq və rahatlıqdan məhrum edilmiş məişətin əlamətidir. Bu yuxu həmçinin sağlamlığın sarsıla biləcəyini bildirir. Buz salxımları iztirabların gözlənildiyinin də əlaməti ola bilər. Həmişəyaşıl ağaclardan sallanan buz salxımları görmüsünüzsə, parlaq gələcəyiniz layiq olmadığınız mükafatlarla pozulacaq. Qara su tökməklə buza çevirdiyinizi görməniz isə hədsiz eqoistliyiniz üzündən işlərdə uğursuzluq yaşayacağınızı bildirir. Yuxuda buz (buz salxımları) gəmir­diyinizi görmüsünüzsə, səhhətinizdən muğayat olun. Buzlu su içdiyinizi görməniz də eyni cür izah olunur. Buzlu suda çimmək, yuyunmaq gözlənilməz bir hadisənin dilxorluq gətirəcəyindən xəbər verir.
Buz salxımları — Yuxuda ağaclardan sallanmış buz salxımları görməniz uzun müddət­dən bəri sizi narahat edən həyəcanın bitəcəyindən və uğursuzluqların sizdən uzaqlaşacağından xəbər verir.
Büdrəmək — Yuxuda ayağınızın nəyəsə dolaşaraq büdrədiyini görməniz başısoyuq olduğunuzun göstəricisidir. İşlərinizin öhdəsindən gəlməniz üçün çalışmanız tələb olunur. Kiminsə büdrəyərək yıxıldığını görməniz isə reallıqda başqalarının düşüncəsiz davranışından faydalanmağı bacaracağınızdan xəbər verir.

Bülbül — Yuxuda bülbülün ahəngdar nəğməsini eşitmək əmin-amanlıq, xoş güzəran və sağlamlıq əlamətidir. Sevgililər və valideynlər üçün son dərəcə uğurlu bir yuxu hesab olunur.

Büllur — Yuxuda büllurdan olan istənilən bir əşyanı görmək ictimai müna­sibətlərdə və ya işgüzar sahədə ehtimal olunan qədərlənmiş depres­si­yanın əlamətidir. Qadın xeylağının yuxuda büllur qab-qacaqla təchiz olunmuş dəbdəbəli bir yemək otağı görməsi sevgilisinin ləyaqətinə şübhə ilə yanaşacağından xəbər verir.

Büt, sənəm — Yuxuda bütlərə sitayiş etdiyinizi görməniz məşhurluqla şan-şöhrətə olduqca asta addımlarla nail olacağınızdan xəbər verir; görünür, bu yolda xırda məşğuliyyətlərə lazım olduğundan artıq vaxt sərf edəcəksiniz. Bütlərin taxtdan salındığını görməniz isə gələcəkdə möhkəm iradə sahibi olacağınızı bildirir. Ətraf­dakıların hörmətini qazanmaq istəyinizdə heç bir çətinlik qarşısında əyilməyəcəksiniz. Başqalarının bütlərə sitayiş etdiyini görmüsünüzsə, yaxın dostlarınız arasında anlaşılmazlıqlar yaşana bilər. Yuxuda bütpərəstliyi qınamaq, bəyənməmək şan-şöhrət və məşhurluq əlamətidir. Bunlara siz insan psixologiyasına bələdliyiniz, əqlin imkanlarını və təmayüllərini dərk etmək qabiliyyətiniz sayəsində nail olacaqsınız.

Camaat, izdiham — Yuxuda sizinlə birlikdə banketdə və ya hansısa ziyafətdə olan çoxlu sayda gözəl geyimli adamlar görməniz reallıqda sevimli dostlarınızla çoxdan idi gözlədiyiniz görüşün baş tutacağını müjdələyir. Ziyafətin ab-havasını korlayan xoşagəlməz münaqişə görmək isə itki və gözlənilməz məyusluqların əlamətidir. Belə bir yuxudan sonra ölkədə ciddi toqquşmalar ehtimal olunur. Kilsəyə toplaşmış gözəl geyimli insan izdihamı isə çoxlu sayda xırda narahatlıqlara işarə edə bilər. Küçələrdə çoxlu insanlar görməniz işlərinizin irəliləyəcəyindən və fəaliyyətiniz üçün münasib bir dövrün başlandığından xəbər verir. Yuxuda camaatın səs-küyündən yüksək səslə danışdığınızı görməniz ümumi bir işdə başqa­larını qabaqlamağa çalışacağınıza işarə edir. Qəmgin görünən və tünd paltarlar geyinmiş insan izdihamı olan yuxu xoş əlamət sayılmır. Yuxuda hipnozçunun camaatı iradəsinə ram edərək, sizə təsir etməyi bacarmadığını görməniz isə reallıqda hansısa bir təhlükənin sizə yaxınlaşması və özünüzdən başqa kimsənin bunun qarşısını almağı bacarmayacağını bildirir.

Can verən, ölüm ayağında olan adam — Yuxuda ölüm ayağında olan birini görməniz reallıqda heç gözlə­mədiyiniz tərəfdən yaxınlaşan hansısa bir fəlakətin əlamə­tidir. Özünüzün can verdiyinizi görməniz isə bir xəbərdarlıq olaraq yozulur. Belə ki, işgüzar öhdəçiliklərinizə etinasız yanaşmaqla, həm işinizə, həm də özünüzə ziyan vermiş olarsınız. Üstəlik, səhhətinizdə problemlər də ehtimal olunur. Yuxuda vəhşi heyvanların gözünüz önündə can verdiyini görməniz reallıqda sizə olan usandırıcı bir təsirdən uğurla qurtulacağınızdan xəbər verir. Ev heyvanlarının ölümqabağı iztirablarını gördüyünüz yuxu xoş əlamət sayılmır. Ölüm ayağında olan canlının obrazı ayılmaqda olan şüurumuzun nisbətən parlaq bir təəssüratıdır: bu yuxudan öz vəzifələrimizə qayıdaraq, qarşıda gözlənilən hansısa bir hadisənin sevinci ilə kədərini daha güclü emosiyalarla yaşayacağımız və onu fərqli, bizim üçün yeni bir tərəfdən görəcəyimiz gözlənilir. Ağır bir yuxunun təsiri altında yaranmış bu yeni nəzər nöqtəsi özümüzü ələ almaqda və qaçılmaz olanı sakit bir qətiyyətlə qəbul etməkdə yardımçımız olacaq.

Canavar — Yuxuda canavar görmək əməkdaşlarınız arasında istehsalat sirlərini ələ verməyə, hətta oğurluq belə etməyə qadir olan səhlənkar birinin olduğuna dair xəbərdarlıqdır. Canavarı öldür­müsünüzsə, adınızı ləkə­ləməyə can atan hiyləgər düşmənlərin öhdəsindən gələcəksiniz. Yuxuda canavarın uladığını eşitmək reallıqda sizə qarşı yönəldilmiş gizli sövdələşməni ifşa edərək, rəqabətli mübarizədə qalib gələcəyinizə işarədir.

Canlı model — Yuxuda canlı model görməniz reallıqdakı ictimai işlərinizin maddi durumunuzu sarsıdacağından, bunun ardınca da təəssüflə məzəm­mətlərin başlanacağından xəbər verir. Gənc bir xanım yuxuda canlı model olduğunu və ya olmağa can atdığını gör­müş­sə, gerçək həyatda sev­gilisinin eqoistliyi üzündən ona xoşagəl­məz anlar yaşadacaq bir eşq macərasına uğrayacaq.

Carçı — Uğur sizi axtarır və izləyir. Bütün mübahisəli məsələlər uğurlu həllini tapacaqdır. Yuxuda carçını qəmli görmək reallıqda hansısa xoşa­gəlməz hadisə ehtimalından xəbər verir.

Casus — Yuxuda casusların sizi təngə gətirdiyini görməniz mübahisə­lərlə xo­şagəlməz hadisələrin gözlənildiyini bildirir. Özünüzün casus olduğunuzu görməniz isə uğursuz sövdələşmələrdən və ya arzuolunan nəticələr verməyəcək işgüzar əməliyyatlar keçirməli olacağınızdan xəbər verir.

Cazibə, şirnikləndirmə — Yuxuda şirnikləndirici şeylərlə əhatə olunduğunuzu görməniz reallıqda paxıl birinin sizi qarışıq işə sövq edəcəyinə və dostlarınızın buna görə sizdən üz döndərəcəyinə dair xəbərdarlıqdır.

Cazibədarlıq, füsunkarlıq — Yuxuda kiminsə cazibədarlığının təsiri altına düşdüyünüzü görmə­niz reallıqda qarşınıza olduqca cəlbedici bir maska altında çıxan yamanlığa ehtiyatlı və tədbirli olmanız sayəsində üstün gəlməyi bacaracağınızdan xəbər verir. Gənc adamları bu yuxu böyük­lərin xeyirxah məsləhətindən yararlanmağa çağırır. Kiminsə cazibədarlığına qarşı müqavimət göstərdiyinizi görmə­niz isə müdrik­liyinizlə geniş dünyagörüşünüzün cəmiyyətdə əhəmiyyətli bir məqam tutmanızda böyük rolunun olacağını bildirir. Özünüzün kimlərisə heyran etməyə çalışdığınızı görməniz bəzi problemlərin mümkünlüyünə işarə edir.

Cehiz — Yuxuda cehizinizin olmadığını görməniz gerçək həyatda bü­töv­lüklə başqalarından asılı olduğunuzu dərk etdiyiniz acı həqi­qətlə üzlə­şəcəyinizdən xəbər verir. Sizə cehiz verildiyini görməniz isə bütün arzu və istəklərinizin yaxın gələcəkdə həyata keçəcəyinə işarə edir.

Cem (riçal) — Yuxuda cem yediyinizi görmüsünüzsə, ürəkaçan sürpriz və səfərlər gözlənilir. Hansısa bir xanım yuxuda özünün cem hazırladığını görürsə, bu onun sadiq ailə üzvləri və yaxın dostlarından xəbər verir.

Cənnət — Yuxuda özünüzü Cənnətdə görməniz sadiq dostlarınızın hər zaman sizi dəstəkləməyə hazır olduğunun göstəricisidir. Bu yuxu dənizçilərin və uzunmüddətli səfərdə olanların parlaq ümid­lərini qidalandırır. Analar üçün bu yuxu övladlarının gözəl tərbiyəsilə əxlaqına sevinəcəklərindən xəbər verir. Sağlamlığınızda problemlər varsa və ya bəxtiniz gətirmirsə, əmin olun ki, belə bir yuxudan sonra nicat tapacaqsınız, uğur da artıq sizə doğru irəliləməkdədir. Sevgililər üçün bu yuxu zənginlik və sədaqət əlaməti hesab olunur. Yuxuda Cənnətə yollandığınızı və orada sıxıldığınızı, çaşqınlıq içində olduğunuzu görməniz reallıqda başladığınız bir işin, ilk baxışda çox ümidlər verən olmasına baxmayaraq, məyusluqla nəticələnəcəyindən xəbər verir.

Cərrah — Yuxuda cərrah görməniz işgüzar partnyorlarınız tərəfindən yaxınlaşan bir təhlükədən xəbər verir. Gənc xanımı bu yuxu, reallıqda ye­tərli ehtiyatlılıq göstərməyəcəyi və özünə qarşı qayğıkeş olmayacağı təqdirdə, ciddi bir xəstəliyə düçar ola biləcəyinə dair xəbərdar edir.

Cərrah alətləri — Yuxuda cərrah alətləri görməniz reallıqda dostunuzun nəzakət­siz davranışından dolayı son dərəcə xoşagəlməz təəssürat­lar yaşayacağınıza işarə edə bilər.

Cəza, cərimə — Yuxuda sizə qarşı cəza tətbiq olunduğunu görməniz real hə­yatda hansısa öhdəçiliklərdən qıcıqlandığınızı və bu səbəbdən onları icra etmədiyinizi bildirir. Cərimə ödəmək nasazlıq və ya maddi itkilərin əlamətidir. Cərimənin ödənilməsindən qurtulduğunuzu görmüsünüzsə, hansısa bir mübahisəli məsələdə qələbə çalacaqsınız. Valideynin yuxuda övladlarını cəzalandırdığını gör­məsi reallıqda tətbiq etdiyi tərbiyə üsullarının düzgünlüyünə şübhəylə yanaşdığının əlamətidir.

Cib — Yuxuda öz cibinizi görmüsünüzsə, sizə qarşı yönəldilmiş şər qüv­vələrdən ehtiyatlı olun.

Cığır — Yuxuda ensiz və nahamar cığırla daş və digər maneələrə ili­şərək addımladığınızı görməniz reallıqda bir çox təsadüflərlə üzləşmənizin sizi əsəbiləşdirəcəyindən xəbər verir. Cığır axtarıb tapmağa cəhd etdiyinizi görməniz isə yaxın zamanda başa çatdıracağınıza ümid etdiyiniz bir işin sonunda uğursuzluq yaşayacağınıza işarə edə bilər. Ətrafında ot və müxtəlif cür güllər bitən cığırla gəzişdiyinizi görməniz də uzun zamandan bəri sıxıldığınız bir sevgidən azad olunacağınızı bildirir.

Ciqa rəqsi (qədim Britaniya rəqsi) — Yuxuda ciqa rəqsi oynadığınızı görməniz yaxın gələcəkdə sevinc və çoxlu sayda əyləncələrin müjdəçisidir. Ciqa rəqsi oynayan sevgilinizi görməniz iş partnyorunuz üçün olduqca ümidverici perspektivlər vəd edir. Səhnədə ciqa rəqsi oynayan rəqqasələr (balerinalar) görmək isə bayağı əyləncələrin gözlənildiyini bildirir.

Cilov — Yuxuda cilov görmək reallıqda uğur və səadət uğrunda bütün mane­ələri aradan qaldıracağınızdan xəbər verir. Əgər əlinizdəki cilov qırılırsa və ya siz özünüz onu qırırsınızsa, deməli, bəzi məsələlərdə düşmənlərə güzəştə getmək məcburiyyəti yaranacaqdır.

Cinayətkar — Yuxuda özünüzü cinayət törətmiş birinin yanında görməniz reallıq­da yaramaz adamların sizinlə dostluqlarından özlərinin tamahkar məqsədləri üçün sui-istifadə edəcəyindən xəbər verir. Ədalət məhkə­məsindən boyun qaçırmağa çalışan bir cinayətkarı görməniz isə gerçək həyatda başqalarına məxsus sirlərin sahibi olacağınıza və bunun da sizin üçün təhlükə yaradacağına işarə edir. Belə ki, sizdən çəkinən insanların sizə zərər yetirməyə cəhd edəcəyi ehtimal olunur.

Cırcırama — Yuxuda cırcırama səsləri eşitmək uğursuzluq və kimdənsə asılılıq əlamətidir. Xəstə bir adamın sizə cırcırama barədə suallar verdiyinizi görməniz isə gələcəkdə gözlənilməz hadisələrdən xəbər verir. Qadın xeylağının yuxuda cırcırama görməsi həyat yoldaşının və ya məşuqunun son dərəcə deyingən olacağını bildirir.

Cırmaq, sıyrıntı — Yuxuda kimisə cırmaqladığınızı görməniz reallıqdakı davranışınızda əsəbi və bəhanəçi olacağınızdan xəbər verir. Kiminsə sizi cırmaqladığını görməniz isə reallıqda böhtana uğrayacağınıza işarə edir.

Cırtdan — Yuxuda cırtdan görmək çox xoş əlamətdir. Əgər cırtdan möh­kəm bədənli və yaraşıqlıdırsa, deməli, bacarıqlarınızın hər zaman inkişaf edəcəyi maraqlı bir həyat yaşayacaqsınız. Bu sayaq yuxular sizin fiziki və psixoloji sağlamlığınızın möhkəm olacağı sayəsində bir çox səmərəli işlərdə iştirakınıza imkan yaranacağını bildirir. Yuxuda dostlarınızın cırtdanlara çevrildiyini görmək isə onlar üçün də xoş əlamət olaraq dəyərləndirilir. Hirsli, bədxah cırtdanlar isə hansısa bir təhlükədən xəbər verir.

Civə — Yuxuda civə görmək xoşagəlməz dəyişikliklərin əlaməti hesab olunur. Qadın xeylağının civə zəhərlənməsindən əziyyət çəkdiyini görməsi reallıqda tərk olunacağına və ailəsindən ayrılacağına işarə edə bilər.

Cücələr — Yuxuda anasının ardınca addımlayan cücələr görmək qayğı və çırpınışların əlamətidir. Hərçənd bu çırpınışların bəziləri sizin xeyrinizə olacaq. Lap balaca və ya yenicə böyüməyə baş­la­­yan cücələr sizdən fiziki davamlılıq tələb edəcək uğurlu təşəbbüslərdən xəbər verir. Cücələrin axşamçağı hinə girdi­yini görməniz isə düşmənlərin sizə qarşı məkrli niyyətdə ol­du­ğu­nun göstəricisidir. Yuxuda cücə yediyinizi görməniz xud­pəsəndliyinizin təmiz adınızı ləkələmək iqtidarında olduğunu bildirir. İşlər və sevgi münasibətləri də əvvəlki kimi qeyri-müəyyən və riskli vəziyyətdə qalmağa davam edəcək.

Çadır, alaçıq — Yuxuda çadırda oturduğunuzu görməniz yaxın gələcəkdə baş verə­cək əsaslı dəyişikliklərdən xəbər verir. Bir neçə çadır görməniz isə ürəyinizcə olmayan kəslərlə bərabər hansısa bir səfərə yollanmalı olacağınıza işarə edir. Cırılmış və ya yıxılmış çadırlar həyəcan və qayğı əlamətidir.

Çağırış, haraylama — Yuxuda tanımadığınız səslərlə adınızın çağırıldığını eşitməniz iş­lə­ri­nizin riskli vəziyyətə gəlib çıxacağından xəbər verir, lakin bu vəziyyətdən çıxmanıza tanımadığınız insanlar yardım edəcək. Dostunuzun və ya hansısa qohumunuzun səsini eşitmisinizsə, onlardan birinin sağlamlığında problemlər ehtimal olunur. Sevgilisinin səsini eşitmiş aşiqlərə bu xəbərdarlığa diqqətli yanaşmaları tövsiyə olunur: ola bilsin ki, onlar bir-birinə qarşı diqqətsiz yanaşmışlar. Əks təqdirdə, hansısa bir anlaşılmazlıq üzündən ayrılıq ola bilər. Yuxuda ölmüş bir adamın səsini eşitmək sizin özünüzün xəstələnə biləcəyinizə, yaxud da hansısa xoşagəlməz bir işə sürüklənəcəyinizə dair xəbərdarlıqdır. Bu səslər ulu əjdadlarının sədasını onlar barəsində məlumatların toplandığı hissənin köməyilə qəbul edərək, gələcəkdən sizin idrakınıza qayıdan bir əks-sədadır. Hər bir insanın idrakının hansısa bir hissəsi ailədə nəsildən-nəslə keçərək, dəyişməz olaraq qalır.

Çamadan — Yuxuda çamadan görmək həm səyahət, həm də uğursuzluq əlaməti­dir. Çamadan yığdığınızı görməniz isə yaxın gələcəkdə ürəkaçan bir səfərə yollanacağınızdan xəbər verir. Çamadanınızın içinin dəhşətli bir səliqəsizlikdə olduğunu görməniz incikliyə, həmçinin sizin üçün rüsvayçılıqla nəticələnə biləcək qısamüddətli bir səfərə işarə edə bilər. Boş çamadan sevgidə və nikahda peşmanlıq ehtimalını artırır. Tez-tez işgüzar səfərlərə çıxan bir adamın yuxuda çamadan görməsi baqajının içindəkiləri yoxladığını gördüyü halda uğur vəd edir. Həmin adamın çamadanının kiçik olduğunu və gərəkli olanların hamısının ona yerləşmədiyini görməsi isə karyerada yüksələcəyindən və səylərinin mükafatlandırılacağından xəbər verir. Gənc bir xanım yuxuda çamadanını açmağa cəhd etdiyini, lakin bunu bacarmadığını görmüşsə, deməli, real həyatda kifayət qədər imkanlı bir adamın qəlbini fəth etməyə çalışacaq, lakin yaranacaq vəziyyət onun uğur qazanmasına mane olacaq. Xanımın çamadanını bağlaya bilmədiyini görməsi isə arzuladığı səyahətin ona yalnız məyusluq gətirəcəyindən xəbər verir.

Çardaq, mansarda — Yuxuda özünüzü çardaqda görməniz gerçəkləşməsi mümkün olmayan ümidlər bəslədiyinizin göstəricisidir. Gənc bir xanı­mın yuxuda evin mansardasında yatdığını görməsi hazırkı məşğuliyyətlərindən məmnun qalmadığını bildirir. Çardağa qalxdığınızı görməniz isə həyati problemlərin həllində hərəkət etməyi başqalarına həvalə edərək, nəzəriyyəbazlığa üstünlük verdiyinizi bəlli edir. Kasıb adam üçün bu yuxu daha ürəkaçan vədlər verir. Qadın xeylağının belə yuxu görməsi isə şöhrətpərəstliyilə təkəbbürünün ram ediləcəyinə gətirib çıxaracaq müşkül bir vəziyyətin yaranacağına işarə edir.

Çarmıx — Yuxuda çarmıx görmək nəsibiniz olmuşsa, keçmiş imkanların əldən getdiyinin, ümidlərin isə puça çıxdığının fərqinə varacaqsınız. Lakin bütün bunlara baxmayaraq, ah-zar etməyi bir kənara qoyub, səbat göstə­rərək, başladığınız işi cəsarətlə davam edəcəksiniz.

Çay — Yuxuda çay içdiyinizi görməniz yaxın gələcəkdə eyibli hərəkət­lərinizə görə cəzalandırılacağınızdan və əməllərinizdən dolayı peşmanlıq çəkəcəyinizdən xəbər verir. Dostlarınızla birlikdə çay içdiyinizi görməniz isə sakit axan bir həyatdan usanacağınızı, sevinci dostlara yardım etmək və dəstək olmaqda tapmaqla yeni təəssüratlar yaşamaq niyyətinə düşəcəyinizi bildirir. Çayın çöküntüsünü görmək qarşılıqsız məhəbbət və işlərdə uğursuzluq, calanmış çay isə evdə qanqaraldıcı əlamətidir. Yuxuda boş çay qutusu tapdığınızı görməniz tezliklə dedi-qodu obyektinə çevriləcəyinizə, çay içmək arzuladığınızı görməniz isə qəfil qonaqlarınızın olacağına işarə edir.

Çay — Yuxuda rəvan, hamar axınlı çay görməniz yaxın gələcəkdə son də­rəcə məstedici sevinclərdən həzz alacağınızdan, firavanlığınızın da cəlbedici imkanlarla dolğunlaşacağından xəbər verir. Çayın suları bulanıq və coşqun idisə, reallıqda anlaşılmazlıq və çəkişmələr ehtimal olunur. Yuxuda daşmış çayın suları yolunuzu kəsmişsə işinizdə xoşagəlməz anlar yaşana bilər, həmçinin ötkəm davranışınız üzündən adınızın da ləkələnmə ehtimalı var. Təmiz, şəffaf suda üzərək, çayın dibində meyitlər görməniz bir müddətliyinə sevinc və uğur kimi nemətlərlə ayrılmalı olduğunuza işarə edə bilər. Qurumuş çay isə xoş əlamət sayılmır.

Çay fincanları — Yuxuda çay fincanları görməniz reallıqda vaxtınızın çox hissəsini əyləncələrə sərf edəcəyinizə işarə edir. Qadın xeylağının yuxuda fincan sındırdığını görməsi qəfil bir olayın səadətinə peşmanlıq qatacağını ehtimal edir. Çay fincanından şərab içdiyinizi görməniz isə yaxın gələcəkdə, necə deyərlər, həm ziyarət, həm ticarət edəcəyinizdən xəbər verir.

Çay keçidi, çayın dayaz yeri, bərə — Yuxuda çayın dayaz yerindən keçirsinizsə, real həyatda ötəri də olsa, zərif sevinclərin iştirakçısına çevriləcəksiniz. Əgər çayın suyu kirlidirsə, naxoşluq gözlənilir. Su üzərində yeriyən uşaqları görmək səadət vəd edən uğurlu bir yuxudur. Gənc bir xanımın yuxuda özünün təmiz, köpüklənən bir sudan keçdiyini görməsi məhrəm bir arzusunun tezliklə həyata keçəcəyindən xəbər verir.

Çaydan — Yuxuda çaydan görmək xoşagəlməz xəbərin əlamətidir. Qadın xeylağının yuxuda çaydandan soyuq, işıldayan su süzdüyünü görməsi yaxın gələcəkdə kiminsə ona diqqət yetirəcəyinə işarə edir. Ümumiyyətlə, yuxuda görülmüş çaydan əksər hallarda əziyyətli bir işin başlanacağı kimi yozulur. Çaydandakı su qaynayırdısa, həyatınızda əhəmiyyətli dəyişikliklər və rəqiblərin ram olunacağı ehtimal olunur. Qırılmış çaydan uğura aparan yolda çətinliklərin mümkünlüyünü bildirir. Gənc xanımın yuxuda tünd rəngli çaydandan çay süzdüyünü görməsi sevgidə məyusluğa işarə edir. Açıq rəngli çaydan isə xanıma imkanlı bir həyat yoldaşının evində müstəqil məqam tutacağını vəd edir.

Çaydançapan, daşdöyən (quş) — Yuxuda daşdöyən quşu görməniz xoşagəlməz dedi-qoduların qurbanına çevriləcəyinə dair xəbərdarlıqdır. İşləriniz şübhəsiz itkilərlə müşayiət olunaraq inkişaf edəcək.

Çevrə, dairə — Yuxuda dairə görmək reallıqdakı böyük gəlir əldə etmənizə dair ümidlərinizin uğursuzluğa uğraya biləcəyindən xəbər verir. Gənc bir xanımın dairə görməsi onu çətin vəziyyətə sala biləcək ehtiyatsızlığına dair xəbərdarlıqdır. Lakin bu xəbərdarlıq nə sevgi, nə də nikah məsələlərinə aiddir.

Çevrilmə, dönüş — Yuxuda istənilən dönüşlər görməniz həyatınızda gözlənilməz dəyi­şikliklərin baş verəcəyinə işarə edir. Bu dəyişikliklərin yaxşı və ya pis olacağı isə yuxularınızdakı metamorfozların sizi sevindirdiyindən və yaxud qorxutduğundan asılıdır.

Çəkic — Yuxuda çəkic görmək reallıqda taleyinizi uğurlu qurmaq uğrunda hansısa çaşdırıcı maneələri dəf etməli olacağınızdan xəbər verir. Hərracda olduğunuzu və hərracı aparan adamın əlindəki çəkicin bir anlığına diqqətinizi cəlb etdiyini görməniz yaxın gələcəkdə xoş, ürəkaçan qayğıların yükü altına girəcəyinizə işarə edir. Özünüzün həmin bu çəkici əlinizə götürdüyünüzü gördüyünüz yuxu isə sizi yaxınlarınıza qarşı münasibətdə zəhlətökən olmamağa səsləyir.

Çəkməci — Yuxuda çəkməçi görməniz hansısa bir işdə yaranmış vəziy­yətin sizin xeyrinizə olmayacağına işarə edir. Qadın xeylağı ərinin və ya məşuqunun çəkməçi olduğunu görmüşsə, reallıqdakı bütün arzu və istəkləri tezliklə həyata keçəcək.

Çələng — Yuxuda üzərinizdə tər çiçəklərdən ibarət bir çələng gör­müsünüzsə, reallıqda tezliklə varlanmaq şanslarınız yaranacaqdır. Solmuş çələng xəstəlik və sönmək üzrə olan sevginin əlamətidir. Gəlin çələngi görmək isə qeyri-müəyyən və çətin bir vəziyyətin xoşbəxt sonluğa bağlanacağından xəbər verir.

Çəllək (boçka) — İçi su ilə dolu çəllək ailədə məmnunluq və əmin-amanlıqdan xəbər verir. Əksinə, boş çəllək isə xoşagəlməz hadisələrə işarə edir, belə ki, səadət bir müddətliyinə sizi tərk edə bilər. Yuxuda qurumuş və çatlamış çəllək görmək ailə mübahisələrindən xəbər verir.

Çəmən, otlaq — Yuxuda gözəl çəmən görmək ailənizin parlaq gələcəyi astanasında yaxınlarla xoşbəxt qovuşma əlamətidir.

Çənbər — Yuxuda çənbər görməniz mötəbər bir dostluq əlaqələri quracağınızdan və bir çoxlarının sizin diqqətinizi cəlb etməyə can atacağından xəbər verir. Çənbərin ortasından hoppandığınızı və ya başqalarının bunu etməsini görmüsünüzsə, tale tezliklə sizi son dərəcə heyrətləndirəcək, lakin sağlam düşüncəylə iradəniz sizi tale üzərində layiqli bir qələbəyə gətirib çıxaracaq.

Çənə sümükləri — Yuxuda ağır, eybəcər çənə sümükləri görmək narazılıq və dostlarla münasibətlərdə yaranacaq çətinliklərin əlamətidir. Özünüzü vəhşi bir heyvanın ağzında görməniz bədxahların sizin işinizə və səadətinizə zərər vurmaq niyyətində olduğunun göstəricisidir. Bu, insanı uzun müddətliyinə dilxor etməyə qadir olan olduqca uğursuz bir yuxudur. Yuxuda çənənizin ağrıdığını hiss etmişsinizsə, havanızı dəyişmək niyyətilə yaşayış yerinizi dəyişəcəksiniz. Çənənizi heç cür bir-birindən ayıra bilmədiyinizi gördüyünüz yuxu isə dost xəyanəti üzündən son dərəcə sarsılacağınıza işarə edir. Qadın xeylağına bu cür yuxu dostlarının istəmədən onun xətrinə dəyəcəyini bildirir.

Çəngəl — Yuxuda çəngəl görmək gerçəkdə kiminsə sizə tələ hazırladığından xəbər verir. Sevgililər üçün belə bir yuxu ayrılığa işarə edir.

Çəpgözlük — Yuxuda çəpgöz insanlar görməniz reallıqda sizi əhatə edən xoşa­gəlməz cəmiyyətin davranışından əsəbiləşəcəyinizi bildirir. Kişi xeylağı sevgilisinin və ya tanış bir xanımın ona çəp-çəp, yəni tərs-tərs baxdığını görmüşdürsə, real həyatda qadınlara göstərdiyi ifrat meyli onu itkilərə doğru apara bilər. Eyni yuxunu kişilər barədə qadın xeylağı görmüşdürsə, nüfuzuna xələl gəlmək təhlükəsilə üzləşə bilər.

Çətənə — Yuxuda çətənə görmək istənilən bir təşəbbüsdə, xüsusilə də işgüzar sahədə uğur vəd edir. Gənc bir xanımın yuxuda ayağı büdrəyərək çətənə zəmisində yıxıldığını görməsi dostuyla qaçılmaz incikliyindən və ayrılıqdan xəbər verir.

Çətir — Yuxuda günəş şüalarından qorunmaq üçün nəzərdə tutulan çətiri görmək evli insanlar üçün yolverilməz kef-səfaya işarə edir. Gənc bir xanım belə yuxu görmüşdürsə, əks cinsin bir çox nümayəndələri ilə eşqbazlıq edəcək və bu kişilərdən biri onun təmiz adına və başqa birisi ilə evlənməsinə xələl yetirə bilər. Çətiri əlinizdə tutmanız təhlükəli həyəcanların və dilxorluğun əlamətidir. Başqa adamların başları üzərində çətirlər tutduğunu görməniz kiməsə səxavətli bir yardım edəcəyinizdən xəbər verir. Kimdənsə çətir istəyirsinizsə, yaxud da onu kiməsə verirsinizsə, dostlarla münasibətlərinizdə fikir ayrılığı və hətta incikliklər ehtimal olunur. Yuxuda çətirinizin qırıldığını və ya cırıldığını görməniz real həyatda böhtana uğraya biləcəyinizdən, yaxud da əməllərinizin səhv qiymətləndiriləcəyindən xəbər verir. Çətirin suyunun axaraq üstünüzə töküldüyünü görmüsünüzsə, hansısa bir dostunuzla küsülülükdən sonra ağrı-acı çəkəcəyinizə işarə edir. Başınız üstündə təzə bir çətir açmısınızsa, hava isə aydın və günəşlidirsə, qarşıda sizi yalnız sevinc və uğurlar gözləyir.

Çiçək xəstəliyi — Yuxuda çiçək xəstəliyinə düçar olmuş insanlar görməniz sağlam­lığınızda ehtimal olunan nasazlıqdan, yoluxucu bir infeksiyanın müm­künlüyündən xəbər verir. Həmçinin bəzi planların təxirə düşəcəyi təhlükəsi də mümkündür.

Çiçəklənmə, gül açma — Yuxuda çiçəklənən, gül açmaqda olan ağac və kollar görməniz sizin üçün çiçəklənmə dövrünün yaxınlaşacağını müjdələyir.

Çillər (dəridə) — Hansısa bir xanım yuxuda öz üzündə çil görürsə, gerçəkdə bəzi xoşa­gəlməz hadisələr əhvalını korlaya bilər. Güzgü qarşısında uzun müddət dayanıb çillərə tamaşa etmək sevdiyi insanı itirə biləcəyinə işarədir.

Çılpaqlıq, üryanlıq — Yuxuda özünüzü çılpaq görməniz mübarizə və ümumiyyətlə, xoşa­gəlməz olaylardan xəbər verir. Başqalarını çılpaq görməniz bəd­xah­ların sizi haqq yolundan azdırmağa cəhd edəcəyini bildirir. Fiziki nasazlıq uğurunuza əngəl törədə bilər. Yuxuda qəfildən çılpaq olduğunuzu aşkar edib, utanaraq gizlənmək istədiyinizi görməniz nəcib hisslərinizin qadağan olunmuş mübtəlalıqla mübarizəyə girəcəyi gözlənilir. Gənc bir xanımın yuxuda çılpaq bədəninə heyranlıqla baxdığını görməsi, əks cinsin ehtiramına nail olsa belə, bu münasibətləri qoruyub-saxlaya bilməyəcəyindən xəbər verir. Cazibədarlığının sayəsində şanslı olacaq. Bədəninin yöndəmsiz olduğunu görmüşsə, hansısa bir qalmaqal onun adına xələl gətirə bilər. Çılpaq vəziyyətdə təmiz sularda üzdüyünü görmüşsə, gizli bir eşq macərasından zövq alacaq, lakin hansısa bir nasazlıq və ya cazibədarlığının aradan getməsi onu sarsıda bilər. Xanım yuxuda təmiz sularda çılpaq vəziyyətdə üzən çoxlu sayda kişi görmüşsə, reallıqda pərəstişkarları da çox olacaq. Gördüyü su bulanıqdırsa, qısqanc bir pərəstişkarı onun barəsində çirkin dedi-qodulara yol açacaq.

Çınqıl — Yuxuda çınqıl görmək səmərəsiz layihə və təşəbbüslərə işarə­dir. Əgər palçıqla qarışıq çınqıl görmüsünüzsə, uğursuz saziş və əmlakın itirilməsi ehtimalı vardır.

Çiyələk — Yuxuda görülən çiyələk uğur və sevinc əlamətidir. Siz tezliklə arzuladığınıza, məqsədinizə çatacaqsınız. Çiyələyi yemək qarşılıqlı məhəb­bətin müjdəçisidir. Onu satmaq isə bol məhsul və xoşbəxtliyə işarə edir.

Çiyin — Yuxuda çılpaqlanmış çiyinlər görmüsünüzsə, reallıqda baş verəcək xoşbəxt dəyişikliklər sizin həyata yenidən nəzər salmanıza səbəb olacaq. Öz çiyinlərinizi çox arıq, sümükləri çıxmış görməniz isə real həyatda başqalarının istəkləri və tələblərindən asılı olacağınızdan xəbər verir.

Çoban — Yuxuda sürülərini otaran çobanlar fermerlər üçün bol məhsul və işlərin uğurlu aparılmasının, qalanları üçün isə uğur və əmin-amanlıq əlamətidir. Yuxunuzdakı çobanların bikarçılıq etdiyini görməniz isə xəstəlik və itkilərdən ehtiyatlanmalı olduğunuza dair bir xəbərdarlıqdır.

Çovdar — Yuxuda çovdar görmək yaxınlaşan müvəffəqiyyətin və həyata keç­miş arzuların əlaməti hesab olunur. Çovdardan istehsal olunmuş qəhvə hazırladığınızı görməniz sevinclərinizi sağlam düşüncə ilə tən­zimləyəcəyinizdən, işləri isə ayıq başla və tədbirli şəkildə idarə edəcə­yinizdən xəbər verir. Yuxuda çovdar əkilmiş tarlaya gəlib çıxan mal-qara görmüşsünüzsə, uğurdan əmin ola bilərsiniz.

Çöl, düz — Yuxuda ucsuz-bucaqsız bir çöl görməniz reallıqda rahat və sərbəst surətdə irəliyə doğru hərəkət edəcəyinizin əlamətidir. Dərə-təpəli, ot və gül-çiçəklərlə dolu bir düz isə gözlənməz sevinclər vəd edir. Bomboş düz isə itki və tənhalıq qüssəsinin göstəricisidir. Çöllükdə yol azmaq da xoş əlamət sayılmır.

Çörək — Qadın xeylağının yuxuda çörək yediyini görməsi qanqaraldıcı əlamətdir. Çörəyi başqalarıyla bölüşdüyünüzü görməniz maddi rifahınızın ömürlük olacağını bildirir. Çoxlu sayda qurumuş çörək görmək isə ehtiyac və iztirab əlamətidir. Belə bir yuxu görən adamı sınaqlar gözləyir. Çörəyin təzə olduğunu və sizin onu götürmək istədiyinizi görməniz xoş müjdəli bir yuxudur. Çovdar çörəyi yediyinizi görməniz isə ailənizin mehriban və qonaqpərvər olduğunun göstəricisidir. Yuxuda əlinizdə çörək qabığı tutduğunuzu görməniz isə öhdəçiliklərinizə etinasız yanaşdığınız üçün gözlənilən bir problemin öhdəsindən gəlmək şanslarınızın az olduğuna dair xəbərdarlıqdır.

Çörəkxana — Yuxuda çörəkxana görməniz sizi karyeradakı dəyişikliklərə son də­rəcə ehtiyatlı bir münasibət göstərməyə səsləyir. Belə ki, hər addımda hiylə və tələlər gizlənmiş ola bilər. Gənc bir xanımın yuxuda özünü çörəkxanada görməsi reallıqda kəskin qınaq obyektinə çevrilə biləcəyindən xəbər verir. Davranışında olduqca diqqətli və ehtiyatlı olmalıdır.

Çubuq, budaq — Yuxuda görülmüş çubuq uğursuzluq, qırıq çubuq rüsvayçılıq əla­mətidir. Ümumiyyətlə, yuxuda görülmüş çubuq xoş əlamət sayılmır. Ən əsası isə sizin üçün son dərəcə mühüm olan bir vəziyyətdə çaşqınlıq içində qalacağınıza işarə edir.

Çuğundur, pazı — Yuxuda zəngin, bol məhsul vermiş çuğundur əkinləri görmək reallıqda da bol məhsul və Yer üzündə sülh, əmin-amanlıq, başqa adamlarla birgə çuğundur yemək isə çoxlu sayda xoş xəbərlər vəd edir.

Dalğalar — Yuxuda məhz təmiz dalğalar görmək elm və düşüncələr sahə­sində gələcəkdə nəhəng biliklərə çevriləcək qətiyyətli bir addım atacağınızdan xəbər verir. Əksinə, kirli və fırtına zamanı sahilə çırpılan dalğalar görmüsünüzsə, ehtiyatlı olun, böyük bir səhvə yol verə bilərsiniz.

Dam, dam örtüyü — Yuxuda özünüzü damın üstündə görmüsünüzsə, ucsuz-bucaqsız bir uğura nail olacaqsınız. Yıxılacağınızı düşünüb qorxu hissi keçir­misinizsə, reallıqda uğura nail olmaq üçün mövqeyinizdə bir o qədər də mətanətli olmayacaqsınız. Sınmış, uçan dam örtüyü görmək isə gözlənilmədən xoşagəlməz bir halla üzləşə biləcəyinizi bildirir. Dam örtüyünü təmir və ya inşa etmək böyük uğurun əlamətidir. Yuxuda damda yatdığınızı görmüsünüzsə, gerçək həyatda düşmənlərinizin və saxta dostların fitnə-fəsadın­dan uzaq qalacaqsınız. Sağlamlığınız da möhkəm olacaq.

Dama oyunu (şaşki) — Yuxuda dama oynadığınızı görməniz ciddi çətinliklərlə üzləş­mə ehtimalınızın böyük olduğunu bildirir. Yad kəslərin həyatınıza soxularaq sizə zərər verəcəyi gözlənilir. Oyunda qalib gəldiyinizi görməniz şübhə doğuran bir işdə irəliləyəcəyinizdən xəbər verir.

Damcı, şeh damcısı — Yuxuda şeh damcısının üzərinizə düşdüyünü hiss etmisinizsə, yük­sək hərarətlə müşayiət olunan bir naxoşluğa tutulacağınızı bildirir. Lakin əgər yuxuda günəş şüaları altında otluğun üzərində parıldayan damcılar görmüsünüzsə, tezliklə yüksək şərəfə və var-dövlətə sahiblənəcəksiniz. Əgər tənhasınızsa, yaxın gələcəkdə təmtəraqlı bir toyla ailə quracaqsınız.

Dar ağacı — Yuxuda hansısa bir dostunuzun dar ağacından asılaraq edam olunduğunu görməniz bir xəbərdarlıqdır və əgər qanqaraldıcı nəticələr istəmirsinizsə, hansısa ümidsiz dərəcədə çətin bir məsələdə qəti qərar verməli olacaqsınız. Özünüzü dar ağacından asılmış görmüsünüzsə, yalançı dostların bədxah niyyətlərindən dolayı ziyan görəcəksiniz. Gənc bir xanımın yuxusunda sevgilisinin dar ağacından asıldığını görməsi reallıqda prinsipsiz bir kəslə ailə quracağından xəbər verir. Əgər yuxuda nə yolla olursa olsun, dar ağacından qurtulmağı bacarırsınızsa, istədiklərinizə nail olacaqsınız. Düşməninizi dar ağacından asdığınızı görmüsünüzsə, bütün işlərdə sizi uğur gözləyir.

Darvaza — Yuxuda darvaza qapıdan keçdiyinizi görməniz həyəcanlı xəbərlərin müjdəçisidir. Belə ki, işgüzar sahədə anlaşılmazlıqlarla diqqətsizlik üzündən bəzi problemlər ehtimal olunur. Bağlı darvaza görmək yaranmış çətinliklərin öhdəsindən gəlməyinizin müşkül olacağı deməkdir. Darvazanı özünüz bağlayırsınızsa, sizi uğurlu işlər və sadiq dostluq gözləyir. Dağılmış, köhnə darvaza uğursuzluq və ziddiyyətli məqam­lardan xəbər verir. Darvazadan keçməyə və ya onu açmağa çalışdığınızı görmüsünüzsə, işlərdə diqqətli olun, uğursuzluq ola bilər. Darvazada yellənmək əngəlli və gəlirsiz işlərə cəlb oluna biləcəyinizə işarədir.

Daş — Yuxuda görülən daşlar çoxsaylı çətinliklərin və uğursuzluqların əlamətidir. Daş və ya qayalar arasından keçməyə çalışdığınızı görmüsü­nüzsə, seçdiyiniz yol ən azından yaxın gələcəkdə nahamar və çətin olacaq. Filiz yataqları olan qayalarda axtarış apardığınızı görmüsünüzsə, hansısa bir işdə çoxsaylı uğursuz səylərdən sonra, nəhayət, arzuolunan nəticələrə nail olacaqsınız. Yuxuda görülən xırda çay daşları cüzi problemlərin əlamətidir. Daşları harasa və ya kiməsə tolazlamaq isə reallıqda kimisə qorumaq, onu hansısa bir işdən çəkindirmək zərurətinin yaranacağından xəbər verir. Sizə hücum edən birini daşlamaq niyyətinə düşmüşsünüzsə, ədalətə və qanuna sadiq olmanız, həmçinin diqqəti, ehtiyatı əldən verməmək qabiliyyətiniz nəticəsində sizi addımbaaddım izləyən hansısa bir bəladan qurtulmağı bacaracaqsınız.

Daş-qaş, cəvahirat — Yuxuda daş-qaş, cəvahirat görmək kef-səfa, məmnuniyyət və var-dövlət işarəsidir. Cəvahiratı üzərinizdə görmüsünüzsə, vəzifə yüksəlişi və nüfuzunuzun yüksəlməsi gözlənilir. Başqalarının üzərində ləl-cəvahirat görmək sizin və ya yaxınlarınızın məşhurlaşacağınızdan xəbər verir. Qiymətli qaşlarla bəzədilmiş paltar görmək nadir bir uğur işarəsidir. Yuxuda görülən varislik, yaxud da uğurlu ticarət sövdələşməsi belə bir yuxu sahibini yüksək qatlara qaldıracaq. Əgər ləl-cəvahirata bir miras olaraq sahibləndiyinizi görmüsünüzsə, güzəranınız xeyli yüksələcək, lakin bu sizi yenə də qane etməyəcək. Daş-qaş hədiyyə aldığınızı görmək hazırkı vəziyyətiniz üçün təhlükə yarana biləcəyinə işarədir. Gənc bir xanımın daş-qaş hədiyyə aldığını görməsi əhvalının yüksələcəyindən və ürəyincə olan bir nikah quracağından xəbər verir. Daş-qaş itirdiyini görməsi isə riyakar insanlara rast gələrək aldanacağına işarədir. Yuxuda daş-qaş tapmaq maraq göstərdiyiniz işlərdə uğur vəd edir. Daş-qaş almaq əhəmiyyətli işlərdə, xüsusilə də ailə-sevgi məsələlərində böyük uğurdan xəbər verir.

Daşqın — Yuxuda bulanıq suların coşub-daşaraq hansısa bir kəndi su ilə basdığını görməniz hansısa təhlükədən xəbər verir. Daşqına düşərək boğulan adamlar görmək həyatı kədərli və mənasız edən itkilərə və ümidsizliyə işarədir. Təmiz suyun basdığı geniş ərazilər görmək tale-qismət ilə ümid­siz görünən bir mübarizənin ardınca gələn dincliklə bolluğun əla­mətidir. Yuxuda daşmış bir çayın coşqun suyunun sizi qırım-qırıntıyla birlikdə ağuşuna alıb apardığını görməniz isə fiziki nasazlığa və ya işlərin bir müd­dətliyinə dayandırılmasına işarə edir.

Davranış, əxlaq — Yuxuda olduqca xoşagəlməz davranışı olan birini görməniz reallıqda sizinlə əlaqəsi olan insanların narazılığı üzündən başladığınız işlərin məğlubiyyətə uğraya biləcəyinə işarə edir. Gü­lərüz, xoşrəftar insanlarla ünsiyyətdə olduğunuzu görmə­niz isə işlərinizin gözlənilmədən uğura doğru yönəldiyinə sevinəcə­yinizdən xəbər verir.

Dayə — Yuxuda evinizə dayənin dəvət olunmasını görmüsünüzsə, narahatlıq yaradacaq bir xəstəlik və ya dostları uğursuz bir ziyarət ehtimalı var. Dayənin sizin evi tərk etdiyini görməniz sağlamlıq və ailədə əmin-amanlıq ifadə edən xoş əlamətdir. Gənc bir xanım yuxuda özünü dayə kimi görmüşsə, fədakarlığıyla ətrafdakıların dərin hörmətini qazanacaqdır. Xəstə baxıcısı olduğunu və xəstəylə vidalaşdığını görmüşsə, reallıqda hansısa bir yalana uğraya bilər. Bəzən belə bir yuxu qohum-əqrəbanın yardım etmədiyi, sadə bir həyata işarə edə bilər.

Dazbaş — Yuxuda daz adam görməniz hiyləgər adamların sizin planları pozmaq niyyətində olduğundan xəbər verir. Kişi xeylağının yuxusunda dazbaşlı qadın görməsi həyat yoldaşının son dərəcə deyingən və bədrəftar olacağını bildirir. Yuxuda görülmüş yaşıllığı və bitki örtüyü olmayan keçəl dağdöşü aclıq və iztirabların əlamətidir. Gənc bir xanım yuxuda daz adam görmüşsə, qeyri-səmimi bir evlilik təklifini rədd etməyi bacarmaq üçün cəsarətini, qətiyyətini və sağlam düşüncəsini səfərbər etmək məc­buriyyətində qalacaq. Balaca uşaqların tüksüz, keçəl başlarını görmək ailə səadəti və əmin-amanlıq müjdəçisidir.

Delfin — Yuxuda delfin görməniz yeni hakimiyyətin təsiri altına düş­məyə meyilli olduğunuzu bildirir. Belə yuxu o qədər də yaxşı sayılmır.

Dəbdəbə, cah-cəlal — Yuxuda cah-cəlalla əhatə olunduğunuzu görməniz reallıqda böyük bir sərvətə yiyələnəcəyinizdən xəbər verir. Lakin özünüzü ələ almağı bacarmasanız, əxlaqsız həyat tərzi ilə xudbinliyiniz sərvətinizin getdikcə azalacağına gətirib çıxaracaq. Kasıb bir xanım üçün yuxuda özünü cah-cəlal içində görməsi yaxın gələcəkdə gözlənilən ürəkaçan dəyişikliklərin müjdəçisi sayılır.

Dəbilqə, kaska — Yuxuda əlinizə dəbilqə və ya kaska alaraq onu başınıza taxmağa çalışdığınızı görməniz kasıblıq və itkilərə işarə edir. Bu səfalətdən isə yalnız ciddi cəhdlərinizlə qurtulmağı bacaracaqsınız.

Dəfn mərasimi — Yuxuda aydın, günəşli bir gündə hansısa qohumunuzun dəfn məra­simində olduğunuzu görməniz yaxınlarınızın səhhətinin ürəkaçan olacağının əlamətidir; həmçinin xoşbəxt bir tale-qismət də gözlənilir. Lakin iştirakçısı olduğunuz dəfn mərasimi zamanı hava tutqun və yağışlı olmuşdursa, nasazlıq, xoşagəlməz xəbərlər və işlərdə tənəzzül ehtimal olunur. Yuxuda tanımadığınız birinin dəfn mərasimində iştirak etdiyinizi görməniz isə ətrafdakılarla ünsiyyətdə gözlənilməz çətinliklərin yarana biləcəyinə işarə edir. Övladınızın dəfnini görməniz ailədə sağlamlıq və əmin-amanlıq, dostlar arasında problemlərin əlamətidir. Matəm şeypurunun sədalarını eşitməniz yanınızda olmayan birinin nasazlığı xəbərini alacağınızın ehtimalını artırır. Özünüzün şeypur çalmanız xəstəlik və uğursuzluq əlaməti ola bilər.

Dəmir — Yuxuda dəmir görmək xoşagəlməz olaylardan xəbər verir. Üzəri-n­iz­də dəmir bir əşyanın ağırlığını hiss etməniz və bu yükdən azad olmağa cəhd etməniz mənəvi çaşqınlıq və maliyyə itkilərinə işarə edir. Kimisə dəmir əşyayla vurmaq reallıqda sizdən asılı olanlara qarşı eqoistlik və kobudluq nümayiş etdirəcəyinizi bildirir. Yuxuda dəmiri emal etmək varlanmaq üçün yararsız vasitələrə əl atdığınıza işarədir. Dəmiri satdığınızı görməniz isə şübhəli uğurdan və dostlarınızın riyakarlıq edəcəyindən xəbər verir. Paslanmış dəmir görmək kasıblıq və məyusluq əlamətidir. Yuxuda bərk qızdırılmış dəmir görmək enerjinizdən sui-istifadə edəcəyiniz nəticəsində uğursuzluğa düçar ola biləcəyinizdən xəbər verir.

Dəmir yolu — Yuxuda dəmir yolu görmüsünüzsə, reallıqda gördüyünüz işdə, tutduğunuz yolda xüsusi diqqətə zərurət yaranacağını anlayacaqsınız, çünki düşmənləriniz təşəbbüsləri öz əlinə keçirməyə can atacaq. Xanımın yuxuda dəmir yolu görməsi yaxın gələcəkdə dostlarını ziyarət etmək məqsədilə səfərə çıxacağından və bu səfərin ona sevinc bəxş edəcəyindən xəbər verir. Yuxuda dəmir yolunda maneə, çəpər görmək işlərdə xəyanət əlamətidir. Şpalların kəsişməsindən keçmək həyəcan və cansıxıcı mübarizəyə işarədir. Relslərin üstündə yerimək işgüzar sahədə göstərdiyiniz bacarıq sayəsində böyük uğurlara imza atacağınızdan xəbər verir.

Dəmirçi — Yuxuda dəmirçi görmək reallıqda xeyli əmək sərf etdiyiniz hansısa işlərinizin tezliklə sizə gəlir gətirəcəyindən xəbər verir.

Dəniz — Yuxuda dənizin həzin, melanxolik səsini eşitdiyinizi görmü­sünüzsə, sevgi və dostluq dəstəyindən məhrum olunmuş cansıxıcı və səmərəsiz bir həyat keçirmək təhlükəsi qarşısında qala bilərsiniz. Dəniz haqqında yuxular ümidlərinizin bihudəliyindən xəbər verir: cismani zövqlərə təslim olmaqla, cisminizin əvəz edə bilmədiyi ruh nəşəsinin intizarında yaşayacaqsınız. Gənc bir xanım yuxuda sevgilisilə birgə dəniz səthinin üzərində sürətlə hərəkət etdiyini görmüşsə, deməli, onun ümdə arzuları reallaşacaq, sevinc isə əhd-peymanlarını mühafizə edəcək.

