Uğurlu ərə getməyin 49 sadə qaydası.

Müqəddi̇mə

Uğurlu ərə gedib səadətə qovuşan qadınlar var. Belə bir gözəlin əri zəngin, ağıllı, gözəl, mehriban və səx-avətlidir. O, arvadına komplimentlər deyir, ona sə bəbli-səbəbsiz hədiyyələr verir, paltar yuyur, yemək bişirir, öz corablarını yığışdırır, onun ev heyvanlarını sevir, uşaq istəyir… elə yataqda da qəhrəmandır. O, İsveçrə bankı kimi etibarlıdır və dəfələrlə sevgilisini müxtəlif xoşagəlməz vəziyyətlərdən xilas etmişdir. Onunla təbiət qoynuna getmək rahatdır, o, sevgilisini hər gün işdən qayıdarkən qarşılamağa hazırdır. Bununla yanaşı o, özü də işləyir və onun vaxtaşırı xidməti vəzifələri yüksəlir.

“Qəribədir, – deyəcəksiniz. Onun qismətinə nadir nü munə düşüb, milyonda biri, belə şey ola bilməz…” Xeyr, əziz qızlar, xanımlar, qadınlar… xeyr, mənim gözəllərim! Hər bir xalq hökmdarına layiq olduğu kimi, hər bir qadın da öz kişisinə layiqdir. Bu üzdən, əgər sizin yarınızı tapmaq fikriniz ciddidirsə, sizi əzizləyən, nazınızı çəkən, əlləri üstündə gəzdirən, sizə daim hədiyyələr verən bir kişiyə ərə getmək istəyirsinizsə, onda sizdən bu kitabda təqdim olunan məsləhət və tövsiyələrə diqqət verib riayət etmənizi xahiş edirəm.

Lakin öncə, əziz xanımlar, kişi cinsinin təsnifatına həsr olunmuş mühazirə kursuna xoş gəldiniz. Beləliklə, kimdən ehtiyatlanmalı, kiminlə keyfiyyətli münasibətlər qurmaq olar? Sizə kişi fərdlərinin hər tipini ayrı-ayrılıqla təsvir etməyə çalışaram, kimin sizin üçün yaradıldığını, kimin yolunun sizinlə fərqli olduğunu isə özünüz qərar verin. Nə deyirsiz, başlayaq?

ANA UŞAĞI

O, demək olar ki, heç bir işi sərbəst görə bilmir. Bəzən onu hətta uşaq kimi yedizdirmək zərurəti də yaranır. Allah göstərməsin, siz zökəm olsanız, belə bir kişi heç uşağı bələyə də bilməz, sizin dərin gecəyə qədər paltar yuyub, onun köynəklərini ütüləmənizə baxmayaraq, səhər sizdən ləziz və isti səhər yeməyi tələb edəcəkdir. Ailə problemlərini birlikdə həll etməyin önəmli olduğunu bildirəcəyiniz istənilən halda onun “Mama necə desə, elə olacaq” sözlərilə üzləşəcəksiniz.

Onun anası sizin həyatınızda son instansiya həqiqəti olacaqdır. İstirahətə hara getmək, nə almaq, nə iş görmək, harada müalicə olunmaq və s. bu kimi məsələlərdə siz yox, məhz onun anası qərar verəcəkdir. (Bir qayda olaraq, belə oğlanlar natamam ailələrdə böyümüş olanlardır). Əgər onun anası kimi üstündə titrəyən bir bacısı da varsa, onda sizin işiniz lap çətindir.

Bütün bu kimi hallar kişinin elementar işləri görməyi bacarmaması, köynəklərinin və alt paltarlarının öz-özünə yuyulduğunu, kolbasanın özünün mağazadan gəldiyini, qadının bütün axşamını ləziz yeməyin hazırlanmasına sərf etdiyi halda, kişinin ət və tərəvəzin qeyri-adi şəkildə tavaya hoppanaraq öz-özünə raquya dönməsini düşünməsilə nəticələnir. Sevgidə o, özü öpmür, yanağını öpüş üçün amadə edir, odur ki, mənim əzizlərim, belə birisi üçün həyat yoldaşımı, ikinci anacanmı olacağınızı yaxşı-yaxşı düşünüb-daşının, çünki onu dəyişmək heç bir zaman mümkün olmayacaq.

Geniş fantaziyalı məsləhətli intim mövzulu kitablarXalqların və kütlənin psixologiyası – Gustave Le Bon

Əvvəlki məqaləBoks haqqında TOP15 fakt
Növbəti məqaləSiqareti tərgitməyin asan yolu – Carr Allen

Fikirlərinizi bildirin.