Dəniz molyuskları — Yuxuda dəniz molyuskları görmək reallıqda inadkar da olsa, vicdanlı bir adamla iş quracağınızdan xəbər verir. Molyusk yediyinizi görməniz dostunuzun uğurlarından fərəhlənəcəyinizi bildirir. Gənc bir xanımın yuxuda sevgilisilə birgə közdə bişirilmiş molyusk yediklərini görməsi reallıqda sevgilisinin həm etimadının, həm də maddi imkanlarının tamhüquqlu bir sahibi olacağından xəbər verir.

Dənizçi — Dənizçilərlə bağlı yuxular uzunmüddətli və maraqlı səfərlər­dən xəbər verir. Gənc bir xanımın yuxuda çoxlu sayda dənizçi görməsi real­lıqda qeyri-ciddi davranışı, şıltaqlığı üzündən sevgilisilə ayrılmaq təhlükəsi qarşısında qalacağına işarə edir. Özünü dənizçi obrazında görmüşsə, qız xeylağı üçün yolverilməz olan bir şıltaqlıq istəyindən imtina edə bilməyib, yaxın və sadiq bir dostunu itirmək təhlükəsi qarşısında qala bilər. Sizin özünüzü dənizçi obrazında görməniz də həmçinin maraqlı əyləncələr, macəralar və xoş istirahət anlarıyla dolu uzaq diyarlara səfərlər edəcəyinizdən xəbər verir. Gəminizin sizi sahildə tərk edərək uzaqlaşdığını görməniz isə reallıqda bəzi həyəcanlı anlara işarə edir.

Dənizkənarı, çayqırağı, körpü — Yuxuda körpü, çayqırağı və sair bu kimi yerlər görməniz reallıqda tezliklə son dərəcə uzunmüddətli və təhlükəli bir səyahətə yollanmaq niyyətinə düşəcəyinizi bildirir. Dənizkənarında dayanmış gəmilər görmək isə ən ümdə arzuların və məqsədlərin həyata keçəcəyindən xəbər verir.

Dərd —Yuxuda ağır bir dərdə düçar olub gücünüzün tükəndiyini görməniz hansısa bir fəlakətin mümkünlüyündən xəbər verir. Ehtiyatlı olmağa və bədbinlikdən uzaq olmağa çalışın. Başqalarını dərdli görmək bir sıra uğursuzluqlara işarədir.

Dərə, vadi — Yuxuda gözəl yaşıl bir vadidə gəzişmək işlərin uğurlu məc­rada inkişafından, karyerada yüksəlişlərdən xəbər verir. Sev­gililər üçün belə yuxu həmrəylik əlamətidir. Cansıxıcı və barsız vadidə gəzişmək isə işlərin pisləşəcəyinə işarədir. Bataqlıq yer isə xəstəlik xəbərdarlığıdır.

Dəri — Yuxuda heyvan dərisi görməniz sevdiyiniz bir işə dalacağınızı və əmin-amanlıq vəd edən əlamətdir.

Dəri — Yuxuda dəri görmək uğurlu biznesdən və qadınların sizə iltifat gös­tərəcəyindən xəbər verir. Özünüzü dəri paltarda gör­səniz, birja oyununda sizi uğur gözləyəcək. Dəridən hazırlanmış bəzək əşyaları məhəbbətdə sədaqət, ailədə isə xoşbəxtlik əlamətidir. Qalaq olaraq yığılmış dəri uğur və xoşbəxtliyə işarə edir. yuxuda dəri alverilə məşğul olmaq var-dövlət toplanması üçün əvəzedilməz olan dəyişikliklərin hələ yaxın gələcəkdə gözlənilmədiyindən xəbər verir.

Dərin uçurum — Yuxuda uçuruma baxmaq daşınmaz əmlak məsələlərində itkilərin gözlənildiyindən xəbər verir. Yaxud da həyati məsələləri həll etmək qabiliyyətindən məhrum etmək iqtidarında olan söz-söhbət və küsülülük gözlənilir. Bir qadın üçün yuxuda uçu­­ruma baxmaq reallıqda üzərinə arzuedilməz məsuliyyət götü­rəcəyinə işarədir. Əgər yuxuda uçuruma yıxılırsa, həqiqətdə dərin məyusluğa uğraya bilər. Lakin əgər yıxılmaqdan qurtula bilmişsə, deməli, işlər yaxşıya doğru irəliləyəcək.

Dərman — Yuxuda dadı xoş olan dərman qəbul etmək tezliklə həyatınızı yaxşı mənada dəyişəcək bir sıra çətinliklərdən xəbər verir. Dadı acı olan dərman qəbul etmək isə uzunmüddətli bir nasazlığın, kədərin və ya hansısa bir sarsıntının müvazinətinizi sarsıdacağını bildirir. Başqalarına dərman verməniz sizə etibar edənlərin ümidlərini doğrultmayacağınıza işarə edir.

Dəryaz, kərənti, biçim işləri — Yuxuda kərənti görmək hansısa bir hadisənin və ya nasazlığın sizi işlərinizdən ayıracağından və ya nəzərdə tutduğunuz bir səyahətə çıxmanızı əngəlləyəcəyindən xəbər verir. Köhnə və ya qırıq kərənti dostlarla ayrılığın və ya işgüzar bir təşəbbüsün pozulmasının əlamətidir.

Dərzi — Yuxuda dərzi görməniz reallıqda nəzərdə tutulan səfərin sizə qayğılar bəxş edə biləcəyinə dair bir xəbərdarlıqdır. Dərzilə ünsiy­yətinizdə anlaşılmazlıq yaşanmışdırsa, nəzərdə tutduqlarınızdan məmnun qalmayacağınız ehtimal olunur.

Dərzi qadın — Yuxuda dərzi qadın görmüsünüzsə, gözlənilməyən sevincli hadisənin baş verməsi sizin üçün son dərəcə önəmli olan bir görüşə getməyinizi əngəlləyərək, evdə qalacağınıza səbəb olacaq.

Dəvə — Yuxuda dəvə görmək yaxşı əlamətdir: səbir, iradə nümayiş etdir­məklə gələcəyə xoş ümidlərinizi sarsıdan maneələri asanlıqla aradan qaldırmağı bacaracaqsınız. Əgər yuxuda özünüzü dəvənin sahibi kimi görmüsünüzsə, işlərinizdə sizi uğur gözləyir. Səhrada dəvə karvanı görmək də yaxşı yuxudur. Belə bir yuxu çətin məqamda İlahi möcüzəsilə yardım alacağınızdan, yaxud da hansısa bir xəstəlikdən nicat tapacağınızdan xəbər verir.

Dəvət — Yuxuda hansısa bir cəmiyyətə və ya şirkətə dəvət aldığınızı gör­müşsünüzsə, reallıqda dostlarınızın sizə qarşı səmimi bir mehribanlıq, düşmənlərinizin isə qatı qərəzkarlıq bəslədiyindən əmin olmanız üçün tezliklə əlinizdə yetərli əsaslar olacaq. Həmçinin məşhurlaşma ehtimalınız da var. Özünüzün başqalarını haralarasa dəvət etdiyinizi görməniz isə yüksək qabiliyyətləriniz və insanlarla məharətli ünsiyyət qurma bacarığınız sayəsində tezliklə cəmiyyətin müxtəlif dairələrində hörmət və ehtirama nail olacağınızdan xəbər verir. Evinizə qonaq dəvət etdiyinizi görmüşsünüzsə, yaxın ətrafınızda narahatlıq və qayğılar ehtimal olunur. Özünüzün qonaq dəvət edilməniz də ürəkaçan əlamət sayılmır.

Dəyirmançı, dəyirman — Yuxuda dəyirmançı görməniz ümumi vəziyyətinizin yaxşılaşaca­ğına işarə edir. Qadın xeylağının yuxuda dəyirmanı işə salmağa cəhd edən, lakin bunu bacarmayan bir dəyirmançı görməsi məyusluq əlamətidir. Ümumiyyətlə, yuxuda çalışan bir dəyirman görmək bir çox işlərdə uğurdan xəbər verir. Lakin sökülüb dağılan, köhnəlmiş dəyirman gördüyünüz yuxunu bir xəbərdarlıq olaraq qəbul etməsəniz, qəfil həyat sınaqlarına məruz qala biləriniz.

Dırmıq — Yuxuda dırmıqla işlədiyinizi görmüsünüzsə, reallıqda başqalarının üzərinə qoyduğunuz işlərə şəxsən özünüz nəzarət etməyincə, heç bir zaman həllini tapmayacaqsınız. Qırıq dırmıq görmək fiziki nasazlığın, yaxud da hansısa bir hadisənin sizin planlarınızı pozacağına işarədir. Digərlərini dırmıqla işləyən görmüsünüzsə, kiminsə işlərinin uğurlu sonluğuna sevinəcəksiniz.

Dırnaqlar — Yuxuda dırnaq görməniz xırda bir mükafat qarşılığında çoxlu əmək sərf etmək məcburiyyətində qalacağınızdan xəbər verir. Dırnaq­larınızı səliqəyə saldığınızı görmüsünüzsə, sadə də olsa, nəcib bir məşğuliyyətiniz olacaq. Baxımsız və ya qırıq dırnaqlar xəstəlik və ya uğursuzluq əlamətidir. Öz dırnaqlarınızı kirli görmüsünüzsə, reallıqda bütün baş verənləri düzgün dəyərləndirməyi bacarmasanız, ailənizə rüsvayçılıq və həqarət üz verəcək.

Dil — Yuxuda öz dilinizi görməniz tanışlarınızın yaxın zamanda sizdən üz döndərəcəyinə işarə edə bilər. Başqa birinin dilini görməniz isə tezliklə hansısa bir qalmaqala səbəb olacağınıza dair xəbərdarlıqdır. Öz dilinizin yaralandığını görməniz boşboğazlığınızın sizə heç bir fayda verməyəcəyini bildirir. Bu yuxu da xəbərdarlıq kimi qəbul olunmalıdır.

Dilənçi — Özünüzü və ya dostlarınızdan hansınısa yuxuda dilənçi qis­mində görməniz ürəkaçan əlamət deyil. Bu yuxu sizə qayğı və itkilər barədə xəbərdarlıq rolu oynayan bir siqnaldır. Gənc bir xanımın belə yuxu görməsi real həyatda kiminsə onun şəxsi həyatına təklifsiz şəkildə qarışacağından xəbər verir. Gördüyünüz dilənçi qoca və əldən düşmüşdürsə, bu yuxu işgüzar adamları öz işi ilə vaxtlarını daha düzgün bölüşdürməyə səsləyir, əks təqdirdə maddi itkilər ehtimal olunur. Yuxuda dilənçiyə nəzir vermisinizsə, reallıqda baş verənlər sizi ümidsizliyə sürükləyə bildiyi üçün, həyatınıza yenidən nəzər salmanız tövsiyə olunur. Nəzir verməkdən imtina etdiyinizi görməniz isə bir o qədər də xoş əlamət deyil.

Dirək (dor ağacı) — Yuxuda gəmi dirəyinə tamaşa etməniz uzunmüddətli və ürək­açan səyahətlərdən, yeni dostlar qazanacağınızdan və yeni mülkə sahiblənə­cəyinizdən xəbər verir. Qayalara çırpılmış gəmilərin dirəklərini görmək bəzi dəyişikliklər üzündən inti­za­rında olduğunuz istirahəti bir müddətliyinə təxirə salmaq məc­buriyyətində qalacağınızı bildirir. Dənizçinin yuxusunda gəmi dirəyi görməsi yaxın gələcəkdə müxtəlif cür hadisələrlə zəngin bir səyahətə çıxacağına işarə edir.

Diri-diri dəfn — Yuxuda özünüzün diri-diri basdırıldığınızı, dəfn olunduğu­nuzu görmüsünüzsə, deməli, reallıqda böyük bir səhvə yol ver­mək­lə, düş­mən­lərinizin öz məqsədinə çatmaları üçün sizə zərər yetirmək və sizi alçaltmalarına münbit şərait yaradacaqsınız. Lakin əgər qəbirdən çıxıb cidd-cəhdlə xilas olmağı bacarmışsınızsa, nəhayət, düz yolu seçməyi bacaracaqsınız.

Dirilmək — Yuxuda həyata yenidən qaytarıldığınızı, dirildiyinizi görməniz reallıqda qarşılaşdığınız ağır itkilərdən sonra itirdiklərinizdən daha artığı ilə mükafatlandırılacağınızdan və çox xoşbəxt olacağınızdan xəbər verir. Kimisə diriltdiyinizi görməniz isə sizi yük­səldəcək və sevinc bəxş edəcək dostluq əlaqələri quracağınızı bildirir.

Dirsəklər — Yuxuda dirsək görmək reallıqda gərgin bir iş təklifi alacağınızdan, lakin bunun qarşılığında cüzi bir mükafat alacağınızdan xəbər verir. Gənc bir xanımın dirsək görməsi uğurlu ailə quracağına işarə edir. Xanım kirlənmiş dirsəklər görmüşsə, ailə qurmaq şansını əldən verməklə, evinin rifahını yaxşılaşdırmaq imkanından məhrum ola bilər.

Dişləmə, sancma — Dişləmə, sancma ilə bağlı yuxular xəstəlik və uğursuzluq əla­mətidir. Bu yuxu sizi, kifayət qədər güc sərf etdiyiniz bir işi korlamaq niyyətinizin qarşısını almağa, rəqiblərlə münasibətlərdə daha ehtiyatlı olmağa səsləyir. Əks təqdirdə onlar tərəfindən sarsıntılara məruz qala bilərsiniz.

Dişlər — Diş gördüyünüz adi yuxular xəstəlik və sizi narahat edən insanlarla xoşagəlməz bir üzləşməyə dair xəbərdarlıqdır. Yuxuda dişlərin töküldüyünü görmək xoş əlamət deyil. Həkim dişinizi çəkibsə, qarşıda cansıxıcı bir xəstəlik ola bilər. Əgər yuxuda dişlərinizin lazımi sayda olduğunu görmüsünüzsə, çoxsaylı sınaqlardan sonra itirilmiş zinət əşyaları yenidən özünüzə qayıdacaq. Dişlərinizi fırçalayırsınızsa, yaxud da yaxalayırsınızsa, xoşbəxtliyinizi qoruyub-saxlamaq üçün ciddi cəhdləriniz tələb olunacaq. Ağzınızdakı dişlərinizin süni olduğunu görmüsünüzsə, üzərinizə tökülən ağır sınaqlara sinə gərməli olacaqsınız və onların öhdəsindən layiqincə gəlməyi bacaracaqsınız. Yuxuda dişlərinizi itirmişsinizsə, məğrurluğunuzu sarsıdacaq və əməyinizi heçə endirəcək ağır bir yük altında qalacağınız gözlənilir. Ki­min­sə sizin dişlərinizi vurub tökdüyünü görməniz isə sizə bir xəbər­darlıqdır: düşmən sayıq olur, bu üzdən işlərinizə daha diqqətli yanaşmalısınız. Yuxuda dişləriniz ovxalanıb tökülürsə və ya qırılmışdırsa, işlərinizə və sağlamlığınıza hədsiz yüklənmə altında zərər dəyə bilər.
Dişlərinizi tüpürdüyünüzü görmüsünüzsə, sizin və ya yaxınlarınızın sağlamlığında problemlər yarana bilər. Müxtəlif cür nöqsanları olan əyri-üyrü dişlər bədxah bir yuxudur. Belə bir yuxunu görən adamı yoxsulluqdan tutmuş, şəxsi planların və ümidlərin boşa çıxması, xəstəliklər və hətta indiyə qədər sağlamlığında problemləri olmayan insan üçün belə əsəb gərginliyi kimi narahatlıqlar gözləyir. Əgər yuxuda bir dişinizin düşdüyünü görmüsünüzsə, kədərli xəbərlər; iki dişinizin düşdüyünü görmüsünüzsə, səhlənkarlığınız üzündən uğursuzluq zolağına uğrayacağınız gözlənilir. Əgər üç dişiniz düşmüşdürsə, ciddi problemlər ehtimal olunur. Bütün dişlərinizin töküldüyünü görməniz isə son dərəcə ehtiyatlı olmanıza dair bir xəbərdarlıqdır. Dişlərinizin xarab olduğu üzündən onları çəkib çıxardığınızı görmüsünüzsə, aclıq və çətinliklər ehtimal olunur. Dişlərin ərpinin töküldüyünü və ondan sonra onların sağlam və ağ olduğunu görmək nasazlığınızın müvəqqəti olduğundan xəbər verir. Belə ki, narahatlıqlar bitdikdən sonra əvvəlki fikrinizdən dönüb, öhdəçiliklərinizi layiqincə yerinə yetirəcəksiniz və bu hiss sizi sevindirəcək.
Yuxuda dişlərinizin ağlığına və mükəmməlliyinə valeh olursunuzsa, sizin üçün əziz olan dostlarla görüş gözlənilir. həmçinin arzularınızın reallaşması nəticəsində böyük məmnunluq və xoşbəxtlik hissi keçirəcəksiniz. Əgər dişlərinizin birini çəkib çıxararaq onu itirmiş, sonra isə dilinizlə ağzınızda həmin dişin yerini axtarıb tapmırsınız və bu tapmacanı həll olunmamış qoyursunuzsa, reallıqda heç arzulamadığınız bir görüş gözlənilir. Siz bunu istəməsəniz də, bu görüş baş tutacaq. Gələcəkdə də siz həmin bu insanla görüşməli olacaqsınız və dost-tanışın əyri-üyrü nəzərlərinə baxmayaraq, bu görüşlərdən böyük zövq alacaqsınız. Diş həkiminizin sizin dişlərinizi çox gözəl təmizlədiyini, səhərisi gün isə dişlərinizin yenidən saraldığını görmüsünüzsə, maraqlarınızın müdafiəsini gələcəkdə mahir riyakarların yalançı vədləri qarşısında nəfsini saxlaya bilməyən insanlara etibar edəcəksiniz.

Dişsiz adam — Əgər yuxuda özünüzü dişsiz görmüsünüzsə, real həyatda karyeranızı qurmaq iqtidarında olmadığınız deməkdir, nasazlıq, xəstəlik isə planlarınıza mane ola bilər. Digərlərini dişsiz görməniz isə düşmənlərinizin nüfuzunuza xələl gətirməkdə aciz olacağına işarə edir.

Divar, hasar — Yuxuda yolunuzu kəsən bir hasar qarşısında dayandığınızı görməniz reallıqda sizə göstəriləcək təsirə tab gətirməyib, əldə etdiklərinizi belə itirə biləcəyinizə işarə edir. Hasarın üstündən tullandığınızı görməniz isə reallıqdakı bütün maneələri dəf edərək, arzularınıza nail olacağınızdan xəbər verir. Divarı vurub deşik açmışsınızsa, misilsiz səbat və sarsılmazlıq nümayiş etdirməklə, qarşıya qoyduğunuzu məqsədə yetirəcəksiniz. Divarı dağıtdığınızı görməniz isə düşmənlərinizə qalib gələcəyinizi bildirir. Hasar tikdiyinizi görməniz uğura doğru yolunuzdakı maneələri aradan qaldırmaq üçün hər işinizi incəliklə planlaşdırdığınızın göstəricisidir. Gənc bir xanımın yuxusunda hasa­rın yuxarısına qalxdığını görməsi gələcək xoşbəxtliyinin sarsılmaz olacağına işarə edir. Hasarın arxasında gizləndiyini gör­məsi isə gələcəkdə ona pərtlik və utanc hissləri yaşadacaq bir sevgiyə düşəcəyinin əlamətidir. Yuxuda hasar boyunca ora-bura gəzişdiyini görmüşsə, zahiri görünüşünə səliqə ilə yanaşması onu ətrafdakıların gözündə olduqca cazibədar edəcək.

Dizlər — Yuxuda kimisə dizi üstə çökmüş görmək arzuolunmaz görüş­lərdən sığortalanmış olduğunu bildirir. Gənc bir xanım yuxuda kimisə dizinin üstündə otuzdurduğunu görmüşsə, gerçək hə­yatda kəskin surətdə qınaq obyektinə çevrilə bilər. Əgər dizinin üstündəki ilandırsa, düşmənləri onu alçalda bilər; yaxud dizindəki pişikdirsə, kimsə onu yoldan azdıra bilər.

Doğuluş — Yuxuda uşaq dünyaya gətirdiyinizi görməniz bir çox işlə­rinizdə ürəkaçan dəyişikliklərə işarə edir. Bəlkə də həqiqətən gözəl bir övladın doğulmasını gözləyirsiniz. Gənc bir xanım hələ toyundan əvvəl uşaq dünyaya gətirməsi ilə bağlı yuxu görmüşsə, təmiz adını və nüfuzunu qoruyub-saxlaması üçün davranışında olduqca ehtiyatlı olmalıdır. Belə bir yuxu, həmçinin xoş xə­bərlərin, miras alınmasının da müjdəçisi ola bilər.

Dolğunluq — Yuxuda kökəldiyinizi görməniz reallıqda xoşbəxt dəyişikliklər astanasında olduğunuzdan xəbər verir. Başqalarının kökəldiyini görməniz isə sizə çiçəklənmə vəd edir.

Dolu (yağıntı) — Yuxuda doluya düşmək xırda uğurlardan xəbər verir. Əgər yuxuda günəşli bir gündə dolu yağdığının şahidi oldunuzsa, gərəksiz qayğılar və hətta qəribə bir tale zarafatına uğraya bilər­siniz. Gənc bir xanımın bu sayaq yuxu görməsi ona uzunsürən uğursuzluqlardan sonra, nəhayət, öz yarına rast gələcəyindən xəbər verir. Dolu dənələrinin dam örtüyünün üstünə düşərək taqqıldadığını eşitmək isə o qədər ürəkaçan əlamət deyildir.

Domino (oyun) — Yuxuda domino oynayıb uduzmaq real həyatda yaxın dostunuzun sizin xətrinizə dəyəcəyindən xəbər verir. Bundan əlavə, belə bir yuxu yaxınlarınızın sizə görə narahat olacağına işarədir. Bu yuxu sizi insanlarla münasibətlərdə ehtiyatlı olmanıza çağırır. Yuxuda dominoda kimisə udmaq da reallıqda həyatınızı korlaya biləcək şübhəli bir aludəlikdən çəkinməniz üçün işarədir.

Don, köynək —Gənc bir xanımın yuxuda incə, gözəl biçilmiş köynək və ya don görməsi reallıqdakı mərifəti və xoşagələn əxlaqıyla ümumi heyranlıq və məhəbbət qazanacağından xəbər verir. Paltarını cırılmış görmüşsə, yolverilməz əməllərinə görə qınaq obyektinə çevrilə bilər. Qadın xeylağının yuxuda əyninə köynək və ya don geyinib baxması məhəbbətdə rəqibi ilə üzləşəcəyini bildirir. Lakin xoşuna gələn bir paltarı almaq üçün çəkisinə nəzarət etdiyini görmüşsə, rəqibinə uğurla üstün gələrək, sevgilisinin diqqətini cəlb etməyi bacaracaq.

Dondurma — Yuxuda dondurma yemək başlanmış işlərin uğurla nəticələnə­cə­yindən xəbər verir. Dondurma yeyən uşaqlar görmək isə bütün ömrünüz boyu sizi müşayiət edən çiçəklənmə və xoşbəxtlik əlamətidir. Gənc bir xanımın yuxuda dostunun və ya məşuqunun yanında dondurma olan qabı aşırıb əlindən salması reallıqda başqa birisiylə maraqlanacağına və keçmiş sevgilisinə qarşı əsassız qəddarlıq göstərməsinə işarə edir. Ərimiş dondurma gör­mək gözlənilməz bir hadisənin əhvalınızı korlayacağını bildirir.

Donqar, qozbel — Yuxuda donqar, yaxud da qozbel adam görmək gələcək planlarda gözlənilməz çətinliklərdən xəbər verir.

Donuz əti — Yuxuda donuz əti yediyinizi görməniz reallıqda ciddi çətin­liklərlə üzləşə biləcəyinizə işarə edir. Lakin donuz ətinə, sadəcə, tamaşa etdiyinizi görmüşsünüzsə, problemləri müvəffəqiyyətlə həll etməyi bacaracaqsınız.

Donvurma — Yuxuda donvurmadan əziyyət çəkdiyinizi görməniz dostlarınızdan birinin sizi hansısa pis, nalayiq bir işə sövq edəcəyindən xəbər verir. Həmçinin bu yuxu nasazlıq və ya həyəcan əlaməti də ola bilər.

Dost — Dostları yuxuda sağlam və xoşbəxt görmək xoş xəbərlərə işarədir. Böyük ehtimalla, yaxın gələcəkdə sizin üçün son dərəcə əziz olan in­sanlarla görüşəcəksiniz. Dostunuzu kefsiz və ya üzünü tutqun gör­mü­­sünüzsə, xəstəlik və iztirablara işarə ola bilər. Dostunuzu bir hey­van şəklində görmüsünüzsə, ehtiyatlı olun, düşmənləriniz sizi sev­dik­lərinizlə ayırmağa çalışacaq. Onu al-qırmızı rəngli paltarda görməniz isə yaxınlarınızın həyəcan və narahatlığına işarədir. Dostunuzu yüksək bir pyedestalda daya­narkən görmüsünüzsə, qarşıya qoyduğunuz məq­sədlərdən bir çoxuna nail olacaqsınız və ədalət hissi heç zaman sizi tərk et­mə­yəcək. Əgər dostunuzu aşağıda görmüsünüzsə, reallıqda gözlənilən uğurlar dövründə köhnə vərdişlərə, tanışlıqlara etinasızlıq nümayiş et­dirəcəksiniz. Yuxuda dostunuzu tərk etmisinizsə, reallıqda dostluq əla­qələrini kəsərək yeni təəssüratlar axtarmağa meyillənəcəksiniz. Yuxuda kefsiz və qəmli birinin əlini sıxmaq dostla ayrılıqdan xəbər verir.

Dovşan, krolik (evdovşanı) — Yuxuda dovşanın sizdən qaçdığını görmüsünüzsə, reallıqda sizin üçün əziz olan bir şeyi itirə bilərsiniz. Dovşanı tutmusunuzsa, hansısa bir çəkişmədə qələbə çalacaqsınız. Əgər dovşanlar sizin sevimli heyvanlarınızdırsa, deməli, sizi əhatə edən dostlar tanınmış olsalar da, ziyalı və mədəni insanlar deyillər. Yuxuda ölü dovşan görmək yaxın dostlardan birinin xəstəliyindən xəbər verir. Dovşanların itlər tərəfindən təqib olunduğunu görmüsünüzsə, yaxınlarınız arasında mübahisə və çəkişmələr yaşanacaq ki, bu xoşagəlməz vəziyyəti yalnız siz tənzimləyə biləcəksiniz. Yuxuda dovşanı güllə ilə vurmusunuzsa, tapdalanmış haqlarınızı bərpa etmək üçün sərt tədbirlər görmək məcburiyyətində qalacaqsınız.

Dörd yol ağzı — Yuxuda dörd yol ağzında dayandığınızı görməniz reallıqdakı məq­sədlərə çatmaq üçün münbit olan şəraitdən layiqincə dəyərlənməyi bacarmayacağınızdan xəbər verir. Dörd yol ağzında dayanıb, irəliləmək üçün yolların hansını seçəcəyinizə qə­rar verə bilməmişsinizsə, bolluğu və əhəmiyyətsizliyilə sizi təngə gətirən çoxsaylı qayğılarla üzləşmə ehtimalınız böyükdür. İrəliləmək üçün yollardan birini seçdiyinizi görməniz isə taleyin üzünüzə güləcəyinin əlamətidir. Belə bir yuxu sizi ya işgüzar sahədə, ya da sevgidə olduqca ciddi bir problemin həllinə sövq edəcək.

Döşək — Yuxuda döşək görməniz tezliklə üzərinizə yeni öhdəçiliklərin dü­şə­­cəyindən xəbər verir. Üzünə ağ sərilməmiş döşəkdə yatmaq ətraf­da­kılardan məmnun qaldığınızın əlamətidir. Döşəklərin sırındığını gör­məniz isə imkanlı partnyorlarla sazişlər bağlayaraq, tezliklə əhə­miyyətli bir var-dövlətə sahiblənəcəyinizi bildirir.

Döşlük, önlük — Yuxuda önlük görmək gənc xanım üçün dəyişikliklərin, hadi­sələrin gedişatındakı dolanbacların əlamətidir. Məktəbli qız üçün isə önlüyünün bağlı olmadığını və ya cırıldığını görməsi davranış qaydalarına dair ciddi mühakimələr eşidəcəyindən xəbər verir.

Döyüş — Yuxuda özünüzü döyüş iştirakçısı kimi görürsünüzsə, real həyatda sizə məxsus olmadığını bildiyiniz halda, hansısa birinin sevgisini qazanmağa və nə yolla olursa olsun, onun həyatına daxil olmağa çalışacağınızdan xəbər verir. Kommersiya işlərində qazandığınız müsbət nüfuzu itirmək təhlükəsi qarşısında qalacaqsınız. Belə bir yuxu həyati mövqelər uğrunda mübarizənin müjdəçisidir. Gənc bir xanım üçün yuxuda döyüş iştirakçıları görmək gerçəkdə onu sevən və ondan ötrü hər şeyə hazır olan iki pərəstişkar arasında seçim etməli olacağına işarədir.

Dram — Yuxuda səhnədə dram seyr etmək uzaqda olan dostlarla ürək­­açan görüşlərə işarədir. Tamaşaya baxarkən darıxmaq göz­lənilməz qonaqdan xəbər verir. Belə bir yuxu həmçinin gizli bir binagüzarlıq əlamətidir. Yuxuda dram bəstələmək borcların yaranacağından xəbər verir. Lakin tale sizə qarşı rəhmli olacaq və siz qəribə bir asanlıqla maddi çə­tinliklərdən xilas olacaqsınız.

Dua — Yuxuda özünüzün və ya başqalarının dua etdiyi görməniz reallıqda böyük bir uğursuzluq təhlükəsinin gözləndiyindən və bunun qarşısını almağa yalnız böyük səylər bahasına nail olacağınızdan xəbər verir. Belə bir yuxu xoşagəlməz halların və çətinliklərin aradan qaldırılması üçün mütləq dost yardımına müraciət etməli olduğunuza işarə edir.

Dul qadın — Bir qadının yuxuda özünün dul qaldığını görməsi reallıqda onu bədxah adamların pisliklərindən ehtiyatlı olmasına səsləyir. Kişinin yu­xuda dul qadınla ailə qurduğunu görməsi uzun müddətdən bəri nəzərində saxladığı təşəbbüslərin onu ümidsizliyə uğrada biləcəyinə işarədir.

Duman — Yuxuda dumanla əhatə olunduğunuzu görməniz müəmmalı uğurların və ailədə xoşagəlməz söz-söhbətlərin əlamətidir. Dumanın dağıldığını görməniz isə çətinliklərin uzun çəkməyəcəyini bildirir. Başqalarını dumanda görməniz reallıqda kimlərinsə bədbəxtliyindən yararlanmağa qadir olduğunuzun göstəricisidir.

Durna — Yuxuda şimal istiqamətində uçan durna qatarı görmək kommersiya işlərində o qədər də ürəkaçan olmayan perspektivlərdən xəbər verir. Qadın üçün belə bir yuxu ümidsizlik və məyusluq əlamətidir. Lakin durnaları cənub istiqamətində uçan görmək uzaqda olan dostlarla sevincli bir görüşə işarədir. Sevgililər üçün isə bu sayaq yuxular sədaqət və etibarlı münasibətlər vəd edir. Uça-uça yerə enən durnaları görmək qeyri-adi hadisələrin mümkünlüyündən xəbər verir.

Dustaq, məhbus — Yuxuda məhbuslar görmək uğursuzluq və kədərli xəbərlərə işarədir. Özünüzü dustaq kimi görmüsünüzsə, reallıqda hansısa bir işə görə narahatlıq və qanqaraldıcı hadisələr yaşanacaq. Gənc bir xanımın öz sevgilisini dustaq paltarında görməsi onun sevgisinə şübhələr keçirəcəyinə işarədir.

Dustaqxana gözətçisi — Yuxuda dustaqxana gözətçisi görməniz reallıqda kimlərinsə xainliyinin sizin maraqlara zidd olacağının əlamətidir. Bundan əlavə, nalayiq insanlara məftun olacağınız da ehtimal olunur. Dustaqxananın qapılarını açıb çıxmağa cəhd edən çoxlu sayda dustaqlar görməniz isə xoşagəlməz əlamətdir. Bu yuxu tanışlarınızdan birinin sizdən pul çəkmək cəhdi edəcəyinə dair xəbərdarlıq da ola bilər.

Duz — Yuxuda görülmüş duz yad bir mühitin əlamətidir. Bəlkə də duz gördükdən sonra bütün işlərin tərs getdiyini, ailədə mü­bahisələrin və yadlaşmanın baş verdiyini özünüz də sınamısınız. Yuxuda ət duzladığınızı görməniz borclarınızın sizə rahatlıq verməyəcəyinin əlamətidir. Gənc bir xanım duz yediyini gör­müşsə, sevgilisi daha cazibədar bir xanıma görə onu tərk edə bilər və bu da onun çox məyus olmasına səbəb olar.
Dülgər — Yuxuda işlərinin başında olan dülgərləri görməniz reallıqda istirahət və əyləncələr də daxil olmaqla, bütün kef-səfadan imtina edərək, cəmiyyətdəki məqamınızı yaxşılaşdırmağa çalışacağınızdan xəbər verir.
Düşərgə, dayanma nöqtəsi — Yuxuda açıq səma altında gecələdiyinizi görməniz işgüzar sahədə dəyişikliklərdən xəbər verir, lakin bununla yanaşı, uzun və darıxdırıcı bir səfərə də hazır olmalısınız. Dayanacaq, çadır kimi bir yer görmək dostlarınızın əksəriyyətinin yaşayış yerini dəyişəcəyini, sizin öz perspektivlərinizin isə tutqun olacağını bildirir. Gənc bir xanım özünü düşərgədə görmüşsə, sevgilisi onu toy gününü təyin etməyə məcbur etməyincə, bir sıra problemlər yaşanacağına işarədir; seçdiyi insan ona çox yaxşı həyat yoldaşı olacaq. Xanım özünü hərbi düşərgədə görmüşsə, elə ilk fürsətdəcə ailə quracaq. Ailəli bir xanımın özünü hərbi düşərgədə görməsi isə ərinin adının ləkələnə biləcəyinə və bunun da səs-küylü boşanma prosesi ilə nəticələnə biləcəyinə dair bir xəbərdarlıqdır.

Düşmən — Yuxuda düşmənlə üzləşdiyinizi görmüsünüzsə, reallıqda tez­­liklə maraqlarınızı bütün var-qüvvənizlə müdafiə etmək məcbu­riyyətində qala bilərsiniz, əks halda itkilər yaşana bilər. Bəzi hallarda belə yuxu qısamüddətli nasazlıqdan xəbər verir. Yuxuda düşmənlərinizə qalib gəlmisinizsə, gerçəkdə də təhlükəli çətin­liklərin öhdəsindən asanlıqla gəlməyi bacaracaqsınız. Düşmən­lərinizin sizə şər-böhtan atdığını görmüsünüzsə, yaxın ətrafınızda pisniyyət və qərəzkar birinin olmasından ehtiyatlanın.

Düymələr — Yuxuda formalı bir kostyuma parıldayan düymələr tikmək gənc xanımlar üçün gözəl və zəngin birinin onlara mehriban iltifatının, bağlılığının müjdəçisi hesab olunur. Gənc oğlanlar üçün isə bu yuxu hərbi xidmətə və parlaq bir karyeraya qədəm qoyacaqlarının əlamətidir. Qeyri-şəffaf və ya yataq ağları üçün nəzərdə tutulmuş xırda düymələr isə məyusluq, itki və nasazlıq əlaməti hesab olunur. Düymənin yuxuda itirilməsi və bununla əlaqədar narahatlıq da gələcəkdə itki və işlərdə ziyana işarə edə bilər.

Düyü — Yuxuda düyü görmək uğur və mehriban dostluq əlaqələrini səciyyə­ləndirən son dərəcə uğurlu əlamətdir. Bu yuxu işgüzar adamlar üçün istənilən təşəbbüslərində uğur, fermerlər üçün isə bol məhsullar əlaməti kimi yozulur. Düyü yediyinizi görməniz səadət və ailədə mehribanlığa işarə edir. Çirkli düyü isə nasazlıq və dostlarla anlaşılmazlıq ehtimalı sayılır. Gənc bir xanım yuxuda düyüdən yemək hazırladığını görmüşsə, yaxın gələcəkdə onu xoşbəxt və zəngin edəcək yeni öhdəçilikləri olacaq.

Düyün — Yuxuda hansısa bir düyünə diqqətlə baxmaq əhəmiyyətsiz şeylər üzündən yaşanacaq böyük həyəcana işarə edə bilər. Düyün bağladığınızı görməniz isə reallıqda müstəqil bir şəxsiyyət kimi davranacağınızdan və ürəyinizcə olmayan bir adamla ünsiyyətdə olmaqdan imtina edəcəyinizdən xəbər verir.

Edam — Yuxuda edam görmək yaxın gələcəkdə kimlərinsə ehtiyatsızlığı üzündən zərər görə biləcəyinizə işarə edir. Özünüzün edam olunmaq üzrə olduğunuzu və qəribə bir təsadüf nəticəsində edam­dan xilas olunduğunuzu görməniz reallıqda düşmənlərinizə üstün gəlib, böyük bir var-dövlətə sahib olacağınızı bildirir.

Ekipaj, araba — Yuxuda arabaya qoşulmuş ekipaj görmək məmnunluq və sevinc əlamətidir. Yaxın gələcəkdə çoxlu sayda ziyarətlər edəcəyiniz ehtimal olunur. Arabada getdiyinizi görməniz isə yüngülvarı nasazlıqdan sonra vəziyyətin sizin xeyrinizə dəyişəcəyindən xəbər verir.

Ekipaj, komanda — Yuxuda gəmisilə birlikdə limanı tərk etməyə hazır olan bir ekipaj görməniz reallıqda əlverişli bir səfərdən imtina etmənizə səbəb olacaq gözlənilməz hadisələrin əlamətidir.

Ekstaz, vəcd — Yuxuda ekstaz yaşadığınızı görməniz uzun müddətdən bəri yanınızda olmayan bir dostunuzla sevindirici görüşünüzün göz­lənildiyindən xəbər verir.

Elan — Yuxuda elan verdiyinizi görməniz özünüzə rahat həyat və mal-mülk təmin etmək üçün ağır fiziki əməyə sövq ediləcəyiniz ehtimalından xəbər verir.

Ensiklopediya — Yuxuda ensiklopediya vərəqlədiyinizi və ya orada hansısa bir məlu­matı axtardığınızı görməniz ədəbiyyat sahəsində əhəmiyyətli uğurlara imza atacağınızdan xəbər verir.

Epidemiya — Yuxuda təhlükəli bir epidemiya barədə eşitməniz ehtimal olunan əqli yorğunluğa dair xəbərdarlıqdır.

Eşşək — Eşşəklə bağlı yuxular adətən xoşagəlməz halların və arzuolunan məqsədə doğru yolda yaranacaq çətinliklərin əlaməti­dir. Yüklənmiş eşşəklər böyük səbir tələb edən və uğurla nəticə­lənəcək nəhəng bir işdən xəbər verir. Yuxuda sizi təqib edən bir eşşəkdən qorxu içində qaçıb qurtul­mağa çalışdığınızı görməniz ətrafınızda çoxlu sayda ürəkbulandıran dedi-qodu və söz-söhbətlərin toplaşdığına işarə edə bilər. Eşşəyin yüksək səslə anqırmağını eşitmişsinizsə, ehtiyatlı olun, ətrafınızda fırlanan şərəfsiz birisi sizi nalayiq bir təhqirlə alçaltmağa çalışa bilər. Həmçinin bu yuxu yorucu, əngəlli bir işin başlanacağına işarə edə bilər. Yuxuda uzaqdan səslənən eşşək anqırtısı eşitmişsinizsə, işləriniz uğurlu məcrada inkişaf edəcək. Bu yuxu həm də sizin borclardan azad olaraq, var-dövlət sahibi olacağınıza da işarə edə bilər. Özünüzü eşşəyin belində əyləşmiş görmüşsünüzsə, maraqlı səfərlər və dünyagörüşünüzün genişlənəcəyi gözlənilir.

Başqalarının eşşək mindiyini görməniz yaxınlarınızdan bəzilərinin həyati çətinliklərlə üzləşə bilmə ehtimalına işarə edir. Yuxuda eşşəyi qovmanız yaxın zamanda təmiz adınızı qorumaq üçün bütün var-gücünüzü səfərbər etmək məcburiyyətində qalacağınızı bildirir. Eşşəyin sizə təpik atdığı bir yuxu sizin üçün xəbərdarlıq olmalıdır. Belə ki, qorxu və həyəcanlarınızın səbəbi, böyük ehtimalla, hansısa əlaqələrinizin qeyri-qanuni olmasında gizlənir. Yuxuda yedəyi əlinizdə tutaraq, eşşəyi əminliklə qabağa aparmanız yaxın zamanda düşəcəyiniz kifayət qədər çətin bir vəziyyətin sahibinə çevriləcəyinizi bildirir. Sevgidə həssas bir vəziyyətə üstün gəlməyi bacaracaqsınız. Eşşəyi minmiş uşaqlar gördüyünüz yuxu son dərəcə xeyir əlamətdir. Ölü eşşək reallıqdakı səhv addımlara, hətta yol verə biləcəyiniz əxlaqsız davranışa işarə edir.

Eşşəyin belindən yerə yıxıldığınız bir yuxu uğur vəd edən əlamət sayılmır. Eşşək südü içdiyinizi görməniz gələcəkdə vəzifələrinizə, öhdəçiliklərinizə zidd olan tələbkar istəklərinizə boyun əymək təhlükəsilə üzləşə biləcəyinizdən xəbər verir. Yuxuda başqasının sahib olduğu eşşəyin sizin həyətə gəldiyini görməniz işlərdə böyük uğur və ya əlverişli bir ittifaq vəd edir. Ağ eşşək isə əmin-amanlıq və sevgi dolu təminatlı bir həyatın müjdəçisidir.

Etinasızlıq, sayğısızlıq — Yuxuda dostunuza və ya digər birinə etinasızlıq göstərdiyinizi gör­məniz reallıqdakı sərtliyiniz və qaba, xoşagəlməz davranışınız üzündən sevgi axtarışlarınızın uğurla nəticələnməyəcəyindən xəbər verir. Kimlərinsə sizə etinasızlıq etdiyini görməniz isə uğursuz taleyinizə acımanız üçün həyatın sizə kifayət qədər əsas verəcəyinə işarə edə bilər.

Ev dovşanı — Yuxuda ev dovşanları görmək ailə-məişət sahəsində xoş dö­nüşdən xəbər verir. Gəlirlərinizdən əvvəlkindən daha çox məmnun qalacaqsınız. Ağ tüklü ev dovşanları görmək həm ailəli, həm də subay adamlar üçün sədaqət əlamətidir. Ətrafınızda oynayan, atılıb-düşən dovşanlar görmüsünüzsə övladlarınız sizi sevindirəcək.

Ev quşları — Yuxuda evdə saxlanılan əl quşu görmək bədxərcliyinizin maddi imkanlarınızı məhdudlaşdıracağından xəbər verir. Hansısa bir xanım yuxuda ev quşlarının dalınca qaçdığını görübsə, real həyatda öz dəyərli vaxtını boş əyləncələrə sərf etmək təhlükəsi ilə qarşılaşacaq.

Ev üçün darıxmaq — Yuxuda eviniz üçün darıxdığınızı görməniz zövq və müxtəlif cür məlumatlar əldə edəcəyiniz bir səfərə yollanmaq şansını itirəcəyinizə işarə edə bilər.

Ev, imarət — Yuxuda özünüzü böyük bir imarətin qonaq otağında görməniz reallıqda hansısa xoşagəlməz bir hadisənin sizin indiyə qədər qayğısız keçən həyatınıza ovqattəlxlik qata biləcəyinə işarə edir. Sadəcə, özünüzü böyük bir imarətdə görmüsünüzsə, böyük bir var-dövlətə sahib olacaqsınız. Uzaqdan dayanıb son dərəcə gözəl bir imarətə tamaşa etmək isə gələcəkdə uğurun müjdəçisidir.

Ev, mənzil — Yuxuda öz doğma evinizi tapa bilmədiyinizi görmüsünüzsə, insanların doğruluğuna və səmimiyyətinə inamınız itəcək. Evi­nizin olmadığını görmüsünüzsə, işlərinizdə uğursuzluq və maliyyə itkiləri ehtimal olunur. Yaşayış yerini dəyişmək isə təcili xəbərlərdən və qəfil səfərlərdən xəbər verir. Gənc bir xanımın evindən çıxıb getdiyini görməsi vəfasız iftiraçılarla əhatə olunacağına işarədir. Yuxuda köhnə evinizi ziyarət etmisinizsə, real həyatda sizi xoş xəbərlər gözləyir. Köhnə evi səliqəli və rahat şəraitli görmək çox yaxşı əlamətdir – bu, uzunmüddətli könül xoşluğunun və rahatlığın əlamətidir. Baxımsız, köhnəlmiş bir ev görmək xoşagəlməz hallardan xəbər verir.

Eybəcər adam — Yuxuda özünüzü eybəcər görməniz real həyatda sevgili tapmaqda çətinliklərlə üzləşəcəyinizə və bu münasibətlərin gələcək perspek­tivlərinin qeyri-müəyyən olacağına işarədir. Əgər gənc bir xanım yuxuda özünün eybəcər olduğunu düşünürsə, bu, real həyatda onun sevgilisinə qarşı nalayiq və hətta təhqiredici münasibətinin onların ayrılacağına və dostlarla küsülülüyə səbəb olacağına işarədir.

Eynək — Yuxuda eynək görmək bir sıra dəyişikliklərin gözlənildiyindən xə­bər verir. Bu dəyişikliklərin səbəbkarı isə tanımadığınız adamlar olacaq. Belə ki, riyakarlar sizin etibarınızdan sui-istifadə etməyə çalışacaq. Qırılmış eynək görməniz yaxınınız olan birilə ayrılığın sizi yolverilməz əyləncələrə sövq edəcəyinə işarə edir. Qoruyucu eynək görməniz isə reallıqda ətrafınızda olan bədxah insanların qüdrətinə dair bir xəbər­darlıqdır. Gənc bir xanımın yuxuda qoruyucu eynək görməsi onu yoldan azdıracaq yalançı inandırmalara əhəmiyyət verməməyə səsləyir. Gözünüzə eynək taxdığınızı görməniz reallıqda cansıxıcı birilə ünsiyyətdə olmaq məcburiyyətində qalacağınızdan xəbər verir. Gənc bir xanım yuxuda sevgilisini eynəkdə görmüşsə, mübahisə və ya ayrılıq ola bilər.

Eyvan (balkon) — Sevgi yaşayan bir insan üçün yuxusunda sevgilisilə eyvanda dayanıb uzun müddət vidalaşdığını görmək qəti ayrılıq ehtimalını artırır. Həmçinin yuxuda, sadəcə, eyvan görmək də uzaqda olan dostlardan xoşagəlməz xəbərlər vəd edir.

Eyvan (evin qabağında pilləli, üstü örtülü tikili) — Evin qabağında pilləli, üstü örtülü tikili görməniz hansısa yeni bir təşəbbüsdə iştirak edəcəyinizdən, gələcəyinizin isə çox dəyişkən olacağından xəbər verir. Gənc xanımın elə bir tikilidə sevgilisilə birlikdə dayandığını görməsi reallıqda sevgilisinin niyyətinə şübhə edəcəyindən irəli gəlir. Evin qabağında elə bir tikili inşa etdiyinizi görməniz isə reallıqda üzərinizə yeni öhdəçiliklər götürməyə hazırlaşdığınıza işarə edir.

Ədviyyat, xuruş — Yuxuda ədviyyat görməniz reallıqda kef və əyləncəyə meyilli olmanızın nüfuzunuza zərər yetirə biləcəyindən xəbər verir. Gənc bir xanım yeməyinə ədviyyat, xuruş qatdığını görmüşsə, deməli, kiminsə aldadıcı görünüşü tezliklə onun sadəlövh qəlbini özünə cəlb edəcək.

Əhəng — Yuxuda əhəng görmək hansısa bir fəlakətin sizin bir müd­dətliyinə ruh düşkünlüyünə sala biləcəyini bildirir, lakin bir müddətdən sonra siz yenidən özünüzə gələrək, əvvəlkindən daha dövlətli və müvəffəqiyyətli olacaqsınız. Əhəngin hazırlanması üçün soba görmək isə gələcəyin sizə sevgi və biznes sahələrində riskli addımlar atmanız üçün şanslar bağışlayacağı vaxtın hələ gəlib çatmadığını bildirir.

Əjdaha — Yuxuda əjdaha görməniz hərisliyinizin ixtiyarında olaraq, bədxah­ların ünvanına xoşagəlməz sözlər söyləyəcəyinizdən xəbər verir. Bu yuxu bir xəbərdarlıqdır: ətrafdakılarla münasibətləri korlamamaq üçün emosiyalarınızı idarə etməyə çalışın.

Əkin — Kəndli adamın yenicə şumlanmış bir torpağa toxum əkdiyini, səp­diyini gördüyü yuxu bol məhsulun müjdəçisi sayılır. Torpağa, əkin-biçinə heç bir aidiyyəti olmayan adamların yuxuda əkin görməsi isə gələcəkdə bol bəhrələr gətirəcək işgüzar aktivlik üçün hərəkətverici bir səbəb olaraq yozula bilər.

Əkizlər — Yuxuda əkiz uşaq görmək işlərdə uğurdan xəbər verir. Bundan əlavə, belə bir yuxu ailədə sülh və əmin-amanlığın müjdəçisidir.

Əks-səda — Yuxuda əks-səda eşitmək kədərli bir dövrün yaxınlaşdığına işarə edir. Səhhətinizdəki nasazlıq işinizi dəyişəcəyinizə səbəb ola bilər, dostların da çətin məqamda sizə dəstək olmayacağı ehtimal olunur.

Əqrəb — Yuxuda əqrəb görmüşsünüzsə, saxta dostlarınız sizi nüfuzdan salmaq üçün fürsətdən istifadə etməyə çalışacaqlar. Onlara mane olmağı bacarmasanız, hücumlarına məruz qalacaqsınız.

Əl ağacı — Yuxuda əl ağacı görməniz reallıqda müvafiq qeydiyyat olmadan hansısa bir sövdələşmə quracağınız üçün maliyyə itkilərilə üzləşə biləcəyinizə dair xəbərdarlıqdır. Əl ağacı ilə gəzişdiyinizi görməniz iş­güzar sahədə hər zaman ətrafdakıların tövsiyələrinə ehtiyac duyacağınıza işarə edə bilər. Gözəl bir əl ağacına heyranlıqla baxdığınızı görməniz isə işlər qurarkən ətrafdakılara etibar edəcəyinizdən və onların da gələcəkdə sizə qarşı sədaqət və fədakarlıq göstərəcəyindən xəbər verir.

Əl işi (naxışvurma) — Hansısa bir xanım yuxuda naxış vurduğunu görübsə, deməli, yaxın gələcəkdə yüksək əxlaqı, nəcib xasiyyəti, ümumiyyətlə, əl atdığı bütün işlərin mahir ustadı olduğu sayəsində ətrafdakıların diqqətini özünə cəlb etməyi bacaracaqdır. Ailəli bir kişi üçün bu növ yuxular yaxşı əlamətdir: tezliklə onun evində daha bir ailə üzvü dünyaya gələcək. Aşiq olmuş bir adamın belə yuxu görməsi ağıllı və layiq birisi ilə ailə quracağına işarədir. Yuxuda qəliz, lakin son dərəcə gözəl bir naxış tikmək reallıqda, düşünülməmiş addımlardan çəkinməsəniz, acınacaqlı sonluqla bitən hansısa qarışıq bir işdə iştirak ehtimalından xəbər verir.

Əlcək — Yuxuda təzə əlcək geyindiyinizi görməniz reallıqda başqalarıyla münasibətlərdə təmənnalı yox, ehtiyatlı və səliqə olacağınızdan xəbər verir. İşlərdə çəkişmə və xoşagəlməz anlar gözlənilsə də, nəticədə hər şey yoluna düşəcək. Köhnə və ya cırılmış əlcək geyindiyinizi görməniz aldadıla biləcəyinizə və itkilər yaşayacağınıza işarə edir. Əlcəklərinizi itirmişsinizsə, kimlərsə tərəfindən tərk edilmiş olsanız belə, həyat eşqinizi qoruyub-saxlamaq üçün özünüzdə güc tapmağı bacaracaqsınız. Bir cüt əlcək tapmaq xoşbəxt nikah və ya yeni bir tanışlığın əlamətidir. Kişi xeylağının yuxuda qadın əlcəyini bağladığını görməsi reallıqda onu ifşa ilə hədələyən bir xanımın meydana çıxması ehtimalını artırır. Əlcəkləri əlinizdən çıxardığınızı görməniz isə işlərdə və sevgidə uğur gözləyin.

Əlil — Yuxuda əlillər görmək sizin maraqlarınıza göz dikən xoşa­gəlməz partnyorların əlamətidir. Özünüzü xoşagəlməz olaylara uğrama ehtimalınız var. Əlil arabasında bir adam görmüsünüzsə, bu yuxunun ardınca aclıq və çətinliklər baş verə bilər və siz bu çətin dövrdə ehtiyacı olanlara yardım əlinizi uzadacaqsınız.

Əllər — Yuxuda gözəl əllər görmüşsünüzsə, məşhurlaşacaq, peşənizə tam yiyələnəcək və ünsiyyət dairənizdə yüksək məqama sahib­lənəcəksiniz. Yaraşıqsız və ya eybəcər formalı əllər problemlərin əlamətidir. Qana bulaşmış əllər görməniz yaxınlarınızın sizə qarşı müvəqqəti soyuqlaşmasına, dostların haqsız qınağına məruz qalacağınızı bildirir. Əlin zədələndiyini görmüsünüzsə, sizin üçün əziz olan nəyinsə bir hissəsini güzəştə getməli olacaqsınız. Əllərinizi yandırdığınızı görməniz qismətlə mübarizədə məğlub olacağınızdan xəbər verir: bütün var-gücünüzü sərvət əldə etmək uğrunda sərf etməklə, daha dəyərli olanı əldən vermiş olacaqsınız. Əllərinizin qalın qat tüklə örtülmüş olduğunu görməniz isə işinizdə güclü, cəsur partnyorlarınızın və rəqiblərinizin olacağının göstəricisidir. Bəlkə də bu yuxu sizə həqiqətən də sadiq olanlara qarşı fitnə-fəsadın faydasızlığına dair bir xəbərdarlıqdır.

Yuxuda gördüyünüz əllər qeyri-təbii şəkildə böyük idisə, tezliklə həyatınızın ən əsas məqsədinə çatacaqsınız. Həddindən artıq kiçik əllər isə sizi həyatda daha aktiv olmağa səsləyir. Əllərdə kir, palçıq görməniz sizi sevən adamlara qarşı ədalətsizliyə qadir olduğunuzun göstəricisidir. Qadın xeylağının yuxuda zövqlə əllərinə tamaşa etdiyini görməsi reallıqda bir çox səmimi qəlblər fəth edəcəyindən xəbər verir. Kiminsə onun əllərini ovcuna alıb öpdüyünü görməsi isə onu daha diqqətli və ayıq olmağa səsləyən xəbərdarlıqdır. Əlinizdə tutduğunuz alovun barmaqlarınızı yandırmadığını görmüsünüzsə, uğur sizi son dərəcə yüksək zirvələrə qaldıracaq. Bağlanmış, qandallanmış əllər çətinliklərin əlamətidir. Kəsilmiş (amputasiya olunmuş) əl sevgililər və ya evli adamlar üçün ayrılığa və ya qarşılıqlı narazılığa işarə edə bilər. Həmçinin bu yuxu yalan və ya dələduzluğa dair xəbərdarlıq kimi də yozulur.

Əlsıxma — Gənc bir xanım yuxuda böyük xadimlə (dövlət məmuru, hökmdar, başçı və başqalarıyla) əl ilə görüşdüyünü görmüşsə, gerçək həyatda onu əyləncələr və tanımadığı adamların pərəs­tişkarlığı gözləyir. Bu fürsətdən istifadə edərsə, dostlarının xüsusi rəğbətini qazanacaq. Kiminsə əlini sıxmaq üçün yuxarıya tərəf uzanmalı olduğunu görməsi ger­çək həyatda rəqabətlə üzləşməli olacağına işarə edir. Həmin vaxt əllərində əlcək var idisə, bu çətinliklərin öhdəsindən gəlməyi bacaracaq. Yuxuda boyca sizdən alçaq olan birisiylə əl ilə görüşmüşsünüzsə, mehribanlığınız və xeyirxahlığınız sizə məhəbbət qazandıracaq. Yuxuda əllərinizin kirli olduğunu zənn etməniz reallıqdakı dostlarınızın hamısının səmimi və alicənab olmadığını anlayacağınızı bildirir. Gənc bir xanım yuxuda qocalıb əldən düşmüş biriylə əl ilə görüşdüyünü görmüşsə, reallıqda əyləncə axtardığı yerdə peşmanlıq və kədərdən başqa heç nə əldə etməyəcək.

Əlyazma — Yuxuda tamamlanmamış əlyazma görmək peşmançılıq əla­mətidir. Əlyazma tamamlanmış və dəqiq yazılmışdırsa, böyük arzuların həyata keçəcəyi gözlənilir. Əlyazmayla işlədiyinizi görməniz arzu və ümidlərinizə dair narahatlıqlarınızın olacağını bildirir. Səhvsiz-ləkəsiz yazdığınızı görməniz isə sahibkarlıq işlərində uğura nail olacağınızdan xəbər verir. Naşirin əlyazmanızı qəbul etmədiyini görmüsünüzsə, reallıqda arzularınızın həyata keçəcəyinə dair inamınız azalacaq, lakin zaman keçdikcə, ən cəsur arzularınızı belə gerçəkləşdirməyə nail olacaqsınız. Əlyazmanı itirdiyinizi görməniz peşmançılıq əlamətidir. Əlyazmanın yandığını görmüsünüzsə, işlərinizin sizə tezliklə gəlir və yüksək məqam gətirəcəyindən əmin ola bilərsiniz.

Əmək — Yuxuda ağır yüklü bir ev heyvanı görməniz işlərdə müvəf­fəqiyyətə nail olacağınızı müjdələsə də, iş yoldaşlarınıza qarşı münasibətdə bəzən ədalətsiz yanaşa biləcəyinizə dair xəbərdarlıq kimi də yozulur. Ağır fiziki əməklə məşğul olan kişilər görmək uğurlu işin və möhkəm sağlamlığın əlamətidir. Özünüzün yuxuda ağır fiziki əməklə məşğul olduğunuzu görməniz isə istənilən yeni təşəbbüslərinizin gələcək perspektivlərinin son dərəcə gözəl olacağından xəbər verir. Kəndli üçün əməklə bağlı yuxular bol məhsulun müjdəçisi hesab olunur.

Əməkhaqqı, maaş — Yuxuda aldığınız maaş sahibkarlığa yenicə qədəm qoyan insanlara uğur gətirəcək. Əməkhaqqını işçilərə paylamaq nədənsə narazı qalacağınızdan xəbər verir. Rəhbərliyin sizin maaşınızı azaltdığını görmü­sünüzsə, sizə qarşı soyuqqanlı tədbirlər görülə bilər.

Əməksevərlik — Yuxuda özünüzü çalışqan və əməksevər görməniz reallıqda işiniz üçün son dərəcə səmərəli olacaq ideyaların işlənib-hazırlanması və həyata keçirilməsi məsələsində böyük aktivlik göstərəcəyinizdən xəbər verir. Bu aktivliyiniz bütövlükdə müəs­sisənin uğur qazanacağına səbəb olacaq. Başı əməyinə qarışmış digər insanlar görmək isə yuxu görən adam üçün son dərəcə uğurlu əlamətdir.

Əmi, dayı — Yuxuda əminizi (və ya dayınızı) görmüsünüzsə, xoşagəlməz xəbərlər ala bilərsiniz. Onlardan birini yorğun və əldən düşmüş görməniz hansısa qanqaraldıcı bir olaya uğraya biləcəyinizə işarə edir. Öldüklərini görməniz isə ciddi düşmənlərinizin olacağını bildirir. Yuxuda əminizlə (və ya dayınızla) ümumi dil tapmamışsınızsa, real həyatda ailədə anlaşılmazlıq ola bilər, yaxud da belə bir yuxu yüngülvarı nasazlıq əlaməti də sayıla bilər.

Əmi, dayı, xala, bibi oğlu (qızı) — Yuxuda əmi, dayı, xala və ya bibi oğlunu (qızını) görmək mə­yus­­luqdan və dilxorluqdan xəbər verir. Belə bir yuxu həm də xoşagəlməz hadisələrin baş verəcəyinə işarə ola bilər. Yuxuda sözügedən qohumlardan biriylə məktublaşdığınızı görmü­sünüzsə, ailələriniz arasında güclü söz-söhbət ola bilər.

Əmlak, var-dövlət — Yuxuda var-dövlətə sahib olduğunuzu görməniz gələcəkdə hansısa bir mirasa sahib olacağınızı bildirir. Lakin bu miras siz gözlədiyiniz bir şey olmayacaq. Gənc bir xanıma bu yuxu sahib olacağı mirasdan narazı qalacağını vəd edir. Ola bilər ki, onu gözləyən reallıq azdan-çoxdan qazanan bir ər və uşaqlarla dolu ev olacaq.

Əmr, hökm — Yuxuda sizə əmr edildiyini görmüsünüzsə, gerçək həyatda həmkar­larınız sizi rəhbərliyə qarşı açıq-aşkar nifrətinizə görə qınayacaqlar. Özünüzün kimlərəsə əmrlər verdiyinizi görməniz isə hansısa fərq­lənmələrə nail olacağınızı bildirir; təkəbbürlü və ya zalımanə tərzdə əmr etmisinizsə, ümidsizliyə uğraya bilərsiniz.

Ər, həyat yoldaşı — Yuxuda həyat yoldaşınızın sizi səbəbsiz, əsassız yerə tərk etdiyini görməniz reallıqdakı münasibətlərin bir müddətlik soyumasına, lakin bütün bunların qarşılıqlı anlayış və mehribanlıqla bitəcəyinə işarə edir. Həyat yoldaşınızın sizi layiq olmadığınız suçlamalarla danladığı bir mübahisə görməniz isə son dərəcə xeyirli yuxudur: belə bir yuxu reallıqda aranızda hörmət və etibarlı münasibətlərin olacağından xəbər verir. Lakin bu yuxu tamamilə fərqli bir tərəfdən hansısa təhlükənin də müjdəçisi ola bilər. Həyat yoldaşınızı ölü görməniz qanqaraldıcı əlamətdir. Onun simasının solğun və yorğun olmasını görməniz yaxınlarınızın hansınınsa nasazlaya biləcəyindən xəbər verir. Onu sevincək və xoş əhval-ruhiyyədə görməniz isə evinizə əmin-amanlıq gətirəcək və qarşınızda yeni-yeni imkanlar açacaq. Ərinizin başqa bir qadına aşiq olduğunu görmüsünüzsə, yaşamınıza yenidən nəzər salmalısınız: həyatınız darıxdırıcı deyilmi?

Qadın xeylağının yuxuda bir başqasına aşiq olduğunu görməsi daxili aləminin əsl vəziyyətini bildirir: o, yalnızdır və ailədəki vəziyyətindən əsla məmnun deyil. Gənc bir xanımın yuxuda ailəli olduğunu görməsi özünün cazibədarlığının və şərəf-ləyaqətinin qeydinə qalmasına dair bir çağırışdır. Yuxuda həyat yoldaşınız sizi tərk edib gedirsə və uzaqlaşaraq gözünüzdə sanki daha da hündürləşirsə, deməli, ətrafınızdakı insanlar sizin şəxsi münasibətlərdə harmoniyaya nail olmanıza mane olmaq istəyəcək. Belə bir yuxu sizi xoşbəxtliyə nail olmaq istiqamətində mübarizə aparmanıza səsləyir. Həyat yoldaşınızın başqa bir qadınla hansısa mübahisəyə qarışmış olduğunu və nəticədə öldürüldüyünü görmüsünüzsə, boşanma və ixtilaf ehtimalı var. Bu sayaq yuxular adətən həm də sıradan ailə-məişət problemlərinin də əlaməti ola bilər.

Ərik — Yuxuda ərik bağları görməniz, özünüzün gələcəyi çəhrayı çalarlarda görməyinizə baxmayaraq, gələcəkdə gizli bir kədərin gizləndiyindən xəbər verir. Ərik yemək xoşagəlməz hadisələrin yaxınlaşdığına işarə edir. Başqalarının ərik yediyini görməniz isə real həyatınızdakı mühitin meyil və maraqlarınıza uyğun olmayacağından xəbər verir. Dost bu yuxu barədə belə deyərdi: «Ərik sizin vaxtınızı bihudə sərf etdiyinizə işarədir».

Əriştə — Yuxuda əriştə görmək iştahanızın güclənəcəyindən və qeyri-real arzularınızın yaranacağından xəbər verir. Bu cür yuxular o qədər də ürəkaçan əlamət sayılmır.

Əsgərlər —Yuxuda yürüş edən əsgərlər görmüşsünüzsə, hansısa xoşa­gəlməz bir olay işinizə mənfi təsir göstərə bilər, sizin şəfqətiniz isə ağlabatan sərhədləri aşacaq. Özünüzü cəsur bir əsgər olaraq görməniz reallıqda ideallarınızın gerçəkləşəcəyinə işarə edir. Qadın xeylağının yuxu­da əsgərlər görməsi nüfuzunun təhlükəylə qarşılaşacağına dair xəbərdarlıqdır.

Əsir (dustaq, məhbus) — Yuxuda özünüzü əsir və ya dustaq olaraq görməniz reallıqda hansısa bir xəyanətkarla üzləşməli olacağınızı bildirir. Əsir alınmaqdan qurtula bilmədiyinizi görməniz inciklik, təhqir və uğursuzluq əlamətidir. Özünüzün kimisə əsir götürdüyünüzü görməniz isə ən aşağı ictimai dairələrə mənsub olan adamlarla ümumi maraqlarınızın yaranacağından xəbər verir. Gənc bir xanımın yuxuda özünü əsir olaraq görməsi ərinin reallıqda onu ən yaxın dostlarına qısqanacağına və düşünülməmiş hərəkətlərinə görə qınaq obyektinə çevrilə biləcəyinə işarə edir.

Əsnəmə — Yuxuda kiminsə yanında darıxaraq əsnədiyinizi görmüsünüzsə, uzaqda olan dostlardan tezliklə sevindirici xəbərlər alacaqsınız. Gənc bir xanımın yuxuda sevgilisinin əsnədiyini görməsi uzun zamandan bəri gözlədiyi evlilik təklifinin çox yubanmayacağından xəbər verir. Lakin əgər yuxuda sevgilisinin yanında olmaqdan darıxaraq özünün əsnədiyini görmüşdürsə, deməli, yaxın gələcəkdə hansısa bir səhv hərəkəti üzündən tənha qala bilər və susamış ehtirasını söndürmək üçün yeni namizəd axtarışına çıxacaq.

Ət — Qadın xeylağının yuxuda çiy ət görməsi reallıqda qarşısına qoyduğu məsələlərdə çoxlu sayda çaşdırıcı olaylarla üzləşmə ehtimalını artırır. Bişirilmiş ət görməsi isə özünün qarşısına qoyduğu məqsədə başqalarının çatacağından xəbər verir.

Əyirmə, iplik — Yuxuda nə isə əyirdiyinizi görməniz tezliklə inana bilmədiyiniz bir işə dəvət alacağınızdan xəbər verir. Bu yuxunu görən gənc bir xanımdırsa, tezliklə kifayət qədər ləyaqətli birisi onu öz həyat yoldaşı adlandıracaq.

Əyləncələr — Yuxuda musiqi və rəqslərlə müşayiət olunan bir məclisdə əylən­diyinizi görməniz yaxın gələcəkdə xoş xəbərlər alacağınızdan, möhkəm sağlamlıq və firavanlıq içində yaşayacağınızdan xəbər verir. Gənclər üçün bu sayaq yuxular çoxlu sayda müxtəlif əyləncələrə və dostların iltifatına işarə edir.

Əzab-əziyyət, iztirab, cəfa — Əzab, iztirabla bağlı yuxu xoşagəlməz əlamətdir. Bu yuxu qarşıda arabir sevinclərlə əvəzlənən güclü narahatlıqlara da işarə edə bilər. Yuxuda pulunuzu və ya əmlakınızı itirdiyiniz üçün kədərləndiyinizi, iztirab çəkdiyinizi görməniz reallıqda yaxınlarınızın işlərindəki tənəzzül və ya səhhətlərindəki nasazlığı ürək acısı ilə qəbul edəcəyinizdən və müvazinətinizi qoruyub-saxlaya bilməniz üçün böyük səy göstərməli olacağınızdan xəbər verir.

Əzələ — Yuxuda əzələlərinizin yaxşı inkişaf etdiyini görməniz reallıqda düşmənlərlə olduqca qeyri-adi çarpışmalarınızın olacağından və onların mənfur niyyətlərini dağıtmaqla qələbə çalıb, uğura nail olacağınızdan xəbər verir. Gördüyünüz əzələlər zəifdirsə, az qala əmin olduğunuz işlərdə belə uğura nail olmanız sual altına düşəcək. Qadın xeylağı üçün belə bir yuxu ağır əmək və ehtiyac əlamətidir.

Fahişə — Yuxuda fahişə ilə ünsiyyətdə olduğunuzu görməniz reallıqdakı nalayiq davranışınızla dostlarınızın layiqli tənələrinə məruz qalacağınızdan xəbər verir. Gənc xanımın yuxuda fahişə görməsi, təbiətcə səmimi və dürüst olmasına baxmayaraq, sevgilisini aldadacağından xəbər verir. Ailəli xanımlar isə bu yuxudan sonra həyat yoldaşını qısqanmağa başlayacaq və bununla da ailədə xoşagəlməz bir ab-havanın yaranmasına səbəb olacaq.

Falabaxma — Yuxuda fala baxmaq reallıqda hansısa vacib və təxirəsalınmaz bir işin sizi narahat etdiyinə işarədir. Lakin bu işi axıra çatdıracağınıza dair qərar verərkən ehtiyatı əldən verməyin. Əgər belə bir yuxunu gənc bir xanım görmüşsə, deməli, tale onu iki pərəstişkarı arasında seçim etmək məcburiyyəti qarşısında qoyacaq. Lakin bu seçimdə həmin yuxu sahibi bütünlüklə özünə – şəxsi intuisiyasına və ağlına güvənməlidir.

Farfor, çini — Yuxuda görülmüş farfor (çini) məmulatlar işlərdə gözlənilən uğurun əlamətidir. Qırılmış farfor görməniz reallıqdakı yanlış düşüncələrinizin ciddi səhvlərə yol açacağından xəbər verir. Qadın xeylağının yuxuda farfor üzərində naxışlar çəkdiyini və ya sadəcə, farfor məmulatlarını harasa düzdüyünü görməsi rahatlıqla məhəbbətin uzun müddətliyinə evində hökm sürəcəyini bildirir.

Ferma, kənd təsərrüfatı — Yuxuda fermada yaşadığınızı görməniz başladığınız bütün işlərdə xoşbəxt olacağınızdan xəbər verir. Ferma almaq kəndli üçün bol məh­sulun, biznesmenlər üçün səmərəli işbazlığın, səya­hətçi və dənizçilər üçün isə təhlükəsiz səyahətlərin müj­dəçisidir. Yuxuda kiminsə fermasına baş çəkdiyinizi görməniz də sevdiyiniz insanlarla görüşəcəyinizi bildirir.

Fənər — Yuxuda önünüzdə hərəkət edən balaca fənər işığı görməniz gözlənil­məz bir sərvətin əlamətidir. Fənərin qəfildən söndüyünü görməniz isə gələcək uğurlarınızın bir o qədər də sarsılmaz olmayacağını bildirir. Yuxuda əlinizdə fənər apardığınızı görməniz səxavətli olmaqla bir çox insanları özünüzə cəlb edəcəyinizdən xəbər verir. Fənər sönmüşsə, arzuladığınız yüksək məqama çatmaq cəhdlərinizdə uğursuzluq yaşayacaqsınız; gənc adamlar üçün bu yuxu məyusluq əlaməti kimi yozulur. Yuxuda yol gedərkən ayağınızın büdrədiyini və fənərinizin sındığını görmüşsünüzsə, reallıqda kimlərinsə yardım etməsinə ehtiyac duyacaqsınız; lakin bunu etməklə müstəqilliyinizi əldən verərək, sahibkarlıqdan peşmançılıq çəkə bilərsiniz. Fənəri təmizləmək qarşıda açılacaq böyük imkanların, fənəri yolda itirmək işlərdə durğunluğun, fənər almaq isə uğurlu ticarət sazişlərinin əlamətidir. Gənc xanımın yuxuda sevgilisinin yolunu fənərlə işıqlandırdığını görməsi yaxın gələcəkdə layiqli bir həyat yoldaşının və mehriban yuvasının olacağından xəbər verir.

Fəvvarə — Yuxuda təmiz, günəş şüaları altında işıldayan su şırımları olan fəvvarə görmək əmin-amanlığın, ruh oxşayan sevincin və ürəkaçan səfərlərin əlamətidir. Tutqunluq, sanki duman arasından fəvvarə görmək qeyri-səmimiliklə, sevgi münasibətlərində də uğursuzluqla üzləşəcəyinizdən xəbər verir. Qurumuş və dağılmış fəvvarə isə bədbəxtlik əlamətidir. Gənc xanımın yuxuda ay işığında işıldayan fəvvarə görməsi reallıqda mühakiməsiz əyləncələr girdabına düşəcəyinə işarə edir.

Fil — Yuxuda filin belində getdiyinizi görməniz reallıqda olduqca sarsılmaz bir sərvət əldə edərək, yüksək dərəcəli şərəfə layiq görüləcəyinizdən xəbər verir. Fəaliyyət göstərdiyiniz müəssisənin bütün sahələri sizə tabe olacaq, ailədəki məqamınız da son dərəcə yüksək olacaq. Bir sürü fil görmək arzuolunan əmin-amanlığa yetişməyin, tənha fil isə, kiçik də olsa, bel bağlanıla bilən bir təşəbbüsün əlamətidir. Sürətlə hərəkət edən fil görməniz də mehribanlığınız və ədalətliliyiniz sayəsində cəmiyyətdə yüksək məqam tutacağınızdan xəbər verir.

Fındıq (qoz) — Yuxuda fındıq yığmaq uğurlu bir sahibkarlığın qurulacağına və sevgidə ürəkaçan yeniliklərin yaranacağına işarə edir. Fındığı yeməniz istənilən arzunuzu həyata keçirmək üçün yardımçı olacaq çiçəklənmənin əlamətidir. Qadın xeylağının yuxuda fındıq görməsi onun xoşbəxt bir taleyə sahib olacağından xəbər verir. Yerə səpələnmiş, yetişmiş fındıq görmək ailədə uzunmüddətli əmin-amanlıq, mehribanlıq və uğurlu alış-veriş müjdəçisidir.

Fırfıra — Yuxuda fırfıra görmək reallıqda bəzi işlərinizin dolaşığa düşə biləcəyindən xəbər verir. Fırlanan fırfıra görmək bihudə qayğılara işarədir. Fırfıra həmçinin sizi dostluqda dalana sürükləyə biləcək iddiasızlığınızdan xəbər verir.

Frıtına — Yuxuda güclü fırtınaya uğradığınızı görməniz itki və işlərdə uğursuzluğun əlamətidir.

Fişəng — Yuxuda fişəng görmək möhkəm sağlamlığın və məmnunluğun əla­mətidir. Gənc xanıma bu yuxu maraqlı əyləncələrin və uzaq ölkələrə ürəkaçan səfərlərinin olacağından xəbər verir.

Fit — Fit səsi eşitməniz əyləncələrdən imtina etməklə planlarınızı dəyiş­məyə vadar edəcək xoşagəlməz bir xəbərdən sarsılacağınızdan xəbər verir. Özünüzün fit çaldığınızı görməniz isə əsas qəhrəman olacağınız şən bir əhvalatın müjdəçisidir. Gənc xanım üçün bu yuxu arzuladığına nail olmaq imkanını əldən verməsinə səbəb olacaq düşüncəsiz bir davranışının göstəricisidir. Yuxuda uca səslə fit çalan adamlar görmüşsünüzsə, başqalarının sizə göstərdiyi hörmətsizlikdən sarsılacaqsınız. Həmçinin belə bir yuxu dostunuzla münasibətinizdə anlaşılmazlıqların da əlaməti olaraq yozula bilər.

Fleyta — Yuxuda fleytanın əsrarəngiz sədalarını eşitməniz dostlarla ürəkaçan görüşünüzün və əlverişli işgüzar əməliyyatlarınızın gözlə­nildiyindən xəbər verir. Qadın xeylağının fleyta səsləri eşitməsi pərəstişkarının onu öz zərif tərzləri ilə məftun edəcəyini bildirir.

Flotiliya — Yuxuda flotiliya görməniz maneələrlə mübarizədə qələbə çalacağınızdan, maraqlı səfərlərinizin və əyləncəli görüşlərinizin gözlənil­diyindən xəbər verir. Dağılmış flot (donanma) işlərdə uğursuzluq və bəxtsiz məhəbbət əlamətidir. Böyük bir flotiliyanın sürətlə irəliləyən gəmilərinə tamaşa etdiyinizi görmüşsünüzsə, bu yuxu adətən aktivliyin sürətli artımına və işgüzar həyatda əhəmiyyətli dəyişikliklərin olacağına işarə edir.

Fokuslar (hiylə, fənd) — Yuxuda kiminsə fokus (fənd) göstərdiyini görməniz reallıqda çətin bir vəziyyətə düşəcəyinizə işarə edə bilər. Lakin yüksək enerjinizlə təşkilatçı bacarıqlarınız az qala çarəsiz bir vəziyyətdən çıxmanıza yardımçı olacaq.

Fortepiano — Yuxuda fortepiano görmək əyləncəli bir olayın, məlahətli, axınlı me­lodiya eşitmək isə möhkəm sağlamlığın və uğurun əla­mətidir. Nizamsız, ahəngsiz akkordlar eşitməniz reallıqda çoxlu sayda əsəb qıcıqlandırıcı işlərinizin olacağından xəbər verir. Kədərli, həzin melodiya xoşagəlməz xəbərlərə işarə edir. Yuxuda fortepianonun sınıq və kökdən düşmüş olduğunu görmüşsünüzsə, reallıqda nailiyyətlərinizdən narazı qalacağınız və dostlarınızın hörmətini qazana bilməyəcəyiniz üzündən qəzəblənəcəyiniz ehtimal olunur. Yuxuda gördüyünüz qədim piano isə sizə ağır günlər keçirərkən xeyirli məsləhətlərə etinasız yanaşdığınızı və əlverişli imkanlardan istifadə etmədiyinizi xatırladacaq. Yuxu sizi bu səhvi bir daha təkrarlamamağa səsləyir. Gənc xanım yuxuda çətin də olsa, təsirli bir melodiya öyrəndiyini görmüşsə, bu vaxta qədər ona qarşı heç bir hisslər keçirməyən dostunu sadiq və vəfalı bir məşuq olmağa məcbur edəcək.

Fosfor — Yuxuda fosfor görmək davamsız, ötəri bir sevincin əlamətidir. Gənc xanım üçün bu yuxu pərəstişkarları yanında parlaq da olsa, ötəri bir uğurdan xəbər verir.

Fotoaparat — Yuxuda fotoaparat görmək özü ilə haqsız qanqaraldıcı olaylar gəti­rəcək dəyişikliklərin əlamətidir. Gənc xanımın yuxuda fotoaparatla şəkil çəkdiyini görməsi yaxın gələcəkdə çoxlu sayda xoşagəlməz olaylarla üzləşəcəyindən xəbər verir. Dostunun ona acı bir məyusluq bəxş edəcəyi ehtimal olunur.

Fotoşəkil — Yuxuda fotoşəkil görməniz tezliklə yalanla üzləşəcəyinizdən xəbər verir. Məşuqunuzun fotoşəklini aldığınızı görmüşsünüzsə, onun bütün­lüklə sizə sadiq olmadığını, sadəcə, elə bir təəssürat yaratmaq istədiyini dəqiq bilin. Ailəli adamların yuxuda ki­minsə şəklinə sahib olduğunu görməsi reallıqda kimlərinsə hə­rə­kətlərinin ifşasına şahid olacaqlarına işarə edir. Yuxuda öz şəklinizi çəkdiyinizi görməniz isə bilmədən həm özünüzün, həm də ətrafdakıların kədərlənəcəyinə səbəb olacağınızı bildirir.

Gavalı — Ağacların yaşıl yarpaqları arasında gördüyünüz yaşıl, hələ yetiş­məmiş gavalılar reallıqdakı narahatlıqların sizdən və sizə bilavasitə aidiyyəti olan hər bir şeydən yan keçəcəyini bildirir. Yetişmiş gavalılar tezsovuşan sevinclərin əlamətidir. Gavalı yediyinizi görməniz başınızın eşqbazlığa və ya digər ötəri əyləncələrə qarışacağına işarə edir. Gavalı yığdığınızı görmüsünüzsə, arzularınızın reallaşacağı gözlənilir. Lakin bu arzuların əsassızlığı və keçiciliyi sizi məyus edəcək. Yuxuda yerdən gavalı topladığınızı və bir neçəsinin çürük olduğunu görmüşsünüzsə, gözləntilərinizin əbəs olduğunu etiraf etmək məc­buriyyətində qalacaqsınız, çünki həyatın sevinc və nəşələrini təkbaşına hiss etmək mümkünsüzdür.

Gecə — Yuxuda dörd yanınız gecə zülmətidirsə, reallıqda işgüzar sa­hədə bir sıra sınaqlardan keçməyə hazır olmalısınız. Gecənin bit­mək üzrə olduğunu görmüsünüzsə, indiyə qədər qeyri-müəyyən hesab etdiklərinizin hamısı yerini tutaraq, aydınlaşacaq. Gələcək uğurların toxumu da məhz bu aydınlaşmadan asılıdır. Belə bir yuxudan sonra ürəkaçan yeniliklər gözlənilir.

Gecə köynəyi — Yuxuda özünüzü gecə köynəyində görmüsünüzsə, səhhətinizdə yüngül nasazlıq müşahidə oluna bilər. Başqalarını elə geyimdə görməniz xoşagəlməz xəbərlərə işarə edir. Həmçinin işləriniz də bir müddətliyinə ləngiyəcək.

Georgin gülləri — Yuxuda tər və al-əlvan georgin gülləri görmək həmin yuxu sahibinə gözəl bir tale-qismətdən xəbər verir.

Gerb — Yuxuda gerb, yaxud da gerb şəkli olan lövhə görmək xoşagəl­məz əlamətdir. Belə ki, cəmiyyətdə yüksək nüfuza nail olmaq cəhdləriniz boşa çıxacaqdır.

Geyinmək — Yuxuda nəyinsə sizin əyninizi geyinməyə mane olduğunu görməniz reallıqda bədxah adamların rahat həyat tərzi sürmənizə maneələr törətmək niyyətinə düşəcəyindən xəbər verir. Vağzala tələsərək vaxtlı-vaxtında əyninizi geyinməyi çatdırmadığınızı görmə­niz bəzi insanların yelbeyinliyinin sizi olduqca qıcıqlandıracağı gözlənilir. Belə bir yuxu hər kəsi həyatda daha çox özünə güvənməyə, öz bacarıq və qabiliyyətində daha əmin olmağa səsləyir.

Gələcək — Gələcəyə dair hansısa bir yuxu özünüzü ələ alıb, düşünülməmiş və hətta ağılsız qərarlardan çəkinmənizə yardımçı olacaq.

Gələcək nəsil, törəmələr — Yuxuda öz nəslinizin davamçılarını, törəmələrinizi görməniz gələ­cəkdə gümrahlıqdan və evinizin hər zaman uşaqların, qonum-qonşuların şən sədalarıyla coşub-daşacağından xəbər verir. Ev heyvanlarının balalarını görmək isə əmin-amanlığın, firavanlığın artacağına işarə edir.

Gələcəkdən xəbər verən, cadugər qadın — Yuxuda gördüyünüz cadugər qadın reallıqda görüş evləri və digər əyləncə məclislərinə meyilləndiyinizin göstəricisidir.

Gəlin — Gənc bir xanımın yuxuda özünü gəlin olaraq, gəlin qiyafəsini əy­ninə canla-başla, sevinərək geyindiyini görməsi nəticədə onu çox sevin­dirəcək bir mirasa sahib olacağından xəbər verir. Gəlin paltarını istəmədən, könülsüz geyindiyini görərsə, reallıqda öyrəşdiyi, vərdiş elədiklərinə dair ümidsizlik və məyusluq hissi keçirəcək. Yuxuda gəlinin üzündən öpdüyünüzü görmüşsünüzsə, dostlarınızın barışığı gözlənilir. Yuxunuzdakı gəlinin sizin dostlarınızı öpdüyünü görmüşsünüzsə, çoxlu sayda dostlarınız və macəralarınız olacaq. Sizi öpmüşdürsə, sağlamlıq durumunuz ürəkaçan olacaq. Sevdiyiniz xanımın gözlənilməz şəkildə mirasa sahiblənəcəyi ehtimal olunur. Yuxuda gəlini öpərkən, onun yorğun və xəstə göründüyünü görmüşsünüzsə, dostlarınızın davranışıyla uğurları sizin ürəyinizcə olmayacaq. Həqiqətdə gəlin olmağa hazırlaşan bir xanım yuxusunda həyat yoldaşına qarşı maraqsız, sevgisiz olduğunu görərsə, reallıqdakı yeni həyatının bir neçə gününün ovqatını korlaya biləcək xoşagəlməz olaylarla üzləşə bilər.

Gəlir — Yuxuda gəlir əldə etmək, əmlak sahibliyinə qədəm qoymaq reallıqda kimisə aldada biləcəyinizdən və bunun nəticəsində ailə və dost­larınızı təhlükə altında qoya biləcəyinizdən xəbər verir. Hansısa bir qohu­munuzun mirasa sahibləndiyini görmüsünüzsə, sizin özünüzü uğur gözləyir. Qadın xeylağı üçün yuxuda gəlir itkisi yaşamaq gerçək həyatda ümidsizliyə düçar olmaq əla­mətidir. Əgər gəlirinizin az olduğunu və sizi qane etmədiyini görmüsünüzsə, qohum-əqrəba və dostlarla münasibətinizdə xoşa­gəlməz soyuqluq yarana bilər. Yuxuda gəlirlərinizin yalnız bir qisminə sahibləndiyinizi görməniz isə qısa­müddətli bir uğurdan xəbər verir, lakin təəssüf ki, gözlədiyinizdən daha az gəlir götürəcəksiniz.

Gəlir, mənfəət — Gəlir və mənfəət haqqında görülmüş yuxular ən yaxın gələ­cəkdə sizə real uğur bəxş edəcək.

Gəmi — Yuxuda gəmi görmək şan-şöhrətdən və həyat tərziniz üçün gözlənil­məz bir yüksəlişdən xəbər verir. Gəminin qəzaya uğradığı xəbərini almaq isə işlərin xoşagəlməz məcrada dəyişəcəyini bildirir. Rəfiqələriniz sizi aldadacaq. Gəmi qəzasında həlak olduğunuzu görmüsünüzsə, yaxınlarınızdan kimsə sizi vicdanlılıq sınağına çəkəcək. Qasırğalı bir dənizdə üzə gəmi görmüsünüzsə, işgüzar partnyorunuz sizi aldatmaq istəyəcək, siz isə işlərinizin öhdəsindən gəlməkdə aciz qalaraq, ətrafınızda yaranmış fitnə-fəsadı layiqincə gizlətməyi bacarmayacaqsınız. Başqalarının gəmi qəzasına uğradığını görməniz müflislik və rüsvayçılıq əlamətidir, dostdan müdafiə və sığınacaq tapmaq cəhdləriniz isə boşa çıxacaq. Yuxuda hərbi gəmilər görmək dostlarla və vətənlə uzunmüddətli ayrılıqdan xəbər verir. Vurulmuş gəmi görmək isə siyasi fitnə-fəsadlara işarə edir. Ümumiyyətlə, gəmilərlə bağlı yuxular həyatınızda aktiv fəaliyyət dövrünün başlanacağına işarə edə bilər.

Gənclər — Yuxuda bir qrup gənc adamlar görmək ailə çəkişmələrinin tənzim­lənməsindən və yeni təşəbbüslərin planlaşdırılması üçün münasib bir məqamın yetişdiyindən xəbər verir. Özünüzü yeni­dən gənc gör­müsünüzsə, itirdiklərinizi, əldən buraxdıqlarınızı qaytarmağa yönəlt­diyiniz güclü səylərinizin uğursuz olaca­­ğını bildirir. Ana üçün oğlunu yenidən körpə və ya uşaq görməsi köhnə yaralarının sağalmasına, gənclik ümidlərinin və həyat­sevərliyinin yenidən qayıtmasına işarə edir. Gördüyü körpə nasazdırsa, nədənsə sarsılma ehtimalı var. Uşağı məktəbdə görmək yuxunu görən xanıma evinin çiçəklənməsi uğrunda uğurlu imkanlar və qarşısında açılmış bu imkanlardan böyük mənfəət götürmək şanslarını vəd edir.

Gənə — Yuxuda bədəninizdə gənələrin gəzişdiyini görməniz qalma­qallı olayların və zəif sağlamlığın əlamətidir. Ola bilər ki, hansısa bir xəs­tə­nin çarpayısı yanında növbə çəkməli olasınız. Bədəni­nizdə olan gə­nəni əzib öldürmüsünüzsə, düşmənlərin xainliyi sizi sarsıdacaq. Ağac gövdəsinə doluşan iri gənələr gör­mə­niz isə düşmənlərin sizin əmlakınıza sahiblənmək üçün istənilən üsula əl atacağını bildirir.

Gəzinti, ekskursiya — Yuxuda kənd yerində gəzintiyə çıxdığınızı görməniz dostlarla ayrılıqdan və dilxorluqdan əziyyət çəkəcəyinizdən, lakin yaxınlarınızın sizi bu vəziyyətdən çıxarmaq üçün əllərindən gələni əsirgəməyəcəklərindən xəbər verir. Gənc xanım üçün belə bir yuxu rahat və doğma evinin olacağına, lakin bununla yanaşı, vaxtsız bir itki yaşaya biləcəyinə işarə edir. Yuxuda uzunmüddətli və maraqlı bir gəzintidə, səyahətdə olduğunuzu görmüsünüzsə, reallıqda son dərəcə mötəbər bir tədqiqat təşəbbüsündə iştirak edəcəyiniz gözlənilir. Gəzintidə yanınızda çoxlu adamların olması isə işinizdə güclü rəqiblərin meydana çıxacağını bildirir.

Gicitikaən — Yuxuda çoxlu gicitkən bitən çəməndə yanmaqdan qorxmadan gə­ziş­diyinizi görməniz müvəffəqiyyət müjdəçisidir. Gicitkənin sizi yandırdığını görmüsünüzsə, özünüzdən narazı olacaqsınız, başqalarını da dilxor edəcəksiniz. Gənc bir xanım çoxlu gicitkən bitən yerdən keçdiyini görmüşsə, gerçək həyatda müxtəlif kişilərdən evlilik təklifi alacaq və qərar qəbul edərkən narahatlıq keçirəcək. Ümumiyyətlə, yuxuda gicitkən görmək vəsait çatışmazlığı və itaət etməyən övladlara dəlalət edən xoşagəlməz əlamətdir.

Gil — Yuxuda gil görmək maliyyə çətinliklərindən xəbər verir. Əgər yu­xuda özünüzü gilli bir sahildə quyu qazarkən görmü­sü­nüz­sə, gerçək həyatda düşmənləriniz sizə hücuma keç­məyə hazır­laşır. Torpaq qazaraq gözlənilmədən gil aşkarlamaq reallıqda xoşagəlməz maneələrin yeni bir işinizə toxuna bilə­cə­yinin əlamətidir. Qadınlar üçün bu sayaq yuxular xüsusilə xoşagəl­məzdir – sevgidə və işlərdə uğursuzluq ehtimalı var.

Gimnast — Yuxuda gimnast görmək gerçəkdəki işlərinizdə uğursuzluqlar ola biləcəyindən xəbər verir. Belə bir yuxu xüsusilə ticarət sahibləri üçün uğursuz sayılır.

Gitara — Yuxuda gitara görmək, yaxud da gitarada çalmaq xoş əlamətdir. Belə ki, tam gözlənilmədən yeni və maraqlı bir cəmiyyətə düşəcək və orada həyatınızın böyük bir məhəbbətilə üzləşəcəksiniz. Gənc bir xanımın yuxuda simləri qırılmış gitara görməsi reallıqdakı eşq macəralarının kədər və göz yaşlarıyla əvəzlənə biləcəyinə işarədir. Yuxuda gitaranın çalındığını eşidibsə, gerçək həyatda hər vəchlə onun üçün təhlükə törədə biləcək qeyri-səmimiliyə və yaltaqlığa qarşı çıxmalıdır. Gitara ilə bağlı yuxular kişi xeylağı üçün bihudə bir həvəsə dair xəbərdarlıqdır. Eyni zamanda, belə bir yuxu ailədə uzunmüddətli sakitliyə də işarə ola bilər.

Gizlətmək — Yuxuda hansısa bir əşyanı gizlətməli olduğunuzu görməniz ehtimal olunan çətinliklərin əlamətidir. Gizlədilmiş əşyalar tapmaq isə sevinc və əyləncələrdən xəbər verir. Gənc bir xanımın yuxuda nəyisə gizlətdiyini görməsi barəsində çoxlu sayda dedi-qoduların dolaşacağını, lakin nüfuzunun bütün bunlardan dolayı zərrə qədər də sarsılmayacağını bildirir.

Göbələk — Yuxuda göbələk görmək sərvətinizi artırmaq istəyinizdə gə­rək­siz və düşüncəsiz tələskənliyinizin nəticədə sizi məhkəmə çəkişməsinə və ya aldadıcı kef-səfaya gətirə biləcəyindən xəbər verir. Göbələk yemək həqarət və rüsvayçı məhəbbətə işarədir. Gənc bir xanım üçün bu sayaq yuxu öz əmlakına dair etinasızlığından və müəmmalı əyləncələrdən xəbər verir.

Göl — Gənc bir xanımın yuxuda təlatümlü gölün kirli sularında tək-tənha qaldığını görməsi bir çox dəyişikliklərdən xəbər verir: tezliklə keç­mişdə etdiyi ağılsızlıqlardan və ləyaqət, şərəf kimi ali dəyərlərə etinasız yanaşdığından peşmanlıq duyacağı gözlənilir. Əgər su onun üzdüyü qayığı ağuşuna alırsa, o isə, cəld sürətlə avar çəkərək özünü limana çatdırırsa, reallıqda səhv inancların təsiri altında olmasına baxmayaraq, bu əqidəsini dəyişməklə, nəhayət, şərəf və hörmətə sahib olmağı bacaracaq. Belə bir süjet həmçinin yaxınlardan birinin nasazlığına da işarə edə bilər. Yuxuda gənc bir cütlüyün həyatını riskə ataraq, fəlakətin öhdəsindən gəldiyinə tamaşa etmişsə, dostlarından hansısa çirkin bir hərəkət etməsinə baxmayaraq, səhvini düzəldərək, onun rəğbətini qa­zan­mağı bacaracaq. Yuxuda yaxın və çox istədiyiniz dostlarla birgə rəvan və təmiz bir göl üzərində qayıqla üzdüyünüzü görməniz təsəv­vürlərinizə münasib səadət və var-dövlətə sahib olacağınızdan xəbər verir. Yuxuda görülən çılpaq və kədər doğuran daşlar, quru ağaclarla əhatə olunmuş bulanıq göl bəzi planlarınızın iflasa uğraya biləcəyinə dair xəbərdarlıq ola bilər.
Gözəl yaşıl sahilləri olan çirkli göl gör­müsünüzsə, təbiətinizin mənəvi gücü hərisliyə üstün gələrək, enerjinizi təhlükəsiz və etibarlı bir yol axtarışına yönəldəcək. Yuxuda gördüyünüz göl təmiz, onu əhatə edən bitki aləmi isə zəif və solğundursa, əxlaqsız hərəkətlərin təzyiqi altında rahat mövcudiyyətiniz darmadağın ola bilər. Gölün təmiz suyunda öz əksinizi görməniz sevinc və istəkli dostların dəstəyindən xəbər verir. Yarpaqların suda əks olunduğunu görmək də sevgi və səadət sevincinin əlamətidir. Gölün sürüşkən və müdhiş sakinlərinin yaxınlaşaraq sizi qorxutduğunu görməniz reallıqda vaxtınızı, gücünüzü və sağlamlığınızı boşuna sərf etdiyinizdən peşmançılıq çəkəcəyinizdən xəbər verir. Lakin necə deyərlər, daldan atılan daş topuğa dəyər. Həyatın sevincinin, sanki bir damla kimi əlinizdən çıxıb getməməsi üçün reallıqda son dərəcə diqqətli və tədbirli olmağa çalışın.

Gölməçə, nohur — Yuxuda təmiz suyu olan bir gölməçəyə ayaq basdığınızı görmüsü­nüzsə, qarşılaşacağınız xoşagəlməz bir halın yerini tezlik­lə ürəkaçan hadisə tutacaq. Lakin gölməçənin suyunun bulanıq olması qanqaraldıcı halların dəfələrlə təkrarlana biləcəyinin əla­mətidir. Ayaqlarınızın gölməçədə islandığını görməniz isə sevincinizi poza bilən bir olayla üzləşə biləcəyinizi bildirir.

Gömrük — Yuxuda gömrük görmək işgüzar sahədə rəqabət və bəhsləşmə ruhunun kəskinləşəcəyinə işarə edir. Gömrüyə daxil olduğunuzu görməniz uzun müddətdən bəri can atdığınız bir məqam uğrunda mübarizəyə başlayacağınızı bildirir. Gömrüyü tərk etmək isə tənəzzül, ticarətdə uğursuzluq, yaxud da çoxdandır arzulanan məqsədə yetişmək cəhdinin uğursuzluğunun əlamətidir.

Görüş — Yuxuda işgüzar bir görüş görmək reallıqda işlərdə süstlük, həyəcan və qayğı ehtimal olunur. Gənc adamların yuxuda görüş­düklərini görməsi münasibətlərdə soyuqluq yarana biləcə­yindən xəbər verir. Yuxuda bir kimsənin görüşə mane olduğunu görmək özü ilə xoşagəlməz nəticələr gətirəcək tələsik və düşünülməmiş bir addıma işarədir.

Göy qurşağı — Yuxuda göy qurşağı görmək misilsiz bir səadət əlamətidir. Belə ki, bütün təşəbbüsləriniz çox ümidlər verən dəstək əldə edəcək, məhsul da bol bəhrələrilə sevindirəcək. Göy qurşağını sevgililər görmüşsə, ittifaqları son dərəcə xoşbəxt olacaq. Ağacların yaşıl çətirləri altında yaranmış göy qurşağı bütün işlərdə şübhəsiz uğur vəd edir.

Göyərçin — Yuxuda göyərçin görüb, onların quruldamasını eşitmək ailədə əmin-amanlıqdan və övlad artımından xəbər verir. Qız xeylağı üçün belə bir yuxu yaxın gələcəkdə xoşbəxt ailə həyatı vəd edir. Göyərçinlərin kiminsə oxuna tuş gəldiyini və yaxud özünüzün göyərçin ovladığınızı görmüsünüzsə, təbiətinizə məxsus qəddarlığınız işgüzar münasibətlərdə də özünü göstərəcək. Eyni zamanda, bu sayaq yuxu sizi rəzillik gətirə­cək kef-səfadan ehtiyatlı olmağa çağırır. Yuxuda göyərçinlərin uçduğunu görmüsünüzsə, anlaşılmazlıqlardan ehtiyatlanmanıza ehtiyac yox­dur. Həmçinin uzaqda olan dostdan da xəbər gözlənilir. Tənha bir göyərçinin quruldadığını eşitmək, yaxud da ölü göyərçin görmək qanqaraldıcı olaylara işarədir.

Göyərtə — Yuxuda özünüzü şiddətli bir fırtına zamanı gəmi göyərtəsində gör­məniz hansısa xoşagəlməz bir hadisədən xəbər verir, bəlkə də bu yuxu nikahınızın uğursuz olduğunu bildirir. Lakin dəniz sakit, dəniz fənəri (mayak) da aydın görünürsə, deməli, uğura doğru yolunuz açıqdır. Sev­gililər üçün bu yuxu səadət əlaməti sayılır.

Göz — Yuxuda göz görmək işlərinizə xələl yetirmək üçün sizi addım­­baaddım izləyən düşmənlərinizin hiylələrinə qarşı bir xəbərdarlıqdır. Sevən kəslərə bu sayaq yuxu fitnəkar bir rəqi­bin meydana çıxacağına işarədir. Qonur gözlər xəyanət və hiylə­gərlik əlamətidir. Yuxuda sizə dikilmiş göy gözlərin baxışı ifrat cürətsizliyinizin səbəb olduğu hansısa bir uğursuzluqdan xəbər verir. Boz rəngli gözlər ətrafınızda yaltaq birinin peyda olacağına dair xəbərdarlıqdır. Əgər yuxuda gözlərinizin iltihablı və ya zədələnmiş olduğunu görmüsünüzsə, reallıqda həyəcan doğuran hadisələr ola bilər. Yuxuda birgözlü adam görmək də uğursuzluq əlamətidir.

Göz həkimi — Yuxuda göz həkiminin qəbulunda olduğunuzu görməniz həyatı­nızdan bir o qədər də məmnun olmadığınızdan və arzuolunan uğura nail olmaq üçün olduqca kəskin tədbirlərə əl atacağınızdan xəbər verə bilər.

Göz yaşları — Yuxuda ağlamaq yaxşı əlamət hesab olunmur. Başqalarının ağladığını görməniz isə həyatda başınıza gələn işlərin ətrafdakılara təsir edəcəyini bildirir.

Gözəl, xoşagələn — Yuxuda gözəl əşyalar görmək sizi və yaxınlarınızı gözləyən firavanlıqdan xəbər verir. Sevən bir oğlanın yuxuda sevgilisinin son dərəcə gözəl və mülayim olduğunu görməsi tezliklə xoşbəxt bir ailə quracağına işarə edir. Çoxlu yuxular arasında özünüzü gözəl və məlahətli görmüsünüzsə, tale sayrışan işıqlarla sizi oyanmağa və xoşbəxtliyinizə doğru irəliləməyə səsləyəcək. Yuxuda ətrafınızda çoxlu sayda gözəl-göyçək insanlar görmüsünüzsə, bu həyatda ayaqları üstündə möhkəm dayanmış insanların etimadını qazanmağı bacaracaqsınız.

Gözəllik — İstənilən formada gözəllik görmək son dərəcə uğurlu bir yuxudur. Yuxuda gördüyünüz gözəl qadın həyatınıza zövq qatacaq. Uğurlu kommersiya sövdələşmələri gözlənilir. Yuxuda gözəl-göyçək bir uşaq görməniz isə qarşılıqlı məhəbbət və xoşbəxt bir ittifaqın əlamətidir.

Güc, qüvvə — Yuxuda kiminsə sizə qarşı güc tətbiq etdiyini görməniz rəqiblərinizə məğlub olacağınızı bildirir. Güc tətbiq edən özünüz idinizsə, işləri idarəetmə üsulunuzun qüsurlu olması üzündən uğuru və yaxınlarınızın rəğbətini itirə bilərsiniz.

Güclü isti, bürkü — Yuxuda güclü istidən əziyyət çəkdiyinizi görməniz uğursuzluqdan və bəzi planlarınızın reallaşmayacağından xəbər verir. Uğursuzluqlara səbəbkar isə dostlarınızdan biri ola bilər. Ümumiyyətlə, bu sayaq yuxular yaxşı əlamət deyil.

Gül kələm — Yuxuda gül kələm yediyinizi görməniz reallıqda öhdəçilik­lərinizə etinasız yanaşdığınız üçün töhmət alacağınızdan xəbər verir. Gül kələ­minin bitdiyini görməniz isə uğursuzluqlar və itkilərin ardınca parlaq perspektivlərin gözlənildiyini bildirir. Gənc xanımın bostanda gül kələm görməsi özünün deyil, valideynlərinin istəyilə ailə quracağına işarə edir.

Güldan — Yuxuda güldan görmüsünüzsə, ailənizdə çoxlu sayda xoş olaylar yaşanacaq. Yuxuda hansısa bir qabdan və ya piyalədən nə isə içmək gizli eşqin sevinc və qüssələrini yaşayacağınızdan xəbər verir. Sınıq güldan görmək mümkün uğursuzluq əlamətidir. Əgər gənc bir xanım yuxuda güldan hədiyyə alırsa, deməli, real həyatda çoxdankı arzusuna tezliklə nail olacaq.

Güllər — Yuxuda bağda bitən rəngarəng və tər güllər görməniz məm­­­nunluq və nailiyyət, ağ güllər kədər, solmuş və qurumuş güllər isə çətinliklərin əlamətidir. Gənc xanımın yuxuda ən müxtəlif güllərdən ibarət bir dəstə aldığını görməsi reallıqda pərəstiş­karlarının çox olacağını bildirir. Məhsul verməyən bir torpaqda bitən güllər görmək kədərli olaya işarə edə bilər. Lakin bu yuxu həmçinin yüksək enerjiniz və nikbinliyiniz sayəsində nüfuzlu bir məqama və səadətə qovuşacağınızı da bildirir.

Gülüş — Yuxuda şadlandığınızı və güldüyünüzü görməniz reallıqda mü­­kəmməl iş ortaqlarıyla qurulacaq sahibkarlıqda uğur əldə edəcə­yi­nizdən xəbər verir. Talenin işarələrinə dair gülüşünüzü saxlaya bilmədiyinizi görməniz isə məyusluq və harmoniyanın yoxlu­ğunun əlamətidir. Yu­xuda eşidilmiş şən uşaq gülüşü sevinc və sağlamlıq müjdəçisidir. Başqalarının uğursuzluqlarına güldüyünüzü görməniz isə özünüzün xudpəsənd niyyətlərinizi həyata keçirmək uğrunda dostlarınıza qəsdən zərər yetirməyə qadir olduğunuzu bildirir. İstehzalı gülüşlər eşitmək xəstəliyə və işlərdə məyusluğa işarə edir.

Gümüş — Yuxuda görülmüş gümüş xəbərdarlıq xüsusiyyəti daşıyır: həqiqi səadətə və məmnunluğa can atarkən, pulunuza bir o qədər də arxayın olmayın. Gümüş sikkə tapmaq ehtiyac əlamətidir. Şəxsi rahatlığınız üçün çox zaman tələsik qərarlar verməyə meyillisiniz. Gümüşdən hazırlanmış məişət əşyaları isə ötəri narahatlıqlar və təmin olunmamış arzuların göstəricisidir.

Günahı təmizləmə (kəffarə), kompensasiya — Belə bir yuxu dostlarla ünsiyyətdən zövq alacağınızı bildirir. Birja işbazları birjada aksiyaların enişindən qorxmamalıdır. Flirt xoşbəxtliklə nəticələnəcək. Sizin tərsliyiniz uğrunda kiminsə fədakarlığını və ya günahının təmizləndiyini görmüsünüzsə, ya siz özünüz, ya da dostlarınız sizin öhdəçiliklərinizə etinasız yanaşmanız üzündən alçalmış bir vəziyyətə düşə bilərsiniz. Xanımın bu sayaq yuxular görməsi onu məyusluğa sürükləyə biləcək işlərdən uzaq olmasına çağırır.

Gündüz — Yuxuda açıq, aydın, günəşli bir gündüz görmüsünüzsə, vəziy­yə­tiniz nəzərəçarpacaq dərəcədə yaxşılaşacaq. Yeni ürəkaçan tanışlıqlar da mümkündür. Tutqun və buludlu gündüz isə itki və uğursuzluqlara işarədir.

Günəş — Yuxuda parlaq günəşin doğmasını görmüşsünüzsə, reallıqdakı hər bir işinizdə sevinc və müvəffəqiyyət gözlənilir. Günəşi ən yüksək zirvəsinə çatmış görməniz şöhrətpərəstliyinizin təmin olunduğunun, hazırkı imkanlarınızın da sərhədsiz olduğunun göstəricisidir. Günəşin batmasını görməniz isə uğurlarınızın pik nöqtəyə çatdığı dövrünün keçdiyinə və bundan sonra hər bir işə daha diqqətlə yanaşmalı olduğunuza işarə edir. Yuxuda buludlar arasından saçan günəşi görməniz bütün qayğı və çətinliklərin arxada qaldığını, qarşıda isə yalnız uğur gözlənildiyini bildirir. Günəşin əsrarəngiz şəkildə buludların arxasında gizlənərək, yalnız ara-sıra saçdığını görməniz isə narahat bir dövrün yaxınlaşdığından, lakin bu narahatlıqların tezliklə sovuşaraq, işgüzar və şəxsi həyatınıza ürəkaçan dəyişikliklər gətirəcəyindən xəbər verir.

Güzəşt, razılaşma — Yuxuda kimlərinsə istəklərinə güzəştə getdiyinizi görməniz reallıqdakı qətiyyətsizliyiniz üzündən yüksəlmək üçün yaranmış son dərəcə gözəl imkanlardan istifadə etmədiyinizin gös­təricisidir. Başqalarının sizə güzəştə getdiyini görməniz isə müs­təsna imtiyazlar alacağınızdan və daha yüksək məqama qalxacağınızdan xəbər verir.

Güzgü, ayna — Yuxuda özünüzü güzgüyə baxan görmüsünüzsə, çoxlu sayda soyuqluq yarada biləcək ixtilaflardan qorunun; sizin iztirablarınıza səbəb kiminsə xəstəliyi ola bilər. Sınmış güzgü görmək qohumlardan hansınınsa narahatlığına işarə ola bilər. Güzgüdə başqalarını görmək onların sizə qarşı ədalətsiz hərəkətləri barədə xəbərdarlıqdır. Güzgüdə heyvan görmək ümidsizlik və itkilərə işarə edir. Gənc bir xanımın yuxuda sınmış güzgü görməsi uğursuz bir dostluq və o qədər də xoşbəxt olmayan ailədən xəbər verir. Güzgüdə solğun simalı və haldan düşmüş məşuqu görmək onun narahatlığına və ya baş tutmayacaq bir nişana işarədir. Lakin əgər məşuq güzgüdə xoşbəxt görünürsə, aranızda olan yüngülvarı uzaqlaşma getdikcə artsa da, bir müddətdən sonra razılıq yenidən qəlblərinizə sahib olacaq. Yuxuda, sadəcə, kənardan-kənara bir güzgü görmək isə yaxın gələcəkdə aldana biləcəyinizdən, yaxud da dəf edilməsi çətin olan maneələrdən xəbər verir. Qadın üçün belə bir yuxu ailə münaqişələrinin və ya boşanmanın müjdəçisi ola bilər.

Haqq-ədalət — Haqq-ədalət tələb etdiyinizi gördüyünüz yuxu reallıqda bəd­­­xah adamların iftiraçı günahlandırmalarıyla təhlükəli olan çətin­liklərə dair xəbərdarlıqdır. Haqq-ədaləti sizdən tələb etmiş­lərsə, əxlaqınızla nüfuzunuzun qınaq və töhmətə məruz qalacağı gözlənilir. Sizə qarşı irəli sürülən ittihamları təkzib edə biləcə­yinizdən əmin olmayacağınız ehtimalı var.

Halallıq (günahların baöşlanması) — Qadın xeylağının yuxuda halallıq aldığını görməsi reallıqda onun adı, əxlaqı ətrafında dolaşan xoşagəlməz söz-söhbətlərdən qurtulmaqda çətinlik çəkəcəyindən xəbər verir.

Hamiləlik — Bir qadın üçün yuxuda hamilə olduğunu görmək onun ailədə həyat yoldaşıyla xoşbəxt olmayacağı, uşaqlarının isə görkəmsiz olacağı de­­­məkdir. Bakirə qız üçün belə bir yuxu rüsvayçılıq və bədbəxtlik əlamətidir. Əgər yuxu görən qadın həqiqətən də hamilədirsə, belə bir yuxu onun uğurlu doğuşundan və səhhətinin tezliklə bərpa olacağından xəbər verir.

Hasar — Yuxuda hasarın üstünə çıxmaq mühüm bir işin uğurlu bitəcə­yin­dən xəbər verir. Əgər hasardan yıxılmısınızsa, bu yuxu sizi bacara bilməyəcəyiniz bir işə başlayacağınız və uğursuzluğa uğrayacağınız barədə xəbərdar edir. Dostlarınızla hasara çıxıb bilmədən onun uçmasına səbəb olmusunuzsa, yaxınlarınızdan biri xoşagəlməz problemlərlə üzləşə bilər. Hasarın üstündən aşıb o biri tərəfə keçmisinizsə, deməli, reallıqda məqsədə çatmaq üçün yaramaz vasitələrə əl atmaq niyyətinə düşəcəksiniz. Yuxuda harasa keçmək üçün hasarı vurub yıxmısınızsa, həyatda çalışqanlığınızla az qala mümkünsüz olanlara can atıb uğura nail olacaqsınız. Lakin yuxuda hasarı vurub yıxan bir sürü heyvan görmüsünüzsə, gözləmədiyiniz bir yerdən əhəmiyyətli dəstək alacaqsınız. Hasar ucaltmanızla bağlı yuxu müsbət əlamətdir. Belə bir yuxu sizə aktiv yaradıcı fəaliyyət və bolluq vəd edir. Gənc bir xanımın bu sayaq yuxu görməsi sevgilisilə mənəvi yaxınlıqdan xəbər verir.

Hava — Belə bir yuxu işlərin o qədər də ürəkaçan məcrada getmə­diyini bildirir və yuxunu görən adama gözlənilən bəzi narahatlıqlardan xəbər verir. Yuxuda nəfəsinizə isti hava aldığınızı görmüsünüzsə, məcburən bədxahlığa sürüklənə bilərsiniz. Soyuq havanı hiss etmək işlərdə dolaşıqlıqdan və ailə münasibətlərində çətinliklərdən xəbər verir. Nəm havanın təsirini hiss etmək isə bəzi qaçılmaz hadisələrin bir müddətliyinə sizin iradənizi sarsıdacağına, hətta özünüzə və həyata inamınızı itirəcəyinizə işarədir.

Hava (haqqında məlumat) — Yuxuda havaya tamaşa etdiyinizi görməniz reallıqdakı uğurun qeyri-sabit olacağının əlamətidir. Hələlik bəxtiniz gətirir, lakin gözlənilmədən işlərdə şübhələr və müvəqqəti çətinliklər yarana bilər. Hava haqqında məlumatları oxuduğunuzu görmüsünüzsə, uzunmüddətli, cansıxıcı dü­şüncə və tərəddüdlərdən sonra yaşayış yerinizi, nəhayət, dəyişə bilər­siniz. Bu dəyişiklik yalnız sizin xeyrinizə olacaq. Hava məlu­matlarını xəbər verən adamı görməniz ailədə xoşagəlməz olaylara işarə edə bilər.

Hava balonu (aerostat) — Bu yuxu nakamlıq və uğursuzluq kimi dəyərləndirilir. İşgüzar həya­tınızda tənəzzül yaşana bilər. Hava balonu ilə yuxarı qalxmaq uğursuz səfərdən xəbər verir.

Hayxırma, tüpürmə — Yuxuda tüpürcək görməniz reallıqda ilk başlarda uğurlu və perspektivli görünən bir işin uğursuz nəticələnə biləcəyinə işarə edir. Kiminsə sizə tüpürdüyünü görmək isə mübahisələrin və sevgidə soyuqluğun əlamətidir.

Heroqriflər — Yuxuda görülmüş heroqliflər sizin qətiyyətsiz fikir və müha­kimə­lərinizin həyati əhəmiyyət daşıyan bir məsələdə böyük fəla­kətlərə və maliyyə itkisinə səbəb ola biləcəyindən xəbər verir. Heroqlifləri oxumağı bacarmaq isə sizin çətinliklərin dəf olunmasında gələcək uğurunuza işarə edir.

Hesab, hesab fakturaları — Yuxuda kiminsə sizə ödəniş üçün hesab fakturaları təqdim etdiyini görməniz reallıqda təhlükəli bir vəziyyətə düşə biləcə­yi­nizə işarə edir. Hesablarınızı ödədiyinizi görməniz isə ciddi bir mübahisədə qarşılıqlı güzəşt əsasında razılaşmaya gələcə­yinizdən xəbər verir. Özünüzün başqalarına hesab fakturaları təqdim etdiyinizi görməniz işlərinizi rahat idarə etmənizdə çətinlik törədəcək xoşagəlməz vəziyyətlərin yaranacağının əlaməti ola bilər. Mühasib işləyən gənc xanımın yuxuda hesablarını ödədiyini görməsi reallıqda maliyyə və sevgi məsələlərində çətinliklərlə üzləşəcəyindən, lakin ən çətin məqamda əsl səadətlə mükafatlandırılacağından xəbər verir.

Heykəllər — Yuxuda gördüyünüz heykəllər yeganə sevgili ilə ayrılığa işarə edə bilər. zəifliyiniz də arzularınızın reallaşmasını mümkünsüz edəcək.

Heyvanxana —  Yuxuda heyvanxananı ziyarət etmənizi görməniz yaxın gələ­cəkdə çoxlu sayda xoşagəlməz hallarla üzləşə biləcəyinizdən xəbər verir.

Həblər — Yuxuda həb görmək xırda işlərdə uğurun əlamətidir. Qadın xeylağının yuxuda həb qəbul etdiyini və ya onu kənara atdığını görməsi dayaz bir paxıllığın və əhəmiyyətsiz narahatlıqların ovqatını korlayacağına işarə edə bilər.

Həbs — Yuxuda tanımadığınız adamların gözünüz önündə həbs olunduğunu görməniz uğursuzluqdan ehtiyatlanaraq nəzərinizdə tutduğunuz dəyişiklikləri reallaşdırmayacağınız deməkdir. Əgər həbs olunanlar müqavimət göstərirsə, bu yuxu yeni imza atdığınız işlərin uğurla nə­ticə­lənəcəyindən xəbər verir.

Hədəf, nişan — Yuxuda hədəf görməniz reallıqda hansısa bir məsələnin sizi digər, daha ürəkaçan işlərdən ayıracağından xəbər verir. Gənc bir xanım yuxuda kiminsə hədəfinə çevrildiyini düşündüyünü görmüşdürsə, saxta dostların paxıllığı üzündən nüfuzunun ləkələnəcəyi ehtimalı ilə üzləşə bilər.

Hədiyyə — Yuxuda hədiyyə aldığınızı görməniz reallıqda son dərəcə xoşbəxt olacağınızın əlamətidir. İşgüzar adamlar üçün yuxuda görülən hədiyyə uğurlu maliyyə əməliyyatlarının müjdəçisi sayılır. Kiməsə hədiyyə göndərdiyinizi görməniz isə problemlərinizin həlli üçün yaranacaq münbit şəraiti itirə biləcəyinizə işarə edir. Həmçinin, kimdənsə məzəm­mət alaraq, məyus olacağınızın da ehtimalı var. Gənc bir xanım yuxuda gözəl hədiyyə aldığını görmüşsə, reallıqda imkanlı və ruhən ona yaxın olan bir adamla tezliklə ailə quracağı gözlənilir. Yuxuda doğum günü ilə əlaqədar hədiyyələr almaq müstəsna uğurun əlamətidir. Özünüzün bayram mühitində kiməsə hədiyyə verdiyinizi görməniz reallıqda həmin adama bir o qədər də rəğbət bəsləmədiyinizi bildirir.

Həkim — Gənc bir xanım yuxuda həkim görübsə, gerçəkdə bihudə bir əyləncə uğrunda gözəlliyini qurban verə bilər. Əgər belə yuxunu görən xanım həqiqətən də xəstədirsə və yuxuda həkim görürsə, belə bir yuxu onun tezliklə şəfa tapacağından xəbər verir. Əgər həkim yuxuda nədənsə narahat və həyəcanlıdırsa, bəzi çətinliklər yarana bilər. Hansısa bir xanım yuxuda həkimlə ailə qurmağa hazırlaşdığını görmüşsə, gələcəkdə aldadıla bilər. Yuxuda sizi müalicə etməyə cəhd göstərən fırıldaqçı həkim həyəcanlı məqamlar və nasazlıq əlamətidir. Əgər yuxuda diş həkiminə gəlib dişlərinizi müalicə etdirmək istədiyinizi görmüsünüzsə, reallıqda məyusluq yaşana bilər. Ola bilər ki, yaxınlarınızın qeyri-səmimiliyi sizi ruhdan salacaq. Əgər gənc bir xanımın dişlərini müalicə edən diş həkimini görmüsünüzsə, gerçəkdə dostlarınızın arasında mübahisə baş verə bilər.

Hərarət, qızdırma — Yuxuda yüksək qızdırmadan əziyyət çəkdiyinizi görməniz əhəmiy­yətsiz şeylər üçün narahat olacağınıza işarədir. Həmçinin bir çox dəyərlər də sizdən yan keçir. Özünüzü ələ alıb, sizə layiq olan bir işlə məşğul olmalısınız. Ailə üzvlərinizdən birini qızdırmadan əziyyət çək­diyini görməniz isə yaxınlarınızdan birinin səhhətində mümkün problemlərdən xəbər verir.

Həsəd, paxıllıq — Yuxuda başqalarına paxıllıq etdiyinizi görməniz xeyirxah və xoş­rəf­tar olmanızla yeni dostların rəğbətini qazanacağınızdan xəbər verir. Əgər kimsə sizə paxıllıq edirsə, reallıqda sizin problemlərinizə həd­dindən artıq həssas yanaşan dostlarla münasibətlərinizdə bəzi anlaşılmazlıqlar yarana bilər.

Həsir — Yuxuda həsir görmək ürəkaçan perspektivlərin və uzaqdan gələcək xoş xəbərlərin əlamətidir. Gördüyünüz həsir köhnə və ya cırıq idisə, bir sıra xoşagəlməz hallarla üzləşmə ehtimalınız var.

Həşaratlar — Yuxuda qaynaşan həşəratlar görmək nasazlıq və kədər əla­mətidir. Həşəratlardan qurtulmağı bacarmışsınızsa, hansısa bir işdə bəxtiniz gəti­rəcək. Hərçənd ki, belə bir yuxu gələcəyə dair narahatlıq əlaməti də ola bilər: yaxınlarınızdan birinin səhhətində problemlər ehtimal olunur.

Həzz, zövq, nəşə — Yuxuda hansısa bir hadisədən dolayı zövq aldığınızı görməniz iş­lərdə uğurlu dəyişikliklərdən xəbər verir. Sevgililərin yuxuda görüş sevinci yaşadıqlarını görməsi qarşıda gözlənilən ürəkaçan hadisələrə işarə edir. Gözəl mənzərələrin seyrindən zövq aldığınızı görməniz böyük bir uğurun müjdəçisidir. Ümumiyyətlə, yuxuda yaşanmış zövq, nəşə şəxsən yuxunu görən üçün nəzərdə tutulmuş böyük sevincin əlamətidir.

Hiddət — Yuxuda özünüzü həddindən artıq hiddətli görməniz bədbəxt hadisə və ya qəza ehtimalından xəbər verir. Digərlərini belə vəziyyətdə görmək sizə narahatlıq və gərginlik gətirəcək xoşagəl­məz perspektivlərin əla­mətidir.

Hinduşka — Yuxuda hinduşkalar görmək işlərdə böyük gəlir, kəndlilər üçün isə bu sayaq yuxular bol məhsul vəd edir. Hinduşkaları satışa hazırlanmış görmək işlərin uğurlu inkişafına işarə edir. Hinduşkaları xəstə və ya ölmüş görmək gerçək həyatdakı çətinliklərin sizin qürurunuzu sarsıda biləcəyindən xəbər verir. Hinduşka əti yemək isə sevincli hadisələrin gözlənildiyini bildirir. Quşları uçan görmək yaxın gələcəkdə uğur və məşhurluq müjdəçisidir. Onları öldürdüyünüzü görməniz isə gələcəkdə qazancınızı artırmaq üçün haram yollara əl atacağınıza işarə edir.

Hoppanmaq, tullanmaq — Gənc bir xanımın yuxuda hansısa bir maneənin üzərindən hoppanıb keçdiyini görməsi talenin uzunmüddətli müqavimətlərindən və özünün uğur üçün apardığı mübarizələrindən sonra, nəhayət, arzularının həyata keçəcəyindən xəbər verir. Ümumiyyətlə, istənilən bir maneənin üzərindən tullanıb keçdiyinizə aid yuxular bütün nəcib işlərinizdə uğur əlaməti hesab olunur. Hoppanarkən yıxılmışsınızsa, arada bəzi çətin­liklərin olmasına baxmayaraq, işləriniz uğurla tamamlanacaq. Hasarın üstündən aşağı hoppandığınızı görməniz reallıqda məyusluq gətirəcək düşüncəsiz əməllərinizə dair xəbərdarlıqdır. Kiminsə uğurlu hoppanmalarına tamaşa etdiyinizi görməniz isə talenin öhdəsindən gəlməniz üçün yüksək enerji və güc əldə edəcəyinizi bildirir.

Hovuz — Əgər gənc bir xanım yuxuda hovuzda üzürsə, bu, çox yaxşı yuxudur: onun ləyaqəti və namuskarlığı həyatda həqiqi dost qazanmasına və cəmiyyətdə mövqeyini möhkəmlətməsinə yardımçı olacaq.

Hörümçək — Yuxuda hörümçək görməniz reallıqdakı işinizdə diqqətli və aktiv olmanızın sizi uğura gətirib çıxaracağının əlamətidir. Tor hörən hörümçək görmək evinizdə mehribanlıq və əmin-amanlıq olacağını bildirir. Hörümçəyi öldürmək həyat yoldaşı və ya sevgili ilə mübahisənin mümkünlüyünə işarə edir. Yuxunuzdakı hörümçək sizi sancmışdırsa, reallıqda xəyanət qurbanına çevrilə bilərsiniz, işinizə isə düşmənlərin günahı üzündən zərər toxuna bilər. Torda sallanmış çoxlu sayda hörüm­çəklərlə əhatə olunduğunuzu görməniz son dərəcə uğurlu imkanların əlamətidir: sizi möhkəm sağlamlıq, müvəffəqiyyət və dostların dəstəyi gözləyir. Yuxuda böyük bir hörümçək olan tora ilişdiyinizi görməniz də, bəzi təhlükəli əlaqələrə baxmayaraq, böyük uğura işarə edir.

Olduqca böyük və son dərəcə kiçik hörümçəklərin eyni vaxtda sizə yaxınlaşdığını görmüsünüzsə, işlərdə uğur əldə edərək, dəfələrlə sevinc dolu anlar yaşayacaqsınız; lakin gördüyünüz o nəhəng hörümçək sizi sancmışsa, düşmənlərinizin sizin uğuru oğurlaya biləcəyindən ehtiyatlanın. Balaca hörümçəyin sancması isə reallıqdakı narahatlıqların cüzi həmlələrdən və paxıllıqdan ibarət olacağının əlamətidir. Yuxuda böyük hörümçəkdən qaçıb qurtulmağa çalışdığınızı görməniz sizin üçün alçaldıcı bir vəziyyətin yaranacağının və uğurun sizi tərk edəcəyinin ehtimalıdır. Hörümçəyi öldürmüşsünüzsə, cəmiyyətdə layiqli bir mövqe tutma şanslarınız böyükdür. Lakin yuxunuzdakı hörümçək bir qədər sonra dirilib sizi təqib etməyə başlamışsa, nasazlıq və taleyin dəyişkənliyindən sarsıla bilərsiniz. Gənc bir xanımın əhatəsində qızıl hörümçəklərin dolaşdığını görməsi xoşbəxtliyinin çox yaxında olduğunu və tezliklə yeni dostlarla əhatə olunacağını bildirir.

Hörümçək toru — Yuxuda görülən hörümçək ürəkaçan mühitin və işlərdə uğurun əla­mətidir.

Xaç — Yuxuda xaç görmək xoş əlamət sayılmır. Belə bir yuxu ətraf­da­kıların sizi uğratmağa çalışdığı uğursuzluqlardan xəbər verir. Xaçı öp­düyünüzü görməniz düşəcəyiniz uğursuzluqları başucalılığıyla qarşılamağı bacaracağınızı bildirir. Gənc bir xanımın yuxuda əlində xaç tutduğunu görməsi davranışında yüksək əxlaqlı və xeyirxah olmağı ilə ətrafdakıların məhəbbətinə və taleyin rəğbətinə nail olacağına işarə edir. Yuxuda əlində xaç tutan adam görmüsünüzsə, bilin ki, bu yuxu sizi xeyriyyəçiliyə və başqalarına qayğı göstərməyinizə sövq edir.

Xaç suyuna salınma — uxuda xaç suyuna salınma mərasimi görməməyiniz dostlarınızın sizin nöqteyi-nəzərinizi layiqli dəyərləndirmədiyi halda mövqelərinizi daha inamla müdafiə edərək, nüfuzunuzu möhkəmləndirmənizə bir çağırışdır. Özünüzün xaç suyuna salındığınızı görmüsünüzsə, hansısa bir həqarət sizi pərt edəcək, lakin başqalarının rifahı naminə siz bu xoşagəlməz halı mətanətlə qarşılayacaqsınız. Yuxuda Vəftizçi Yəhyanın İsa Məsihi Yordan çayında xaç suyuna çəkdiyini görmüsünüzsə, reallıqda başqalarını dəstəkləmək üçün ağır bir yük altına girmək və ya zənginliyə və cəmiyyətdə müstəsna bir yer almanıza yol açan niyyətlərinizin arxasınca düşmək kimi fədakar mənəvi bir mübarizədə seçim qarşısında qalacaqsınız. Səmadan İsa Məsih üçün enən Müqəddəs Ruhu görmək məsuliyyət və fədakarlıq əlamətidir.

Xahiş — Yuxuda hansısa bir xahişi aktiv şəkildə dəstəklədiyinizi gör­məniz reallıqda böyük sərmayə tələb edən bir işlə məşğul olmağa başlayacağınızdan xəbər verir. Kiminsə sizin yanınıza təxi­rəsalınmaz bir xahişlə təşrif buyurduğunu görməniz isə həqiqətdə sıxıntılı bir vəziyyətə düşə biləcəyinizə və bu vəziyyətdən yalnız yüksək enerji və inadkarlığınız sayəsində çıxacağınıza işarə edir.

Xahiş, ərizə — Yuxuda kimin üçünsə xahiş etdiyinizi görməniz reallıqda ən çox ehtiyac duyduğunuz bir məqamda yardım alacağınızdan xəbər verir.

Xain, xəyanətkar — Yuxuda xəyanətkar görməniz reallıqda qarət olunmaq təhlü­kəsilə üzləşəcəyinizin əlamətidir. Kimsə sizi xain adlandırmışsa və ya özünüz xain olduğunuzu anladığınızı görmüşsünüzsə, yaxın zamanda ürəkaçan bir dəyişiklik gözləməyin.

Xala və ya bibi — Gənc xanımın yuxuda xalasını və ya bibisini görməsi reallıqdakı hansısa hərəkətlərinə görə kəskin məzəmmətə məruz qalacağının ona böyük peşmanlıq hissi yaşadacağından xəbər verir. Qohumunu gülüm­səyən, əhvalı xoş görmüşsə, yüngülvarı fikir ayrılıqları tezliklə məmnuniyyətlə əvəzlənəcək.

Xalça — Yuxuda xalça görmək gerçək həyatda ehtiyac duyacağınız zaman maddi gəlir və zəngin dostların dəstəyinin vaxtında yeti­şəcə­yinin əlamətidir. Xalça üzərində gəzmək xoşbəxtlik və çiçəklənmənin müj­dəçisidir. Xalça almaq böyük maddi gəlirə işarə edir. Xalça satmaq isə ürəkaçan, eyni zamanda səmərəli bir səyahətə yollanacağınızı bildirir. Gənc bir xanım üçün yuxuda xalça görmək yaxın gələcəkdə gözəl bir evin sahibəsi olacağından xəbər verir.

Xardal — Yuxuda yaşıl, bitməkdə olan xardal görmək kəndliyə uğur və sevinc, dənizçiyə isə var-dövlət vəd edir. Xardal toxumu yeyib, ağızda acılıq hiss etmək sizi iztirablara sürükləyə biləcək düşünülməmiş addımlardan peşmançılıq çəkəcəyinizə işarədir. Hazırlanmış xardal yediyinizi görmüsünüzsə, malınızın bir qismini itirə bilərsiniz, üstəlik, möhkəm əqli yorğunluq da ehtimal olunur. Gənc bir xanım yuxuda hazırlanmış xardal yediyini görübsə, arzularına çatmaq üçün var-dövlətini qurban vermək məcburiyyətində qala bilər.

Xarici — Yuxuda xoşunuza gələn bir xaricini görmək gələcəkdə möh­kəm sağlamlıq və ürəkaçan hadisələrin müjdəçisidir. Lakin əgər bu adam sizin xoşunuza gəlməyən birisidirsə, məyusluğa düçar olma ehtimalınız var. Özünüzü xarici kimi görmüsünüzsə, sadiq dostlar qazanacaqsınız.

Xarici ölkələr — Yuxuda xaricə getdiyinizi və ya getməyə hazırlaşdığınızı görməniz yaxın gələcəkdə bir dəstə yoldaşlarla ürəkaçan bir səya­hətə yollanacağınızdan xəbər verir. Görünür, havanı dəyiş­mək və yeni yerləri fəth etmək tələbatı sizi bir müddətliyinə doğma yerlərdən ayrılmağa vadar edəcək.

Xarrat — Yuxuda xarrat görməniz ilk baxışda ürəkaçan, lakin icrası zamanı rastınıza çıxacaq çoxsaylı problemlərin həlli üçün bütün diqqətinizin sərf olunmasını tələb edəcək bir işə dəvət olunacağınızdan xəbər verir.

Xəbərdarlıq etmək, çəkindirmək — Yuxuda öz övladınızı və ya digər başqa bir gənci nəyəsə dair xəbər­darlıq etməniz nəcib niyyətlərinizin taleyin sizə qarşı rəhmdil olmasına səbəb olacağından xəbər verir. Tezliklə qabiliyyətlərinizin uğur vəziy­yətində daha çox qələbələrə nail olduğunu anlayacaqsınız.

Xəbərlər — Yuxuda şad xəbər eşitmək işlərdə uğurdan xəbər verir; pis xəbərlər isə ürəkaçan əlamət deyil.

Xəlbir — Yuxuda xəlbir görməniz sizə zərər verə biləcək hansısa xoşagəlməz bir hərəkət edə biləcəyinizdən xəbər verir. Xəlbirin dəlikləri həddindən artıq kiçik idisə, sizin üçün uyğun olmayan bir qərarı dəyişmək üçün şansınız olacaq. Dəliklər həddindən artıq böyük idisə, az əvvəl əldə etdiklərinizdən də məhrum ola bilərsiniz.

Xəncər — Yuxuda görülmüş xəncər təhlükəli dostların əlamətidir. Xən­cəri dar­taraq kiminsə əlindən aldığınızı görmüsünüzsə, deməli, reallıqda rəqiblərinizin nüfuzuna qarşı müqavimət göstərərək, xata-bəlanın aradan qaldırılmasını təmin etməyi bacaracaqsınız.

Xəritə — Yuxuda xəritə görmək işgüzar sahədə iqdam edəcəyiniz dəyişiklik­­lərdən xəbər verir. Bu arada məyusluqlar da ehtimal olunur, lakin dəyişik­liklərdən sonra çox keçmədən maddi gəlir­lərin artması da gözlənilir. Xəritəni axtarmaq ətrafınızdan qəfil narazılıq deməkdir. Məhz bu narazılığın sayəsində yeni enerjiylə coşub-daşaraq, güzəranınızın daha yüksək pilləsinə ucalmaq üçün aktiv fəaliyyətə başlayacaqsınız. Gənc bir xanım üçün bu sayaq yuxu onun ifrat şöhrətpərəstliyinin ali dairələrə ucalmasına səbəb olacağını bildirir.

Xəsis, simic — Yuxuda xəsis adam görməniz reallıqda sizi məyus edəcək xudpə­səndlik və sevgi üzündən həqiqi səadət axtarışında uğursuzluğa məruz qalacağınızdan xəbər verir. Gənc bir xanım yuxusunda simic birisiylə dostluq münasibətlərində olduğunu görmüşsə, mədəniyyəti və mərifəti sayəsində məhəbbət və sərvət sahibi olacaq. Özünüzün simic olduğunuzu görməniz isə reallıqdakı ifrat lovğalığınız üzündən başqalarının gözündən düşə biləcəyinizə işarə edir. Dostlarınızın birinin simic olduğunu görməniz də ətrafdakıların zəhlətökənliyindən sarsılacağınızdan xəbər verir.

Xəstəxana — Yuxuda özünüzü xəstəxananı tərk edən görməniz sizə xeyli pisliklər edən məkrli düşmənlərinizdən tezliklə qurtula bilə­cəyinizdə, psixiatrik xəstəxana görmək isə reallıqdakı çətinliklərin aradan qaldırılmasından irəli gələn ruhi gərginlikdən xəbər verir. Əgər yuxuda xəstə olduğunuzu və xəstəxana palatasında yatdığınızı görmüsünüzsə, belə bir yuxu yaxınlaşan xəstəlik barədə xəbərdarlıqdır. Xəstələri ziyarət etmək isə xoşagəlməz xəbərlərə işarədir.

Xəstəlik — Yuxuda özünüzü xəstə görməniz yüngülvarı nasazlıq və xoşagəlməz söz-söhbətlərdən xəbər verir. Gənc bir xanımın yu­xuda özünü sağalmaz bir xəstə olaraq görməsi yaxın gələcəkdə subaylığın həqiqətən də sultanlıq olduğunu anlayacağına işarə­dir. Yuxuda hansısa bir qohumunuzu xəstə görmüsünüzsə, gözlənilməz bir hadisənin evinizdəki asayişi pozmaq iqtidarında olmasından ehtiyat edin. Əgər yuxuda quduz bir heyvanın hücumuna məruz qalmısınızsa, real həyatda yaxın bir dostunuz tərəfindən aldadıla bilərsiniz. Qarın yatalağı xəstəliyi ilə bağlı yuxuda da bir növ xəbərdarlıqdır: düşmənlərinizlə ehtiyatlı, öz səhhətinizə qarşı isə diqqətli olun. Yuxuda yatalaq xəstəliyinin epidemiyasını görmək işlərdə dolaşıqlığa, hidropos (bədən boşluqlarına su yığılması) xəstəliyindən əziyyət çəkmək isə real həyatda hansısa bir xəstəlikdən tezliklə azad olunacağınıza işarə edir. Əgər yuxunuzda bu xəstəliyə düçar olan başqa birisidirsə, xoş xəbər eşidəcəksiniz. Yuxuda qanqren (bədənin bir yerində toxumaların çürüməsi) görmək heç də yaxşı deyil. Dizenteriya (qanlı ishal) da xoşagəlməz bir xəbərdarlıqdır. Xüsusilə də işlərinizdə diqqətli olun, kiminsə səhlənkarlığı üzündən uğursuzluqlar ehtimal olunur. İnsanın özünü ruhi xəstə kimi görməsi görülmüş bir işin gözlənilməz surətdə mənfi nəticələr verəcəyindən, yaxud da qəfil bir xəstəliyin gələcək planları poza biləcəyindən xəbər verir.
Yuxuda sarılıq xəstəliyinə düçar olmaq problemlərin tezliklə həll olunacağı deməkdir. Başqalarını bu xəstəlikdən əziyyət çəkən görmək isə ümidsiz perspektivlərə və şəriklərin mümkün xəyanətinə dəlalət edir. Yuxuda övladınızın krup (boğma, boğaz ağrısı, ümumiyyətlə, hər hansı bir orqanın krupoz iltihabı) xəstəliyinə düçar olduğunu görməniz ümumilikdə ürəkaçan bir xəbərdarlıqdır. Belə ki, övladınız haqqında keçirdiyiniz əbəs narahatlıqlar tezliklə keçəcək, evinizdə mehribanlıq ab-havası hökm sürəcək. Yuxuda podaqra (bədəndə maddələr mübadiləsinin pozulması nəticəsində əmələ gələn oynaq və toxuma xəstəliyi) görmüsünüzsə, yaxınlarınızdan birinin mənasız inadından dolayı son dərəcə əsəbiləşəcəyiniz ehtimal olunur ki, bu da yüngülvarı maliyyə itkilərinə yol aça bilər. Cüzam xəstəliyinə tutulmaq külli miqdarda pul xərcləyərək, bir çoxlarının qınağına uğrayacağınıza yol açan hansısa bir xəstəliyin xəbərdarlığıdır. Bu qorxunc xəstəlikdən əziyyət çəkən xəstələri görmək isə işgüzar sahədə və sevgidə gözlə­nilməz və ürəkaçan dəyişikliklərə işarə edir. Yuxuda kiminsə xərçəng xəstəliyindən şəfa tapması maliyyə işlərində uğur və hətta var-dövlət əlamətidir. Özünüzün bu xəstəliyə tutulduğunuzu görməniz sevdiyiniz insanlar mübahisə ehtimalını bildirir. Belə bir yuxudan sonra insan depressiyaya (ruh düşkünlüyü, ruhi sarsıntı) uğrayaraq işləri öz axarına buraxa bilər. Həmçinin sevgi münasibətlərində soyuqluq, həyəcan və nigaranlıq mümkündür.
Yuxuda vəba xəstəliyinə düçar olmuş insanlar görmək virus xəstəliyi epidemiyasından, kədərli və iztirablı günlərdən xəbər verir. Ümumiyyətlə, xəstəliklə əlaqədar istənilən bir yuxunu görmüsünüzsə, şəxsən özünüzə qarşı son dərəcə diqqətli və ehtiyatlı olmalı, özünüzü qorumalısınız.

Xətib, moizəçi — Yuxuda xətib görməniz həyat tərzinizin qüsursuz olmadığını, işlə­rinizin də baxımsız olduğunu bildirir. Özünüzün məbəd­də moizə oxuduğunuzu görməniz isə işgüzar sahədə bəzi itkilər verəcəyinizin ehtimalını artırır. Yuxuda moizə sədaları eşit­mək ürəkaçan əlamət sayılmır. Moizəçiylə mübahisə real bir çəkişmədə məğlubiyyətin göstəricisidir. Yuxuda gördüyünüz moizəçi sizdən uzaqlaşmışdırsa, işləriniz ikiqat qüvvə ilə inkişaf edəcək. Gördüyünüz moizəçi kədərli idisə, günaha sürüklənmə təhlükəsi yaranacaq. Yuxunuzdakı moizəçinin saçları uzun idisə, reallıqda səlahiyyətli və xudpəsənd adamlara qarşı mübarizə aparmaq məcburiyyətində qalacaqsınız.

Xətt — Yuxuda öz xəttinizi görüb tanıyırsınızsa, bədxah insanlar sizin işgüzar nüfuzunuza xətər yetirmək məqsədilə mülahizələrinizdən birindən sui-istifadə etməyə çalışacaq.

Xəzinə — Yuxuda xəzinə tapdığınızı görmüsünüzsə, zənn etmədiyiniz bir yer­dən səxavət və comərdlik gözləyin. Bu iltifatın sizin xoş­bəxtlik dalınca qaçmanıza böyük əhəmiyyəti olacaq. Xəzinənin itirildiyini görmək isə işlərdə uğursuzluq və dostların incikliyinin əlamətidir.

Xəzlər — Yuxuda xəz alveri ilə məşğul olduğunuzu görməniz reallıqda bir çox işlərinizdə çiçəklənmə və maraqlı təkliflərdən xəbər verir. Özünüzün xəzlərlə bürünüb geyindiyinizi görmü­sünüzsə, cəmiyyətdə sarsılmaz bir məqama və var-dövlətə sahib­lənəcək­siniz. Gözəl bir xəz görmək şan-şöhrət əlamətidir. Gənc bir xanımın yuxuda bahalı xəzlər geyindiyini görməsi gələcək həyat yoldaşının müdrik insan və əvəzedilməz ailə başçısı olacağını bildirir.

Xiyaban — Yuxuda xiyaban görmək taleyinizin əvvəlki kimi firavan olmayacağı deməkdir. Real həyatda çoxlu sayda xoşagəlməz və yorucu qayğılar gözlənilir. Gənc bir qadın üçün gecə vaxtı xiyabanda gəzişdiyini görmək onun nüfuzunu ləkələyə biləcək şübhəli dostların hiyləsindən qorunması xəbərdarlığıdır.

Xiyar — Yuxuda xiyar görmək sağlamlığınızın ürəkaçan olacağını və işləri­nizin çiçəklənəcəyini bildirir. Xəstə adamlar üçün belə bir yuxu tezliklə nicat tapacaqlarından, sevgililər üçün isə ürəkaçan dəyişiklik­lərin baş verəcəyindən xəbər verir.

Xizək — Yuxuda xizək görməniz məhəbbət macərasında məğlubiyyətə uğrayacağınızdan və dostunuzun gözündən düşəcəyinizdən xəbər verir. Xizək sürdüyünüzü görməniz isə üzərinizə düşünülməmiş öhdəçiliklər götürəcəyinizə işarə edir.

Xor — Yuxuda xor görmək kədər və daimi narazılıq hisslərinin ürəkaçan hadisələrlə əvəzlənəcəyinin əlamətidir. Gənc xanımın xorda oxuduğunu görməsi pərəstişkarının başqalarına həddindən artıq çox vaxt və diqqət ayırması üzündən sarsılacağına işarə edir.

Xora — Yuxuda xora və ya ona oxşar bir şey görmək gənclər üçün xəstəlik və dostların xəyanətini, yaşlı adamlara isə kədər və tənhalıq vəd edən bir əlamətdir. Bədəndəki sağaldılmış xora çapıqları görməniz isə iş həyatınızda gələcək uğurlardan xəbər verir.

Xoruz — Yuxuda xoruz görməniz reallıqda müstəsna uğurun və nüfuzunuzun yüksələcəyinin müjdəçisidir. Lakin uğurlu yüksəlişinizin sizi şöh­rətpərəst və təkəbbürlü birinə çevriləcəyinizlə təhlükəlidir. Xoruz döyüşü gördüyünüz yuxu mübahisə və rəqabətə dair bir xəbərdarlıqdır. Yuxuda xoruzun sübh banlamasını eşitmək gənclərə uğurlu nikah və ailədə əmin-amanlıq vəd edən olduqca xeyir əlamətdir. Xoruzun axşam və ya gecə banladığını görməniz qarşıda gözlənilən qayğılara işarə edə bilər. Havari Pyotrun xoruz banlamasını eşidərkən, İsa peyğəmbərin yozduğu yuxunu xatırladığı kimi, sizi də belə bir yuxu yanlış və səhv­lərdən qorunmağa səsləyir.

Xörək şirəsi, sous — Yuxuda xörək şirəsi (sous) görmək nasazlığın və işgüzar həyatda bəzi çətinliklərin əlamətidir.

Xurma — Yuxuda ağaclarda xurma görməniz çiçəklənmə və uğurlu bir ittifaqın olacağına işarə edir; satış üçün nəzərdə tutulan xurmalardan yediyinizi görməniz isə kasıblıq və kədər əlamətidir.

İbadətgah — Yuxuda ibadətgah görmək kübar dairələrdə ixtilafların və həllini tapmamış işgüzar problemlərin əlamətidir. Özünüzü ibadətgahda görməniz məyusluğa və işlərdə dəyişikliyə işarə edir. Gənclərin yuxuda ibadətgaha daxil olduqlarını görməsi saxta məhəbbətə dair xəbərdarlıq kimi yozulur. Uğursuz bir nikah hər ikisi üçün tələ ola bilər.

İclas, qurultay — İclas (qurultay) gördüyünüz yuxu kommersiya işlərində misilsiz bir aktivliyin və sevginin tacı olacaq bir nişan mərasiminin müjdəçisidir. Razılıq, həmrəylik olmayan xoşagəlməz bir toplantı isə məyusluğa işarə edir.

İçki məclisi — Qadın xeylağı yuxuda şən, qayğısız bir içki məclisi görmüşsə, reallıqda hazırda sevinc və məmnunluq içində olsa belə, adını ləkələyəcək xoşagəlməz işlərə sövq oluna bilər. Cidd-cəhdlərinə baxmayaraq, doyunca təmiz su içə bilmədiyini görmüşsə, inadkarlıqla sövq olunduğu təşəbbüsdən nə sevinc, nə də məmnunluq əldə edəcək.

İçmək (spirtli içkilər) — Yuxuda spirtli içkidən bir qurtum almaq təklifi almaq rəqabət əlamətidir. İçməyi tərgitdiyinizin və ya başqalarının bunu etdiyinin fərqinə varmanız cəmiyyətdəki hazırkı vəziyyətinizin yaxşılaşacağından, material təminatınızın isə sizə məmnunluq bəxş edəcəyindən xəbər verir.

İflic — İflic haqqındakı yuxular adətən maddi uğursuzluqların və ədəbi nəsr sahəsində ümidsizlik əlaməti hesab olunur. Sevgililər üçün bu yuxu sevginin bitəcəyinə işarə edir. Yuxuda özünüzün iflicdən iztirab çəkdiyinizi görməniz reallıqda bağlamağa hazırlaşdığınız müqavilələrin şübhəli və etibarsız olacağını bildirir. Dostunuzu iflic vəziyyətdə görməniz isə onun münasibətlərdə həlledici bir qeyri-müəyyənlik yaranacağının əlamətidir.

İxtilaf, nifaq — Yuxuda kiminləsə nifaqda olduğunuzu görmüsünüzsə, reallıqda işgüzar partnyorlarla xoşagəlməz çəkişmələrə hazır olun. Belə bir yuxudan sonra bir neçə gün ürəkaçan mühitdə istirahət etməniz tövsiyə olunur. Yuxuda görülmüş nifaq gərəksiz çəkişmələrə dair bir xəbərdarlıq hesab olunur.

İxtiraçı — Yuxuda ixtiraçı görmək tezliklə reallıqda sizə şərəf və hörmət gətirəcək nadir bir əməyin bəhrələrindən faydalanacağınızdan xəbər verir. Əgər özünüzü hansısa bir ixtiranın sahibi olduğunuzu və ya ixtiralarla maraqlandığınızı görmüsünüzsə, həyatda sizi uğur gözləyir. Tezliklə bütün arzularınızın gerçəkləşəcəyi gözlənilir.

İkiarvadlılıq — Kişinin yuxuda ikiarvadlı olduğunu görməsi mərdliyinin azalacağına və əqli bacarıqlarının zəifləyəcəyinə işarədir. Xanım üçün isə belə bir yuxu, ehtiyatlı davranmazsa, namusuna xələl gələcəyindən xəbər verir.

İlanbalığı — Yuxuda ilanbalığı tutduğunuzu görməniz xoş əlamətdir. Əks təq­dirdə, uğurun sizi tərk edə biləcəyi ehtimal olunur. Qadın xeylağının təmiz sularda üzən ilanbalığı görməsi ötəri əyləncələrə işarə edir. Ölü ilanbalığı görmək isə düşmənlər üzərində qələbənin müjdəçisidir. Sevgililər üçün bu yuxu sevgi hekayələrinin uğurlu nəticələnəcəyini bildirir.

İlanlar — Bir qadın yuxuda ölmüş ilanın onu sancdığını görübsə, reallıqda riya­kar bir dostun qərəzi ona iztirablar yaşadacaq. Ümu­miyyətlə, ilan­­larla bağlı yuxular şərin müxtəlif cür forma və növlərinə dair xəbərdarlıqdır. Yuxuda qıvrılan, ya da kiminsə üzərinə düşən ilanları görmək sağ qalmaq uğrunda mübarizə və vicdan əzabına işarə edir. Yuxuda ilanları öldürmək maraqlarınızın müdafiəsi, məqsədlərinizə çatmaq, yaxud da başqalarının onlarla hesablaşması üçün əlinizdən gələni edəcəksiniz. Düşmənlər üzərində qələbə çalacaqsınız. İlanların üstündən atlayıb keçmək hər zaman xəstələnmək qorxusu içində yaşayacağınıza işarədir, xudpəsənd insanlar isə dostlar dairəsində daim sizin yerinizə göz dikəcəklər. Yuxuda ilanlar sizi sancırsa, mərdimazar əməllərə uyacaqsınız, nəticədə düşmənlər sizin işinizə xələl yetirəcək.

Yaşıl otluqda sürünərək sizə doğru xallı bir ilan yaxınlaşır, siz kənara atlanırsınız, o da yanınızdan ötüb keçirsə və siz dərhal onun barəsində unutmaq üzrə olanda o, yenidən böyüyərək nəhəng bir əjdahaya dönüb sizin üstünüzə yeriyirsə, siz isə cidd-cəhdlərdən sonra ondan yaxa qurtarıb tamamilə bu dəhşətli görüntülərdən azad olmağı bacarırsınızsa, deməli, real həyatda yaxın gələcəkdə siz ətrafdakıların sizə etinasız və hörmətsiz yanaşdığını, işləri­nizin isə getdikcə pisləşdiyini zənn edəcəksiniz. Xəstəliklər, narahatlıq, şiddətli qəzəb hissləriniz get-gedə təxəyyülünüzdə böyüsə də, tezliklə hər şey yoluna düşəcək: əsassız narahatlıqlarınız unudulacaq, üzərinizə götürdüyünüz öhdəçiliklər bir kənara qoyulacaq, siz isə mükafatlanaraq məmnunluq əldə edəcəksiniz.

Əgər yuxuda ilanın sizə halqavarı şəkildə sarılaraq zə­hərli dilini sancdığını görmüsünüzsə, deməli, düşmənlərin həmlə­ləri qarşısında acizlik çəkəcəksiniz. Üstəlik, sağlamlığını­zın da zəifləyəcəyi ehtimalı var. İlanı əlinizdə tutduğunuzu görmü­sünüzsə, reallıqdakı ilk baxışdan əhəmiyyətsiz olan hadisələr sizə əzabverici narahatlıq və qayğılar bəxş edəcək. Yuxuda gördüyünüz ilanlar gözünüz önündə əcaib şəkillərə düşmüşsə, belə bir yuxu xoşagəlməz hallar törədə bilər, lakin siz ruh yüksəkliyinizi əldən verməyib bu bəlalara əhəmiyyət verməsəniz, onlar tezliklə sovrulub gedəcək. Yuxuda çayın dayaz yerindən keçərkən və yaxud çayda çimərkən ilanı tapdamısınızsa, reallıqda saf bir sevincin intizarını çəkərək nigarançılıq keçirəcəksiniz. İlanların başqalarını çaldığını görməniz dostunuzun xətrinə dəyə biləcəyinizi bildirir. Balaca ilanlar görmək əl altından işlər çe­virə­rək, sizə böhtan atıb adınızı ləkələməyə, həmçinin işlərinizi əngəlləməyə çalışan insanlara qarşı xoşrəftar davranmanıza dair bir xəbərdarlıqdır.
Yuxuda ilanlarla oynaşan uşaqlar görmək dostunuzu-düşməninizi ayırd etmək istədikdə çaşqınlıq içində qalacağınızdan xəbər verir. Hansısa bir xanım yuxuda ilanın fısıltısını eşidərək, arxasında olan uşağa görə narahatlıq, həyə­can keçirirsə, reallıqda çox dəyər verdiyi bir şeydən öz xeyri naminə imtina etmək məcburiyyətində qalacaq; lakin daha sonra ədalətsiz bir fitnə-fəsada cəlb olunduğu aşkara çıxacaq. Yuxuda cığırda dayanmış dostunuzu və onun arxasından təhlükəli halda başlarını ucaldan ilanlar görmüsünüzsə, reallıqda tezliklə sizə və dostunuza qarşı hazırlanmış bir sui-qəsdi ifşa etməyi bacaracaqsınız. Lakin dostunuzun ilanları ciddi nəzarət altında saxladığını görməniz hansısa nüfuzlu bir təşkilatın sizin maraqlarınıza uyğun çalışdığını və bədxah fitnələri dəf edəcəyini bildirir. Qadın xeylağı ilanın onu tilsimlədiyini görmüşdürsə, müxtəlif cür təqiblərə məruz qalacaq, lakin onun haqlarının müdafiəsinə qanun və nüfuzlu dost-tanış qalxacaq.

İlbiz — Yuxunuza gəlib çıxan ilbiz ətrafınızda yaranmış mühitin son dərəcə qeyri-sağlam olduğunu bildirir. İlbizi ayaqlayıb basdığınızı görməniz xoşagəlməz insanlarla iş qurmaq məcburiyyətində qalacağınıza işarə edə bilər.

İldırım, gurultu — Yuxuda ildırım çaxdığını eşitmək işlərin pozula biləcəyinə işarədir. İldırımın ardı-arası kəsilməyən gurultularını eşitmək isə qayğılardan və mümkün olan xoşagəlməz anlar yaşaya biləcəyi­nizdən xəbər verir. Torpağı lərzəyə gətirən göy gurultusu isə itkilərə və peşmançılığa işarədir.

İldırım, şimşək — Yuxuda şimşək görmək reallıqda qısa bir zaman kəsiyində yaşana­caq çiçəklənmə və səadət əlamətidir. Əgər şimşək yanınızda olan bir şeyi möhkəm işıqlandırmış və siz bu gördüyünüzdən şok keçirmişsinizsə, hansısa bir dostunuzun uğurlarından fərəhlə­nəcək, yaxud da əksinə, dedi-qodu və fitnəkarlardan sarsılacaqsınız. Tutqun buludlar arasında qara bir şimşək görmək qanqaraldıcı hadisələrin bir müddət sizi təqib edəcəyinizi bildirir. Şimşək sizi işıqlandırmışsa, nədənsə sarsılacaqsınız. Başınız üzəri­nizdə şimşək görməniz sevinc və davamlı gəlirlər vəd edən xoş bir əlamətdir. Qorxunc buludlar arasında, qaranlıqda işıldayan şimşək təhlükə, itki və məyusluq əlamətidir: işgüzar adamlar biznes­lərinə daha çox vaxt və diqqət ayırmalı, xanımlar daha çox vaxtlarını həyat yoldaşları və analarının yanında keçirməlidir. Uşaqlarla xəstə adamlara isə belə bir yuxudan sonra daha çox diqqət və qayğı göstərilməlidir.

İltifat — Yuxuda kiminsə iltifatını, rəğbətini qazanmağa çalışırsınızsa, de­məli, həqiqətdə tezliklə varlanıb, artıq kimsəyə möhtac olmayacaqsınız. Özünüzün kiməsə iltifat göstərməniz isə hansısa bir itkidən xəbər verir.

İltizam (dilindən kağız vermək) — Yuxuda istənilən bir sahədə iltizam verdiyinizi görməniz reallıqda kimlərinsə mənasız və cəfəng şikayətlərinin sizi hövsələ­dən çıxaracağından xəbər verir. Başqalarının iltizam verdiyini görməniz isə dostların və tanışların hörmətini qazanacağınızı bildirir.

İnciklik — Yuxuda özünüzü incimiş görmüsünüzsə, deməli, tezliklə yanlış dav­ranışınız özünüzdən narazı qalacağınıza səbəb olacaq. Kimisə in­cit­­misinizsə, arzuladığınız məqsədə doğru yolda uzunmüddətli mü­barizəyə sövq ediləcəksiniz. Qadın xeylağı yuxuda özü inciyirsə və ya kiminsə xətrinə dəyirsə, deməli, real həyatda tələsik qərarlarından və valideynlərinin məsləhətilə hərəkət etmədiyindən dərin peşmançılıq çəkəcək. Bəzən yuxuda görülmüş inciklik kədərli bir xəbərin müjdəçisi sayılır.

İnəklər — Yuxuda sakitcə dayanıb sağılmasını gözləyən inəklər görmü­sünüzsə, bir çox arzularınız gerçəkləşəcək, ümidləriniz doğrulacaq.

İpək — Yuxuda əyninizdə ipək parçadan olan paltar görməniz müs­təsna şöhrətpərəstliyinizin təmin olunacağına işarə edir. Bu yuxu həmçinin əvvəllər bir-birindən uzaq gəzən adamların dostlaşacağını da bildirir. Gənc xanımın yuxuda ipəkdən tikilmiş köhnə don görməsi əcdadlarıyla fəxr edəcəyindən xəbər verir; həmçinin tezliklə gənc olmasa da, zəngin bir adamın ona evlilik təklifi edəcəyi gözlənilir. Lakin yuxusundakı ipək kirlənmiş və ya cırıq idisə, layiq olmadığı bir mühitdə irsi iftixarından əziyyət çəkəcək.

İrin, yara — Yuxuda irin, qan axan yara və ya çiban görmək yaxın gələ­cəkdə xoşagəlməz olayların gözlənildiyindən xəbər verir. Bu olaylara dostların sizə narahatlıq gətirəcək süniliyi və riyakarlığı da aid ola bilər. Alnınızda çiban görməniz yaxınlarınızdan birinin nasazlığına işarə edir.

İstintaq — Yuxuda görülmüş istintaq zəhlətökən problemlərin və peşmançılığın əlamətidir. Qəsdən zərər yetirmə cinayətində təqsirli bilinərək, məhkəmə qarşısına çıxdığınızı görməniz reallıqda özünüzü qərəzli bir böhtandan müdafiə etmək iqtidarında olmayacağınıza işarə edir.

İstiot — Yuxuda dilinizi istiotla yandırdığınızı görməniz dedi-qodulara me­yilli olduğunuz üçün əhatənizdəki insanların sizdən üz döndərə­cəyin­dən xəbər verir. Ləkdə bitən qırmızı istiot görməniz həyat yoldaşınızın səliqəli və qətiyyətli biri olacağını bildirir. Bir dəstə qırmızı bibər görməniz hüquqlarınızı müdafiə etməkdə israrlı olduğunuzun göstəricisidir. Qara istiot üyütdüyünüzü gördüyünüz yuxu reallıqda kəskin bir yalanın qurbanına çevrilə biləcəyiniz ehtimalını artırır. Yerə tökülmüş qara istiot məzəmmət və ya mübahisə əlamətidir. Gənc bir xanım yuxuda yeməyinə qara istiot əlavə etdiyini görmüşsə, dostları tərəfindən aldadıla bilər.

İstirahət — Yuxuda istirahət etdiyinizi görməniz yaxın gələcəkdə xoşa­gələn də olsa, tanımadığınız insanlara qonaqpərvərlik nümayiş etdirməli olacağınızdan xəbər verir. Gənc bir xanım yuxuda istira­hətindən narazı qaldığını görmüşsə, əvvəlki sevgilisini geri qaytarmaq üçün rəqibilə mübarizədə göstərdiyi iradəsinə təəccüb edəcək.

İstirdiyyələr — Yuxuda istirdiyyə yediyinizi görməniz alçaq əyləncələr axtarışında və qumara olan meylinizə göz yumaraq bütün əxlaq sərhədlərini keçməyə hazır olduğunuzun göstəricisidir. İstirdiyyə və ya onları yediyinizi görməniz reallıqda sevgilinizin qəlbini fəth etmək və ya uğura yetişmək üsullarınızda qabalıq nümayiş etdirməyə qadir olduğunuzu bildirir. Yuxuda istirdiyyə çanağı görməniz isə başqalarının uğur qazanmasına dəstək olmaq cəhdlərinizin səmərəsiz olacağından xəbər verir.

İş, əmək — Yuxuda ağır bir əməklə məşğul olduğunuzu görməniz həqi­qət­də layiq olduğunuz uğura nail olacağınızdan xəbər verir. Başqalarını iş başında görməniz isə ümidverici halların baş verəcəyinə işarə edir. İş axtarmaq mənfəət əlamətidir. İşsiz qaldığınızı görməniz isə qarşıdakı çətinliklərdən qorxmadığınızın göstəricisidir. Nikbinliyiniz öz gü­cünüzə inama və işi bacarmanıza əsaslanacaq. Yuxuda öz işinizi başqasına tapşırdığınızı görməniz işdə xoşagəlməz hallara işarə edə bilər. Qadın xeylağının hansısa bir evə xidmətçi işləməyə düzəldiyini görməsi uzunmüddətli və fərəhsiz bir əməkdən xəbər verir.

İşgəncə — Yuxuda kiminsə sizə işgəncə verdiyini görmüsünüzsə, de­məli, tezliklə dostlarınızın fitnə-fəsadı üzündən ağrı və ümidsizlik keçirməli olacaqsınız. Özünüzün kiməsə işgəncə verdiyinizi görməniz həyatınızın təkmilləşdirilməsi istiqamətində qurduğunuz planlarınızın uçuruma uğrama ehtimalını bildirir. Yuxuda kiməsə işgəncə verildiyini və sizin bu işgəncələri yüngülləşdirmək istədiyinizi görməniz isə reallıqda müəyyən mübarizə və cəhdlərdən sonra işlərdə uğura, sevgidə də xoşbəxt­liyə nail olacağınızdan xəbər verir.

İşıq — Yuxuda işıq görmək uğur əlamətidir. Əsrarəngiz bir işıq və ya işığın söndüyünü görməniz reallıqda başladığınız işin nəticələr vermədiyinə görə məyus olacağınızdan xəbər verir. Aydın olmayan işıq görmək isə qarşıya qoyulmuş məqsədə doğru aparan yolda az əhəmiyyətli bir uğurun müjdəçisi hesab olunur.

İşıqlandırma — Yuxuda qəribə, anlaşılmaz bir işıqlanma görmək uğursuzluq və kədər əlamətidir. Əgər üzərində əsrarəngiz Ay, qeyri-təbii ölçülü ulduzlar və ya qırmızı rəngli Günəş olan səmaya tama­şa etmişsinizsə, ehtimal olunan xoşagəlməz hadisələr təkcə sizin özünüz deyil, həm də ölkəniz üçün təhlükə daşıyır. İşıqlanmış səmada gözlənilmədən uşaq fiqurlarının əmələ gəldiyi bir yuxu reallıqda idarə etməkdə çətinlik çəkdiyiniz bir hissin təsiri altında ədalətsizliyə yol verə biləcəyinizə dair özünə­məxsus xəbərdarlıqdır. Səmada aydın surətli insan (yaxud da heyvan) fiqurlarının əmələ gəldiyini görmüşsünüzsə, bir sıra həyati çətinliklərlə üzləşməyə hazır olmalısınız. Kiminsə həmin bu fiqurlara atəş açdığını və fiqurların səmadan yerə düşdüyünü görməniz isə qarşıda gözlənilən qayğılardan xəbər verir. Qətiyyətiniz və güclü iradəniz sayəsində bu çətinliklərin öhdəsindən asanlıqla gəlməyi bacaracaqsınız.

İtaət — Yuxuda gördüyünüz istənilən bir işdə itaət və ya təhqir hiss etdiyinizi görməniz reallıqda nüfuzunuzun məhz rəyi sizin üçün önəmli olan insanların gözündə sarsılacağından xəbər verir. Maliyyə durumunuz da məyusluq gətirəcək.

İtaətkarlıq — Yuxuda gördüyünüz istənilən bir işdə itaət və ya təhqir hiss etdiyinizi görməniz reallıqda nüfuzunuzun məhz rəyi sizin üçün önəmli olan insanların gözündə sarsılacağından xəbər verir. Maliyyə durumunuz da məyusluq gətirəcək.

İtki — Yuxuda uşaq itkisi görmək planların alt-üst ola biləcəyinə dair xəbərdarlıqdır. Uğur gözlədiyiniz yerdə iflas ehtimal olunur. Qohumların və ya dostların itkisinə aid yuxular da əsaslı düşünülmüş planlarda ehtimal olunan pozuntuların və gələcək perspektivlərin zəif olacağının əlamətidir.

İtlər — Yuxuda qəzəblənmiş it görməniz yaxın gələcəkdə uğursuzluq yaşanacağına və düşmənlərin bədxah əməllərinə dair xəbər­darlıqdır. Meh­riban it uğur və sadiq dostların göstəricidir. Özünüzü cins bir itin sahibi kimi görməniz tezliklə böyük bir sərvətə sahib olacağınızdan xəbər verir. Axtarıcı itin izlərinizlə sizi təqib etdiyini görməniz sizin üçün fəlakətli olan həvəslərinizə dair xəbərdarlıqdır. İtin sizi dişlə­diyini görmüşsünüzsə, yaxın zamanda nə işgüzar sahədə, nə də ailədə sülh və əmin-amanlıq gözləməyə dəyər. Arıq və kirli itlər uğur­suzluq və xəstəlik, itlərin hürməsi isə xoşagəlməz xəbərlərin əlamətidir. Evinizdə ov itinin olduğunu görməniz işlərinizdə uğurlu dəyişikliklərin baş verəcəyini bildirir. Gözəl cinsli xoşagələn itlər gənc xanım üçün yüngülxasiyyət və modabaz bir pərəstişkarının olacağına işarə edir. Yuxuda böyük bir itlə görüşünüzdən dolayı qorxduğunuzu görmüşsünüzsə, qismətiniz ətraf aləmə qarşı müqavimət göstərmək, bayağılıq və vasitəsizliyə üstün gəlməyə çalışmaq olacaq.

Qadın xeylağı üçün belə bir yuxu olduqca ləyaqətli bir həyat yoldaşının olacağını vəd edir. İtlərin arxanızca mırıldadığını eşitməniz reallıqda fitnəkar birinin ən ümdə maraqlarınıza yetişməyə çalışdığından xəbər verir. Bəzən bu yuxu məğlubiyyət əlaməti kimi də yozula bilər, lakin bütün hallarda aktiv müqa­vimətə qarşı bir çağırış hesab olunur. Qəfildən bir-birinin üstünə cuman itlə pişik görməniz sevgi məsələlərində uğursuzluğa işarə edir. Davakarları su ilə ayırdığınızı gördüyünüz yuxu isə xoş əlamət sayılır. Mehribancasına ətrafınızda dolaşan ağ it işlərdə və sevgidə böyük bir uğurdan xəbər verir. Bir neçə başı olan it isə reallıqda sizi eyni vaxtda bir neçə işlə məşğul olmamağa səsləyir, bütün bunlar bihudə vurnuxma ilə nəticələnə bilər. Yuxuda sizi təqib edən quduz it görməniz hansısa bir mübarizədə qalib gəlmək üçün bütün gücünüzü səfərbər etməyə səsləyir. Quduz iti qovduğunuzu və ya öldürdüyünüzü gördüyünüz yuxu xoş əlamət sayılır. Xüsusilə də cins iti gəzdirdiyinizi və onun ilan öldürdüyünü gördüyünüz hər iki süjet son dərəcə uğurlu əlamət olaraq yozulur.

İy, qoxu — Yuxuda şirin ətirlər duyduğunuzu görməniz reallıqda gözəl bir xanımın sizin gündəlik həyatınızda və maliyyələşmənizdə sizə dəstək verəcəyindən xəbər verir. İyrənc bir qoxu hiss etmək isə xoşagəlməz münaqişələr və qeyri-vəfalı qulluqçulara işarədir. Gənc bir xanım yuxuda gözəl ətir duyduğunu görmüşsə, onu gözəl hədiyyə və xoş əhval-ruhiyyə gözləyir.

İynələr — Yuxuda iynə işlətmək hansısa bir problemin yaxınlaşdığına dair xəbərdarlıqdır; sizə aid olan bir insanın rəğbətini itirəcəyiniz üzündən iztirab çəkəcəksiniz. Saplanmış bir iynə görmək özünüzdən daha çox başqalarının qayğılarıyla yüklənəcəyinizdən xəbər verir. Yuxuda itirilmiş iynəni axtarmaq bihudə narahatlıqların əlamətidir. İynəni tapmaq isə sizə yüksək dəyər verəcək dostlar qazanacağınızı bildirir. İynəni sındırmaq tənhalıq və yoxsulluq əlamətidir.

Kafedra (auditoriyada mühazirəçi və ya məruzəçi üçün hündür yer) — Yuxuda kafedra görmək kədər və qəzəbin əlamətidir. Özünüzü kafedra arxasında görməniz isə xəstəlik və işdə səmərəsizlikdən xəbər verir.

Kafirlik — Kafirliklə bağlı bir yuxu gerçəkdə hansısa bir dostunuza qarşı ko­bud və etinasız yanaşmanızın səhv addım olduğunu bildirir. Yuxuda başqalarının kafirliyə yol verdiyini görmək sizin özünüzə qarşı da ədalətsiz yanaşmanın əlamətidir. Bəlkə də hansısa məkrli bir adam sizin etibarınızı qazanmaqla sizə xeyli ziyan vuracaq. Əgər yuxuda özünüzü lənətləyirsinizsə, reallıqda tale sizə qarşı amansız olacaq. Başqalarının sizi lənətlədiyini görmək isə sizə təsəlli və hətta uğur gətirəcəkdir.

Kağız, perqament — Əgər yuxuda kağız və perqamenti harasa göndərirsinizsə, ya da sadəcə, əlinizdə tutursunuzsa, gerçəkdə sizi müəyyən itkilər gözləyir (bu itkilər, böyük ehtimalla, məhkəmə prosesi formasında üzə çıxacaqdır). Gənc bir xanımın belə yuxu görməsi sevgilisilə küsülülüyə işarədir. Əgər ailəlisinizsə, evinizə yaxın yerlərdə söz-söhbət, dava-dalaşdan ehtiyatlı olun. Belə bir yuxu təmiz adınız ətrafında yarana biləcək dedi-qodulara da işarə ola bilər.

Kakao — Yuxuda kakao görmək şəxsi mənfəətiniz üçün, vəzifə yük­səlişi və ya əyləncə məqsədilə sui-istifadə edəcəyiniz, sizin üçün xoşagəlməz insanlarla dostluq münasibətləri qurmaq məc­buriyyətində qalacağınızı bildirir.

Kalyedoskop — Yuxuda kaleydoskopa baxmaq yüngülvarı, lakin kifayət qədər ürəkaçan perspektivlər vəd edən tale dəyişikliklərinin əlamətidir.

Kampaniya, yürüş — Yuxuda siyasi kampaniya keçirdiyinizi görməniz işlərinizi kommersiya sahəsində ümumi qəbul olunmuş üsullarla aparmaq istəmədiyinizi bildirir. Düşmənlərin çirkin əməllərinə baxmayaraq, yalnız özünüzə məxsus, orijinal üsullar təyin edəcəksiniz. Hakim mövqelər tutmuş insanlar üçün belə yuxular vəzifəsində eniş əlaməti hesab olunur. Əgər mömin insanlar yuxuda haramla mübarizə mövzusunda kampaniya apardıqlarını görmüşdürsə, reallıqda onlara xeyriyyəçi cəmiyyətlərə yardım etmələrinə dair müraciət olunacaq. Qadın xeylağının yuxuda əxlaqsız qadınlar əleyhinə kampaniyada iştirak etdiyini görməsi tələb olunan vaxtda cəsurluq nümayiş etdirərək, bütün maneələri dəf edəcəyini bildirir.

Kanal, arx — Yuxuda arx suyunu boz-bulanıq və palçıqlı görmək xəstəlik və düşmənlərin çirkin əməllərinin əlamətidir. Lakin əgər su təmizdirsə, sa­kit həyat və sadiq dostlar sahibi olacaqsınız. Gənc bir xanımın yuxuda qayıqla arxda üzdüyünü görməsi əxlaqlı bir ömür sürəcəyindən və gözəl bir insanla ailə quracağından xəbər verir. Əgər yuxusunda təmiz su üzərindən körpüyə keçdiyini və sahildən ayıdöşəyilə başqa bitkilər yığdığını görmüşsə, bütün ömrü gözəl və xoşbəxt keçəcəkdir. Lakin arxın suyunu bulanıq görmüşsə, tez-tez tərəddüdlər və çətinliklər toruna düşərək, əsəb gərginliyinin qurbanına çevriləcək.

Karandaş — Yuxuda karandaş görmək münasib bir fəaliyyətin başlanacağını bildirir. Gənc bir xanım yuxuda karandaşla yazı yazdığını görmüşsə, onu xoşbəxt bir nikah gözləyir, lakin əgər yazdığını pozmuşdursa, gözlənilmədən sevgilisinə dair peşmançılıq hissləri yaşayacaq.

Karnaval — Yuxuda karnavalda iştirak etdiyinizi görməniz yaxın gələ­cəkdə qeyri-adi əyləncə və istirahətdən zövq alacağınızdan xəbər verir. Maskalı, yaxud da eybəcər, bədheybət kloun fiqurlarının iştirak etdiyi bal-maskarad görmək ailədə dedi-qodu və ixtilafların müjdəçisidir. Bu sayaq yuxudan sonra kommersiya işləri də ürəkaçan məcrada getməyəcək, məhəbbət isə qarşılıqsız olacaq.

Kartof — Kartofla bağlı yuxular o qədər də ürəkaçan olmayan təsadüf­lərlə nəticələnə bilər. Yuxuda kartof ləkini belləmək gələcək uğurlardan xəbər verir. Kartofu yemək əhəmiyyətli bir mənfəətin müjdəçisidir. Onunla yemək bişirmək arzuladığınız bir işə dəvət alacağınıza işarə edir. Yuxuda kartof əkdiyinizi görmüsünüzsə, arzularınızın gerçəkləşəcəyinə arxayın ola bilərsiniz. Çürük kartof görmək isə sevinc və əyləncələrinizin tamamlanacağını, gələcəyinizin isə müəyyən çətinliklərlə müşayiət olunacağını bildirir.

Karton — Yuxuda karton görmək reallıqdakı vəfasız dostlarınızın əhə­miy­yət daşıyan işlərdə sizi yanlış fikirlərə sürükləyəcəyinə işarə edir. Kartonu kəsmək sizin bütün çətinlikləri aradan qaldıraraq, cəmiyyətdə daha yüksək yer almaq üçün mübarizə aparacağınızdan xəbər verir.

Karusel — Yuxuda karusel görmək reallıqda uğur qazanmaq və sevgiyə sahib olmaq üçün uzunmüddətli və çox zaman hətta səmərəsiz bir mübarizəyə düçar olacağınızı bildirir.

Kassir — Yuxuda kassir görmək yaxın tezlikdə kənar şəxslərin sizə məxsus olanlara göz dikəcəyindən və tələb iddialarıyla çıxış edəcəyindən xəbər verir. Əgər kiməsə borcunuz varsa, bəzi imkanlı şəxslərin rifahını təhlükə altına salaraq, yalana əl atmağa cəhd edəcəksiniz.

Katafalk (cənazə arabası) — Yuxuda cənazə arabası görmək evdə gərgin münasibətlərdən və işlərin uğursuz məcrada inkişaf edəcəyindən, həmçinin kədərli anlardan xəbər verir. Əgər gördüyünüz katafalk yolunuzu kəsmişdirsə, reallıqda məğlubedilməz sandığınız bir rəqibinizə üstün gəlməyi bacaracaqsınız.

Kayut — İnsanın özünü gəmi kayutunda görməsi kifayət qədər uğursuz bir yuxudur. Belə ki, qarşıda xoşagəlməz olaylar ehtimal olunur. Böyük ehtimalla, şahidinizin mütərəddid, qətiyyətsiz ifadələri üzündən uduza biləcəyiniz bir məhkəmə çəkişməsinə sövq olunacaqsınız.

Kazak — Yuxuda kazak görmək reallıqdakı yelbeyin hərəkətləriniz və əxlaq­sız davranışınız nəticəsində nüfuzunuzun sarsılacağına işarə edir.

Keçi — Yuxuda həyatinin yanında gəzişən keçilər görmüsünüzsə, havalar münasib, taxıl məhsulu ilə bol olacaq. Belə bir yuxu həmçinin sizin gələcəkdə ehtiyatlı davranışınızın var-dövlə­tinizin artmasına gətirib çıxaracağından xəbər verir. Keçinin sizi buynuzladığını, kəllə vurmağını görmüsünüzsə, sizin ideyalarınıza göz dikən düşmənlərdən ehtiyatlı olun. Gənc qadının yuxuda keçiyə mindiyini görməsi reallıqdakı nalayiq əxlaqı və davranışıyla adını ləkələyə biləcəyinə dair xəbərdarlıqdır. Qadın yuxuda keçi südü içdiyini görmüşsə, zəngin biriylə ailə quracaq və xoşbəxt olacaq. Yuxuda çəpiş (keçi balası) görmək isə əxlaq, tərbiyə məsələlərində prinsipiallığa laqeyd yanaşdığının əlamətidir. Belə bir yuxu sizi sevənlər üçün başabəla ola biləcəyinizə dair xəbərdarlıqdır.

Keçid — Sahildə dayanıb sürətli və bulanıq axını olan çayın digər sahilinə keçmək üçün gözlədiyinizi görməniz ən xeyirxah arzularınızı həyata keçirmək üçün gözəl planların pozulması və gözlənilməz halların meydana çıxması ehtimalını artırır. Təmiz və sakit suyu olan çaydan keçmək isə məqsədlərə yetişməyin və taleyin bəxş etdiyi böyük uğurun əlamətidir.

Kenquru — Yuxuda kenquru görmək reallıqda sizi cəmiyyət və öz tərəfi­nizə meyilləndirməyə çalışdığınız insanlar qarşısında pis vəziy­yətdə qoymağa çalışan hiyləgər düşmənlərinizə üstün gələcə­yinizdən xəbər verir. Əgər kenquru sizə hücum etmişdirsə, adınız, şöhrətiniz təhlükə altındadır. Onlardan birini öldürdüyünüzü görmüsünüzsə, düşmənlərin fitnə-fəsadına və müxtəlif maneələrə baxmayaraq, sizi uğur gözləyir. Kenquru dərisi görmək isə sizin təhlükə qarşısında olduğunuza işarə edir.

Keşiş — Yuxuda keşiş görmək xəstəlik əlamətidir. Keşişi ibadətlə məşğul olan görməniz xəstəliyə və narahatlığa işarə edə bilər. Qadın xeylağının yuxuda keşişə aşiq olduğunu görməsi reallıqda vəfasız sevgilisinin yalanından ehtiyatlı olmasına dair bir xəbərdarlıqdır. Yuxusundakı keşiş onun sevgisinə müvəffəq olmağa çalışmışsa, əyləncələrə həddindən artıq meyilli olması üzündən qınaq obyektinə çevriləcək. Keşişə günahlarını danışıb tövbə etmək qarşıdan gələn həqarət və kədərin əlamətidir. Bu yuxu özünüzə və yaxınlarınıza narahatlıq gətirəcək bir əməldən çəkinməniz üçün xəbərdarlıqdır. Keşiş və xətib insanın mənəvi mürəbbisi olduğu üçün onların iştirakıyla olan istənilən yuxu sizin üçün qüsur və zəifliklərinizin xatırladılması və davranışınızda, əqidənizdə daha diqqətli olmanız üçün bir çağırış kimi yozulmalıdır. Keşişi gördüyünüz, lakin onunla danışmadığınız yuxu sizi kiminsə əsarətinə düşə biləcəyinizə dair xəbərdar edir. Bu yuxunu xəbərdarlıq olaraq qəbul etməsəniz, bütövlüklə kiminsə əsarəti, təsiri altına düşəcəksiniz. Keşişlə söhbət etdiyinizi görməniz isə gələcəkdə yüksək məqamlar vəd edən bir əlamətdir. Keşişin kədərli və yorğun olduğu yuxu isə xoşagəlməz hadisələrə işarə edə bilər.

Kəl — Bir xanımın yuxuda kəl öldürdüyünü görməsi real həyatda hansısa önəmli bir işə imza atacağından və güclü iradə nümayiş etdirərək, maddi nemətlərdən imtina etməklə, ətrafdakıların rəğbətini qazanacağından və çoxdan arzuladığı bir istəyinə çatacağından xəbər verir. Bundan əlavə, yuxuda görülmüş kəl gerçəkdə güclü də olsa, o qədər də ağıllı olmayan düşmənlərin meydana çıxacağına işarədir.

Kələm — Kələmlə bağlı yuxular o qədər də xoş əlamət deyil. Nizamsızlıq ən müxtəlif formalarda şiddətlə cərəyan edə bilər. Yaşıl kələm görmək sevgidə xainlik, ailədə xəyanət əlamətidir. Yuxuda kələm yığdığınızı görməniz isə bədxərcliyinizlə özünüzü bəlaya salacağınızı bildirir.

Kəllə sümüyü — İrişən kəllə sümüyü gördüyünüz yuxu ailədə çəkişmə və ixtilafların qaçılmaz olduğunu bildirir. Əlinizi kəlləyə toxundurduğunuzu görməniz işlərinizin tənəzzülə uğrayacağına işarə edir. Hansısa dostunuzun kəllə sümüyünü görməniz üstünlüyün sizə verildiyi üçün həmin dostunuzun sizə zərbə endirəcəyindən xəbər verir. Öz kəllə sümüyünüzü görməniz isə reallıqda böyük vicdan əzabı çəkəcəyinizi bildirir.

Kənd — Yuxuda özünüzü bol buğda tarlaları, təmiz çayları, gözəl ev­ləri olan məhsuldar və qəşəng bir yerdə görmüsünüzsə, Allahın köməyilə böyük uğurlara imza atacaqsınız. Əlverişli şərait sizin yüksək vəzifəyə və var-dövlətə nail olmanıza yol açacaq. Yuxuda qurumuş, barsız bir ərazi, kasıb daxmalar görmək həyəcan və ümidsizlik çağlarının yetişdiyinə işarə ola bilər. Ümumiyyətlə, kənd yerində olmanızla bağlı yuxular görmək sağlam və ehtiyacsız həyatdan xəbər verir. Gənclik illərinizi keçirdiyiniz kənd evini görmüsünüzsə, gerçəkdə gözlənilməz, lakin çox ürəkaçan hadisələr gözlənilir.

Kəndir, ip, buraz — Yuxuda görülmüş kəndirlər işlərdə çətinliklər və sevgi müna­sibət­lərində qeyri-müəyyənlik əlamətidir. Əgər yuxuda kəndirlə yuxarı dırmanırsınızsa, reallıqda düşmənləriniz susdurmağı bacaracaqsınız. Kəndirlə aşağı enmisinizsə, varlığınızın ən parlaq dəqiqələrində bəzi qanqaraldıcı olaylarla üzləşə bilərsiniz. İplərlə sarılıb bağlandığınızı görmüşsünüzsə, sağlam düşüncəyə zidd olaraq sevgi əsarətinə təslim olacaqsınız. Buxovları, əsarət zəncirlərini sındırıb azad olmağı bacar­mışsınızsa, deməli, düşmənçiliklə rəqibliyə üstün gələcəksiniz. Yuxuda kəndir sarımaq və ya atı kəndirləmək gerçək həyatda insanları öz iradənizə ram etməyi bacaracağınızdan xəbər verir. Kəndirin üzərində yerimək hansısa riskli bir sövdələşmədə iştirak edərək uğura nail olacağınızı vəd edir. Başqalarının kəndirin üzərində yeridiyini görmüsünüzsə, hansısa bir kələyi dəf edib, həyat dərsi alacaqsınız. Kəndirin üstündən hoppanmaq hansısa sensasiyaya yaxın olmanızın sizi qorxuda biləcəyinə işarə edir.
Uşaqlarla birlikdə kəndir üzərindən hoppandığınızı görməniz xudpəsənd və səlahiyyətli olduğunuzu bildirir. Əgər yuxuda kəndiri ayağınızla tutub saxlamışsınızsa, real həyatda həyatsevər və şən bir şəraitin təsiri altında sizə tabe olanlarla xoşrəftar və mülayim olacaqsınız. Yuxarıda açıq olan pəncərədən ev sahibinin aşağıda duran adamları evə buraxmayacağını zənn edərək, onlar üçün ip salladığınızı görmüsünüzsə, gerçək həyatda dostlarınıza uyğun olmayan, sizin üçün isə maraqlı olan bir işin iştirakçısına çevriləcəksiniz. Gənc bir xanım üçün belə yuxu ədəbsizlik çalarıyla boyanmış nəşə və əyləncələr vəd edir.

Kəpənək — Yuxuda yaşıl otluqda və gül-çiçək arasında kəpənək görmək real həyatda çiçəklənmə və halal, qanuni qazanc, nailiyyət vəd edir. Havada uçuşan kəpənək görmüsünüzsə, uzaqda olan dostlardan xəbər alacaqsınız. Gənc bir qadın üçün bu yuxu bir ömürlük ailə münasibətlərilə nəticələnəcək xoşbəxt məhəbbət əlamətidir. Yuxuda ağ kəpənək görmək səbəbkar sandığınız hansısa bir adamın xəstəliyindən xəbər verir. Bir xanımın yuxuda otağına ağ kəpənəyin uçub gəldiyini görməsi onun arzularının çin olma ehtimalını azaldır. Əgər uçub otağa gələn kəpənək nəyinsə üstünə qonursa, bu, yuxunu görən adamın yaxınlarından hansınınsa naxoşlayacağı deməkdir.

Kəpənəkqurdu, qumquma — Yuxuda kəpənəkqurdu görmək gerçəkdə alçaq və riyakar kəslərlə görüşdən xəbər verir. Bu adamlarla ünsiyyətdən qurtulmaqla bir çox bəlalardan qorunmağı bacaracaqsınız.

Kərənay (musiqi aləti) — Yuxuda kərənay görməniz yaxın gələcəkdə başınızın tama­milə yeni, olduqca qeyri-adi işlərə qarışacağından xəbər verir. Kərənay çalmanız isə arzularınızın reallaşacağının əlamətidir.

Kərəviz — Yuxuda tər kərəviz şaxələri görməniz ən cəsur arzularınızın çiçək­lənəcəyinə işarə edir. Solmuş, çürümüş kərəviz görmək isə ailədə xoşagəlməz olayların əlaməti ola bilər. Kərəvizi yediyinizi görməniz sonsuz məhəbbət və bağlılıq vəd edir. Gənc xanımın sevgilisilə birlikdə yuxuda kərəviz yediyini görməsi böyük sərvətə yiyələnərək son dərəcə zənginləşəcəyindən xəbər verir.

Kərgədan — Yuxuda kərgədanlar görmək itki və xoşagəlməz olayların əlamətidir. Kərgədanı öldürdüyünüzü görmüsünüzsə, deməli, yolu­nuza çıxan bütün çətinlikləri dəf etməyi bacaracaqsınız.

Kərpic — Yuxuda görülmüş kərpic tamamlanmamış kommersiya işlə­rinin və sevgidə nifaq və narazılığın əlamətidir. Kərpic düzəlt­mək isə var-döv­lətinizi artırmaq cəhdlərinizin, şübhəsiz, müvəf­fəqiyyətsizliklə bəhrələnəcəyini bildirir.

Kərtənkələ — Yuxuda kərtənkələ görməniz bədxah kəslərin hücumlarına məruz qalacağınızdan xəbər verir. Kərtənkələni öldürdüyü­nüzü görmüşsünüzsə, təmiz adınızı bərpa edərək, uğuru qaytarmağı bacaracaqsınız, lakin bunun üçün işlərdə və sevgi mü­nasibətlərində həyəcanlar yaşayacağınız tələb olunacaq. Qadın xeylağının kərtənkələnin qabığını atdığını və ya onu dişlədiyini görməsi uğursuzluqlara işarə edir. Bir müddət imkanlarını məhdud­laşdırmaq və bu sınaqdan başı uca çıxmaq üçün bütün iradəsini toplamaq məcburiyyətində qala bilər.

Kəsmək — Yuxuda quş kəsdiyinizi görməniz reallıqda həm maliyyə, həm də digər sahələrdə yetərincə təmin olunmayacağınızdan xəbər verir. Yol yoldaşlarınızın bədbin ovqatı sizi qıcıqlandıracaq. Ət kəsmək səmərəsiz sərmayə əlamətidir; lakin işlərdə bəzi dəyişikliklər etsəniz işləriniz daha yaxşı inkişaf edəcək.

Kiçik çay — Yuxuda kiçik çay görmək yaddaqalan səyahətlərin və xoş təəssü­ratların müjdəçisidir. Gördüyünüz kiçik çay bol sulu idisə, qısamüddətli həyəcan və qayğı dövrü gözlənilir. Çayın quruduğunu görmüşsünüzsə, cüzi bir peşmançılıq keçirsəniz də, tale arzuladıqlarınıza nail olmanız üçün sizə yeni-yeni imkanlar verəcək.

Kilsə — Yuxuda uzaqdan kilsə görmək uzun müddətdən bəri intizarla gözlənilən hadisələrin məyusluq gətirəcəyindən xəbər verir. Qaranlığa qərq olmuş bir kilsəyə daxil olmaq isə dəfn mərasimində iştirak etməli olacağınıza işarə edir. Bu yuxu həmçinin qeyri-müəyyən perspektivlərin və uğurun hələ bir qədər uzaqda olduğunun əlamətidir.

Kirayənişin — Bir qadının yuxuda öz evində kirayənişinlərin olduğunu görməsi reallıqda xoşagəlməz sirlərlə əhatələnmiş olacağına işarədir. Əgər kirayənişinlərdən biri ev kirayəsini ödəmədən çıxıb gedərsə, həmin bu xanımı qarşı cinsin nümayəndələrilə gözlənilməz problemlər gözləyir. Yox, əgər kirayənişinlərdən heç olmasa biri ev kirayəsini ödəyərsə, yaxın gələcəkdə uğur və maddi gəlir gözlənilir.

Kişi — Yuxuda gözəl qədd-qamətli və fərasətli bir kişi görməniz reallıqdakı həyatdan zövq alacağınıza və var-dövlətə sahiblənə­cəyinizə işarə edir. Gördüyünüz kişi eybəcər və qaraqabaqdırsa, sizi bir müddətliyinə sarsıda biləcək bir sıra çətinliklər və məyusluqlarla üzləşə bilərsiniz. Qadın xeylağının yuxuda son dərəcə qəşəng bir kişi görməsi reallıqda şan-şöhrətə sahiblənə­cəyindən və bu vəziyyətin onun ürəyincə olacağından xəbər verir. Gördüyü kişinin çirkin, xoşagəlməz görkəmindən qorxduğunu görməsi isə reallıqda dost sandığı bir insana görə xoşagəlməz narahatlıqlar keçirmə ehtimalını artırır.

Kişmiş — Yuxuda kişmiş yediyinizi görmüsünüzsə, uğrayacağınız ruh düşkünlüyü sizin ümidlərinizi artıq reallaşmalarına yaxın bir dövrdə sarsıda bilər.

Kit, balina — Yuxuda kit balığının gəmiyə yaxınlaşdığını görmək yaxın gələcəkdə bütün qəlbinizi ağuşuna alacaq bir mübarizənin başlanacağını bildirir. Siz var-dövlətinizi əldən verməkdən ehtiyat edərək, borclarla öhdəçiliklər arasında vurnuxacaqsınız. Əgər yuxunuzdakı kit öldürülmüşdürsə, gerçək həyatda hüquqla meyil­ləriniz arasında düzgün seçim etməyi bacaracaq, həmçinin böyük məmnunluq və razılıq gətirəcək uğurlara imza atacaqsınız. Kitin gəmiyə hücum edərək onu devirdiyini görməniz isə uğursuzluqlar və qalmaqallar burulğanına uğraya biləcəyinizə işarə edir.

Kitabxana — Yuxuda özünüzü kitabxanada görməniz ətrafınızdan son dərəcə narazı olduğunuz deməkdir. Qədim adət-ənənələrin öyrənilməsinə və tədqiqatına maraq göstərəcəyiniz və yeni-yeni tanışlıqlar ehtimal olunur. Özünüzü elmi tədqiqatlardan savayı məqsədlərlə kitabxanada görməniz real həyatdakı davranışınızın sizin ədəbi yönəlmələrinizə ümid bəsləyən dostlarınızın ümidlərinin puça çıxacağından xəbər verir.

Kitablar — Yuxuda kitablara baxmaq və ya oxumaq real həyatda hörmət, xoş niyyətlər və zənginlik vəd edir. Müəllif üçün yuxuda əsərlərinin çapa hazırlandığını görməsi bir xəbərdarlıqdır: onu kitablarının oxucuya çatacağı yolda çoxlu sayda maneələr gözləyir. Alim-müəlliflərin əsərlərinin gizli mənasının açılmasına cidd-cəhdlər və xeyli zaman sərf etdiyinizi görməniz uzunmüddətli əməyinizlə qazanacağınız hörmət, ehtiram və mükafatların müjdəçisidir. Yuxuda kitab oxuyan uşaqlar görmək gələcəkdə həmrəylikdən və gənclərin gözəl əxlaqından xəbər verir. Qədim kitablar görmək isə şərin istənilən formada təzahür edəcəyinə dair bir xəbərdarlıqdır.

Kloun, təlxək — Yuxuda sizi təqlid edən kloun görmüsünüzsə, vəd olunmuş gəliri almanıza və planlarınızı reallaşdırmanıza imkan yaradacaq ağır bir iş tapacağınız ehtimal olunur. Özünüzü kloun rolunda görməniz xoşagəlməz olaylara işarə edir. Özünüzü kloun paltarında görməniz isə yanlış fikirlərə düşəcəyinizi, yaxud da rəqiblərin sizin malınıza və nüfuzunuza göz dikəcəyini bildirir. Ola bilər ki, intriqan qadınlar sizi öz toruna salmağa çalışsın.

Kokteyl — Yuxuda kokteyl içdiyinizi görmüsünüzsə, özünüzü ağırtəbiətli bir tələbə və ya alim, təmkinli bir insan kimi göstərməklə, dostlarınızı öz meyillərinizə aid məsələlərdə yanlış fikrə yönəldib, yaramaz, yün­gülxasiyyət, yelbeyin kişi və qadınların əhatəsində kef-səfa sürəcəksiniz. Qadın üçün belə bir yuxu hamı tərəfindən qəbul edilmiş əxlaq və tərbiyə normalarına etinasızlıq göstərərək, əxlaqsız həyat sürəcəyinə işarə edir.

Kolbasa — Yuxuda kolbasa hazırladığınızı görmüsünüzsə, gerçək həyat­da bir çox işlərdə böyük uğurlara imza atacaqsınız. Kolbasanı yemək isə sadə də olsa, son dərəcə rahat və ürəkaçan bir eviniz olacağından xəbər verir.

Kolluq — Yuxuda kolluqda ilişib qalmaq qatı düşmənlərinizin sizi şərləyərək, ətrafınızda hiylələr və fitnə-fəsadlar qurduğunu bildirir. Belə bir yuxudan sonra iradənizi, ruhunuzu ehtimal olunan sınaqlara hazırlamalısınız. Lakin kolluğun dolaşığından qurtulmağı bacarmısınızsa, dostlarınız tam vaxtında yardım əlini sizə uzadacaq.

Koma, daxma — Yuxuda daxma görməniz səhhətinizi bərpa etmək ümidi ilə evinizi tərk edəcəyinizdən xəbər verir. Bu yuxu yaxın gələcəkdə rifahınızın pisləşəcəyinə dair xəbərdarlıqdır. Yuxuda baxımsız bir komacığa daxil olduğunuzu görməniz əhvalınızın korlaşacağına işarə edir. Lakin yuxunuzdakı komanın içi rahat idisə və siz zövqlə onun ətrafındakı yaşıl mənzərələri seyr etmişsinizsə, uzun müddətlik olmasa da, firavanlıqla səadət yaşayacaqsınız.

Kometa (quyruqlu ulduz) — Yuxuda daxma görməniz səhhətinizi bərpa etmək ümidi ilə evinizi tərk edəcəyinizdən xəbər verir. Bu yuxu yaxın gələcəkdə rifahınızın pisləşəcəyinə dair xəbərdarlıqdır. Yuxuda baxımsız bir komacığa daxil olduğunuzu görməniz əhvalınızın korlaşacağına işarə edir. Lakin yuxunuzdakı komanın içi rahat idisə və siz zövqlə onun ətrafındakı yaşıl mənzərələri seyr etmişsinizsə, uzun müddətlik olmasa da, firavanlıqla səadət yaşayacaqsınız.

Kommersiya — Yuxuda kommersiya fəaliyyətilə məşğul olduğunuzu görmə­niz reallıqda qarşınızda açılan imkanları müdrikliklə və mənfəətlə istifadə edəcəyinizdən xəbər verir. Kommersiyada uğursuzluqlar və qaranlıq perspektivlər görmək real işgüzar həyatda narahatlıqla məyusedici iflasın əlamətidir.

Kompas — Yuxuda kompas görməniz reallıqda aparacağınız mübarizədə əl-qolu bağlı, məhdud vasitələrdən istifadə etməklə vuruşmaq məcburiyyətində qalacağınızdan xəbər verir. İşlərin bu şəkildə cərəyan etməsi sizin uğurunuzu çətinləşdirsə də, daha da şərəflən­dirəcək. Adi və ya dəniz kompası görmək işlərin uğurlu məcrada inkişaf edəcəyinə və ətrafınıza toplaşan insanların vicdanlı və nəcib insanlar olacağına işarə edir. Səhv göstəricilər verən kompas görmək isə itkilərin və yalanın əlamətidir.

Konfet — Yuxuda konfet hazırlamaq cidd-cəhdlərinizin, çalışqanlığınızın, zəhmətsevərliyinizin səbəbinə rifahınızın əhəmiyyətli dərəcədə yaxşılaşacağından xəbər verir. Tez ovulan, kövrək kon­fet yemək kübar əyləncələrə işarə edir, gənc və ortayaşlı insanlara məhəbbət vəd edir. Turş konfet yemək xəstəliyin, yaxud da dilxorçuluqla qəzəbin yaxın gələcəkdə əvvəlki sonsuz etimadı əvəzləyəcəyinin əlamətidir. Gənc bir adamın yuxuda bir qutu konfet hədiyyə aldığını görməsi kimlərinsə inadcıl, lakin məharətlə maskalanmış təkidlərindən xəbər verir. Adətən belə bir yuxu çiçəklənmənin əlamətidir. Əgər yuxuda özünüz kiməsə bir qutu konfet göndərmisinizsə, tezliklə gözəl bir təklif alacaqsınız (işgüzar və evlilik təklifi), lakin bu məsələdə sizi dilxorçuluq gözləyir – ümidləriniz doğrulmayacaq.

Konfetti — Yuxuda çoxlu sayda şənlənən adamların başına yağış kimi səpilən konfetti görməniz real həyatda əyləncələrə üstünlük verməklə, bir çox itkilər görəcəyinizə işarə edir. Lakin bir qədər sonra üzərinizə düşən öhdəliklərinizi layiqli şəkildə icra etməyə müvəffəq olacaqsınız.

Konkisürmə — Yuxuda buz üzərində konki sürdüyünüzü görmüsünüzsə, reallıqda ya işinizi, ya da hansısa qiymətli əşyalarınızı itirə bilərsiniz. Konki sürərkən buzu sındırıb parçaladığınızı görməniz dostlarınızın dəyərli məsləhət verə biləcək insanlar olmadığına işarə edir. Başqalarının konki sürdüyünü seyr etmisinizsə, reallıqda adınızın hansısa bir qalmaqallı hadisədə hallandırılacağı gözlənilir. Sonradan məlum olacaq ki, bu qalmaqala əslində sizin heyranlıq bəslədiyiniz bir adam qarışıqdır. Yuxuda konkisürmə görmək işgüzar partnyorlarla ixtilaflara işarə edir. Diyircəkli konki sürən gənclər görmək isə sağlamlığınızın ürəkaçan şəkildə olduğuna sevinəcəyinizi, sevinc və məmnunluğunuzu başqalarının uğrunda qurban etmək iqtidarında olduğunuzdan xüsusi bir ruh yüksəkliyi yaşadığınızı bildirir.

Konsert — Yuxuda gözəl bir konsert görmək və dinləmək son dərəcə gözəl əyləncələrin yaxınlaşdığına işarə edir, yazıçılar üçün isə maraqlı bir işdən xəbər verir. İşgüzar insanlar üçün bu sayaq yuxular uğurlu ticarət, gənclər üçün isə sadiq məhəbbət əlamətidir. Balet artistlərilə müğənnilərin iştirakı olan konsert görmək isə nankor dostlarla üzləşmə ehtimalınızı artırır. Təəssüf ki, kommersiya işləri də tənəzzülə uğraya bilər, lakin xoşbəxtlikdən, çox qısa bir müddət ərzində.

Kor adam — Yuxuda özünüzü kor görməniz talenin kəskin dəyişiləcəyinə işarə edə bilər: zənginlik və bolluqdan qəfil surətdə səfalətə uğraya bilərsiniz. Başqalarının kor olduğunu görməniz isə reallıqda hansısa ləyaqətli bir şəxsiyyətin yardım üçün sizə müraciət edəcəyindən xəbər verir.

Korset — Yuxuda korset görməniz çoxdandır göz qoyduğunuz, ürəyini fəth etmək arzusunda olduğunuz bir kəsin sizə diqqət və qayğı göstərməyə başlamasından heyrətlənəcəyinizdən xəbər verir. Gənc bir xanım yuxusunda korsetinin düymələrinin açılması və ya bağlanması səbəbindən əsəbiləşdiyini görmüşsə, deməli, mənasız şeylərə görə münaqişələrə meyilli bir insandır.

Kotan — Yuxuda kotan görmək müstəsna bir xoşbəxtliyin əlamətidir; işləri­niz zirvəyə yüksələcək. Kotan aparan kəndlilər görməniz həyata bir çox uğurlara imza atacağınızdan və dünyagörüşünüzün genişlən­dirəcəyinizdən xəbər verir. Gənc bir xanım yuxuda sevgilisinin kotanla işlədiyini görmüşsə, namuslu və ailəcanlı birisi ilə ailə quracaq. Sevinci dərin və sabit olacaq. Özünüzün kotanla çalışdığınızı gördüyünüz yuxu da sevinc və firavanlıq vəd edir.

Köçürmə — Yuxuda hansısa bir mətnin köçürüldüyünü görmək reallıqdakı əsaslı hazırlanmış planların uğursuz həlli ehtimalını artırır. Gənc xanımın hansısa bir məktubu köçürdüyünü görməsi onun sevgisinin bəzi insanların gözündə səhv olduğuna və ona zərər yetirə biləcəyinə işarə edir.

Köklər — Yuxuda ağacların və ya digər bitkilərin köklərini görməniz xoşa­gəlməz dəyişikliklərin əlamətidir: həm işgüzar sahədə, həm də sağlamlığınızda zəifləmələr gözlənilir. Köklərdən dərman vasitələrinin hazırlanması məqsədilə istifadə etdiyinizi görməniz isə xəstəlik və ya kədərdən xəbər verir.

Köklük — Özünü kök görən adamın sərvətinin artacağı, sevimli və hər zaman ürəyincə olan yerləri ziyarət edəcəyi gözlənilir. Başqalarını kök görməniz müstəsna aktivlik və çiçəklənmə dövrünün başlanılacağının əlamətidir. Yuxuda özünü həddindən artıq kök görən adamlar özlərinin əxlaqlarına və vərdişlərinə diqqət yetirməlidir.

Kömür — Yuxuda bərk qızdırılmış, qıpqırmızı kömür görmək məmnun­luq və çoxlu sayda ürəkaçan dəyişikliklərin əlamətidir. Kömür parçalarını çevirib qarışdırdığınızı görməniz tam, mütləq bir sevincin müjdəçisidir. Közərib sönməkdə olan kömür isə narahatlığa və həyəcana işarə edə bilər.
Kömür mədəni — Yuxuda şaxtaçılarla birlikdə kömür mədənində olduğunuzu görmə­niz şər qüvvələrin sizə zərər vermək niyyətində olduğunun əla­məti­dir. Özünüzü səhmdar, şaxta sahiblərindən biri kimi görməniz isə hansısa bir işə uğurlu sərmayə yatıracağınızdan xəbər verir. Gənc xanımın yuxuda kömür mədəni görməsi ailə quracağı adamın ya stomatoloq, ya da əmlak agenti olacağına işarə edir.

Köpük — Yuxuda köpük görməniz reallıqda yaşadığınız məğlubiyyətdən dolayı keçirdiyiniz mənfi təəssüratlar olaraq yozulur.

Körpələr, çağalar — Yuxuda yeni doğulmuş körpə görmək yaxın gələcəkdə xoş bir sür­prizlə üzləşəcəyinizdən xəbər verir. Gənc bir xanım yuxuda özünü körpə bir uşaq olaraq görmüşsə, kimlərinisə əxlaqsız məşğuliyyətlərinə şərait yaratmaqda günahlandırılacaqdır. Kör­pə­nin satın alınmasını görmək gerçək həyatda yaranmış müşkül bir vəziyyətdən uğurlu çıxış yolunun tapılacağına işarə edir.

Körpü — Yuxuda uzun, yarımdağılmış, qaranlıq içində qəribə şəkildə əyilmiş bir körpü görməniz reallıqda hansısa bir itkinin dərin melanxoliyası ilə qəmgin fikirlərin sizi narahat edəcəyindən xəbər verir. Gənc adamlar və sevgililər üçün belə bir yuxu ən gizli xəyallarına müəyyən ümidsizlik gətirə bilər, çünki sevdik­ləri insan heç də onların düşündüyünə uyğun olmaya bilər. Yuxuda körpüdən sağ-salamat keçib getmək reallıqdakı bütün çətinlikləri, bir o qədər təhlükəsiz vasitələrlə olmasa da, son nəticədə tamamilə dəf edəcəyinizdən xəbər verir. Bu işdə istənilər təxirəsalmalar xoşagəlməz ola bilər. Yuxuda qəfildən qarşınızda yaranan körpü görmüsünüzsə, xəyanətdən, xəyali və riyakar pərəstişkarlardan ehtiyatlanın. Bolluqla əmin-amanlıq yuxuda görülən təmiz sulardan gəlir. Yuxuda aşağıda gördüyünüz su bulanıqdırsa, ən ciddi səylərinizin o qədər də ürəkaçan nəticələr verməyəcəyinə hazır olun.

Köstəbək — Yuxuda köstəbək görməniz gizli düşmənlərinizdən xəbər verir. Köstəbəyi təqib edib onu tutmağa çalışdığınızı görmüsünüzsə, istənilən müqavimətə üstün gəlməyi bacaracaqsınız və cəmiy­yətdə layiqli bir mövqe tutacaqsınız. Kiminsə üzərində köstəbək və ya digər gəmirici heyvanlar görmək xəstəlik və ailədə dedi-qodunun əlamətidir.

Kötüklər — Yuxuda kötüklər görmüşsünüzsə, həyat tərzinizi dəyişməniz tövsiyə olunur. Kötüklərlə dolu zəmi görməniz mühafizə oluna bilməyəcəyiniz hansısa bir çətinliyin əlamətidir. Kötükləri dibindən qoparıb çıxardığınızı görməniz yersiz həssaslığın, təkəbbürü rədd edərək, həqiqətin gözünə dik baxaraq və nəhayət, yolunuza çıxan istənilən maneələri aradan qaldıraraq ehtiyac və səfalət içindən çıxmağı bacaracağınızdan xəbər verir.

Köynək — Kişi xeylağı yuxuda köynəyini əyninə geyindiyini görmüşsə, sevgilisinin ona qarşı soyuduğunun səbəbi öz xəyanəti olacaq. Köynəyinin itirildiyini görməsi isə həm işgüzar sahədə, həm də sevgidə rüsvayçılıq əlaməti olaraq yozulur. Cırılmış köynək görməniz kədərə məruz qalacağınızın və dəyərsiz insanlarla əhatə olunacağınızın göstəricisidir. Köynəyin bulaşdığını görmək isə yoluxucu xəstəliklərin artma təhlükəsini ifadə edir.

Krablar (onayaqlı dəniz xərçəngləri) — Yuxuda krab görmək çoxlu sayda müşkül problemlərinizin olduğunu bildirir. Onların həlli üçün sağlam düşüncənizi və praktiki şüurunuzu səfərbər etməli olacaqsınız. Sevgililər üçün belə yuxu bir-birini tanımaları və bir-birinə isinişməkləri üçün uzun və çətin bir yol keçəcəklərindən xəbər verir; hətta qısamüddətli incikliklər də mümkündür.

Kremasiya (meyitlərin xüsusi peçdə yandırılması) — Yuxuda kremasiya görmək rəqiblərin sizin işgüzar dairələr­dəki nüfuzunuzu zəiflətməyə cəhd edəcəyindən xəbər verir. Özü­nüzün kremasiya olunduğunuzu görməniz öz sağlam düşün­cə­nizlə intuisiyanıza etibar etməkdən çəkinib, başqalarının məslə­hətlərilə hərəkət etsəniz, sahibkarlıq sahəsində uğursuzluq yaşaya bilərsiniz.

Krujeva (tor, şəbəkə) — Yuxuda sevdiyiniz xanımı krujevalı paltarda görməniz sevgidə səda­qətdən xəbər verir. Qadın xeylağının yuxuda krujeva görməsi xoşbəxtlik əlamətidir. Krujeva aldığınızı görməniz böyük bir təşəbbüsə rəhbərlik edəcəyinizdən xəbər verir, lakin əsl zənginlik sizin üçün sadiq dostunuzun varlığı olacaq. Krujeva satmaq isə istəklərinizin imkanlarınızdan üstün olacağını bildirir. Gənc bir xanım yuxuda krujeva toxuduğunu görmüşsə, yaraşıqlı və zəngin birisiylə ailə quracaq. Toy paltarını krujevalarla bəzədiyini görməsi isə pərəstişkarları tərəfindən sevildiyindən, lakin evlilik məsələsinin hələ bir müddət təxirə düşəcəyindən xəbər verir.

Kubok (idman yarışlarında qaliblərə verilən qələbə qədəhi) — Yuxuda kubok görmüsünüzsə, reallıqda gözləmədiyiniz halda bir sevinc yaşayacaqsınız, lakin bununla istəmədən yaxınlarınızdan birinin xətrinə dəymiş olacaqsınız. Kubok, qədəh sındırmaq isə dost dəstəyilə ixtiyar sahibi olmaq cəhdində uğursuzluq yaşayacağınızdan xəbər verir.

Küçə — Yuxuda küçədə gəzişmək narahatlıq əlamətidir. Qarşıya qoyduğunuz məqsədə yetişmək yolunda ümidsizliyə qapılacağınız ehtimal olunur. Uzaq bir şəhərdə tanıdığınız küçə ilə alatoranlıqda addımladığınızı görməniz yaxın gələcəkdə nə gözlənilən sevinc, nə də gəlir gətirəcək bir səfərə yollanacağınızdan xəbər verir. Yuxunuzdakı küçə aydın və işıqlı idisə, olduqca tez bitəcək və təsəlli gətirməyəcək bir əyləncədə iştirak edəcəyiniz gözlənilir. Yuxuda hansısa bir qatilin sizi yaxalayacağı qorxusuyla küçəylə üzüaşağı qaçdığınızı görməniz isə karyerada yüksəliş uğrunda və ya əyləncə axtarışında riskli bir addım atmaq qərarı verəcəyinizə işarə edir.

Küknar, Milad ağacı — Milad ağacı haqqında görülən yuxu yaxın gələcəkdə kifayət qədər xoş və sevindirici olaylardan xəbər verir. Küknar ağacından bayram oyuncaqlarının çıxarıldığını görmək isə qanqaraldıcı əlamətdir.

Kükürd — Yuxuda kükürd görməniz işlərdə ehtiyatlı olmanıza dair bir çağırışdır. Sizə qarşı çirkin bir fitnə-fəsad hazırlanır. Yanan kükürd görməniz sizi əmlakınızla üsullu, ehtiyatla davranmalı olmanıza səsləyir. Kükürd yediyinizi görmüşsünüzsə, hələ uzun illər möhkəm sağlamlıq sahibi olacaq və həyatdan zövq alacaqsınız.

Kül — Yuxuda kül görmək acı dəyişikliklərin əlaməti hesab olunur. Belə ki, kəndlilər üçün bu yuxu məhsulun xarab olması, ticarətçilər üçün isə uğursuz alver kimi yozula bilər. Valideynlər üçün kül olan yuxu yolunu azmış övladlarının dərdini çəkəcəklərinə işarə edir.

Küpəgirən qarı — Yuxuda küpəgirən qarı və ya əcinnələr görmək reallıqda sizin də digərlərilə birlikdə macəralara, gur şənliklərə qatılmaq istəyinizi bildirir, lakin nəzərə alın ki, bütün bunlar sizin qəfildən hörmətdən düşməniz və ümidsizliyə uğramanızla nəticələnə bilər. Əcinnələrin sizə hücum etdiyini görmüsünüzsə, maliyyə işlərinizdə bəzi çətinliklər yaşana bilər. Ailə-məişət məsələlərində də həmçinin ümidsizlik ehtimal olunur.

Kürək, bel — Yuxuda bel görmək hər zaman nəzarət tələb edən bir işinizi sona çatdırmaq zərurətinin yaranacağını bildirir.

Qabanlar, inəklər — Yuxuda iri, canlı, piyli qabanlar görmək işgüzar və ticarət sferalarında can­lanmanın müjdəçisidir. Arıq qabanlar adətən narahatlığın və məyusluğun əlaməti kimi dəyərləndirilir. Yanında balası olan bir donuz görmək kəndlilərə bol məhsul, başqalarına isə işlərdə uğur vəd edir. Qabanların çığırtısını eşitmək xoşagəlməz xəbərlərə işarə edir. Belə bir yuxu kiminsə xəstəliyi üzündən kədərlənmədən, yaxud da hansısa mühüm bir işə verilən dəyərin zəifliyindən narazılıqdan xəbər verir. Yuxuda sizə məxsus donuzları yemləmisinizsə, tezliklə şəxsi əmlakınızın artması gözlənilir. Qabanları satmaq əhəmiyyətli bir dövlətə yiyələnəcəyinizin əlamətidir, lakin bundan əvvəl xeyli sayda səylər və aktiv fəaliy­yət sərfiyyatı tələb olunacaq.

Qabar, döyənək — Yuxuda ayağınızdakı döyənəklərin sizə ağrı verdiyini hiss etdiyinizi görməniz düşmənlərin sizə qarşı çoxlu sayda problem yaşadacaq fitnə-fəsad hazırladığını bildirir. Lakin qabar-döyənəklərdən xilas olduğunuzu görmüsünüzsə, reallıqda tanımadığınız bir kəs tərəfindən böyük bir əmlaka, var-dövlətə yiyələnəcəksiniz. Gənc bir xanımın öz ayaqlarında döyənəklər görməsi həyatda bir sıra sınaqlardan keçməli və rəfiqələrinin ona vurduğu zərbələrə davam gətirməli olduğundan xəbər verir.

Qabırğa — Yuxuda görülmüş qabırğalar kasıblıq və itkilərin əlamətidir.

Qab-qacaq — Yuxuda tərtəmiz qab-qacaq görmək həqiqi əmin-amanlıq dövrünün başlandığının əlamətidir: nəhayət, taleyin sizə qarşı rəhmdil olmasını layiqincə dəyərləndirə biləcəyiniz bir məqam yaxınlaşır. Çirkli qab-qaşıq xoşagəlməz olayların əlamətidir. Yuxuda əlinizə boşqab almışsınızsa, uğur özünü çox gözlətməyəcək; boşqabların düşüb sındığını görməniz isə uğurlu hadisələr dövrünün qısa olacağını bildirir. Təmizlikdən parıldayan qablarla dolu rəflərə tamaşa etdiyinizi gördüyünüz yuxu evdə əmin-amanlıq və ürəkaçan şəraitin müjdəçisidir. Gənc bir xanım yuxuda son dərəcə gözəl qab-qacaq dükanına girib, mallara zövqlə tamaşa etdiyini görmüşsə, reallıqda alicənab biri ilə xoşbəxt ailə quracağı gözlənilir. Boş rəfləri olan dağınıq qab-qacaq dükanı isə işlərdə qarışıqlıq və ruh düşkünlüyünün əlamətidir.

Qaçmaq —Əgər yuxuda iki nəfərlə bir yerdə qaçdığınızı görmüsünüzsə, deməli, real həyatda hansısa bir şənlikdə iştirak edəcəksiniz və çox yaxın zamanda işlərinizdə geniş imkanlar açılacaq. Yuxuda qaçarkən kiminləsə toqquşmusunuzsa və ya yıxılmısınızsa, nüfuzunuza xələl gətirəcək şeylərdən uzaq olmağa çalışın. Təklikdə qaçdığınızı görməniz reallıqda xoşbəxtlik və əmin-amanlıq istiqamətində dostlarınızı ötüb keçəcəyinizdən və cəmiyyətdə daha yüksək məqam tutacağınızdan xəbər verir.

Əgər yuxuda hansısa bir təhlükədən qaçıb qurtulmağa çalışdığınızı görmüsünüzsə, sizi müəyyən itkilər gözləyir. Həmçinin belə bir yuxu işlərinizin yoluna qoyulmasında münasib üsullardan istifadə etmək ümidindən məhrum ola biləcəyinizin əlamətidir. Yuxuda başqa insanların təhlükədən qaçıb qurtulmaq cəhdini görmək isə sizin üçün dost itkisi və pərişanlıqla nəticələnə bilər.

Qaçış — Haradansa qaçdığınızı gördüyünüz yuxu bir o qədər də xoş əlamət sayılmır. Ailəli olanları bu yuxu öz həyat tərzinə daha ciddi nəzər salmağa səsləyir: zərərli vərdişlərinizdən əl çəkməsəniz, nüfuzunuz sarsılacaq və bu günə qədər layiq olmadığınız bir məqama sahib olduğunuz müəyyən olacaq. Gənclər üçün belə bir yuxu sevgi münasibətlərində incikliklər əlamətidir. Sevgilinizin yuxuda xəlvəti kiməsə qoşulub qaçdığını görməniz reallıqda onun xəyanət etməyə qadir olduğunu bildirir. Yaxın dostunuzun sizin nifrət etdiyiniz biri ilə qaçdığını görməniz xoşagəlməz xəbərlərə işarə edə bilər.

Qadınlar — Yuxu­da qadın görmək fitnə-fəsad əlamətidir. Qadınla müba­hisə etmisinizsə, deməli, real həyatda aldadılacaqsınız və planlarınız pozulacaq. Yuxuda alagözlü və dikburun qarayağız qadın görmək qələbə şanslarınızın çox olduğundan xəbər verir. Gördüyünüz qadın qonur gözlü və romalı burunludursa, siz yaltaqlıqla təhlükəli alverə sürüklənə bilərsiniz. Əgər gördüyünüz qadının saçları qızılı-şabalıdı, tünd kürən və ya qırmızımtıl-darçını rəngdə, burnu da düzdürsə, belə bir yuxu əlavə çətinliklər və narahatlıq müjdəçisidir. Qadın sarışındırsa, qarşıda sizi yalnız ürəyinizə xoş və meyillərinizə uyğun olan işlər gözləyir.

Qağayı — Yuxuda qağayı görməniz xəsis və bir o qədər də alicənab olmayan partnyorlarla işgüzar əlaqələrinizin yaranacağından xəbər verir. Ölü qağayılar gördüyünüz yuxu isə dostlarla uzunmüddətli ayrılığın əlamətidir.

Qala — Yuxuda qalada həbs olunduğunuzu görmüsünüzsə, rəqib­ləriniz sizi pis vəziyyətdə qoymaq istəyinə müvəffəq olacaq. Özünüzün kimlərisə qalaya həbs etdiyinizi görməniz bir çox problemli işlərinizi tədricən yoluna qoyacağınızdan, qadınlarla münasibətlərinizi tənzimləyəcəyinizdən xəbər verir.

Qalmaqal, dedi-qodu — Yuxuda dedi-qodu obyektinə çevrildiyinizi görməniz reallıqda işgüzar partnyorların seçimində bir o qədər də tələbkar olmadığınızdan xəbər verir. Bu yuxu ticarət sazişlərinizin və digər işgüzar əməliyyatların uğursuz ola biləcəyinə dair xəbərdarlıqdır. Gənc xanımın yuxuda hansısa bir dedi-qodunu müzakirə etdiyini görməsi reallıqda onu öz xeyirxahlığına inandırmağa çalışan bir adama rəğbət göstərəcəyini bildirir. Ümumiyyətlə, yuxuda qalmaqal görmüşsünüzsə yaxın gələcəkdə evlilik ehtimal olunmur.

Qamış, qarğı — Yuxuda bitən qamış və ya qarğı görmək xoşbəxtlik və müvəf­fəqiyyət yolunda səmərəli addımlardan xəbər verir. Qarğını kəsilmiş görmək isə bir çox işlərdə uğursuzluğa işarə edir.

Qan — Yuxuda qanlı paltarlar görmək qarşınızda açılacaq uğurlu bir karyera perspektivlərinə əngəllər törətməyə cəhd edən düşmən­lərinizdən xəbər verir. Bu yuxunu görən adam yeni müəmmalı dostluq əlaqələrindən ehtiyatlanmalıdır. Yaradan axan qanı görmək sağlamlığın zəifləyəcəyinə və narahatlığa işarə edir. Həm­çi­nin xarici sindikatlar, kartellər və digər təşkilatlarla tərtib edilmiş uğursuz sövdələşmələr üzündən işlərdə də uğursuzluq ehtimalı var. Əllərinizi qanlı görmüsünüzsə, özünüzə qarşı diqqətli olmayacağınız və işlərinizdə ciddi tədbirlər görməyəcəyiniz təqdirdə, uğursuzluqla üzləşə bilərsiniz.

Qanad, pər — Yuxuda qanadlarınızın olduğunu görməniz uzun bir səfərə çıxmış yaxınınıza görə son dərəcə narahat olacağınızdan xəbər verir. Quş (yaxud da toyuq) qanadları görmək bütün bəla və fəlakətlərdən qurtularaq, nəticədə hörmət, nüfuz və zənginliyə nail olacağınızın əlamətidir.

Qandal, buxov — Yuxuda özünüzü əliqandallı görmüsünüzsə, düşmənlərinizin sizi narahat edəcəyi ehtimal olunur. Başqalarını qandallı görməniz düşmən­lərin təsirini zəiflədərək, ucalacağınızdan xəbər verir. Yuxuda qandal görmək xəstəlik və təhlükə əlamətidir. Həmçinin belə bir yuxu sev­mədiyiniz insanların ətrafınızda gərgin ab-hava yaradacağından xəbər verir. Yuxuda qandallardan qurtulduğunuzu görməniz hansısa bir hiy­lədən nicat tapacağınıza işarə edir.

Qanov, xəndək — Yuxuda qanova yıxılmaq işgüzar sahədə və şəxsi işlərdə zəifli­yin əlamətidir. Lakin əgər qanovun üstündən atlanıb o biri tərəfinə keçməyə müvəffəq olmuşsunuzsa, deməli, yaxın gələcəkdə bütün səhvlərinizi unutduracaq əməllər sahibinə çevriləcəksiniz.

Qanunvericilik təşkilatları — Yuxuda özünüzü hansısa bir qanunvericilik təşkilatının üzvü olaraq görməniz yaxın gələcəkdə səbrinizin tükənəcəyindən və sizin yaxınlarınızla bəzən qəddar rəftar edəcəyinizdən xəbər verir. Lakin belə davam edərsə, münasibətlərdə real uğurlara nail olmanız mümkünsüz olacaq.

Qapı — Yuxuda hansısa bir qapıya daxil olduğunuzu görməniz real həyatda böhtançı və düşmən kəslərdən qurtulmaq cəhdlərinizin bihudə olduğuna işarədir. Yuxuda daxil olduğunuz aralı qapı uşaqlıq evinizin qapısıdır ki, belə bir yuxu da sizə gələcəkdə əzizlərin əhatəsində xoşbəxt bir həyat sürəcəyinizdən xəbər verir. Əgər yuxuda gecə vaxtı yağan şiddətli yağışın altında dayanıb qapıya baxırsınızsa, bağışlanmaz hərəkətlərdən və mənasız görüşlərdən ehtiyatlanmanız gərəkdir. Başqalarının qapıya daxil olduğunu və ya çıxdığını görmüsünüzsə, işlərinizdə səliqə-sahman yaratmaq cəhdlərinizdə bir qədər çətinliklər yaşaya bilərsiniz. Kəndlilər və siyasət xadimləri üçün bu cür yuxular xüsusilə xoşagəlməz əlamətlərlə doludur. Yuxuda qapını bağlayarkən qapı qəfildən rəzəsindən çıxaraq kimisə yaralayırsa, gerçəkdə dostlarınız hansısa təhlükəylə qarşılaşa bilər.

Qapı cəftəsi — Yuxuda qapının cəftəsini bağladığınızı görməniz reallıqda kiminsə sizdən təkidlə yardım istəməsini cavabsız qoyacağınızı bildirir. Qırılmış cəftə görməniz isə ən yaxın dostunuzla anlaşılmazlıq yaşayacağınıza işarə edir.

Qapının döyülməsi — Yuxuda qapının döyüldüyünü eşitməniz tezliklə xoş xəbərlər alacağınıza işarə edir. Oyanmanıza səbəb qapının döyülməsi olmuşsa, alacağınız xəbərlər sizi son dərəcə heyrətləndirəcək.

Qar — Yuxuda qar görməniz hələ ki, həyatınızda xəstəlik və ya işlə bağlı problemlərinizin olmadığının göstəricisidir. Borana, çovğuna düşdüyünüzü görməniz isə uzun müddətdən bəri gözlədiklərinizə sevinmək imkanınız olmadığı üçün məyusluq keçirəcəyinizə işarə edir. Bu yuxu hər zaman mənəvi sarsıntı ilə müşayiət olunur. Qar yediyinizi görməniz ideallarınızın ümidlərinizi aldadacağını bildirir. Çirkli qar görmüsünüzsə, lovğalığınız ram ediləcək və sizə təkəbbürlü bir qərəzkarlıqla yanaşan adamlarla barışmaq məcburiyyətində qalacaqsınız. Yuxuda görülmüş əriyən qar bütün qorxuların sevinclə əvəzlənəcəyinin müjdəçisidir. Pəncərədən iri lopalarla yağan qara tamaşa etdiyinizi görməniz sevgilinizlə aranızda incikliyin gözlənildiyindən və soyuqluğunuzun, üstəlik, maliyyə problemləri ilə də dərinləşəcəyindən xəbər verir.
Yuxuda uzaqda olan dağların qarlı zirvələrini görməniz şöhrətpərəst xəyallarınızın sizə layiq olmadığınız bir uğur gətirəcəyini bildirir. Günəş şüaları altında işıldayan qarlı mənzərə görməniz sizə qarşı sərt olan talenin ram olacağının və sizin səlahiyyət sahibi olacağınızın müjdəçisidir. Gənc xanımın qar üstündə xizəklə sürüşdüyünü görməsi sevgisi uğrunda güclü bir rəqabətlə üzləşəcəyinə dair xəbərdarlıqdır. Qartopu oynadığınızı görməniz isə vicdansız övladlarla ailə çəkişməsinə işarə edir; ədalətin bərqərar olması üçün mövqeyiniz əsaslı surətdə hazırlanmış olmalıdır. Qar içində itdiyinizi və ya qar qalaqları altından çıxa bilmədiyinizi görməniz isə uzunmüddətli uğursuzluq zolağının başlaya biləcəyinə dair xəbərdarlıqdır.

Qarabasma, xəyal — Yuxuda qəribə, qeyri-müəyyən, anlaşılmaz şeylər görmək işlərin pozulmasından və ya müəyyən nasazlıqdan xəbər verir. Əgər belə yuxularda anlaşılmaz da olsa kimlərinsə üzünü görmüsünüzsə, deməli, həm sizin ətrafınızda, həm də daha geniş miqyasda, məsələn, ümumiyyətlə, ölkədə müəyyən narahatlıqlar və aqressivlik ehtimalı var. Hansısa bir dostunuz ağır xəstədirsə, gecə yuxunuza ağ paltarda gələcəkdir. Yuxunuzdakı adamın keşiş olduğunu təxmin etmişsinizsə, işləriniz yeni məcrada inkişaf edəcək və sizi əhatə edənlərin mənəvi dünyagörüşündə dəyişikliklər baş verəcəkdir. Bir müddətliyinə bu növ yuxuların neqativ qüvvəsi sizi narahat etsə də, nəticədə insanlığınız və mehribanlığınız sayəsində qarşınızda yeni-yeni qapıların, imkanların açıldığını görəcəksiniz.

Qaraciyər — Yuxuda qaraciyərinizin xəstə olduğunu görməniz deyingən və hər şeydən narazı olan bir qadının sizin həyat yoldaşınız olacağından və evinizi tənə və əhəmiyyətsiz qayğılara qərq edəcəyindən xəbər verir. Ciyər yediyinizi görməniz isə alçaq bir məxluqun sevdiyiniz xanımın diqqətinə göz dikəcəyinə işarə edir.

Qaraçılar — Yuxuda qaraçı köçünü ziyarət etdiyinizi görməniz reallıqda dolaşıq düşmüş işlərinizin həqiqi vəziyyətini dərk etmənizə yardımçı olacaq xüsusi əhəmiyyətə malik bir təklif alacağınızdan xəbər verir. Qadın xeylağının yuxuda qaraçı qadının onun falına baxdığını görməsi yaxın gələcəkdə ailə quracağını bildirir. Yuxunu görmüş qadın artıq ailəlidirsə, bu yuxudan sonra qısqanclığı artacaq. Kişi xeylağı yuxuda qaraçı bir qadınla söhbət etdiyini görmüşsə, böyük ehtimalla hansısa qiymətli bir mülkiyyətini itirəcək. Yuxuda qaraçılardan nə isə almaq pul itkisinin əlamətidir. Yuxu həyatın maddiyyat tərəfinə yüksək dəyər verməyin mənasız olduğuna dair xəbərdarlıqdır.

Qaraqabaq, sərt — Yuxuda özünüzü qaraqabaq və sərt görməniz bir səhər yuxudan ayılarkən dünyanın uçuruma sürükləndiyini anlayacağınızdan xəbər verir. Başqalarını qaraqabaq görməniz isə xoşagəlməz məşğuliyyətlərə və ürəyinizcə olmayacaq iş ortaqlarına işarə edir.

Qaranquş — Yuxuda qaranquş görmək ailə sülh və əmin-amanlığın müjdə­çisidir. Yaralı və ya ölmüş qaranquş isə kədərin əlamətidir.

Qardaş-bacı uşaqları — Yuxuda qardaş-bacılarınızın uşaqlarını gözəl-göyçək görməniz yaxın gələcəkdə əmin-amanlığa və ürəkaçan bir güzərana qovuşacağınızı bildirir. Əks təqdirdə, bu yuxu məyusluq və narahatlıq əlaməti sayılır. Qadın xeylağının yuxuda qardaşı və ya bacısı qızını görməsi taleyin ona bir sıra sınaqlar hazırladığından və onun bu sınaqlardan başucalılığı ilə çıxacağından xəbər verir.

Qardaşlar — Qardaşlarınızı yuxuda sağlam və enerjiylə dolu görmüsünüzsə, deməli, özünüzün, yaxud da onların xoşbəxt tale-qismətinə sevinmək səbəbiniz olacaqdır. Əgər onları kasıb, kədərli, yaxud da imdad dilə­dikləri vəziyyətdə görmüsünüzsə, yaxın gələcəkdə xoşagəlməz hadi­sələr baş verə bilər.

Qarderob — Yuxuda öz qarderobunuzu görməniz gerçəkdə olduğunuzdan daha zəngin görünmək istəyiniz üzündən taleyinizin təhlükə qarşısında olacağından xəbər verir. Qarderobunuzun kasıb olduğunu görmüsünüzsə, yad adamlarla ünsiyyət axtaracaqsınız, lakin bu ünsiyyət sizə xələl yetirə birər.

Qarğa — Yuxuda qarğa görmək adətən hadisələrin xoşagəlməz məcrada cərəyan edəcəyinə işarədir. Onların qarıldamasını eşitmək mənfi təsir altına uğrayaraq səhv addımlar ata biləcəyinizdən xəbər verir. Gənc bir kişinin bu sayaq yuxu görməsi əks cinsin ona qarşı hiylə və kələk tətbiq edə biləcəyinə dair xəbərdarlıqdır.

Qarışıq yuxular — Yadda qalmayan, aydın olmayan qarışıq yuxular ya dostluqda vəfasızlıq, ya da işgüzar həyatda şübhə doğuran təşəbbüslərin əlamətidir.

Qarışqalar — Yuxuda qarışqa görən adamı gün boyu xoşagəlməz anlar təqib edəcək. Bütün bu qıcıqlandırıcı amillərdən yaxa qurtarmağa çalışaraq, şəxsi vəziyyətindən dərin narazılığının həqiqi səbəbini özü üçün aydınlaşdıracaq.

Qartal — Yuxuda başınız üstündə qanad açıb uçan qartal görməniz reallıqdakı yüksək məqsədlərinizin həyata keçməsi uğrunda ümidsizcəsinə mübarizə aparacağınızdan xəbər verir; bununla belə, mübarizədə qalib gələrək, arzularınıza qovuşacaqsınız. Yüksəklərdə dövrə vuran qartala tamaşa etmişsinizsə, bütün nemətlərə nail olacaqsınız. İçində qartal balaları olan yuva görməniz nüfuzlu şəxslərlə möhkəm dostluq əlaqələri quracağınızdan və işlərdə uğur əldə edəcəyinizdən xəbər verir. Yuxuda qartalı öldürməniz yüksəklərə doğru yolda bütün maneələri dəf etmək üçün müstəsna qətiyyət və fərasət sahibi olduğunuzun əlamətidir. Qartal əti yediyinizi görməniz istənilən sınaqdan baş ucalığı ilə çıxmaq və hətta ölüm təhlükəsi qarşısında belə əyilməmək üçün güclü iradəyə və dəyanətə malik olduğunuzu bildirir. Kiminsə öldürdüyü qartalı görməniz isə əldə etdiklərinizi itirmə ehtimalı yaradan həlledici bir hadisənin mümkün olduğuna işarə edir. Yuxuda qartalın kürəyində əyləşdiyinizi görməniz dünyagörüşünüzü genişləndirmək və yeni biliklərə sahib olmaq imkanı yaradan uzaq, az tanınan torpaqlara səyahətə çıxmaq ehtimalından xəbər verir.

Qasırğa, tufan — Yuxuda qasırğaya uğradığınızı görmüşsünüzsə, yaxın gələ­cəkdə sizi ən istəkli bir məqsədinizə çatdırmaq iqtidarında olan uzun müddətdən bəri fikrinizdə tutduğunuz planlarınızın puç olması üzündən məyusluq və kədər hissi yaşayacaqsınız. Bu yuxu taleyinizdə baş verəcəyi ehtimal olunan və çox zaman itkilərlə müşayiət olacaq böyük dəyişikliklərin əlamətidir. Yuxuda qasırğa küləyinin səsini eşitməniz və onun ətrafınızdakı ağacları yerə əydiyini görməniz iflasa qarşı müqavimət göstərmək cəhdlərinizin iztirablı bir intizarı əvəz edəcəyindən xəbər verir. Küləyin təzyiqi altında evinizin dağılıb uçduğunu gördüyünüz yuxu həyat tərzinin, yaşayış və iş yerlərinizin dəyişiləcəyinə işarə edir. Qorxunc bir qasırğanın yaratdığı nəticələri görməniz isə bədbəxtliyin şəxsən sizdən yan keçəcəyini bildirir.

Qaşınma, qotur — Yuxuda qotur xəstəliyindən əziyyət çəkən insanlarla ünsiy­yətdən ehtiyat etdiyinizi görməniz reallıqda mühüm bir işdə uğur­suzluq yaşayacağınızdan qorxduğunuzun göstəricisidir. Yuxu başladığınız işdə uğur vəd edir. Yuxuda qaşınmadan əziy­yət çəkdiyinizi görməniz isə kobud bir təzyiqə müqavimət göstər­­mək məcburiyyətində qalacağınızdan xəbər verir. Gənc xanım üçün bu yuxu yaramaz adamlar mühitinə düşəcəyinə dair xəbərdarlıqdır. Yuxuda qaşınmaq müsbət əlamət sayılmır.

Qaşlar — Yuxuda kiminsə qaşlarını görmək gözlənilməz maneələrin yaranacağından xəbər verir.

Qatar — Yuxuda görülmüş qatar səfər əlamətidir. Özünüzü təkərlərinin altında relsləri olmadığı səbəbindən zorla sürünən bir qatarın içində görməniz gələcəkdə firavanlığınızla zənginliyinizin mənbəyi olacaq hansısa bir işdə ciddi narahatlıqların gözlənildiyindən xəbər verir. Yük qatarı görmək ürəkaçan dəyişikliklərin müjdəçisidir. Özünüzü yataqlı vaqonun yuxarıkı yataq yerində görməniz yaxın gələcəkdə sevmədiyiniz birisiylə səfər yoldaşı olacağınızdan və böyük mənfəətlə istifadə edə biləcəyiniz pullarınızı əbəs yerə xərcləyəcəyinizdən xəbər verir.

Qatil — Yuxuda qatil zərbəsinin təhlükəsi ilə üzləşdiyinizi görməniz reallıqda ruhunuzun möhkəmliyini tələb edəcək bir sınaq qarşısında qalacağınıza işarə edir. Qana bulaşmış bir qatilin kiminsə üzərində dayandığını görməniz isə uğursuzluq əlamətidir. Qatili istənilən vəziyyətdə, istənilən halda görmək xəbərdarlıqdır: itkilər və ya gizli düşmənlərin fitnə-fəsadı ehtimal olunur.

Qatır — Yuxuda qatır mindiyinizi görmüsünüzsə, ehtiyatlı olun, reallıqda sizə çoxlu sayda narahatlıqlar bəxş edəcək müəmmalı işlərə cəlb oluna bilərsiniz. Lakin qatırı minərək təyinat yerinə rahat gedib çıxmışsınızsa, gerçək həyatınızdakı böyük əməyinizin nəzərəçarpacaq bəhrələrini dadacaqsınız. Gənc bir xanım yuxusunda ağ qatır görmüşsə, zəngin bir xarici və ya zəngin, lakin mədəniyyəti bir o qədər də yüksək olmayan birisiylə ailə quracaq. Qaçan qatır görmüşsə, pərəstişkar əlindən dincliyi olmayacaq, lakin ciddi bir evlilik təklifi heç birindən gəlməyəcək. Qatırın sizi vurması sevgi və evlilikdə məyusluq əlamətidir. Ölü qatır görmək nişanın pozulacağına və cəmiyyətdəki nüfuzunuzun zəif­ləyəcəyinə işarə edir.

Qayalar — Yuxuda qayalar görməniz uğursuzluq, mübahisə və bəxtsizlik əlamətidir. Sıldırım qayalara dırmandığınızı görmüsünüzsə, deməli, hazırkı ətrafınız sizi  qane etmir və buna görə də kiminləsə mübarizəyə başlamaq niyyətində olacaqsınız.

Qayçı — Yuxuda qayçı görmək xoş əlamət sayılmır. Belə bir yuxudan sonra arvadların ərlərini qısqanacağı, sevgililərin mübahisə edəcəyi və bir-birini qarşılıqlı ittihamlarla sarsıdacağı ehtimal olunur. İşgüzar təşəbbüslər kifayət qədər dolaşıq olacaq. Yaxşı cilalanmış, iti qayçı görməniz reallıqda heç ürəyinizcə olmayan bir işlə məşğul olmaq məcburiyyətində qalacağınızdan xəbər verir. Qayçını qırdığınızı görmüsünüzsə, ürəyinizcə olmayan tapşırıqlardan qurtulmağa can atacaqsınız. Yuxuda qayçı görməniz həmçinin sizin dostlarla münasibətdə simic və soyuqqanlı olmanıza da gətirib çıxara bilər. Artıq qırılmış qayçı görməniz qəribə və anlaşılmaz davranışınız üzündən dostlarınızı və cəmiyyətdəki nüfuzunuzu itirə biləcəyinizlə təhlükəlidir.

Qayıq — Yuxuda digər avarçılarla qayıqda olduğunuzu görmüsünüzsə, şən və qayğısız insanlarla ünsiyyət sizə çoxlu sevinc bəxş edəcək. Qayığınızın devrildiyini görməniz cəzbedici də olsa, riskli təşəb­büsə qoşulmanızın maliyyə böhranıyla nəticələnəcəyinə dair xəbərdarlıqdır. Yuxuda sürətlə qayıq yarışlarında qalib gəldiyinizi görmüsünüzsə, sevdiyiniz xanım rəqibinizə göstərdiyi marağını itirəcək. Qalib gələrək, xanımların qəlbini asanlıqla fəth etməyi bacaracaqsınız, işləriniz də son dərəcə uğurlu məcrada inkişaf edəcək. Uğurunuza yardımçı olan əminliyiniz uzun müddət sizi tərk etməyəcək. Sevdiyiniz xanımla qayıqda üzdüyünüzü görməniz tezliklə ailə quracağınızdan və uzunömürlü xoşbəxtliyə sahiblənəcəyinizdən xəbər verir. Gur dalğalar üstündə üzdüyünüzü görməniz isə sevgilinizin naz-qəmzələrini təmkinlə qəbul edəcəyinizi və yalnız onunla dil tapmağı bacardıqdan sonra səadətə qovuşacağınızı bildirir. Avarın bulanıq suya düşüb batdığını görmüsünüzsə, işlərdə uğursuzluq ola bilər. Dayaz və sürətli axınlı çay görmək yalnız dilxorluq gətirən ehtiyatsız addımlar atmağa meyilli olduğunuzu bildirir.

Ümumiyyətlə, ətrafda su görmək gələcək dəyişikliklərin əlamətidir. Belə yuxularda sakit və təmiz sularla üzmək xoş əlamətdir. Yuxuda qarşıdan parlaq bir işığı yanan qayıq gəldiyini görmüsünüzsə və bu zaman su sabitdirsə, hər şey yaxşı olacaq. Gur dalğalar reallıqda narahatlığa işarə edir. Təkcə və ya dostlarınızla birgə gəmiyə və ya qayığa mindiyinizi gördüyünüz yuxular son dərəcə uğurlu sayılır. Yuxuda gəmidən dənizə yıxılmaq xoş əlamət deyil, lakin bu sayaq yuxunu bir xəbərdarlıq kimi qəbul etsəniz, bir çox müşküllərdən uzaq olarsınız.

Qayınana — Yuxuda qayınananızı görməniz reallıqda işgüzar sahədə və ailədə ciddi mübahisələrin səmimi bir barışıqla əvəzlənəcəyindən xəbər verir. Qadın xeylağının yuxuda qayınanasıyla mübahisə etdiyini görməsi onu əhatə edən qalmaqalçı və daşürəkli adamların onu bezdirəcəyinə işarə edə bilər.

Qayınata — Qayınatanı yuxuda görmək qohum-əqrəba və dost-tanışla müba­hisələrə işarə edir. Onu sağlam və gümrah görmək isə olduqca gözəl ailə münasibətlərinin əlamətidir.

Qayış, kəmər — Yuxuda dəbli bir qayışınızın olduğunu görməniz yaxın gələ­cəkdə əmin-amanlığınızı korlaya biləcək, tanımadığınız biri ilə tanış olub nişan­lanacağınızdan xəbər verir. Gördüyünüz kəmər dəbli deyildirsə, davranışınızdakı kobudluğa görə haqlı olaraq qınaq obyektinə çevrilə­cəksiniz.

Qaymaq, krem (qənnadı) — Yuxuda sizə qaymaq verildiyini görməniz zənginlik əlaməti­dir. Peşənizdə əhəmiyyətli yüksəkliklərə ucalacaqsınız. Bu yuxu kəndlilər üçün bol məhsul, hər kəs üçün ailədə sevinc ifadə edən xoş əlamətdir. Duru qaymaq içmək uğura işarə edir. Sevgili­lər üçün isə qaymaqla bağlı yuxu tezliklə qovuşacaqlarının müj­dəçisidir.

Qaz — Yuxuda qaz qoxusu hiss etdiyinizi görmüsünüzsə, reallıqda dostlarınızın birinə qarşı ədalətsiz və haqsız münasibət göstər­məyiniz, nəticədə sizi acınacaqlı peşmanlığa gətirib çıxaracaq. Əgər yuxuda qazdan zəhərlənməkdən ehtiyatlanırsınızsa, diqqətsizliyinizin və israfçılığınızın səbəb olduğu xoşagəlməz halların yarana biləcəyindən ehtiyatlanın. Qazı yandırırsınızsa, deməli, tezliklə çətin vəziyyətdən çıxış yolu tapacaqsınız. Qazı söndürmək yaxşı əlamət deyil, belə bir yuxu səadətə xələl gələ biləcəyinə işarədir.

Qazlar — Yuxuda qazların bezdirici qağıldamağını eşitmək uğursuzluqlardan xəbər verir. Əgər yuxuda göldə üzən qazlara tamaşa etmisinizsə, deməli, uğur tədricən geri qayıdacaqdır. Yaşıl otun üzərində gəzişən qazlar olan yuxular xüsusilə uğurludur. Ölü qaz görmək itki və məmnuniyyətsizlik əlamətidir. Gənc bir adamın qazlarla bağlı yuxu görməsi sevgilisinə qarşı münasibətdə sadiqliyi və ləyaqəti barədə bir xatırlatmadır. Qazları səsləyib onlara yem vermək isə sərvət vəd edən bir yuxudur. Qaz əti yemək işlərdə mümkün olan bəzi qeyri-müəyyənliklərdən xəbər verir.

Qazon, çəmənlik — Yuxuda yaxşı qulluq görmüş, gözəl bir çəmənlikdə gəziş­diyinizi görmüsünüzsə, reallıqda sevinc, uğur və çiçəklənmə gözlənilir. Çəmənlikdə qurulmuş ürəkaçan bir ziyafətdə iştirak etmisinizsə, deməli, çoxlu sayda əyləncə və macəralar iştirakçısı olacaqsınız, işləriniz də uğurlu məcrada inkişaf edəcək. Gənc bir xanımın yuxuda yaşıl bir çəmənlikdə sevgilisini və ya dostunu gözlədiyini görməsi firavan həyat və nikahla bağlı arzularının tezliklə həyata keçəcəyinə işarədir. Qazondakı otları solub qurumuş görmüsünüzsə, gerçəkdə anlaşılmazlıq və inciklik ola bilər. Qarşınızda otun üstündə sürünən ilan görməniz isə xəyanət əlamətidir; kobud iftiralar əhvalınızı korlayacaqdır.

Qeybət, dedi-qodu, böhtan — Yuxuda siz də başqalarına qoşulub dedi-qodu yayıb böhtan söylə­yirsinizsə, işlər sizin üçün yaxşıdan pisə doğru dəyişə­cəkdir. Dostlarınızın sizin ünvanınıza nalayiq sözlər və böhtan söylədiyini görməniz isə iş yoldaşları və övladlarınıza dair qayğı və narahatlıqlar keçirmə ehtimalı var.

Qəbir, məzar — Yuxuda məzar görməniz reallıqda kiminsə şərəfsiz əməlindən ol­duqca sarsılacağınızı bildirir. Belə bir yuxu təhlükə xəbərdarlığı ola bilər. Ümumiyyətlə, məzar, qəbirlə əlaqədar yuxular, əsasən, xoşa­gəlməz hadisələrdən və nasazlıqlardan xəbər verir. Yuxuda qəbirlər arasında gəzişmək uğursuz nikahın əlamətidir. Əyilib boş məzara baxmaq yaxınlardan birinin nasazlaya biləcəyinin ehtimalıdır. Kimisə məzarda yarıya kimi torpaqla basdırılmış görmək həmin adamın təhlükəylə qarşılaşacağından xəbər verir. Öz məzarınızı görmüsünüzsə, reallıqda sizə qarşı hazırlanan fitnə-fəsaddan ehtiyatlı olun. Məzar qazdığınızı görməniz rəqiblərinizin sizi məhv etməyə hazır olduğunu bildirir, lakin işinizi sona yetirdiyinizi görmüsünüzsə, deməli, qələbə sizin olacaq. Yuxuda qazılan məzarın sahibinin yoxa çıxdığını görmək o qədər də ürəkaçan məna daşımır.
Əgər qəbiristanlıqda, açıq bir məzarda gecələməli olduğunuzu görmüsünüzsə, reallıqda dostların sizdən uzaqlaşması və ya sevgilinizin sizə qarşı soyuması ehtimal olunur. Bəzi hallarda yuxuda görülmüş məzar işgüzar sahədəki problemlərin müjdəçisi ola bilər. Köhnə məzar ətrafınızdakı adamlardan kiminsə nasazlıq ehtimalından xəbər verir. Yuxuda məzar daşları üzərindəki yazıları oxumaq gözlənilən xoşagəlməz qayğıların əlamətidir.

Qəbiristanlıq — Yuxuda qış vaxtı qəbiristanlıqda gəzişdiyinizi görməniz reallıqda yoxsulluqla uzun və şiddətli bir mübarizəyə sürüklənə­cə­yinizi bildirir; həmçinin doğma evdən və dostlardan uzaq düşə­cəyiniz də ehtimal olunur. Lakin baharın ən xırda əlamət­lərini belə müşahidə etmişsinizsə, qarşıda ürəkaçan ab-hava və sadiq dostlarla ziyafətlər gözlənilir. Sevgililər üçün özlərini qəbiristanlıqda görmələri gerçək həyatda heç vaxt evlənmə­yəcəkləri deməkdir, amma sevgililərini başqaları ilə ailə quran görəcəklər. Yuxuda özünüzü yaxşı xidmət görmüş bir qəbiristan­lıqda görmüsünüzsə, hansısa ağır bir xəstənin sağalması xəbərini alacaqsınız. Əlinizdən alınmış torpağın sizə məxsus olduğu barədə hüquqlarınız bərpa olunacaq. Köhnə, baxımsız bir qəbiristanlıq görmək isə uzun bir ömür yaşayacağınızı və təəssüf ki, qocaldıqda, yad adamların ümidinə qalacağınızı bildirir.

Gənc adamlar üçün yuxularında qəbiristanlığın üzərində sükut çökmüş xiyabanlarında gəzişdiklərini görmələri dostların onlara qarşı çox mehriban olacağına işarə edir. Lakin bununla yanaşı, dostlarının aciz olduğu kədərli anlar da gözlənilir. Yuxusunda toy mərasiminin qəbiristanlıqdan ötüb keçdiyini görən gəlinlər bu və ya digər səbəblərdən həyat yoldaşlarından ayrıla bilərlər. Bir ana üçün qəbiristanlığa tər güllər gətirdiyi yuxu görməsi bütün ailə üzvlərinin sağlam olacağından xəbər verir. Gənc yaşından dul qalmış bir qadın yuxusunda qəbiristanlığa gəldiyini görmüşsə, yaxın gələcəkdə dul paltarını toy paltarıyla əvəzləyəcək. Özünü qəmli görmüşsə, reallıqda onu yeni qayğılar və məyusluqlar gözləyir. Yaşlı adamların yuxusunda qəbiristanlıq görməsi yaxşı əlamət deyildir. Yuxuda qəbirlər arasında oynayaraq, gül yığıb kəpənəklər tutan balaca uşaqlar görmək ürəkaçan dəyişikliklərə dəlalət edir. Belə bir yuxunu görən adamın hələ uzun illər sağlamlığı möhkəm olacaq, sadiq dostları da hər zaman onun yanında yer alacaqlar.

Qəbul, tədbir — Yuxuda hansısa tədbirdə olduğunuzu görməniz reallıqda ürək­açan bir görüşünüzün olacağından xəbər verir. Gördüyünüz tədbirdə pərtlik və ya xəcalət keçirdiyinizi görmüşsünüzsə, həqiqətdə hansısa bir narahatlıq ehtimal olunur.

Qəddarlıq — Yuxuda özünüzə qarşı qəddarlıq görməniz reallıqda işlərdə narahatlıq və məyusluq keçirəcəyinizə işarədir. Əgər qəddarlığa bir başqası məruz qalmışdırsa, deməli, yaxınlarınızı həllolunmaz bir məsələ ilə qarşı-qarşıya qoyacaqsınız ki, bu da sizin itkilərinizin sayının artacağı deməkdir.

Qədəh, piyalə — Yuxuda qədəh görmək sizi uzunmüddətli bir ümidsizliyə qərq edə­cək ciddi qanıqaralıqdan xəbər verir. Gümüş qədəhdən su içmək işgüzar sahədə (biznesdə) uğursuzluqlara işarədir. Əgər yuxuda maraqla qədimi qədəhlərə baxırsınızsa, reallıqda tanımadığınız insanların rəğ­bətini qazanacaq və onlardan əlverişli təkliflər alacaqsınız. Yuxuda öz sevgilisinə qədəhdə su verən bir qadını qadağan olunmuş kef-səfa göz­ləyir.

Qəfəs — Yuxuda quşlarla dolu qəfəs görmüsünüzsə, ağlasığmaz dərə­cədə böyük bir sərvət sahibi və çoxlu sayda övlad valideyni olacaqsınız. Qəfəsdə yalnız bir quş görməniz arzu etdiyiniz və xeyirli bir izdivaca (evliliyə) yiyələnəcəyinizi bildirir. Boş, quş olmayan qəfəs hansısa bir itkinin əlamətidir (Həmçinin sevgili cananla qaçma ehtimalı da var). Qəfəsdə vəhşi heyvanlar görməniz düşmənlər və uğursuzluqlar üzərində qələbə çalacağınızdan xəbər verir. Əgər özünüzü də onlarla bir qəfəsdə görmüsünüzsə, ehtiyatlı olun – qəza və fəlakətlər ehtimalı var.

Qəhvə — Yuxuda qəhvə içdiyinizi görməniz reallıqda dostlarınızın gələcək nikahınızı bəyənməyəcəyinə işarə edir. Əgər artıq ailəlisi­nizsə, bu yuxu narazılıq və mübahisələr əlamətidir. Qəhvə hazırladığınızı görməniz işlərdə uğursuzluqdan xəbər verir. Qəhvə satmaq itkilərin əlaməti ola bilər, almaq isə nüfuzunuzu və sizə olan etimadı qoruyub-saxlamağı asanlıqla bacaracağınızın. Gənc bir xanımın yuxusunda qəhvə görməsi, yaxud da qəhvəylə nə isə etməsi real həyatda ehtiyatlı, davranışında diqqətli olmazsa, qeybət və dedi-qodu obyektinə çevrilərək, dillərdə dastan olacağını bildirir; qəhvəni qızartdığını görməsi isə xarici vətəndaşla ailə qurmaqla özünü şər qüvvələrdən qorumuş olacağından xəbər verir. Qəhvə xıltı görmək xoşagəlməz hallar və fəlakətlərlə aparılan mübarizənin uğurla nəticələnəcəyinə işarə edir. Yuxuda görülmüş qovrulmuş qəhvə sizi tanımadığınız insanların çirkin niyyətlərindən qorunmağa çağırışdır. Yaşıl qəhvə isə, bu yuxunu ciddi qəbul etməsəniz, sizə ziyan vurmağa çalışan arsız düşmənlərdən rəhm gözləməyin əbəs olduğunu bildirir.

Qəhvəxana — Yuxuda qəhvəxana görmək və ya oraya getmək, bir çoxlarının sizi xəbərdar etməyə çalışmasına baxmayaraq, sizə qarşı münasibətdə qə­rəzli olan insanlarla dostluq etməyi davam etdirəcəyinizdən xəbər verir. Nalayiq qadınların sizin əqidənizlə əmlakınızdan sui-istifadə edəcəyi gözlənilir.

Qəhvəüyüdən — Yuxuda qəhvəüyüdən görmək hansısa bir təhlükənin yaxınlaşdığını bildirir. Bu təhlükənin son dərəcə xoşagəlməz nəticələrini neytrallaşdırmaq üçün bütün enerjinizi səfərbər edərək, ehtiyatı əldən verməməniz, dözümlü olmanız tövsiyə olunur. Qəhvə­üyüdənin çalışdığını eşitməniz isə sizə qarşı yönəlmiş pisliklərin öhdəsindən gəlməkdə çətinlik çəkəcəyinizdən xəbər verir.

Qələbə — Qələbə çaldığınızı gördüyünüz yuxu reallıqda da çoxdankı düşmən­lərinizin gurultulu məğlubiyyətinə işarə edir. Əks cinsdən olan istənilən birinin diqqətilə məhəbbətini qazanacaqsınız.

Qələm — Yuxuda qələm görməniz əyləncələrə meyilli olmanızın sizi xoşa­gəlməz və ciddi çətinliklərə sürükləyə biləcəyindən xəbər verir. Gördüyünüz qələm yazmırdısa, ciddi əqidə pozuntularında günahlandırılacaqsınız.

Qəlpə, qırıqlar — Yuxuda bədəninizə qəlpə və ya nəyinsə qırıqlarının batdığını gör­məniz reallıqda ailə üzvlərinizin və ya paxıl rəqiblərinizin çoxlu sayda yersiz iradlarıyla üzləşə biləcəyinizə işarə edir. Qonaq gedərək, aya­ğınıza nəyinsə batdığını görməniz isə kimisə ziyarət etmək məc­buriyyətində qalacağınızı bildirir. Ya da sizin özünüzü xoşagəlməz bir ziyarət gözləyir.

Qənd — Yuxuda qənd görməniz ailə həyatında yarana biləcək çətinlik­lər­dən xəbər verir. Səbəbsiz yerə olduğunu anlayana qədər paxıllıq hissi keçirəcəksiniz. Bu yuxudan sonra narahatlıq və yorğunluq hiss edəcəksiniz. Qənd yediyinizi görməniz müqavimət göstərməli olacağınız çətinliklərin yaranacağına işarə edir. Lakin hər şey gözlədiyinizdən daha tez həllini tapacaq. Yuxuda qəndin qiyməti ilə maraqlandığınızı görməniz reallıqda düşmənlərinizin artacağını bildirir. Yuxuda qəndlə bir iş gördüyünüzü və ya onu böyük miqdarda aldığınızı görməniz böyük itkilərdən çətinliklə də olsa, yaxa qurtara biləcəyinizdən xəbər verir. Yerə tökülmüş qənd görmək işlərdə yüngülvarı itkilərə işarə edir.

Qəndil, şamdan, lüstr — Yuxuda qəndil və ya lüstr görmək gözlənilməz bir uğurun zövqünüzcə olan dəbdəbədən doyunca nəşələnmək imkanı əldə edəcəyinizdən xəbər verir. Onları sınıq və ya yararsız vəziyyətdə görmək uğursuz bir alverin və ya birja oyununun sizin ilk baxışda möhkəm və bel bağlanıla bilən taleyinizi sarsıda biləcəyinə işarə edir. Onların işığının söndüyünü görmək isə xəstəliyin və ya hansısa bir uğursuzluğun sizin çox ümidlər verən gələcəyinizi bir qədər tutqunlaşdıra biləcəyindən xəbər verir.

Qənnadı (şirniyyat) mağazası — Yuxuda kirli, səliqəsiz şirniyyat mağazası görmək gerçək həyatda düşmənin dost maskası altında qılığınıza girərək, öz köməkçilərinə sizin bütün sirlərinizi açacağından xəbər verir.

Qənnadı (şirniyyat) məhsulları — Yuxuda şirniyyat məhsulları görmək son dərəcə hiyləgər bir şəxs tərəfindən aldadılmadan xəbər verir. Şirniyyatı yemək səmimi bir dost­lu­ğun müjdəçisidir. Gənc bir xanım yuxuda şirniyyat bişirdiyini gör­müşdürsə, reallıqda kimlərisə aldatmaq cəhdləri boşa çıxacaq.

Qəssab — Yuxuda əlləri və üst-başı qanlı olan, heyvan kəsən qəssablar gör­mək ailədə uzunmüddətli narahatlıq ehtimalına işarə edir. Ət doğrayan qəssab görməniz isə cəmiyyətdəki nüfuzunuzun sizə zidd olaraq tənqidə uğrayacağının əlamətidir. Belə bir yuxudan sonra məktub yaz­maqdan və ya hansısa sənədləri imzalamaqdan çəkinməyə çalışın, çünki bu yuxu bir xəbərdarlıq ola bilər.
Qətl — Yuxuda qətl görmək başqalarının törətdiyi pisliklərdən irəli gələn kədərə işarə edir. Hansısa bir zorakılıq hadisəsinin gözünüz önündə baş verəcəyi ehtimal olunur. Yuxunuzdakı qətli törədən özünüz idinizsə, utancverici olaylara sövq olunmanız adınıza xələl gətirə bilər. Özünüzün qətlə yetirildiyinizi görməniz isə rəqiblərinizin sizin həyatınızı puç etmək üçün əlindən gələni əsirgəmədiklərinə dair xəbərdarlıqdır. Yuxuda sizə hücum edən silahlı bir cinayətkarı və ya vəhşi heyvanı öldürdüyünüzü görməniz isə işlərdə uğurun və karyera yüksəlişinin müjdəçisidir. Hansısa dostunuzun intihar etdiyi xəbərini eşitməniz reallıqda önəmli bir məsələnin həlli ərəfəsində güclü həyəcan keçirəcəyinizdən xəbər verir.

Qətran — Qətranla bağlı yuxular düşmənlərin xainliyinə dair xəbərdar­lıqdır. Əllərinizin və ya paltarınızın qətrana bulaşdığını görməniz isə xəstəlik və ya kədər əlamətidir.

Qəza, fəlakət — Yuxuda qəza, fəlakət görmək işgüzar sahədə ehtiyac və ya göz­lənilməz iflasdan əziyyət çəkəcəyinizə işarə edir, lakin gərgin fəaliy­yətiniz sayəsində işləri yoluna qoymaqla, əhvalınızı yüksəltməyə nail olacaqsınız.

Qəzet — Yuxuda qəzet görmək gerçəkdəki işlərinizdə hansısa bir yalanın üzə çıxacağına və bunun da nüfuzunuza xələl gətirə biləcəyinə işarədir. Qəzet çap elədiyinizi görmüsünüzsə, xarici səfərlər və orada yeni tanışlıqlar qurmaq imkanı əldə edəcəksiniz. Yuxuda qəzet oxumağa cəhd etdiyinizi, lakin heç cür oxuya bilmədiyinizi görməniz şübhə doğuran bir işdə məğlubiyyətdən xəbər verir.

Qəzəb — Yuxuda kiminsə qəzəbləndiyini görməniz şəxsən sizin üçün böyük sınaqların əlamətidir: insanlara qarşı ümidsizliyə qapılıb, möhkəm sandığınız bir dostluq əlaqələrini qırmağa çalışacaqsınız. Əmlakınıza və nüfuzunuza təhlükə yarada biləcək düşmənləriniz sizə qarşı hücuma keçməyə hazırlaşır. Yaxınlarınızın və dostlarınızın qəzəbləndiyi halda özünüzü səbirli və soyuqqanlı görməniz iki yaxın insanın mübahisəsində vasitəçi olacağınıza işarədir. Belə ki, müdrik müdaxiləniz bu ixtilafa müsbət təsir edəcəkdir.

Qıcıqlanma, acıq, hirs — Yuxuda həddindən artıq hirsli olduğunuzu hiss etməniz nigarançılıq əlamətidir. Belə bir yuxudan çox erkən oyanmaq məsləhət deyil. Həmçinin bu yuxu düşmənlərinizin olduğuna da işarə edə bilər. Yuxuda keçirilən qəzəb, qıcıqlanma, böyük ehtimalla, növbəti günün xoşagəlməz məqamlarında özünü büruzə verəcək. Özünüzün istəmədən kiminsə qəzəbinə səbəb olduğunuzu görmüsünüzsə, ətrafdakılarla ünsiyyətdə yaranmış anlaşılmazlıqları ləyaqətlə aradan qaldırmağa çalışın.

Qıfıl — Yuxuda qıfıl görmək qarışıqlıq əlamətidir. Qıfılı açdığınızı və ya bağladığınızı görmüsünüzsə, tezliklə kiminsə sizin işlərinizə mane olmaq istədiyini anlayacaqsınız. Əgər qəlbinizdə sevgi yaşayırsa, belə bir yuxudan sonra rəqibiniz üzərində qələbə çalmağı bacaracaqsınız. Bundan əlavə, uğurlu bir səfərə çıxacaqsınız. Yuxuda qıfılın xarab olduğunu görmüsünüzsə, sevgidə rişxənd və təhqirə məruz qalacaqsınız, riskli səyahət isə mənfəət gətirməyəcək. Nişanlınızın qolbağındakı ya boyunbağındakı qıfılcığı bağladığınızı görməniz onun sədaqətinə şəkk-şübhə hissləri keçirəcəyinizdən xəbər verir, lakin sonrakı hadisələr bu şübhələri yox edəcək.

Qılınc — Yuxuda qılınc daşıdığınızı görməniz yaxın gələcəkdə yüksək vəzi­fəyə yiyələnəcəyinizdən xəbər verir. Kiminsə qılıncı əliniz­dən aldığını görməniz də rəqabətdə qələbə vəd edən xoş əlamət­dir. Yuxuda qılınclı adamlar görməniz isə xəbərdarlıqdır: ehtiyatlı olun, mübahisələrdə iştirakdan çəkinin. Qırılmış qılınc məyusluq əlamətidir.

Qırxma — Əgər yuxuda, sadəcə, kiminsə qırxıldığını seyr edirsinizsə, həqi­qətdə hansısa əlverişli bir işlə imza atmaq qərarına gələcək­siniz, lakin uğura nail olmanız üçün gərəkli olan coşqunluq və şövq nümayiş etdirmək imkanınız olmayacaq. Yuxuda üzünüzü qırxdırmağa hazırlaşdığınızı görmüsünüzsə, reallıqda fırıldaqçıların hiylələrinə düşməyinizə səbəbkar özünüz olacaqsınız. Yox, əgər üzünüzü özünüz qırxırsınızsa, şəxsi işlərdə və hətta ailədə rəhbərliyi öz əlinizə alacaqsınız. Hərçənd deyingən bir ailə üzvü daimi qalmaqallara səbəb ola bilər. Yuxuda üzünüzü tərtəmiz qırxılmış görmüsünüzsə, real həyatda dinclik və rahatlıqdan zövq alacaqsınız, işgüzar partnyorlarla münasibətləriniz isə nöqsansız olacaqdır. Əgər üzünüzü yuxuda cod tüklü görmüsünüzsə, ailə-sevgi münasibətlərində xeyli narahatlıqlar yaşana bilər. Ülgücünüz kütdürsə və qırxarkən üzünüzü cızırsa, dostlarınızın sizin şəxsi həyatınızı tənqid atəşinə tutmasına özünüz yol verəcəksiniz. Əgər yuxuda saqqalınız ağarmışsa, deməli, real həyatda önəmli olan ədalətin kasadlığından əziyyət çəkəcəksiniz. Bir xanım yuxuda üzünü qırxan bir kişini görürsə, şəhvani kef-əyləncə qarşısında mətin dayanıb, əqidəsindən dönməməkdə çətinlik çəkəcək. Yox, əgər yuxuda öz üzünü qırxdığını görübsə, real həyatdakı davranışında qadın zərifliyi o qədər kəm olacaq ki, kişilər ondan üz belə döndərə bilər.

Qısqanclıq — Kişi xeylağının yuxuda arvadını qısqandığını görməsi reallıqda dayazdüşüncəli bədxahların təsiri altında olduğunun göstəri­cisidir. Qadın xeylağının sevgilisi tərəfindən qısqanclıq görməsi rəqibinə üstün gələcəyindən xəbər verir. Ərinin qısqandığını görməsi isə reallıqda səadətini məhv etmək iqtidarında olan mübahisələrə işarə edə bilər. Qadının özünün məşuqunu qısqandığını görməsi məşuqunun meylini başqa bir qadına saldığını bildirir.

Qış — Yuxuda qış fəslini görmək sağlamlığınızın zəifləməsindən, yaxud da taleyin sizə qarşı rəhmdil olmasına inamınızı zəiflədən qaranlıq perspektivlərdən xəbər verir. Bu sayaq yuxular həmçinin sizin sərf olun­muş səylər qarşılığında tamamilə uyğun olmayan nəticələrdən məmnun qalmayacağınıza da işarə edir.

Qışqırıq, qışqırmaq — Yuxuda iztirab səsləri, qışqırtı eşitmək böyük qayğılarla üzləşə­cəyinizdən, lakin ehtiyatkarlığınız və sağlam düşüncəniz sayəsində işlərinizi qaydaya salmağı bacaracaqsınız və bu da əhval-ruhiyyənizi xeyli yüksəldəcək. Qışqıran bir adam görmü­sü­nüzsə, müəmmalı kef-səfaya uymaqla, dilxorluq və ruh düşkünlüyünə uğraya bilərsiniz ki, bu da həm işgüzar fəaliyyə­tinizə, həm də sevgi məsələlərinə mənfi təsir göstərməklə təhlükəlidir. Heyrət fəryadı eşitmək gözlənilməz bir dəstək alacağınızdan xəbər verir. Yuxuda vəhşi heyvanların bağırtı səslərini eşitmisinizsə, tanışlarınızdan biri problemlərlə üzləşə bilər. Tanış bir adamın imdad diləyən fəryadını eşitmisinizsə, həmin adamın səhhətində problemlər yarana bilər.

Qıtıqotu (xren) — Yuxuda qıtıqotu görməniz alicənab və ruhən sizə yaxın olan insanlarla görüşəcəyinizdən xəbər verir. Həmçinin bu yuxu uğur əlaməti də sayılır. Qadın xeylağı üçün bu yuxu cəmiyyətdə yüksələcəyinə işarə edir. Qıtıqotu yediyinizi gördüyünüz yuxu isə yaxın gələcəkdə şən bir zarafatın obyektinə çevriləcəyinizi bildirir.

Qisas, intiqam — Yuxuda kimdənsə qisas aldığınızı görməniz cəsarətsiz, həm də qəd­dar xasiyyətinizin əlamətidir. Bu nöqsanları lazımi qaydada idarə et­məsəniz, dost itkisi və çoxlu sayda qanqaraldıcı olaylar yaşaya bi­lərsiniz.

Qiyam — Qiyamla bağlı yuxular işlərin bir o qədər də uğurlu getməyə­cəyindən xəbər verir. Qiyam zamanı dostunuzun öldürüldüyünü görmüsünüzsə, işlərdə uğursuzluq və yaxın dostlarınızdan birinin nasazlığı ehtimal olunur. Səbirli olun, bütün bu narahatlıqlar sizi bir qədər sarsıda bilər.

Qiyamət günü — Yuxuda Qiyamət gününün yetişdiyini, özünüzün də cəzadan qurtulmaq ümidi ilə həmin vaxt fağır və itaətli olduğunuzu görməniz reallıqda gözəl planlaşdırılmış bir işi uğurla tamamlayacağınızdan xəbər verir. Yuxunuzdakı Qiyamət günündə özünüzü qeyri-itaətkar apardığınızı görməniz isə işinizin iflasa uğrayacağına işarə edə bilər. Gənc xanımın Böyük Məhkəmə qarşısına çıxaraq, «təqsirli bilinir» hökmü eşitdiyini görməsi reallıqdakı xudpəsəndliyi və nalayiq əxlaqı üzündən iztirab çəkəcəyinə əsasların yetərincə olacağını bildirir. Ölülərin qəbirlərindən qalxdığını, özünün var-gücü ilə mübarizə apardığını, dostlarının isə ona yardım əli uzatmaqdan imtina etdiyini görməsi də xoşagəlməz olaylara dair xəbərdarlıqdır.

Qız (övlad) — Yuxuda qızınızı görmüsünüzsə, real həyatda baş verəcək hansısa xoşagəlməz hadisələr məmnuniyyət və harmoniyaya yol açacaq. Əgər yuxuda qızınızın sizə qarşı etinasızlığını və diqqət­sizliyini hiss etmisinizsə, gerçəkdə bəzi qanqaraldıcı hadisələr baş verə bilər.

Qız — Yuxuda sağlam və gözəl qızlar görmək ürəkaçan perspektivlər və ailə sevinclərindən xəbər verir. Yuxuda görülən qız arıq və solğun simalıdırsa, ailənizdə kimsə naxoşlaya bilər. Hansısa bir kişi yuxuda yanında bir qız görürsə, bu sayaq yuxu onun əqli sağlamlığı üçün xoşagəlməz əlamətdir. Lakin yuxunu görən adam istedadlı biridirsə, belə yuxu ona teatr aktyorluğu karyerası vəd edir.

Qız, bakirə qız — Yuxuda bakirə qız görmüsünüzsə, işlərinizdə nisbi uğurlar gözlə­nilir. Ailəli bir xanımın yuxuda özünün bakirə olduğunu görməsi keçmişindəki səhvləri üzündən vicdan əzabı çəkəcəyinə, gələcəkdə uğurun o qədər də yaxın olmayacağına işarədir. Gənc bir xanımın yuxu­da özünün artıq bakirə olmadığını görməsi isə real həyatda ehtiyatlı, tədbirli davranıb öz nüfuzunu, təmiz adını qoruyub-saxlaya biləcəyindən xəbər verir. Kişi xeylağının yuxuda özünün gənc bir qız uşağı ilə oturub-durduğunu görməsi gerçək həyatda hansısa bir işin icrası zamanı uğursuzluğa uğrayacağına işarədir. Belə ki, kimlərəsə verdiyi boş vədlər qayğılarını artıracaq və işlərini pozacaq.

Qızardılmış pendirli çörək tikələri (qrenki) — Yuxuda qızardılmış pendirli çörək tikələri yediyinizi və ya hazırladığınızı görmüsünüzsə, reallıqda fikir və hisslərinizi bütöv­lük­lə hiyləgər bir qadına yönəltmənizin nəticəsi olaraq, işləriniz dolaşığa düşə bilər. Qeyri-müəyyən fantaziyalar və barsız-bəh­rəsiz xəyallar qurmaqla, necə deyərlər, havalarda uçacaqsınız.

Qızçiçəyi (ya da çobanyastığı) — Yuxuda qızçiçəyi görmək məyusluğun əlamətidir. Lakin bu gözəl çiçəkləri yamyaşıl, günəş altında xumarlanan bir çəmən­likdə səpə­lənmiş görmüsünüzsə, həyatınız sağlamlıq, səadət və uğurla aşıb-daşacaq. Başqa bir fəsildə bitən qızçiçəyi görmək isə xoşagəlməz bir olaya işarə edə bilər.

Qızdırma, malyariya — Bu yuxu bəzən onu görənin iztirablı vəziyyətdə olduğunu bildirir. Qızdırma içində əziyyət çəkdiyinizi görmüsünüzsə, fiziki durumunuz bir qədər pisləşə bilər, işlərinizdəki qətiyyətsizlik isə sizi az qala ümidsiz vəziyyətə sala bilər. Başqalarının qızdırmadan əziyyət çəkdiyini görməniz isə ətrafdakıların əməllərinə qarşı təkəbbürlü etinasızlıq nümayiş etdirməklə, onları alçaltdığınızı bildirir.

Qızıl — Yuxuda əlinizdə qızıl tutduğunuzu görmüsünüzsə, istənilən bir işdə böyük uğurlara imza atacaqsınız. Qadın xeylağı yuxuda qızıl – qızıl pullar və ya zinət əşyaları hədiyyə aldığını görmüşsə, reallıqda zəngin, lakin tamahkar birisi ilə ailə quracaq. Qızıl tapmaq müsbət cəhətləriniz sayəsində nüfuza və var-dövlətə yiyələnəcəyinizə işarə edir. Yuxuda qızıl itirmisinizsə, reallıqda da səhlənkarlığınız üzündən həyatınızın ən böyük şansını itirə bilərsiniz. «Qızıl damarı» tutmağı bacardığınızı görməniz isə asan olmayan, lakin şərəfli bir işə cəlb olunacağınızdan xəbər verir. Yuxuda qızıl mədənlərində çalışmaq fikrində olduğunuzu görmüsünüzsə, deməli, qeyri-qanuni surətdə başqalarının hüquqlarını mənimsəməyə can atacaqsınız. Belə bir yuxu sizin üçün xəbərdarlıqdır: adınız ətrafında gəzib-dolaşan dedi-qodu rüsvay olmanıza gətirib çıxara bilər.

Qızıl balıq — Yuxuda qızıl balıq görmək çoxlu sayda uğurlu və ürəkaçan macə­ralardan xəbər verir. Gənc bir xanımın belə yuxu görməsi yaxın gələ­cəkdə zəngin və yaraşıqlı birisi ilə ailə quracağına işarə edir. Əgər gördüyü balıq yuxulu və ya ölüdürsə, qadını ağır sınaqlar gözləyir.

Qızılgüllər — Yuxuda gördüyünüz gül açmış və ətir saçan qızılgüllər xoşbəxt bir hadisənin və sadiq həyat yoldaşınızın olacağının müjdəçisidir. Gənc bir xanımın yuxuda qızılgül dərdiyini görməsi tezliklə ürəyinə yatan bir adamın ona evlilik təklifi edəcəyindən xəbər verir. Solmuş qızılgüllər sevgilinizin olmadığını bildirir. Yuxuda günəş işığı düşməyən, ləçəklərində şeh olmayan ağ qızılgüllər görmək ciddi bir xəstəliyin əlaməti ola bilər. Qızılgül ətrini qoxulamaq misilsiz sevinc əlaməti sayılır. Gənc bir xanım qucaqdolusu qızılgül tutduğunu və ya kollardan qucaq-qucaq qızılgül dərərək onlardan əsrarəngiz gül dəstələri düzəltdiyini görmüşsə, reallıqda son dərəcə böyük dəyər verdiyi insandan evlilik təklifi alacaq və misilsiz bir səadətə qovuşacaq. Yuxuda gülləri hələ tam açılmamış qızılgül kolu görmək maddi gəlirin müjdəçisidir. Qurumuş qızılgül kolu isə yaxınlardan birinin nasazlığına və ya digər kədərli hadisələrə işarə edə bilər. Al-qırmızı qızılgül kolu ailədə böyük arzuların həyata keçəcəyini simvolizə edir. Sevən bir xanımın yuxuda saçlarına qırmızı qızılgül qönçələri düzdüyünü görməsi aldadıla biləcəyinə dair xəbərdarlıqdır. Yuxuda yaz vaxtı bir dəstə qırmızı qızılgül hədiyyə almaq xoşbəxtlik, qış fəslində isə bihudə intizar əlaməti kimi yozulur.

Qobelen (divar xalçası) — Yuxuda bahalı qobelenlər görmək sizin çoxdandır arzuladığınız dəbdəbəli həyat üçün yarandığınıza işarədir. Əgər yuxuda gördüyünüz qobelenlər köhnəlmiş və ya cırılmış deyilsə, deməli, bütün arzularınızı tam mənasıyla həyata keçirməyə nail olacaqsınız. Gənc bir xanımın yuxuda çoxlu qobelenlər asılmış otaq görməsi reallıqda yaxın zamanda zəngin və tanınmış bir adamla ailə quracağından xəbər verir.

Qocalar — Yuxuda qoca adamlar görməniz mənəvi rahatlığınızı pozacaq qayğılardan xəbər verir.

Qoltuqağacı — Yuxuda qoltuqağacında yeridiyinizi görməniz uğura doğru yolda dostlarınızın dəstəyini axtararaq, daha çox başqalarına arxayın olacağınızı bildirir. Başqalarının qoltuqağacıyla gəz­diyini görmüsünüzsə, gördüyünüz işin yekunlarından narazı qalacaqsınız.

Qonq, sinc — Yuxuda sinc sədaları eşitmək yaxın gələcəkdə hansısa bir yaxınınıza dair nigarançılıq keçirəcəyinizə, yaxud da sizə əziz olan bir əşyanı itirəcəyinə işarədir.

Qonşular — Yuxuda qonşularınızı görməniz reallıqda dəyərli və səmərə gətirə biləcək vaxtınızı mənasız mübahisə və dedi-qodulara sərf etməyə meyilli olmanızın göstəricisidir. Qonşularınızı kədərli və ya qəzəbli görməniz isə yaxın ətrafınızda ehtimal olunan ciddi fikir ayrılığının əlamətidir.

Qorxu — Yuxuda kimdənsə və ya nədənsə qorxduğunuzu hiss etmişsi­nizsə, qarşıda məyusluq və pərtlik hissi ehtimal olunur. Başqasının qorxduğunu görməniz isə yaxınlarınızın qarşılaşacağı çətinliklər üzündən olduqca sarsılacağınıza işarə edir. Yuxuda hansısa bir işi və ya nəzərdə tutulan səfəri davam etməyə qorxdu­ğunuzu görməniz uğursuzluq əlaməti kimi yozulur. Bu, həmçinin yaxınlarınızdan birinin sizə yardım əli uzatmaqdan imtina edəcəyindən də xəbər verə bilər.

Qorxu, qorxmaq — Yuxuda qorxduğunuzu görmüsünüzsə, ehtiyatlı olun, xoşa­gəl­məz bir olay zamanı yaralana bilərsiniz. Başqalarının qorxduğunu gö­rmək kədərlənmə əlamətidir. Bu sayaq yuxular əksər hallarda əsəb gərginliyinin nəticəsi olaraq baş verir. Əgər həqiqətən də belədirsə, dərhal tədbirlər görməyə və əsəblərinizi müalicə etməyə çalışın. Belə yuxular adətən sinir sisteminin pozğunluğu hallarında baş verir. Halbuki bəzi hallarda belə yuxular gözlənilən bir həyəcanın xəbərdarlığı olaraq da qiymətləndirilir.

Qorxulu yuxu, qarabasma — Yuxuda qarabasma və ya mənfur pisliklərin sizi boğduğunu gör­məniz işlərdə uğursuzluq və mübahisələrdən xəbər verir. Gənc bir xanımın qarabasma görməsi ümidsizliyinə və layiq olmadığı laqeydliyə düçar olacağını bildirir. Belə yuxular həmçinin qadın üçün sağlamlığıyla qidasına ciddi nəzarət etməli olduğuna dair bir xəbərdarlıq ola bilər.

Qoşun, atlı qoşunu — Yuxuda atlı qoşun divizionu görmək şəxsi nailiyyətlərinizin və fərqlənmənizin müjdəçisidir. Hərçənd yüksəlişiniz yüngülvarı bir sensasiyayla də müşayiət ola bilər.

Qovaq ağacları — Yuxuda çiçəklənən qovaq ağacları görmək xoş əlamətdir. Gənc xanım yuxuda özünü sevgilisilə birlikdə çiçək açmış və ya çiçəklənən bir qovaq ağacının altında dayanmış görmüşsə, həyatının ən ümdə və ən qəribə arzularının reallaşacağı gözlənilir. Sevgilisi yaraşıqlı və alicənab biri olacaq, dostları hər zaman onu dəstəkləyəcək, sağlamlığı da heç bir narahatlıq törətməyəcək. Qurumuş və ya çiçəyi tökülmüş qovaq ağacları isə məyusluq əlamətidir.

Qovuq, şar, kisəcik — Yuxuda özünüzün sidik kisənizi görməniz, sağlamlığınıza və güc sərfiyyatınıza diqqətli yanaşmayacağınız təqdirdə, gələcəkdə böyük problemlərlə üzləşə biləcəyinizə dair xəbərdarlıqdır. Hava şarları dolduran və ya sabun qovuqlar buraxan uşaqlar görməniz isə rahatlıq, istirahət və dincliyə dair qurduğunuz xəyalların özünü doğrultmayacağına işarə edə bilər.

Qovulma, sürgün edilmə — Belə bir yuxunu görən adamı uğursuzluqlar zolağı gözləyir. Ölkədən qovulduğunuzu görmüsünüzsə, sağlamlığınıza diqqətli yanaşın. Uşağı qovmaq işgüzar partnyorların xəyanətinin müjdəçisidir. Belə bir yuxu ona əhəmiyyət verməyib bir xəbər­dar­lıq kimi qəbul etməyənlər üçün qədərlənmiş bir əlamət sayılır. Lakin qəribə də olsa, qadınlar üçün bu sayaq yuxular müsbət əlamət sayılır. Belə ki, sürgün və qovulma ilə bağlı yuxular onlara son dərəcə gözlənilməz və ürəkaçan görüşlərlə dolu bir səyahət vəd edir.

Qovun, yemiş — Yuxuda qovun görmək xəstəlik, həmçinin uğursuz və riskli təşəb­büslərin əlamətidir. Yemişi yemək düşünülməmiş addımlarınızın sizə narahatlıq gətirəcəyinə işarədir. Yemişləri bostanda bitən görmək isə hazırda yaşadığınız xoşagəlməz olayların gələcəkdə sizə uğur gəti­rəcəyindən xəbər verir.

Qoz — Yuxuda qoz görmək böyük sevinc və münbit şəraitdən xəbər verir. Çürümüş qoz sındırdığınızı görmüsünüzsə, ümidləriniz puça çıxa bilər. Gənc bir xanım əlində çirklənmiş qoz ləpələri tut­duğunu görmüşdürsə, deməli, sevgilisi öz diqqətini başqa birinə yönəldəcəkdir, o özü isə düşüncəsiz davranışından peşman olacaqdır.

Qoz ağacından hazırlanmış mebel — Yuxuda qoz ağacından hazırlanmış mebel və ya digər məişət əşyaları görməniz evinizdə bir müddətliyinə qarşılıqlı narazılıq yarana biləcəyindən xəbər verir.

Qu quşu — Suda səlis şəkildə üzən ağ qu quşu haqqında yuxu son dərəcə gözəl perspektivlərin və xoş təəssüratların əlamətidir. Təmiz suda üzən qara qu quşu görmək müəmmalı zövqlərdən, kef-səfadan, ölü qu quşu görmək isə peşmançılıqla darıxmadan xəbər verir.

Qucaq, ağuş — Yuxuda həyat yoldaşınızı sakit və ya kədərli şəkildə qucaqladığınızı görməniz ailədə çəkişmələrdən xəbər verir. Yaxınlarınızı, əzizlərinizi qucaqlamanız xəstəlik və ya mübahisələrin ehtimalını artırır. Sevən bir insanın sevgilisini qucaqlamağı da eyni cür yozulur. Yuxuda kimisə coşub-daşan sevinc hissilə qucaqladığınızı görməniz isə gözlənilən səadətin əlamətidir. Tanımadığınız adamı qucaqlamanız gözlənilməz qonaqların müjdəçisidir.

Ququ quşu — Yuxuda ququ quşu görməniz bəzi ümidlərinizin boşa çıxacağından və əhvalınızın korlanacağından xəbər verir. Buna səbəb dostlarınızdan birinin səhhətində yarana biləcək problemlər ola bilər. Ququ quşunun səsini eşitmək yaxın adamınızın xəstəliyi üzündən narahatlıq keçirəcəyinizi bildirir.

Qulaqlar — Yuxuda kiminsə qulaqlarını görmək xəbərdarlıqdır: sizə qarşı qərəzli münasibətdə olan bir kimsə sizi təhqir etmək üçün bəhanə axtararaq, hər bir mülahizənizi böyük diqqətlə dinləyir.

Qulluq etmə, qadınlara pərəstişkarlıq etmə — Qadın xeylağının yuxuda kiminsə ona pərəstişkarlıq etdiyini görməsi heç də xoş əlamət deyil. Bunu görə o, daim evlilik təklifi intizarında yaşayacaq, ümidsizlik isə qəlbində möhkəm oturacaq. Kişi xeylağının yuxuda kiməsə qulluq, pərəstişkarlıq etdiyini görməsi reallıqda heç bir namuslu qadına xoşbəxtlik bəxş etməyə layiq olmadığının göstəricisidir.

Qulluqçu (mehmanxanada) — Yuxuda qulluqçu bir qadını görmək uğursuzluq və kəskin mənfi dəyişikliklərdən xəbər verir. Kişi xeylağının yuxuda qulluqçuyla eşq macərası yaşadığını görməsi real həyatdakı ehtiyatsızlığı və ədəbsiz davranışı üzündən rişxənd və rüsvayçılığa uğraya biləcəyinə işarədir.

Qulyabanı, bədheybət — Yuxuda qorxunc bir qulyabanının sizi təqib etdiyini görməniz kə­dərlə çətinliklərin tezliklə həyatınıza daxil olacağına işarə edə bilər. Qulyabanını öldürdüyünüzü görməniz isə bütün düş­mənləriniz üzərində qələbə çalaraq, cəmiyyətdə yüksək bir məqama ucalacağınızdan xəbər verir.

Qum — Yuxuda görülən qum aclıq və itkilərin əlamətidir.

Qumarxana — İnsanın özünü qumarxanada oynayıb udan görməsi reallıqda ədəb­siz bir cəmiyyətə qoşulduğuna və başqalarının hesabına kef-səfa sürdüyünə işarə edir. Əgər oynayarkən udursunuzsa, haqsız və şərəfsiz davranışınızla yaxınlarınızdan birinin fəlakətinə səbəb ola biləcəyinizə dair bir xəbərdarlıqdır.

Qunduz, qunduz xəzi — Yuxuda qunduz görmək işdəki inadcıl səylərinizlə bir çox uğurlara imza atacağınızdan xəbər verir. Əgər yuxuda xəz əldə etmək məqsədilə qunduzu öldürürsünüzsə, bu, günahsız bir adama qarşı münasibətdə fırıldaqçılıqda və nalayiq davranışda günahlandırıla biləcəyinizə işarədir.

Quraqlıq — Bu sayaq yuxular daha çox həlli mümkün olmayan millət­lərarası münaqişələrdən və bunun nəticəsi olaraq dəhşətli qırğınlardan xəbər verən bədxah yuxulardır. Gəmi qəzaları və digər təbii fəlakətlərin ehtimalı böyükdür; belə bir yuxu, həmçinin çoxsaylı mübahisələr və ailələrin dağılmasına da işarə edə bilər. Eyni zamanda belə yuxuların ardınca xəstəliklər və maliyyə fəlakətləri də mümkündür. Ümumiyyətlə, bu sayaq yuxulardan sonra işlər nizamsız hala düşə bilər.

Qurbağalar — Yuxuda ovlanıb tutulmuş qurbağalar görmək sağlamlığınızın qeydinə qalmadığınızı bildirir ki, bu etinasızlığınız da yaxınlarınızı xeyli narahat edəcək. Otun içində qurbağalar görmək sadiq bir dostunuzun olacağından xəbər verir. Qadın xeylağının yuxuda çox böyük bir qurbağa görməsi tezliklə zəngin və dul, lakin qayğı və diqqətə ehtiyac duyan övladlarının olduğu bir adamla ailə quracağına işarə edir. Yuxuda qurbağa yemək reallıqda bəzi adamlarla ünsiyyətdən keçici bir sevinc və son dərəcə kiçik mənfəət əldə edəcəyinizi bildirir. Qurbağaları bataqlıq yerlərdə görmək dostlarınızın dəstəyilə mehribanlığının sayəsində qalib gələcəyiniz xoşagəlməz bir haldan xəbər verir. Yuxuda qurbağaların vaqqıltısını eşitmək isə dostlarınızı ziyarət üçün səfər çıxacağınızı, lakin bu səfərin sizə bir o qədər də sevinc bəxş etməyəcəyini bildirir.

Qurban — Yuxuda özünüzün hər hansı bir fitnə-fəsada qurban olduğunuzu görmüsünüzsə, düşmənlərinizin sizə üstün gəlməsi nəticə­sində ruh sarsıntısı keçirəcəksiniz. Ailə münasibətləriniz də gərginləşəcək. Yuxuda başqalarına qarşı hədə-qorxuyla zorakılığa yol verməniz reallıqda haram bir var-dövlətə yiyələnəcəyinizdən xəbər verir. Yolverilməz hərəkətlərinizlə yaxınlarınızı xəyal qırıqlığına uğradacaqsınız.

Qurd, soxulcan — Yuxuda qurd, soxulcan görməniz reallıqda namussuz adamların alçaq fitnə-fəsadından sarsılacağınızı bildirir. Gənc bir xanımın yuxuda qurdların onun üzərində süründüyünü görməsi isə məqsədlərilə ümidlərinin hər zaman yalnız maddiyyatla bağlı olacağına işarə edir. Qurdları öldürdüyünü və ya üzərindən çırpıb yerə saldığını görməsi isə reallıqda maddiyyat və əmlak mənafeləri aləminə letargik batmadan azad olaraq, mənəvi və əxlaqi dəyərlər aləmində yaşamağa meyillənəcəyindən xəbər verir. Qurdlardan balıq ovu üçün tələ yemi olaraq istifadə etdiyinizi gördüyünüz yuxu ixtiraçılıq qabiliyyətinizin sayəsində düşmənlərin səhvlərindən yararlanmağı bacaracağınızı müjdələ­yir. Bəzən qurd və soxulcanlarla bağlı yuxular insanı səhhətilə məşğul olmağa səsləyir.

Qurğuçun — Qurğuşun görmək istənilən bir işdə xoşagəlməz nəticələrə işarə edir. Qurğuşun mədənləri görməniz dostların sizin gəlir mənbələrinizə şübhəylə yanaşdığından xəbər verir. Sevdiyiniz xanımın səfeh xasiy­yəti sizi sarsıdacaq. Yuxuda qurğuşun mədəni görmək ehtiyac və uğursuzluq olaraq yozulur. İşlər də təhlükəli hal almağa başlayacaq. Qurğuşun axtardığınızı görməniz narazılığınızdan və iş yerinizin tez-tez dəyişiləcəyindən xəbər verir. Əridilmiş qurğuşun görməniz isə səbirsizliyinizin təkcə sizə yox, başqalarına da uğur gətirəcəyinə işarə edir.

Quru qurbağası — Yuxuda qurbağa görmək uğursuz macəralara işarədir. Qurbağanı görən xanımdırsa, reallıqda təmiz adı qalmaqallı surətdə ləkələnə bilər. Yuxuda qurbağanı öldürmək sərt bir qınaq obyek­tinə çevrilə biləcəyinizdən xəbər verir. Əlinizlə qurbağanı tutmusunuzsa, dostunuzun ölümündə günahkar ola bilərsiniz.

Quruyub-qalma, mat qalma — Yuxuda sizi bürüyən vahimə üzündən quruyub-qaldığınızı hiss etməniz nasazlıqdan və narahatedici hallardan xəbər verir.

Qusma, öyümə — Yuxuda qusduğunuzu görməniz reallıqda nasazlaya və ya gözlənil­mədən böyük bir qalmaqala sürüklənə biləcəyinizdən xəbər verir. Başqalarını həmin vəziyyətdə görməniz isə etibar etdiyiniz adamların qeyri-səmimiliyinin şahidi olacağınıza işarə edir. Qadın xeylağının yuxuda qusduğu zaman ağzından qanad açıb cəld havaya qalxan quş balalarının çıxdığını görməsi çoxdandır gözlədiyi sevincə nail ola bilməyəcəyindən xəbər verir. Bu yuxu, həmçinin işlərin uğursuzluğuna da işarə edə bilər. Qusuntu qanlı idisə, səhhətinizdən muğayat olun.

Quşlar — Yuxuda son dərəcə gözəl lələkləri olan quşlar görmək olduqca xoş əlamətdir. Qadın xeylağının belə yuxular görməsi yaxın gələcəkdə xoşbəxt bir ailə quracağının və ya yeni bir məhəbbət yaşa­yacağının əlamətidir. Yaralı quş görməniz övladınızın düşün­cəsiz davranışı üzündən kədərlənəcəyinizə işarə edə bilər. Səmada uçan quşlar yuxu sahibi üçün çiçəklənmə əlaməti sayılır. Belə ki, yaxın gələcəkdə baş verəcək ürəkaçan dəyişikliklər bütün xoşagəlməz məqamları aradan qaldıracaq. Quşu tutmaq da xoş əlamət hesab olunur. Quşların «söhbətləşdiyini» eşit­məniz reallıqda böyük mənimsəmə qabiliyyəti tələb edən bir işin öhdəsindən gəlməkdə çətinlik çəkəcəyinizə işarə edə bilər. Tüfənglə quş öldürmək isə faciə, qıtlıq və təbii fəlakət əlaməti hesab olunur.

Quyruq — Yuxuda hansısa bir heyvanın quyruğunu görməniz həyatınızın sevincinin arxada qaldığına işarə edir. Heyvanın quyruğunu kəsdiyinizi görməniz isə reallıqdakı ehtiyatlılığınız üzündən bəlaya düçar ola biləcəyinizə dair xəbərdarlıqdır. Yuxuda quyruğunuz olduğunu hiss etmişsinizsə, yaramaz davranışınız saysız-hesabsız sarsıntılara yol açacaq. Bu yuxu sizi əməlləriniz barədə düşünməyə və özünüzdə təmizləyici bir utanclıq hissini tərbiyə etməyə səsləyir.

Quyu, bulaq, çeşmə — Yuxuda quyudan su çəkdiyinizi görmüsünüzsə, reallıqda iqtidarınızdan sui-istifadə etdiyinizin nəticəsində yaranmış gərgin vəziyyətə tam gətirməniz çətin olacaq. Özgələrinin maraqlarını sizin iradənizə təsir etməsinə yol verməyin. Quyuya yıxıldığınızı görmüsünüzsə, sarsıdıcı bir ümidsizliyə uğramaq ehtimalınız böyükdür. Özünüz quyuya enmisinizsə, deməli, planlarınızla düşmənlərin bütün istəklərini gözlərində qoyacaqsınız. Boş quyu görməniz isə tanımadığınız kəslərə həddindən artıq etibar etdiyiniz halda tale sizə qarşı amansız yanaşa bilər. Quyudan suyun nasosla çəkildiyini görmək isə perspektivləri təkmilləşdirmək üçün yeni imkanların yaranacağından xəbər verir. Artezian quyusu görmək parlaq imkanlarınızın biliklər və əyləncə aləminə yol açacağını bildirir. Quyudan su çıxarmaq coşqun arzularınızın reallaşacağından xəbər verir. Quyudakı, bulaqdakı su təmiz deyildirsə, xoşagəlməz anlar yaşana bilər.

Qüllə — Əgər yuxuda qüllə görmüsünüzsə, deməli, həyatdan tələblə­riniz çoxdur. Yuxuda qülləyə ucaldığınızı görmək reallıqda böyük uğurlara imza atacağınızdan xəbər verir. Lakin əgər qüllədən enən kimi qüllənin dağıldığını görərsinizsə, bəzi məyusluqlar qaçılmaz ola bilər.

Qüsur, nöqsan, eyib — Yuxuda hansısa bir nöqsanınızın olduğunu, çirkin əməllər etdiyinizi görməniz bədxah inandırmaların təsiri altına düşsəniz, nüfuzunuzu təhlükə altına salacağınıza dair bir xəbərdarlıqdır. Başqalarının çirkin işlərlə məşğul olduğunu görməniz isə taleyin yaxın adamlarınızın arzu-diləklərilə bir qədər ədalətsiz davranacağının əlaməti ola bilər.

Qvineya donuzu — Yuxuda Qvineya donuzu görməniz reallıqda düşmənlərinizin sizin işgüzar maraqlarınızı sıxışdırmaq niyyətinə düşəcəyini, buna səbəbin isə sizin başqalarında özünüzə dair maraq və diqqət yaratmağı bacarmadığınızı bildirir.

Labirint — Yuxuda özünüzü labirintdə görməniz reallıqda maliyyə işləri­nizdə yaranacaq qəliz və dolaşıq vəziyyət üzündən tələyə düşəcəyinizdən xəbər verir. Həyat yoldaşınız evdə dözülməz bir şərait yaradacaq, övladlarınız isə xasiyyətlərinin ən yaramaz xüsusiyyətlərini nümayiş etdirəcək. Gecə vaxtı və ya qaranlıqda labirintdə dolaşdığınızı gör­mü­sünüzsə, xəstəlik və dilxorluq tez keçəcək. Üzüm şanılarıyla ağaclarından ibarət labirint görmək gözlənilməz bir olayın itki və məyusluqlara yol açacağına işarə edir. Dəmir yollarının labirinti isə uzun və darıxdırıcı bir səfərdən xəbər verir. Lakin rastlaşacağınız maraqlı insanlar və olaylar bu səfərə yeni çalarlar qatmaqla, onun cansıxıcı olmasının qarşısını alacaq.

Lal — Yuxuda lal adamla söhbət etmək bir sıra son dərəcə qeyri-adi olayların gözləndiyindən xəbər verir. Məhz bu olayların nəticəsində siz cəmiyyətdə layiq olduğunuz məqama sahib olacaqsınız. Özünüzün lal olduğunuzu görməniz qanqaraldıcı və ədalətsiz təqib əlamətidir. Belə bir yuxu, həmçinin fikirlərinizlə zidd fikirdə olanlarla ünsiyyətdə maneələr törədə biləcək ifrat boşboğazlıqdan ehtiyat etmənizə dair bir xəbərdarlıq da ola bilər.

Lalələr — Yuxuda görülən lalələr cəzbedici zövq-səfa və ürəkaçan əyləncələr müjdəçisidir, lakin bütün bunlar müvəqqəti və davamsız olacaqdır. Lalənin ətrini qoxuladığınızı görmüsünüzsə, ehtiyatlı olun, reallıqda yalançı vədlərə və riyakarlığa uğraya bilərsiniz (Lalənin hipnotik təsiri sizi bütün maddi aləmi geridə qoyan əsrarəngiz, anlaşılmaz bir aləmə daxil edəcək. Eyni zamanda bizim mənəviyyatımız, ruhumuz bütün bu həqiqətləri adi bir yuxuda olduğu kimi araşdırır, lakin bu sayaq yuxular yatan adamın maddi substansiyasının həqiqi xəbərdarlığını ifadə edə bilməz, çünki onlar qeyri-təbii və məcburi yuxulardır).

Lampa — Yuxuda içi dolu neft lampası görmək işgüzar aktivlik mərhə­ləsinin başlandığından və bunun nəticəsi olaraq arzularınızın reallaşacağından xəbər verir. Boş lampa depressiya ilə məyusluq əlamətidir. Düz və təmiz bir alovla yanan lampa görmüsünüzsə, layiq olduğunuz uğurla səadətə yetişəcəksiniz. Lampadakı alov bulanıqdırsa, aydın deyilsə, qısqanclığınızla paxıllığınız bir şübhəyə sirayət edərək, bəlalarınızın əsl səbəbkarını bəlli edəcək. Yanan lampanın yerə düşdüyünü görmək ümidlərinizlə planlarınızı gözlənilmədən sarsılacağına işarə edir. Lampanın partladığını görmüsünüzsə, saxta dostlarınızla düşmənləriniz sizin maraqlarınıza ziyan vurmaq məqsədilə birləşəcəklər. Sınmış lampa hansısa dostunuzun sağlamlığında yaranacaq problemlərdən xəbər verir. Lampa işığı görmüsünüzsə, işlərinizi elə tənzimləyəcəksiniz ki, tezliklə maddi durumunuz xeyli yaxşılaşacaq.

Əlinizdə lampa apardığınızı görməniz şəxsi qənaətlərinizə arxalanaraq, müstəqil və qətiyyətli olacağınızın əlamətidir. Yuxuda lampa işığının sönməsi xoş əlamət deyil. Qorxaraq lampanı pəncərədən aşağı atdığınızı görmüsünüzsə, düşmənləriniz saxta dostluq və maraqlarınıza yalançı maraq nümayiş etdirməklə, sizi tələyə salmağa çalışacaq. Paltarınızın lampa alovundan alışıb yandığını görməniz isə zahirən simpatiyayla rəğbət nümayiş etdirən insanlar tərəfindən alçaldılmış olacağınızdan xəbər verir.

Lent — Kiminsə geyimindən sallanan çoxlu sayda lent görmüsünüzsə, şən və xoşagələn dostlar sizi əhatə edəcək və məişət qayğılarından bir müddətliyinə də olsa uzaqlaşacaqsınız. Gənc bir xanımın özünə lentlərlə bəzək-düzək vurduğunu görməsi tezliklə evlilik təklifi alacağından, eyni zamanda, yelbeyinliyi üzündən səhvlərə yol verə biləcə­yindən xəbər verir. Paltarlarının lentlərlə bəzədilmiş başqa gənc qızlar görməsi isə gələcək həyat yoldaşına göz dikən rəqiblərinin meydana çıxacağına işarə edir. Gənc qızın yuxuda lent alması həyatın yüngül və xoşagələn olacağının müjdəçisidir. Lentlərdən narazı olduğunu və buna görə əsəbiləşdiyini görmüşsə, tezliklə yaxın rəfiqələri arasında özünə bir rəqib aşkar edəcəyi gözlənilir.

Leysan — Yuxuda leysan görmüsünüzsə, tezliklə həyəcan keçirməniz ehtimal olunur.

Ləkə, xal — Yuxuda əllərinizdə və paltarınızda çoxlu ləkələr görməniz reallıqda gərəkli ehtiyat göstərməsəniz, aldadıla biləcəyinizə dair xəbərdarlıqdır.

Lələk (quş lələyi) — Yuxuda ətrafınıza səpələnən lələklər görməniz reallıqda gözləni­lən çətinliklərin ötəri və asan aradan qalxacaq olduğun­dan xəbər verir. Qartal lələkləri bütün arzularınızın həyata keçəcəyinin müjdəçisidir. Toyuq lələkləri isə yüngülvarı dilxorluğa işarə edə bilər. Yuxuda toyuq və ya qaz lələkləri almaq və ya satmaq çiçəklənmə və səadət əlamətidir. Qara lələklər çətinliklər və uğursuz məhəbbət deməkdir. Qadın xeylağının gözəl, yumşaq dəvəquşu və ya digər quş lələkləri görməsi kifayət qədər müəmmalı vasitələrlə də olsa, cəmiyyətdə uğurlu bir mövqe tutacağından xəbər verir. Bu vasitələrdən istifadə etməsi ətrafdakıların ona qarşı qərəzli yanaşacağına səbəb olacaq. Ədəbi nəsrə meyilli olan insanların yuxuda lələk görməsi uğurun müjdəçisidir. Yuxuda gördüyünüz lələklər dekorativ təyinatlıdırsa, deməli, həyatın coşqun bir zolağının astanasındasınız və mükafat gözləməyə layiqsiniz.

Lətifə — Yuxuda kiməsə lətifə söylədiyinizi görməniz həqiqətdə kef-əyləncə əhli olduğunuzdan və işlərinizin də özünüz kimi mütə­rəddid inkişaf edəcəyindən xəbər verir. Gənc bir xanım üçün yuxuda lətifə dinlədiyini görmək əyləncə axtaran adamların əhatəsinə düşəcəyinə işarədir.

Lift — Yuxuda liftlə yuxarı qalxdığınızı görməniz reallıqda tezliklə yüksək nüfuza və var-dövlətə sahiblənəcəyinizdən xəbər verir. Liftlə aşağı endiyinizi görməniz isə uğursuzluqların sizi sarsıda biləcəyinə işarə edir. Aşağı enən liftdən çıxdığınızı görmü­sünüzsə, hansısa bir dolaşıq işdə yaranacaq problemlərdən zorla yaxa qurtarmağı bacaracaqsınız. Dayanmış lift görmək hansısa bir təhlükə əlamətidir.

Liman, liman şəhəri — Yuxuda hansısa bir liman şəhərinə gəlib çıxdığınızı görmü­sünüz­sə, yaxın gələcəkdə səyahətlər və yeni-yeni ixtiralar imkanı əldə edəcək­siniz. Lakin bəzi adamların bu işdə sizə əngəllər törətmək niyyətini də nəzərdən qaçırmayın.

Limon — Yuxuda gur yarpaqları olan limon ağacına tamaşa etməniz sevdiyiniz insana qarşı qısqanclıq hiss edəcəyinizdən xəbər verir. Lakin mövcud olan sübutlar sizi qınaqlarınızın əsassız olduğuna inandırmalıdır. Limon yemək məyusluq və qanqaraldıcı əlamətdir. Yaşıl limon infeksion və ya digər bir xəstəliyə işarə edir. Qurumuş limon görmək isə evli adamlar üçün boşanma, məşuqlar üçün isə münasibətlərinin bitəcəyi əlamətidir.

Limonad — Yuxuda limonad içdiyinizi görməniz başqalarının rifahı üçün maliy­yə vəsaitlərinin artırılması məqsədilə qurduğunuz planları mü­dafiə edəcəyinizdən və bütün bunları şəxsi məsrəfləriniz hesabına həyata keçirəcəyinizdən xəbər verir.

Lombard — Yuxuda lombarda girdiyinizi görmüsünüzsə, reallıqda mə­yus­luq və itkilər ehtimal olunur. Lombarda girov qoyduğunuzu görməniz arvadınız və ya sevgilinizlə xoşagəlməz anlar yaşayacağınıza və bəzi işlərdə məyusluğa işarə edir. Gənc bir xanımın yuxuda lombarda getdiyini görməsi gerçək həyatda düşüncəsiz bir hərəkətilə qınaq obyektinə çevriləcəyindən xəbər verir. Ola bilər ki, dostunu itirəcəyindən sarsılacaq. Lombarda girov qoyduqlarınızı pul verib geri aldığınızı görməniz itirdiyiniz mövqeləri geriyə qaytarmağı bacaracağınızı bildirir. Dayanıb lombarda baxdığınızı görmüsünüzsə, sizə olan etimada məhəl qoymamaqla təhlükəyə məruz qala, xoşagəlməz işlərə imza atmaqla təmiz adınızı qurban verə bilərsiniz.

Lotereya — Yuxuda lotereya və ona böyük maraq göstərdiyinizi görməniz reallıqda gərəksiz bir təşəbbüsə başlayacağınızdan və bu işin nəticədə maraqlı, ürəkaçan bir səfərlə bitəcəyindən xəbər verir. Uğurlu lotereya bileti görməniz isə birjada qalib gələcəyinizi, lakin bu qalibiyyətin sizi çaşdıracağını və bir çox narahatlıqlar gətirəcəyini bildirir. Başqalarının qalib gəldiyini görmüsünüzsə, yaxın gələcəkdə şən və maraqlı insanlarla xoş anlar keçirəcək və əyləncələrə qatılacaqsınız. Yuxuda lotereyada uduzduğunuzu görməniz hiyləgər şəxslərin qurbanına çevrilə biləcəyinizdən və depressiyaya uğrayacağınızdan xəbər verir. Gənc bir xanımın yuxuda lotereyanın istənilən növünü görməsi reallıqda işləri yelbeyinliklə aparmasının məyusluq doğuracağına, ərinin isə vəfasız olacağına işarə edir. Ümumiyyətlə, yuxuda lotereya görmək aldadılma, kələk və tələyə düşmək ehtimalının əla­mətidir. Gənc xanımlar üçün belə bir yuxu ümidlərinin əbəs olduğuna işarə edir.

Lovğalıq — Yuxuda lovğalıq eşitməniz reallıqda dostlarınıza narahatlıq gətirə­cək hansısa impulsiv bir hərəkətinizdən dolayı səmimi peşmanlıq çəkəcəyinizdən xəbər verir. Rəqibiniz qarşısında istənilən bir mövzuda lovğalıq etdiyinizi görməniz ədalətsizliyə və bu rəqabətdə qələbə çalmaq üçün şərəfsiz üsullara belə əl atmağa qadir olduğunuzun göstəricisidir.

Lövbər — Yuxuda dinc bir dənizdə lövbər görmək dənizçilər üçün xoş əlamət­dir. Başqaları üçün isə bu yuxu dostlarla ayrılığa, yaşayış yerinin dəyişiləcəyinə və xarici səfərə işarə edir. Sevgililərdən biri yuxuda lövbər görərsə, yaxın gələcəkdə mübahisə edəcəkləri ehtimal olunur.

Lunatik. Somnambul (yuxuda gəzən adam) — Yuxuda özünüzün lunatik olduğunuzu görmüsünüzsə, gerçək həyat­da qeyri-ixtiyari surətdə gələcəkdə sizə çoxlu sayda qayğı gətirə­cək və ya iflasa uğrayacaq bir sövdələşməyə razılıq verəcəyiniz ehtimal olunur.

Lupa (böyüdücü şüşə) — Yuxuda lupadan nəyəsə baxmaq hansısa bir işin tamamlanması məsələsində uğursuzluqdan xəbər verir: belə ki, tezliklə həmin işi lazımi səviyyədə icra etmədiyini öyrənəcək. Qadın xeylağının yuxuda özünü əlində lupa ilə görməsi əvvəllər ona əhəmiyyət verməyən birinin diqqətini qazanacağından xəbər verir.

Mağara — Yuxuda əsrarəngiz Ay işığında qarşınızda açılan bir mağara görməniz reallıqdakı düşmənlərin törədəcəyi maneələrdən dolayı uğurlarınızın səthi olacağı gözlənilir. Həmçinin sağlamlığınız üçün də təhlükə yarana bilər. Özünüzü mağaranın içində görməniz dəyişikliklərə işarə edir. Bu dəyişikliklər sizə əziz olanlardan bir müddətliyinə uzaqlaşmaq məcburiyyətində qalmanız da ola bilər. Gənc bir xanımın sevgilisi və ya dostuyla mağarada oturduğunu görməsi reallıqda yaramaz birinə aşiq olacağı və əsl dostlarını itirəcəyi ilə təhlükəlidir.

Mağaza — Yuxuda cürbəcür mallarla dolu bir mağaza görmək uğur və çiçəklən­mənin müjdəçilərindəndir. Mağazanı boş görmüşsünüzsə, nəyisə əldə etmək uğrunda sərf etdiyiniz səyləriniz səmərəsiz olacaq, mübahisə ehtimalı da böyükdür. Sizə məxsus olan şəxsi mağazanızın yandığını görmüsünüzsə, deməli, işlərə ikiqat bir enerji ilə qoşulacaqsınız, bundan əlavə, sizi ürəkaçan bir yenilik də gözləyir. Yuxuda özünüzü univermaqda görməniz isə reallıqda bir çox gəlir mənbələrinin sizə sevinc bəxş edəcəyindən xəbər verir. Yuxuda univermaqların birindən alver edirsinizsə, şəxsi enerjinizlə dostların dəstəyi sayəsində işləriniz sürətlə irəliləyəcək. Hansısa bir qadın üçün çirkli, iplik paçadan hazırlanmış bozumtul rəngli əlcək aldığınızı görmüsünüzsə, qadınlara qarşı münasibətiniz sizi dalana gətirib çıxaracaq. Eyni tərkibli yuxunu qadın xeylağının görməsi sevgilisinin onun barədə bir o qədər də yüksək fikirdə olmayacağını bildirir. Özünüzü baqqal mağazasının geniş və təmiz zalında görməniz tənzimlənmiş, rahat bir həyat yaşayacağınıza işarə edir.

Mahmız — Yuxuda mahmız gəzdirdiyinizi görməniz reallıqda xoşagəlməz bir mübahisədə iştirak etmək məcburiyyətində qalacağınıza işarə edir. Başqalarının mahmız daşıdığını görməniz isə kiminsə düşmənçiliyinin sizə kədər gətirəcəyini bildirir.

Mahnılar, yumoristik nəğmələr — Yuxuda yumoristik mahnılar dinlədiyinizi görməniz işlərinizi irəli­lət­mək imkanına etinasız yanaşaraq, ürəyinizcə olan bir mühitdə şən əyləncələrdən zövq alacağınızdan xəbər verir. Özünüzün belə mahnılar oxuduğunuzu görməniz isə böyük əyləncə­lərdən sonra aradan qaldırmalı olacağınız bəzi çətinliklərin yaranacağına işarə edir.

Maqnit (ahənrüba) — Yuxuda maqnit görməniz bədxah bir təsirin sizi haqq yolundan azdıra biləcəyindən xəbər verir. Hansısa bir qadının sizi öz tələsinə salmağı sizin üçün nəhs ola bilər. Qadın xeylağı üçün belə bir yuxu zənginlik və qayğılardan qurtuluş vəd edir.

Mal əti — Yuxuda çiy və qanlı mal əti görmək əksər hallarda ağır xəstəliyə işa­rədir. Yıxılmalar, kəsiklər və digər zədələr ehtimalı var. Yox, əgər yuxuda yaxşı bişmiş və gözəl hazırlanmış ət yediyinizi gör­müsünüzsə, deməli, gerçək həyatda kimsə sizə səxavətli bir dəstək göstərəcəkdir. Bu sayaq yuxu həmçinin yaxınla­rınızla mehriban münasibətlərdən və işlərin uğurlu məcrada inkişaf edəcəyindən xəbər verir. Xüsusilə də özünüzü ürəkaçan bir mühitdə gözəl bəzənmiş masa arxasında oturmuş görmüsünüzsə. Bu sayaq yuxuların digər formalarında isə mümkün xoşagəlməzliklər barədə xəbərdarlıqlar dolaşır.

Mala, suvaq — Yuxuda hamar malalanmış divarlara heyranlıqla baxmaq təəssüf ki, bir o qədər də davamlı olmayan uğurun əlamətidir. Ovxalanaraq üstünüzə tökülən suvaq görməniz isə kədər və dilxorluğa işarə edə bilər.

Mal-qara — uxuda yaşıl otlaqlarda sakitcə otlayan gözəl və sağlam mal-qara görməniz ürəyinizcə olan bir həyat yoldaşıyla bölüşəcəyiniz çiçəklənmə və səadət əlamətidir. Çirkli, arıq-cılız mal-qara görmüsünüzsə, gücünüzü lazım olmayan istiqamətə yönəltdiyiniz və işinizi sevmədiyiniz üçün ömrünüz ağır əmək içində keçəcək. Belə bir yuxudan sonra zərərli vərdişlərinizi dəyişmək barədə ciddi düşünməlisiniz. Vahimə içində qaçan mal-qara görməniz isə karyeranızın alt-üst olmaması üçün maksimum səylərinizi sərf etməli olduğunuzu bildirir. Bir sürü inəyin sağıldığını görməniz reallıqda bir çoxlarının iddia etdiyi bir əmlakın bəxtəvər sahibi olacağınızdan xəbər verir. Gənc bir xanıma bu yuxu sevgisinin seçimindən asılı olmayacağını bildirir. Yelini dolu olan bir inəyin sağılmasını görmək isə böyük bir uğurun əlamətidir.

Anasını əmən bir buzov görməniz isə reallıqda qarşılıq göstərməyə tələsmədiyiniz üzündən sevgilinizi və ya işlərinizə etinasız yanaşmanız üzündən əmlakınızı itirmək astanasında olduğunuzdan xəbər verir. Çoxlu buzov görməniz cəmiyyətin sevimlisinə çevriləcəyinizin və sadiq birinin qəlbini fəth edəcəyinizin müj­dəçisidir. Kommersiya işlərində bu yuxu gəlir, mənfəət, aşiq olmuş birisi üçün isə son dərəcə dəyərləndirdiyi bir bağlılıq vəd edir. Yuxuda gördüyünüz buzovlar yetərincə sağlam və xoşagələn deyildisə, yaxın gələcəkdə uğura ümid olmayın. Bundan da əlavə, can atdıqlarınıza yetişməniz zənn etdiyinizdən çətin olacaq. Uzunbuynuzlu qara və çirkli mal-qara düşmənlərin təcəssümüdür.

Mamaça — Yuxuda mamaça həkimi görmək az qala faciəvi sonluqla nəticələnə bilən ağır xəstəliyin işarəsidir. Gənc bir qadının yuxusuna gəlmiş mamaça iztirab və fəlakətdən xəbər verir.

Mamalıqa (qarğıdalış aşı), xırdalanmış qarğıdalı — Yuxuda qarğıdalı aşı görmək həyatınızı qarşıda qoyulmuş məqsəd­lərlə çərçivələyən qayğılardan bir müddətliyinə ayıracaq ürəkaçan bir hadisədən xəbər verir.

Mamır — Yuxuda mamır görməniz reallıqda özünüzü kimdənsə asılı vəziy­yətdə hiss edə biləcəyinizə işarə edir. Əgər gördüyünüz mamır münbit, məhsuldar bir torpaqda bitirsə, şan-şöhrət və ehtiramla əhatə olunacaqsınız.

Maneə, əngəl, çətinlik — İstənilən bir maneə ilə bağlı yuxular müvəqqəti çətinliklərin əlamətidir. Lakin bu çətinlikləri aradan qaldırdıqdan sonra böyük bir sərvətə sahib olacaqsınız. Qadın xeylağı üçün qarşıdakı məqsəd uğrunda rastlaşdığı istənilən bir maneə ilə əlaqədar yuxular reallıqda nasazlığa və ya bədxahların fitnə-fəsadına uğraya biləcəyinə işarə edir. Sevgililər üçün isə, əksinə, bu yuxu qəlblərin harmoniyasını ifadə edir.

Maral — Yuxuda maral görmək uğurlu əlamətdir. Bu yuxu gənc adamlara dərin bir dostluq, ailəli şəxslərə isə sabit və mehriban bir həyat vəd edir. Maralı öldürdüyünüzü görməniz reallıqdakı düşmənlərin təqibinə məruz qalacağınızı bildirir. Fermerlər və işgüzar adamlar üçün yuxuda görülən maral ovu nəzərdə tutulan işlərdə uğursuzluğa işarə edir. Maral balası görməniz reallıqda tezliklə etibarlı və ədalətli dostlar qazanacağınızdan xəbər verir. Gənc adamlara bu yuxu təmiz və sadiq bir hissdən bəhs edir.

Marionet — Yuxuda marionet görməniz tənbəlliyinizlə bayağı əyləncələrə meyilli olmanız bütün fikirlərinizi məşğul edərək, sizi ciddi və məqsədyönlü əməllərdən çəkindirəcəyini bildirir.

Marmelad — Yuxuda marmelad yediyinizi görməniz nasazlıq və taleyiniz­dən narazı olduğunuzu bildirir. Gənc bir xanım yuxuda marmelad hazırladığını görmüşsə, evindəki ab-hava o qədər də ürəkaçan olmayacaq.

Mars — Yuxuda Mars planetini görməniz dostlarınızın sizə qarşı kobud rəftarından dolayı ümidsizliyə qapılacağınızdan xəbər verir. Düşmənlər də sizi incitməyə və iflasa uğratmağa çalışacaq. Əgər yuxuda Mars planetinə doğru irəlilədiyinizi görmüsünüzsə, müdriklikdə və sabit həyati mövqedə dost-tanışı qabaqlamaqla, insanları daha yaxşı tanımaq və düzgün mühakimə yürütmək qabiliyyətinə yiyələnəcəksiniz.

Marş — Yuxuda musiqi sədaları altında yürüş edən adamlar görmək sizin əsgər və ya dövlət qulluqçusu olmaq niyyətinizdən xəbər verir. Qadının yürüş edən kişilərə tamaşa etməsi onun yaxın gələcəkdə ictimai qulluqda olan bir kişiyə meyillənəcəyinin əlamətidir. Ehtiyatlı olmalıdır, yeni mübtəlalığı onun nüfuzunu ləkələmək iqtidarındadır.

Maska — Yuxuda özünüzü maskada görməniz müvəqqəti çətinliklərə işarə ola bilər. Sizin üçün əziz olan birinə münasibətiniz və ona yardım etmək cəhdiniz onun tərəfindən səhv dəyərləndirilə bilər. Lakin bu sınaqdan başucalığı ilə keçməyi bacaracaqsınız və bu nailiyyətiniz sizin xeyrinizə olacaq. Başqalarının üzündə maska görmüsünüzsə, saxtakarlıq və paxıllıqla mübarizə etməli olacaqsınız. Diqqətlə maskaya baxmaq kiminsə xəyanəti üzündən işlərinizin axsaya biləcəyinin ehtimalıdır. Gənc bir xanımın yuxuda özünün maska taxdığını görməsi reallıqda ona qarşı dost mövqeyində olan birini aldatmağa cəhd etmək niyyətində olduğunu bildirir. Özünün və ya başqalarının üzlərindən maskanı çıxardıqlarını görməsi isə ətrafdakıların ona qarşı heyranlıqla yanaşmasını əldə etmək cəhdlərində uğursuzluğa uğrayacağından xəbər verir. Belə bir yuxu onu təvazökarlığa və özünə qarşı daha tənqidi yanaşmaya səsləyir.

Masa, stol — Yuxuda üstü dolu yeməklər olan masa görməniz yaxın gələcəkdə xoşagələn tanışlıqların və ürəkaçan hadisələrin müj­də­çisidir. Boş stollar mübahisə və çəkişmələrin əlamətidir. Stolun üstünü yığışdırdığınızı görməniz dincliklə sevincin narahatlıq və etinasızlıqla əvəz oluna biləcəyinə dair xəbərdarlıqdır. Yuxuda süfrə sərilməmiş bir masa arxasında yemək yediyinizi görmüşsünüzsə, tezliklə elə bir müstəqilliyə nail olacaqsınız ki, başqalarının çiçəklənməsi belə sizi qətiyyən narahat etməyəcək. Yuxunuzdakı masanın qəribə şəkildə öz-özünə hərəkət etdiyinizi görməniz isə həyatınızdan dərin narazılıq hiss edərək, də­yişikliklər axtarışına düşəcəyinizi bildirir. Süfrəyə sərilmiş süf­rənin cırıq olması ailədə çəkişmələrə işarə edir. Sınıq stol tənəzzül və xoşagəlməz dəyişikliklərin əlamətidir. Yuxuda kiminsə stolu taqqıldatdığını eşitmişsinizsə, yaxın zamanda dost­­ları­nıza qarşı münasibətiniz dəyişiləcək və taleyiniz təhlükə qarşısında qalacaq. Bu yuxu dostlarınıza və yaxınlarınıza qarşı laqeydli­yinizi bir kənara qoymayacağınız təqdirdə, çox şeyləri itirə biləcəyinizə dair xəbərdarlıq kimi də yozulur. Öz yazı masanızın arxasında əyləşdiyinizi gördüyünüz yuxu sizi daha ehtiyatlı və diqqətli olmağa səsləyir. Masanızın üzərində pul görməniz isə qarşınıza çıxan bütün çətinliklərin öhdəsindən gəlməyi bacaracağınızdan xəbər verir.

Maskarad — Yuxuda özünüzü maskaradda görməniz reallıqda yelbeyin və zərərli əyləncələrə uyaraq, işlərinizə və ailə məsələlərinizə etinasızlıq göstərəcəyinizi bildirir. Gənc bir xanımın yuxuda özünün maskarada iştirak etdiyini görməsi onun aldadıla biləcəyindən xəbər verir.

Maşın — Yuxuda maşınlar görməniz reallıqda xeyli narahatlığınıza yol açacaq, lakin bununla belə, sizin üçün son dərəcə uğurlu yekunlaşacaq və layihəyə imza atacağınızdan xəbər verir. Köhnə maşın gör­məniz düşmənlərinizin rifahınızı yaxşılaşdırmaq cəhdlərində sizə mane­ələr törətmək niyyətində olduğunu bildirir. Çalışan bir maşının məngənəsinə düşdüyünüzü görmüsünüzsə, biznesdə itkilərdən ehtiyatlanın, alacağınız xəbərlər də ürəkaçan olmaya bilər. Bu sayaq yuxu, ümumilikdə, uğursuz sazişlərdən dolayı yaşanıla biləcək itkilərin əlamətidir. Ümumiyyətlə, yuxuda çalışan bir mexanizm görmək bir çox təşəbbüslərdə yaranacaq çətinliklərdən, eyni zamanda dostların dəstə­yindən xəbər verir. Yuxuda yanğınsöndürən maşın görmək isə müstəsna bir vəziy­yətlə bağlı narahatlığa və həyəcana işarə edir. Gənc bir xanım yuxuda yüksək sürətlə yanğınsöndürən maşında getdiyini görmüşsə, reallıqda hansısa xoşagəlməz işə cəlb olunmaması üçün son dərəcə ehtiyatlı olması məsləhətdir.

Maşın, nəqliyyat vasitəsinin idarəolunması — Yuxuda nəqliyyat vasitəsi idarə etdiyinizi görməniz bəzi­lə­rinin mənasız və ağılsız hesab etdiyi davranışınızın haqsızcasına qına­nılacağın­dan xəbər verir. İctimai nəqliyyat idarə etmək alçaldıcı və sə­mərəsiz bir əməyin əlamətidir. Qatar idarə etdiyinizi görməniz məhdud vəziyyətin uzun müddət sizi yoxsulluq məngənəsində sıxa­ca­ğından xəbər verir. Qatarı başqası idarə etdiyi zaman özünüzü sürücü kabinəsində görmüşsünüzsə, reallıqda bütün bilik və qabiliy­yətlərinizdən yararlanaq, çətin vəziyyətdən çıxmağı bacaracaqsınız. Kişi xeylağı üçün bu yuxu qadınlarla münasibətlərdə qeyd-şərtsiz uğur, qadınlar üçün isə pərəstişkarlarla münasibətdə özünəəminlik əlaməti olaraq yozulur.

Matəm — Yuxuda özünüzü matəm içində görməniz xəstəlik və ya kədərə işarə edə bilər. Başqalarını matəm içində görməniz isə reallıqda kimlərinsə uğursuzluqlarında təqsirkar bilindiyinizi iddia edən ağlasığmaz şayiələrin meydana çıxacağına dair xəbərdarlıqdır. Sevgililər üçün bu yuxu anlaşılmazlıq və hətta ayrılıq əlaməti olaraq yozula bilər.

Mayak (dəniz fənəri) — Dənizçi üçün yuxuda mayak görməsi sakit dəniz və uğurlu səyahətin müjdəçisidir. Dərdli, problemli və gənc adamlar üçün yuxuda görülmüş mayak isti və sarsılmaz bağlılıqların əlamətidir. Xəstələrin belə bir yuxu görməsi tezliklə nicat tapacaqlarından və sağlamlıqlarının bərpa olunacağından xəbər verir. Biznes yeni bir təkan alacaq. Fırtına zamanı işaran mayak görməniz artıq işlərin yoluna düşməyə başladığını zənn etdiyiniz bir anda xoşagəlməz dəyişikliklərlə üzləşmə ehtimalını bildirir. Lakin əsasən belə bir yuxu uğursuz günlərin xoş və sevincli günlərlə əvəzlənəcəyinə işarə edir. Dalğasız, dinc bir dənizdə mayak görmək isə ailə səadəti və tam əmin-amanlıq əlamətidir.

Maz (məlhəm) — Yuxuda maz görməniz özünüz üçün ən əlverişsiz şəraitdə belə qələbə çalacağınızdan, düşmənlərinizlə dil tapıb, dost olacağınızdan xəbər verir. Maz yeni, möhkəm bir dostluğun müjdəçisidir. Gənc bir xanım yuxuda mazdan istifadə etdiyini görmüşsə, yaxın gələcəkdə şəxsi işinə bacarıqlı rəhbərlik etməyə nail olacaq.

Medalyon — Gənc bir xanımın sevgilisinin yuxuda onun boynuna medalyon taxmasını görməsi yaxın gələcəkdə uğurlu təkliflər alaca­ğından, xoşbəxt bir ailə quracağından və gözəl övladlara sahib­lənəcəyindən xəbər verir. Yuxuda medalyonu itirdiyini görmüşsə, xoşagəlməz bir xəbər ala bilər. Kişi xeylağı sevdiyi xanıma bağışladığı medalyonu geri aldığını görmüşsə, məyusluq ola bilər: reallıqda sevdiyi qadın nəzakətsiz, ədəbsiz davranışıyla onu kədərləndirəcək. Xanım yuxuda medalyonunu sındırdığını görərsə, onun yelbeyin, zəif iradəli, həm işgüzar sahədə, həm də sevgidə xəyanətkar olan bir insanla ailə qurmaq ehtimalı artır.

Mehmanxana — Yuxuda geniş və gözəl dekorasiya olunmuş mehmanxana görmək xoş güzəran və kef-səfadan xəbər verir. Köhnə, xəstə sahibi olan çirkli mehmanxanada qalmaq uğursuzluq, yaxud da kədərli həyat dərsinə işarədir. Gözəl görkəmli, möhtəşəm bir mehmanxana görmək isə maraqlı səyahətlər və parlaq təəssü­ratlar vəd edən bir yuxudur. Özünüzü mehmanxana sahibi olaraq görmüsünüzsə, gerçəkdə arzularınıza çatmanız üçün geniş imkanlar əldə edəcəksiniz. Yuxuda mehmanxana axtarmaq xoş­bəxtliyə gedən yolda çıxa biləcək maneələrdən xəbər verir.

Meşə, ağaclar — Yuxuda təzə yarpaqlanmış bir ağac görməniz bütün planlarınızın və arzularınızın həyata keçəcəyini bildirir. Ölü ağaclar kədər və itkilərin əlamətidir. Ağaca dırmandığınızı görməniz karyerada sürətli irəliləyişə işarə edir. Ağacı kəsdiyinizi və ya onu kökündən qoparıb çıxardığınızı görmüsünüzsə, gücünüzlə sərvətinizi qabiliyyətsizcəsinə israf edəcəksiniz. Yuxuda meşə görmək işgüzar sahədə dəyişikliklərin müjdəçisidir. Yaşıl meşə­lər uğur, yarpaqları seyrəlmiş meşələr isə maraqlarınız üçün məh­vedici dəyişikliklərin əlamətidir. Meşədə yanğın görmək planların tamamlanmasından, uğurdan və hətta əmin-amanlıqdan xəbər verir. Yuxuda odun yarmaqla məşğul olduğunuzu görməniz uğur uğrunda başlayacağınız mübarizədə qələbə çalacağınızı bildirir. Qalın bir meşədə gəzişdiyinizi görmüsünüzsə, işgüzar sahədə uğursuzluq, ailədə isə anlaşılmazlıq ehtimalı var. Meşədə gəzişərək üşüdüyünüzü və ya acdığınızı görməniz isə xoşagəlməz bir səfərin əlamətidir. Ağacların uca, yaşıl çətirlərinə heyranlıqla baxdığınızı görmüsünüzsə, sizi böyük uğur və şöhrət gözləyir. Ayaqlarınız altında xışıldayan xəzəl isə itki əlaməti ola bilər. Qurumuş ağaclı, ölü bir meşə görmək məyusluq əlamətidir.

Meyit — Yuxuda meyit görmək kədərli xəbərlərin əlamətidir. Həmçinin kommersiya işlərində durğunluğa da işarə edə bilər. Bu yuxunu görmüş gənc adamı peşmanlıq və əyləncələrin yoxluğu gözləyir. Dünyasını dəyişmiş bir adamı qara paltarda görməniz hansısa bir dostunuzun itkisinə və ya bəzi işlərdə çətinləşmələrə işarə edə bilər. Döyüş meydanında meyitlər görmək müharibə və ümumiyyətlə, ölkələr və siyasi qruplaşmalar arasında müna­sibətlərin gərginləşəcəyinin əlamətidir. Heyvan cəsədi gör­mək işlərdə yaranacaq qeyri-sağlam vəziyyətə və sağlamlığın zəiflə­məsinə işarə edir. Ailə üzvlərinizin birinin dünyasını dəyişdiyini görməniz qohumlardan hansınınsa nasazlayacağından və ya ailə münasibətlərində üzülmələrdən xəbər verir. Sevgililər üçün belə bir yuxu bir-birinə verdikləri müqəddəs əhd-peymana sadiq qala bilməyəcəklərinə dair xəbərdarlıqdır. Yuxuda vəfat etmiş bir adamın gözlərinə pul sikkələri qoyduğunuzu görməniz reallıqda vicdansız düşmənlərin sizin müvəqqəti zəifliyinizdən sui-istifadə edərək, sizi qarət etməyə çalışacaqlarını bildirir.
Pul sikkəsini meyitin yalnız bir gözünə qoymuşsunuzsa, demək olar ki, ümidsiz bir mübarizədən sonra itirdiyiniz əmlakı qaytarmaq şansı əldə edəcəksiniz. Gənc xanım üçün bu yuxu namussuz insanlara etibar etməsinin acınacaqlı nəticələr verəcəyinə dair xəbərdarlıqdır. Xanımın yuxuda çalışdığı dükanın sahibini tabutda görməsi pərəstişkarının ona qarşı soyuyacağına işarə edir. Yuxudakı meyitin başı bədənindən ayrılıb yerə düşmüşsə, yuxu gələcəkdə bu xanıma qarşı qurulacaq fitnə-fəsadın əlaməti olaraq yozulur. İçində meyit olan tabutu mağazanın zalında gördüyü yuxu isə bir çoxlarına toxuna biləcək itki və xoşagəlməz olayların əlamətidir. Belə bir yuxu görən adam reallıqdakı davranışına daha böyük diqqət və həssaslıqla yanaşmalıdır.

Meyitxana — Yuxuda meyitxanada kimisə axtardığınızı görmüsünüzsə, hansısa bir qohumun və ya dostunuzun nasazladığı xəbəri sizi bir qədər sarsıdacaq. Meyitxanada çoxlu sayda meyit görmək isə xoşagəlməz halların ehtimalını artırır.

Meymun — Yuxuda meymun görməniz yalançı adamların sizə zərər, özlərinə isə xeyir qazandırmaq naminə sizə yaltaqlanacaqlarından xəbər verir. Ölmüş meymun görməniz qatı düşmənlərinizin tezliklə iflasa uğrayacağına işarə edir. Gənc bir xanım yuxuda meymun görərsə, reallıqda toyun qısa zamanda baş tutmasında israr etməlidir, çünki sevgilisi öz davranışı ilə xəyanətdə təqsirləndirilməsinə dair şübhələr yaradacaq. Qadın xeylağı üçün yuxuda meymunu yedizdirdiyini görməsi gerçək həyatda hansısa riyakar bir kəsin onunla şərəfsizcəsinə davranacağına işarə edir. Bəzən yuxuda meymun görmək yaxınlarınızdan kiminsə nasazlığını və ya təhqir olunacağını bildirir. Cəld şəkildə ağaca dırmanan balaca meymun görmək isə bir növ xəbərdarlıqdır: ehtiyatlı olmasanız, kiminsə xəyanəti, namərdliyi sizin üçün zərbə ola bilər.

Meyvələr — Yuxuda yarpaqlar arasında yetişməkdə olan meyvə barları görmək adətən gələcək çiçəklənmənin əlaməti kimi yozulur. Yaşıl meyvələr əbəs səylərin və düşünülməmiş addımların gös­tə­ricisidir. Qadın xeylağının yuxuda meyvə yediyini görməsi mənəvi tənəzzülə uğrayacağına və mirası əldən verəcəyinə işarə edir. Meyvə almaq və ya satmaq böyük də olsa, səmərəsi az olan sövdələşmələrin əlaməti sayılır. Yetişmiş meyvə və ya onu yediyinizi görməniz isə uğurla məmnunluğunuzun etibarsız olacağını bildirir.

Məcməyi, sini — Yuxuda məcməyi görməniz sərvətinizi axmaq bir israfçılıqla məhv etmək təhlükəsi qarşısında qalacağınızdan xəbər verir. Gördüyünüz məcməyinin ləl-cəvahiratla dolu olduğunu zənn etməniz isə böyük bir uğura işarə edir.

Mədən — Yuxuda mədən görməniz düşmənlərinizin sizə zərər yetirmək üçün vasitə yolları axtardığını bildirir. Həmçinin xoşagəlməz bir səfər də ehtimal olunur. Faydalı qazıntılar axtardığınızı görmüşsünüzsə, reallıqda gərəksiz axtarışlara sövq olunacaqsınız. Özünüzü mədən quyusunda görməniz işlərdə uğursuzluq vəd edir. Yuxuda özünüzü mədən quyusunun sahibi olaraq görməniz isə gələcəkdə sərvətə sahiblənəcəyinizdən xəbər verir.

Məftunluq, pərəstişkarlıq, həddindən artıq sevmək — Yuxuda kimsə tərəfindən həddindən artıq sevildiyinizi görmü­sü­nüzsə, tezliklə cəmiyyətdə kifayət qədər yüksək məqama yiyələnəcəyi­nizə baxmayaraq, daha əvvəl sizi əhatə edənlərin sevgisini və rəğbətini qoruyub-saxlamağı bacaracaqsınız.

Məhəbbət — Yuxuda sevgilinizi görməniz hazırkı ətrafınızdan məmnunluğu­nuzun əlamətidir. Başqalarının sevgisinin sizə səadət bəxş etdiyini görməniz reallıqdakı işlərinizi uğurlu təşkil etmənizin məmnunluq və gündəlik qayğılardan qurtuluş gətirəcəyindən xəbər verir. Yuxuda məhəbbətinin keçdiyini və ya qarşılıq vermədiyini görmüşsünüzsə, çətin bir seçim qarşısında qalacaqsınız: bəlkə həyat tərzinizi dəyişməniz və ya öz xoşbəxtliyiniz üçün gələcəyinizi təmin etmək məqsədilə ailə qurmanız yaxşı olardı? Ər və ya arvadın yuxuda bir-birini sevdiklərini görməsi böyük ailə səadəti və ailəyə sevinc bəxş edəcək şən və ağıllı övladlarının olacağından xəbər verir. Yuxuda bir-birini sevən valideynlərinizi görmüsünüzsə, özünüzdə möhkəm əqidə ilə iradə, cəmiyyətdə layiqli mövqe və rifaha nail olmaq istəyində sabitlik tərbiyə edəcəksiniz. Heyvanları sevdiyinizi görməniz isə, özünüz fərqinə varmasanız da, məmnunluğunuzu bildirir; lakin bir müddətdən sonra tale sizi bu hissi yaşamanız üçün bütün imkanlarla mükafatlandıracaq.

Məhkəmə, məhkəmə prosesi — Yuxuda məhkəmə prosesinin iştirakçısı olduğunuzu görməniz reallıqdakı bədxahların ictimai rəyi sizə zidd kökləməyə çalışdığına dair xəbərdarlıqdır. Prosesdə mövqeyinizin haqsız olduğunu bilirsinizsə, nalayiq davranacağınız bir vəziyyətə düşəcəyiniz ehtimal olunur. Gənc xanımın məhkəmə prosesində iştirakçı olduğunu görməsi iftiraya uğrayacağına və dostlarının ondan üz döndərəcəyinə işarə edə bilər. Məhkəməyə yollandığınızı görməniz davranışınıza nəzər salmaq və müəmmalı üsullardan imtina etmək niyyətinizin göstəricisidir. Yuxuda məhkəmə binası qarşısında dayandığını görməniz isə işdə aktivlik və enerjili təşəbbüslərin əlamətidir.

Məxmər — Yuxuda məxmər görmək işlərin son dərəcə uğurlu məcrada inkişaf edəcəyindən xəbər verir. Əgər əyninizdə məxmərdən paltar varsa, reallıqda məşhurlaşacaqsınız. Köhnəlmiş məxmər parça görmək hədsiz qürurunuzun xoşbəxtliyinizə xələl gətirəcəyindən xəbər verir. Əgər gənc bir xanım yuxuda məxmərdən don geyindiyini görərsə, onu şan-şöhrət, bir arada bir neçə imkanlı aşiqin ona diqqət yetirəcəyi gözlənilir.

Məktəb — Yuxuda məktəbi ziyarət etdiyinizi görməniz qeyd-şərtsiz bədii qabiliy­yət­lərinizin fərqləndirici əlamətidir. Gənc olduğunuzu, yuxu­nuz­dakı məktəbin də gənclik illərinin məktəbi olduğunu görmüşsü­nüzsə, taleyin dönüklüyünün sizi sadə həqiqətlər və keçmiş günlərin adi sevincləri üçün darıxmağa məcbur etdiyinin fərqinə varacaqsınız. Yuxuda məktəbdə dərs dediyinizi görməniz humanitar təhsilə meyillənəcəyinizdən, lakin dolanışığın ağır olmasının hər şeyi dəyişəcə­yindən xəbər verir. Uşaqlıq illərinizin məktəbini ziyarət etdiyinizi görməniz isə hansısa qanqaraldıcı bir hadisənin bugünkü həyatınıza narahatlıq gətirəcəyinə işarə edir. Məktəb və həyətində məktəbli uşaqlar görməniz karyerada tədricən yüksələcəyinizi bildirir.

Məktəb müəllimi — Məktəb müəllimini gördüyünüz yuxu gerçək həyatda təhsilə və sakit istirahətə üstünlük verdiyinizin göstəricisidir. Özünüzün məktəb müəllimi olduğunuzu görməniz isə ədəbiyyat sahəsində arzuolunan uğura nail olacağınızdan xəbər verir.

Məktub — Yuxuda sifarişli məktub aldığınızı görməniz reallıqda yaranacaq maddi problemin köhnə əlaqələri pozma ehtimalını artırır. Gənc bir xanım yuxusunda sifarişli məktub aldığını görmüşsə, reallıqda maddi baxımdan təmin olunmaq təklifi alacaq, lakin bu təklif nə qanuna, nə də əxlaq normalarına əsaslanmadığı üçün, insanlar onu qınaya bilər. Sevən bir insan üçün bu yuxu uğursuz nikahla bağlı iztirablı şübhələr bağışlayacaq. Onun sevgilisi rəğbəti ondan deyil, başqalarından umacaq. İmzasız məktub görməniz tanımadığınız biri tərəfindən təhqir oluna biləcəyinizə işarə edir. Özünüzün imzasız məktub yazdığınızı görməniz isə rəqibinizi özünüzdən daha üstün bildiyiniz üçün sevgilinizi ona qısqanacağınızı bildirir. Xoşagəlməz xəbərlər yazılmış məktub görmək xəstəlik və ya maddi çətinliklərdən xəbər verir. Məktubda aldığınız xəbərlər xoşmüjdəlidirsə, həyatınızda çoxlu sayda ürəkaçan dəyişikliklər baş verəcək. Məktub mülayim kəlməli, lakin yaşıl və ya digər rəngli kağızda yazılmışdırsa, sevgidə soyuqluq, işlərdə isə uğursuzluq ehtimal olunur. Ümidsizliyə qapılmayın.
Göy rəngli mürəkkəblə yazılmış məktub sadiqlik, məhəbbət və parlaq bir uğur əlamətidir. Qırmızı mürəkkəb qısqanclıq və şübhələr üzündən irəli gələn ayrılığa işarə edir, lakin məntiqə uyğun davranışınızla işlərinizi yoluna qoymağı bacaracaqsınız. Gənc Bir xanım yuxusunda sevgilisindən aldığı məktubu ürəyinə yaxın bir yerdə gizlətdiyini görmüşsə, reallıqda rəqibi ilə bağlı narahatlıqları ehtimal olunur. Sadiqlik bir çox hallarda qısqanclıqla mükafatlandırılır. Yuxuda aldığınız məktubu oxuya bilmədiyinizi görməniz işgüzar sahədə və ya ictimai dairələrdə hansısa itkilər yaşayacağınızı bildirir. Ümumiyyətlə, məktubla bağlı yuxular bir o qədər də ürəkaçan məna daşımır. Sizə ünvanlanmış məktub yarıyolda kimlərsə tərəfindən ələ keçirilmişdirsə, gerçəkdə qısqanc və bədxah insanlar sizə böhtan yaxmağa cəhd edəcək. Yuxuda sevgilinizə və ya həyat yoldaşınıza ünvanlanmış məktubu oğurlamağa cəhd etdiyinizi görməniz isə reallıqda nalayiq maraqlara meyillənə biləcəyinizə işarə edir. Matəm çərçivəli bir məktub görmək nasazlıq və ya kədər əlamətidir.
Qara kağız üzərində ağ mürəkkəblə yazılmış məktub ruhdan düşəcəyinizdən, lakin dostların sizi dəstəkləyərək, ümidsizliyə qapılmanıza yol verməyəcəyindən xəbər verir. Ərlə arvadın yuxuda bir-birinə məktub ötürməsi boşanma, sevgililər üçün isə mübahisə əlaməti sayılır. Özünüzün məktub yazdığınızı görməniz kimisə qınamağa tələsəcəyinizdən, lakin qısa zamanda bu hərəkətinizdən peşman olacağınızdan xəbər verir. Cırılmış məktub yol verdiyiniz səhvlərin sizin nüfuzunuza zərər yetirə biləcəyinə işarə edir. Məktubu əlinizə almanız doğmalarınıza qarşı münasibətdə ədalətsiz olduğunuzun göstəricisidir. Yuxuda tez-tez dostunuzdan məktub aldığınızı görməniz isə o dostunuzun tezliklə qayıdacağını və ya ondan xəbər alacağınızı bildirir.

Mələklər — Yuxuda mələklər görmək ruhunuzu narahat edəcək təəssü­ratların yaranacağından xəbər verir. Bu yuxu bəxt-taledə müəy­yən dəyişikliklərin olacağına işarədir. Əgər yuxu son dərəcə ürəkaçandırsa, dostlarınızın xoşbəxtlik və əmin-amanlıq içində yaşadığı, yaxud da tanımadığınız qohumların sizə qoyduğu miras xəbərini alacaqsınız. Həmçinin belə bir yuxu biznes və sevgi işlərində mümkün dedi-qoduların yaranacağına işarə edir. Xeyirxah insanlar üçün mələklərlə bağlı yuxular fərəh və təsəlli, bədəməl insanlar üçün isə məyusluq əlamətidir.

Mələmə, movuldama (böyürmə) — Yuxuda ev heyvanlarının mələdiyini, böyürdüyünü eşitmək gerçək həyatda yeni vəzifə və öhdəliklərinizin yaranacağından xəbər verir.

Məlumat, bildiriş, xəbər (mesaj) — Yuxuda hansısa bir məlumat (mesaj) aldığınızı görməniz işlə­rinizdə baş verəcək dəyişikliklərin əlamətidir. Özünüzün kiməsə məlumat (mesaj) göndərdiyinizi görməniz isə xoşagəlməz bir vəziyyətə düşə biləcəyinizə dair xəbərdarlıqdır.

Mənasızlıq, rabitəsizlik — Rabitəsiz və mənasız yuxular vəziyyətin dəyişkənliyinin təsiri altında olan yüksək dərəcəli əsəbiliyin və gərginliyin əlamətidir.

Mərasim — Yuxuda rəsmi, təntənəli bir mərasimdə iştirak etdiyinizi gör­məniz tezliklə reallıqda daha yüksək bir məqama yetişə­cəyi­nizdən xəbər verir. Gənc xanımın yuxuda hansısa bir mərasimdə iştirakına peşman olduğunu görməsi məyusluq və reallaşmamış arzulara işarə edir.

Mərc — Yuxuda kiminləsə mərcləşdiyinizi görməniz reallıqdakı məq­sədlərə çatmaq üçün nalayiq vasitələrə belə hazır olmanızı bildirir. Mərci uduzduğunuzu görməniz sizin ictimai dairəyə mənsub olmayan bədxah bir qohumunuzdan zərər görə biləcə­yinizə işarə edir. Mərcdə qalib gəlməniz isə taleyin üzünüzə güləcəyindən xəbər verir. Mərcdə iştirak etmək qabiliyyətində olmadığınızı görmüsünüzsə, reallıqda baş verə biləcək gözlənilməz və xoşagəlməz hallardan sarsılmaq ehtimalı var.

Mərc, mübahisə etmək — Yuxuda əhəmiyyətsiz mövzularda mübahisə etmək səhhətin pisləşə­cəyinə və haqsız qınağa dair xəbərdarlıqdır. Elmi disputda iştirak etdiyinizi görməniz isə reallıqda inkişaf etdirməyə çalışmadığınız böyük bacarıq və qabiliyyətlərinizin olduğunu bildirir.

Mərmər — Yuxuda mərmər karxana görməniz həyatınızda maddi uğurların başlanacağının, lakin ətrafınızda sevginin olmamasının əlamətidir. Mər­mərin cilalanmasını seyr etmisinizsə, tezliklə miras sevinci yaşayacaqsınız. Qırıq mərmər görməniz isə mənəviy­yata meydan oxumaqla şəriklərinizin etibarını itirə biləcəyinizə işarə edir.
Məsləhət — Yuxuda kimlərinsə sizə məsləhətlər verdiyini görməniz halal yolla zənginləşməyi və mənəvi yüksəkliyə ucalmağı bacaracağınızdan xəbər verir. Hüquq məsləhəti üçün müraciət etdiyinizi görməniz isə sözügedən əməllərinizin qanunauyğun və ləyaqətli olduğuna dair şübhələrə yol açacaq hadisələrin baş verəcəyinə işarə edir.
Məsuliyyət, məsul mövqe — Yuxuda hansısa məsuliyyətli bir fəaliyyətlə məşğul olmanız ticari əməliyyatlarda və qanunverici fəaliyyətdə cüzi də olsa, uğurlara imza atacağınızdan xəbər verir. Özünüzü hansısa önəmli bir firmanın üzvü olaraq görməniz isə kifayət qədər riskli planlarınızın böyük uğurla reallaşacağına işarə edir.

Məşəl — Yuxuda görülmüş məşəllər yaxın gələcəkdə işlərdə uğur vəd edir. Məşəl apardığınızı görmüşsünüzsə, sevgidə də müvəffə­qiyyət gözlə­nilir. Həmçinin qəliz, dolaşıq bir işdə də qələbə çalacaqsınız.

Məşuq — Yuxuda məşuqunuzu bəyənmədiyinizi görməniz real həyatda sizə qarşı iddia irəli sürən bir adamın çoxlu sayda problemlər törədə bilə­cəyindən xəbər verir. Yataqda yanınızda tanımadığınız bir adamı görməniz az qala hər şeydən narazı olmanızın bütün ətrafdakıların həyatına narahatlıq gətirəcəyini bildirir. Yataqda yanınızda hansısa bir heyvanın uzandığını görmüsünüzsə, ehtiyatlı və təmkinli olun, bir sıra uğursuzluqlar ehtimal olunur.

Məşuqə — Kişi xeylağının yuxuda məşuqəsi olduğunu görməsi real hə­yatda onun əsl mahiyyətini və işlərinin vəziyyətini korlaya biləcək böyük bir rüsvayçılığa uğraya biləcəyindən xəbər verir. Qadının yuxuda özünü kiminsə məşuqəsi, kənizi olaraq görməsi isə reallıqdakı nalayiq əxlaqı ilə özünü rüsvay edəcəyini bildirir. Kişinin yuxuda məşuqəsinin ona sadiq olmadığını görməsi çoxdankı düşmənlərilə toqquşmaya məruz qalacağından xəbər verir. Bunun nəticəsi olaraq bir sıra itkilər də ehtimal olunur.

Mətbəə — Yuxuda mətbəədə olduğunuzu görmüşsünüzsə, reallıqda şər və rüsvayçılıqdan ehtiyatlı olmanız gərəkdir.

Mətbəx — Yuxuda mətbəx görməniz reallıqda tezliklə böhranlı bir vəziy­yətə düşəcəyinizdən xəbər verir və bu vəziyyət depressiyaya yol aça bilər. Belə bir yuxu sizi ehtiyatlı və problemlərə qarşı dayanıqlı olmağa çağırır. Qadın xeylağının öz mətbəxini təmiz və səliqəli görməsi taleyin uğurlu çarxının sevimlisinə çevriləcəyinin əlamətidir.

Məyusluq, ümidsizlik — Yuxuda özünüzü ümidsiz bir halda görməniz işgüzar həyatda bir sıra problemlərlə üzləşəcəyinizə işarə edə bilər. Başqalarını ümidsiz, pərişan görməniz isə qohumlardan və ya yaxın dostlardan birinin vəziyyətinin çətinləşəcəyindən xəbər verir.

Məzlum, cəfakeş — Yuxuda məzlum görmək qeyri-səmimi dostların olduğundan, ailədə narahatlıqlardan və olduqca önəmli olan işlərdə itkilərdən xəbər verir. Özünüzü cəfakeş olaraq görməniz isə dostlarla ayrılıq ehtimalını artırır. Düşmənlərin sizi şərləməyə çalışması da istisna olunmur.

Mil — Yuxuda mil görmək reallıqda üzərinizə məsuliyyətli bir işin düşə­cəyindən xəbər verir və əgər bu işi tezliklə icra etməsəniz, maraqlarınıza xələl gələ bilər.
Milçək — Yuxuda milçək görmək infeksion xəstəliklərin ehtimalını artırır. Belə bir yuxu həmçinin düşmənlərinizin həddindən artıq olmasına dair xəbərdarlıq da ola bilər. Gənc bir xanımın yuxuda milçək görməsi məyusluq və pərtlik əlamətidir. Milçəkləri öldürdüyünü və ya qovduğunu görməsi isə reallıqda ixtiraçılıq qabiliyyətinin sayəsində sevgi məsələlərini tənzimləyəcəyindən xəbər verir.

Milçəkqapan — Yuxuda milçəkqapan görmüsünüzsə, gerçəklikdə daha diq­­q­ətli və ehtiyatlı olun: ətrafınızda fitnə-fəsad hazırlanır. Milçək­qapanın içində çoxlu sayda milçək görməniz isə reallıqda hədsiz çətinliklərlə nəticələnə biləcək böyük bir bəladan nicat tapacağınızı bildirir. Milçəklər üçün nəzərdə tutulan yapışqan kağız görməniz səhhətinizdə yüngülvarı nasazlığın və dostlarla mübahisənin ehtimalını artırır.

Mineral — Yuxuda mineral görmək hazırda işgüzar sahədəki o qədər də ürək­açan olmayan vəziyyətin tezliklə yaxşılığa doğru dəyişə­cəyinin əla­mətidir. Mədən yamaclarında gəzişdiyinizi görmü­sünüzsə, tezliklə hansısa bir bəladan yaxa qurtararaq, maddi-mənəvi vəziyyətinizi xeyli yaxşılaşdırmağı bacaracaqsınız.

Mineral su — Yuxuda mineral su içdiyinizi görməniz cəhdlərinizi asanlaşdıran bir uğurun əlamətidir. Tezliklə çoxdankı coşqun arzularınızı reallaşdırmaq üçün əldə etdiyiniz imkanlardan zövq alacaqsınız.

Miras — Yuxuda miras aldığınızı görməniz reallıqda arzu və istəklə­rinizin tezliklə gerçəkləşəcəyindən xəbər verir. Bu yuxu həyata keçirdiyiniz bir işdən tezliklə dərin məmnunluq hissi yaşayacağınıza işarə edir. Yuxuda mirasdan məhrum olunduğunuzu gör­məniz isə bir növ xəbərdarlıqdır: öz həyat tərzinizə daha tənqidi yanaşmağı öyrənin. Qadın xeylağı üçün bu yuxu taleyinə mənfi təsir göstərə biləcək arzuolunmaz əməllərdən çəkinməsinə dair bir işarədir.

Mirvari, inci — Yuxuda mirvari görmək uğurlu biznes, əlverişli ticarət və ictimai yaradıcılıq nailiyyətlərindən xəbər verir. Gənc bir xanım sevgilisinin yuxuda ona mirvari bağışladığını görmüşsə, xoşbəxtlik gözlənilir: onu həm sevinc, həm də məmnuniyyət gözləyir, həmçinin səadəti məhv edən qısqanclıq hissindən uzaq olan sadiq bir həyat yoldaşı olacaq. Xanımın yuxuda mirvari itirdiyini və ya bir zinət əşyasında olan mirvarinin qırılaraq yerə səpələndiyini görməsi isə kədər əlamətidir. Gənc bir xanımın yuxuda mirvarinin gözəlliyindən heyranlıq hissləri keçirməsi real həyatda qəlbinin sevgi hisslərilə dolub-daşacağına işarədir.

Mis, bürünc — Yuxuda mis görmək işgüzar sahədə sürətli bir yüksəlişdən xəbər verir. Lakin bu sürətli və sarsılmaz görünən bir yüksəlişdə xəlvəti və əbəs yerə eniş və uğursuzluq qorxusu yaşayacaqsınız.

Mismarlar — Yuxuda mismar görmək ixtilaflardan və qanqaraldıcı olaylardan xəbər verir. Hansısa bir xanımın yuxuda mismar vurduğunu görməsi reallıqda rəqibinə qalib gələcəyinə işarədir. Əgər mismarı vurarkən, barmağını zədələyibsə, qarşıda ciddi problemlərlə üzləşə bilər.

Mişar — Yuxuda əl mişarından istifadə etdiyinizi görməniz bacarıqlı və işgüzar biri olduğunuzun, evinizdə isə gümrahlıqla sevincin hökm sürdüyünün göstəricisidir. Böyük mexaniki mişar isə reallıqda əhəmiyyətli gəlirlər gətirəcək yüksək bir təşəbbüsə rəhbərlik edəcəyinizdən xəbər verir. Qadın xeylağının belə bir yuxu görməsi hörmət qazanacağını, məsləhətlərdən yararlanacağını bildirir. Paslı və ya qırıq mişar uğursuzluq və ya xoşagəlməz olayların əlamətidir. Yuxuda mişarı itirdiyinizi görməniz gələcəyi olmayan bəzi işlərdə iştiraka sürüklənəcəyinizə işarə edə bilər. Mişar səsi eşitmək bolluq və əmin-amanlıq əlamətidir. Paslı mişar tapmaq həyatda uğurun hələ əlinizdən çıxmadığını bildirir. Belinizdə mişar apardığınızı görmüsünüzsə, reallıqda sizə böyük və əlverişli bir işi etibar edəcəklər.

Monastır — Yuxuda monastıra girərkən keşişlə rastlaşmadan burada sığınacaq axtardığınızı, görməniz real gələcəyinizdə istənilən qayğı və təhlükələrə yer olmadığını bildirir. Keşişlə rastlaşdığınız yuxunun yozumu isə tez-tez və bihudə şəkildə müxtəlif cür qayğılarda və mənəvi sarsıntılarda təsəlli axtarmaq məcburiyyətində qalacağınıza işarə edir. Gənc bir xanımın yuxuda monastır gör­məsi ətrafdakıların onun təmiz adıyla səmimiyyətinə şübhəylə yanaşdığını bildirir. Adətən belə bir yuxu sizin öz reallıqdakı mövqeyinizdən narazılığınızı simvolizə edir. Ola bilər ki, sizi əhatə edən insanların naməlum qəzəbini hiss edirsiniz. Yuxuda görülmüş dağılmış monastır planlarınızı uğursuzluğa məhkum edir. Monastıra düşdüyünüzü görmüsünüzsə, səhhətinizi qoruyun.

Moruq — Yuxuda moruq görməniz işlərə başısoyuq yanaşmanız nəticə­sində qarışıqlıq təhlükəsindən xəbər verir. Lakin işləri araşdırarkən ciddi maraq göstərəcəksiniz. Qadın xeylağının yuxuda moruq yediyini görməsi dedi-qoduya, söz-söhbətə yol açan bir hadisəyə aidiyyətinin olmadığını sübut etmək məcburiyyətində qalacağına işarə edir.

Motmotu bitkisi — Yuxuda motmotu toplamaq həyəcan və narahatlıqları əvəz edəcək xoşbəxtlikdən xəbər verir. Bu yuxu, həmçinin işgüzar sahədə uğurlu perspektivlərin əlamətidir. Yaşıl, kal motmotu görmək kef-səfaya can atmaqla səhvə yol verəcəyinizi və belə­liklə də sensasiyalı olaylar burulğanına uğrayacağınızı bildirir. Yaşıl motmotunun dadına baxmaq, şübhəsiz, xoş əlamət deyil. Yetişmiş motmotu isə cansıxıcı bir işdən yaxa qurtaracağınızdan xəbər verir. Gənc bir xanımın yuxuda motmotu yediyini görməsi gözləntilərində bəzi məyusluqlar yaşaya biləcəyinə işarə edir.

Muncuqlar — Yuxuda çoxlu xırda muncuq dənələri görmək cəmiyyətdə yüksək məqama sahib olan kəslərin diqqətinin sizə qarşı yönə­ləcəyindən xəbər verir. Muncuqları saymaq xoş xəbərlərin müj­dəçisidir. Muncuqları sapa düzürsünüzsə, deməli, imkanlı insanların rəğbətini qazanacaqsınız. Əgər yuxuda muncuqları dağıdıb səpələyirsinizsə, real həyatda yaxın dostların hörmətini itirmək təhlükəsilə qarşılaşacaqsınız.

Musiqi — Yuxuda musiqi eşitməniz reallıqda olduqca xoş anlar yaşayacağınızdan xəbər verir. Melodik, xoşagələn musiqi sədaları məmnunluq və qəlb rahatlığı vəd edir. Kəskin sədaların sirayət etdiyi ahəngsiz musiqi isə övladlarınızın dilbilməz və nadinc olmasının sizi bir qədər sarsıdacağını bildirir.

Musiqi alətləri — Yuxuda musiqi alətləri görməniz çoxdandır intizarında olduğunuz nəşəli anların yaxınlaşdığından xəbər verir. Sınıq musiqi alətləri görmək həmin bu zövqoxşayan anların təsadüfi, çağırılmamış kəslərin müdaxiləsilə pozula biləcəyindən xəbər verir. Gənc bir xanımın belə yuxu görməsi reallıqdakı həyatını özü arzuladığı kimi qurması üçün bir sıra imkanlara sahiblənəcəyinin əlamətidir.
Muzey — Yuxuda muzey görməniz həyatdakı mövqeyinizi möhkəmlət­mək üçün çoxlu sayda olaylar yaşamalı olacağınızdan xəbər verir. Belə ki, həmyaşıdlarınızdan üstün olmanıza yardımçı olacaq çoxlu sayda faydalı biliklərə və mədəniyyətə yiyələnəcəksiniz. Zövqsüz təşkil edilmiş, diqqət cəlb etməyən, xoşagəlməz ekspozisiyalı muzey görmək isə real həyatda bir sıra olayların sizi sarsıdacağına işarə edir.

Mübahisə — Yuxuda kiminləsə mübahisə etmək reallıqda yaxın gələcəkdə ciddi çətinliklərdən, mübahisədə qələbə çalmaq isə yolunuza çıxacaq mane­ələri uğurla dəf edəcəyinizdən xəbər verir. İşgüzar adamlar üçün belə bir yuxu partnyorlarla müxtəlif cür ixtilaflar vəd edir. Yuxuda kənardan mübahisəyə tamaşa etmisinizsə, deməli, vaxtınızı və imkanlarınızı əbəs yerə sərf edirsiniz. Mübahisə zamanı zədə almaq maddi itkilərə işarə edir. Tapançalı dueli seyr etmək gələcəkdə narahatlıq olacağını bildirir, lakin bununla belə, sonunda bütün problemlər uğurla həll olunacaqdır.

Müdafiə etmək — Yuxuda məhkəmədə hansısa bir işdə müdafiəçi qismində olduğunuzu görməniz gələcəkdə öz maraqlarınıza sadiq qalacağınızdan xəbər verir. Bu yuxu yardımınıza ehtiyacı olan insanlara əl tutmaq sizin üçün bir həyat prinsipinə çevriləcəyinə işarə edir. Siz, sadəcə, dostlara verdiyiniz vədləri pozmaq iqtidarında olmayacaqsınız.

Müdriklik — Yuxuda özünüzü müdrik birisi kimi zənn edirsinizsə, reallıq­­da ən çətin məqamlarda belə möhkəm, sarsılmaz bir ruh yük­səkliyinə malik olacaqsınız. Belə ki, bütün çətinlikləri dəf edib, təminatlı, uğurlu bir həyata sahib olacaqsınız. Müdrikliyinizin çatışmadığını hiss etmişsinizsə, bilin ki, istedadınızı, bacarıqlarınızı əbəs yerə sərf edirsiniz.

Müəllif — Müəllif üçün əlyazmasının naşir tərəfindən qəbul olunmadığını görmək onun özünün reallıqda bəzi tərəddüdlər içində olduğu, lakin nəticədə əməyinin hədər getməyəcəyi deməkdir. İşini bitirib diqqətlə ona göz gəzdirən bir müəllif görməniz isə hansısa bir fəaliyyətdə uğursuzluğa uğraya biləcəyinizdən xəbər verir.

Müharibə — Yuxuda müharibə görmək işlərin ağır vəziyyətdə olduğunun, həm­çinin ailədə nizamsızlıq və dedi-qodu yaranacağının əlamətidir. Gənc bir xanım yuxuda sevgilisinin müharibəyə getdiyini görmüşsə, gerçəkdə onun xasiyyəti haqqında xoşagəlməz bir məlumat alacaqdır. Yuxuda ölkənizin müharibədə məğlubiyyətə uğradığını görmüsünüzsə, deməli, xalqınız inqilabdan, biznes və siyasətdə əhəmiyyətli dəyişikliklərdən əziyyət çəkəcəkdir. Yox, əgər qələbə görmüsünüzsə, deməli, real həyat­da işgüzar həyatda yeniliklər, ailədə isə harmoniya yaranacaqdır.

Mühəndis — Yuxuda mühəndis görmək cansıxıcı səfərlərin gözlənildiyini bildirir. Lakin bir neçə uğurlu görüşdən sonra sizin üçün bu səfərlər artıq cansıxıcı olmayacaq.

Mükafatlar, bəxşişlər — Yuxuda mükafatlar görmüşsünüzsə, tanışlarınızın sayəsində siz də uğura nail olacaqsınız. Qadın xeylağının yuxuda öz mükafatlarını kiməsə verməsi müəmmalı bir uğurdan xəbər verir.

Mülayim hava — Yuxuda buzların əridiyini görməniz reallıqda sizə çoxlu sayda xoşa­gəlməz anlar və problemlər yaradan bir işin tezliklə sevinc və var-dövlət bəxş edəcəyindən xəbər verir. Uzunmüddətli şaxtalardan sonra əriməyə başlayan torpaq görmüsünüzsə, uğur çox yaxındadır.

Münaqişə, çəkişmələr — Yuxuda görülmüş çəkişmələr uğursuzluq və şiddətli qalmaqalların əlamətidir. Gənc xanım üçün bu yuxu xroniki uğursuzluğa, qadın xeylağı üçün isə boşanma və ailədə uzunmüddətli ixtilaflara dair xəbərdarlıqdır. Başqalarının çəkişmələrini müşahidə etdiyinizi görməniz işdə uğursuzluğa və peşənizdə ehtimal olunan pərtliyə işarə edə bilər.

Mürəkkəb — Yuxuda kiminsə mürəkkəb bulaşmış paltarını görməniz paxıl adamların sizə qarşı ədalətsizlik edəcəyindən xəbər verir. Yuxuda mürəkkəb görmüş gənc xanım reallıqda rəqibinin böhtanına uğrayacaq. Barmaqlarınızın mürəkkəbə batdığını görməniz isə təbiətinizin üstün keyfiyyətləri qalib gəlinə qədər amansızcasına qısqanacağınızı bildirir. Gördüyünüz mürəkkəb qırmızı idisə, ciddi çətinliklərə hazır olun. Yuxuda mürəkkəb hazırladığınızı görməniz isə şərəfsiz bir işə sürüklənə biləcəyinizə dair xəbərdarlıqdır. Bir şüşə mürəkkəb bədxahlığın və işlərdə uğursuzluğun əlamətidir.

Mürəkkəbqabı — Yuxuda gördüyünüz boş mürəkkəbqabı yaxın gələcəkdə yol verdiyiniz əsilsiz bir haqsızlığa görə ictimai qınaqdan qurtulmağı bacaracağınızı bildirir. Mürəkkəbqabını dolu görməniz isə, müvafiq ehtiyat tədbirləri görməyəcəyiniz halda, bədxah adamların böhtanına uğraya biləcəyinizə dair xəbərdarlıqdır.

Müstəqillik — Yuxuda tamamilə müstəqil olduğunuzu görmüşsünüzsə, de­məli, reallıqda sizə qarşı ədalətsiz olan bir rəqibiniz var. Var-dövlət və müstəqilliyi sahibləndiyinizi görməniz gerçək həyatda doğrudan da uğura imza atacaqsınız, lakin gözlədiyinizdən bir qədər gec.

Müşahidə borusu  — Yuxuda müşahidə borusuna baxdığınızı görməniz reallıqda yaxınlaşmaqda olan dəyişikliklərin sizə zərər yetirmək iqtidarında olacağına işarə edir. Sınıq və ya yararsız müşahidə borusu görmək isə ədavət və dostluğun pozulmasının əlamətidir.

Müşəmbə — Yuxuda müşəmbə görmək soyuqluq və xəyanət əlamətidir. Mü­şəm­­bə alveri ilə məşğul olmaq isə şübhəli sövdələşmələr barədə xə­bərdarlıqdır.

Fikirlərinizi bildirin.