Online sürücülük testləri 3 (şərhlərlə) – Yol hərəkəti qaydaları

Bu yolun mərkəzində yerləşmiş element ayırıcı zolaqdır. Ayırıcı zolaq yolun yanaşı yerləşən hərəkət hissələrini bir-birindən ayırır. Deməli, bu yolda iki hərəkət hissəsi və onların da hər birində iki hərəkət zolağı göstərlimişdir (m.1.14,15).

Bu şəraitdə yedəyəalmanı hər iki istiqamətdə davam etdirmək olar. 3.4 nişanı 8 t-dan artıq kütləyə malik olan yük avtomobillərinin düz istiqamətdə hərəkətini qadağan edir, 4.4 nişanı isə minik avtomobillərinin nə qoşqu ilə, nə də yedəklə hərəkətini qadağan etmir. Deməli, şəkildə təsvir olunmuş avtoqatar saatda 50 km-dən artıq olmayan sürətlə hər iki istiqamətdə hərəkətini davam etdirə bilər.

7.4.1 "Nəqliyyat vaistəsinin növü" lövhəciyi 4.1.1 "Düzünə hərəkət" nişanının icazə verilən maksimum kütləsi 3,5 t-dan artıq olan yük avtomobillərinə şamil olunduğunu dəqiqləşdirir (m.68.I). İcazə verilən maksimum kütləsi 2,5 t olan bu avtomobil minik avtomobillərinin tipinə aid edildiyindən, siz hərəkəti istənilən istiqamətdə davam etdirə bilərsiniz.

1.13 nişanlanma xətti kəsişən yolla hərəkət edən NV-yə yol vermək üçün sürücünün lazım gəldikdə dayanmalı olduğu yeri göstərir (m.69.VI). Deməli, siz digər NY-yə yol vermək məqsədilə bu nişanlanma xəttinin qarşısında dayanmalısınız.

"Yol vermək" tələbi konkret şəraitdən asılı olaraq, müxtəlif formada yerinə yetirilə bilər. Yol vermək sürücünün hərəkəti davam etdirməsi və ya yenidən hərəkətə başlaması, hər hansı manevr etməsi başqa NV-nin sürücülərini qəflətən hərəkət istiqamətini və ya sürətini dəyişdirməyə məcbur edəcəyi halda onun hərəkəti davam etdirməməsi və ya yenidən hərəkətə başlamaması, manevr etməməsidir. Əsas şərt ondan ibarətdir ki, üstünlüyə malik olan digər NV-nin hərəkəti üçün maneə yaradılmasın (m.1.41).

Əgər motosikletin mühərrikinin işçi həcmi 125 sm³-dən, gücü 11kVt-dan çox deyilsə, onu idarə etmək üçün "A1" kateqoriyalı sürücülük vəsiqəsi yetərlidir. "A" kateqoriyalı sürücülük vəsiqəsi ilə bütün motosikletləri, trisiklləri və yüngül kvadrasiklləri idarə etməyə icazə verilir. Siz sahibi olduğunuz motosikleti "A" kateqoriyalı sürücülük vəsiqəsi olan şəxsə özünüz yanında olduqda idarə etmək üçün verə bilərsiniz (m.34.IV; m.37.I)

Minki avtomobilinin sürücüsü o zaman hərəkətə başlaya bilər ki, onun bu manevri ikinci zolaqda hərəkət edən yük avtomobilinin hərkətinə maneə yaratmasın (m.42.I)

NV-nin hərəkət trayektoriyaları kəsişdikdə, keçmənin növbəliyi isə qaydalarda göstərilmədikdə, sağ tərəfdən hərəkət edən NV-yə üstünlük verilir (m.42.X)

5.37 "Qarşılıqlı hərəkət yoluna çıxış" nişanı sürcüləri məlumatlandırır ki, kəsişən yolda qarşılıqlı (reversiz) hərəkət təşkil olunmuşdur. NV sağa dönərkən hərəkət hissəsinin mümkün qədər sağ kənarına yaxın hərəkət etməlidir (m.42.VII). Reversiz hərəkət qaydalarına görə isə reversiz svetoforun icazə işığı (yaşıl ox işarəsi) yanmadan sol zolağa keçmək qadağandır (m.59.VIII). Deməli, siz yalnız B istiqamətində hərəkəti davam etdirə bilərsiniz.

3.20 "Ötmək qadağandır" nişanı bütün nəqliyyat vasitələrinə ötməni qadağan edir (qarşısında hərəkət edən NV-nin sürətindən asılı olmayaraq). Deməli, yük avtomobili saatda 30 km-dən az sürətlə hərəkət etsə belə onu ötmək olmaz.

Yaşayış məntəqəsindən kənarda NV yolun sağ tərəfində-yol çiynində, yol çiyni olmadıqda isə hərəkət hissəsinin sağ kənarında dayana bilər (m.52.I).Yol çiynində kifayət qədər yerin olmasına baxmayaraq, B və C avtomobilləri tam və qismən yolun hərəkət hissəsində yerləşərək, hərəkətin digər iştirakçılarına maneə yaradır. Buna görə də B və C avtomobillərinin sürücüləri qaydaları pozur.

5.15 "Duracaq yeri" nişanı və 7.6.2-7.6.3, 7.6.6-7.6.9 "NV-nin duracağa qoyulma üsulu" lövhəciklərinin quraşdırıldığı hallarda minik avtomobilləri səkilərdə dura bilər (m.52.I, II, IV). Bu şəraitdə-müvafiq nişanlar quraşdırılmadığı halda sürücü avtomobili səkiyə çıxarmaqla durma qaydasını pozur və piyadaların hərəkətinə maneə yaradır.

Svetoforun həm əsas yaşıl işığının, həm də bölməsinin yanması sizə sola dönməyə icazə verir. Bu yolayrıcıda tramvayın hərəkəti "T" hərfi şəklində yerləşmiş ağ-sarımtıl dörd dairəvi siqnalı olan rəngli siqnal svetoforu ilə nizamlanır. Nəzərə alsaq ki, "T" şəkilli svetoforun bu siqnalı tramvayın hərəkətini qadağan edir, siz yolayrıcını birinci keçə bilərsiniz (m.59.III-V,IX).

Bütün yolayrıcılarda sağa və sola dönən sürücü dönəcəyi yolun hərəkət hissəsini keçməkdə olan piyadalara, habelə bu hərəkət hissəsini velosiped yolu ilə keçməkdə olan velosipedçilərə yol verməlidir (m.75.I). Velosiped yolu 4.5 nişanı və ya 1.15 nişanlanma xətti ilə göstərilir.

Kəsişən yolda iki hərəkət hissəsinin olmasına baxmayaraq, bu yolayrıcı eyni əhəmiyyətli olmayan yolların kəsişdiyi nizamlanmayan yolayrıcıdır. Burada sizin avtomobil və avtobus baş yolda yerləşir (m.1.9). Minik avtomobilinə nisbətən hər ikiniz üstünlüyə maliksiniz, çünki o, ikinci dərəcəli yoldadır (m.77.I). Relssiz NV-nin sürücüləri sola və ya geriyə dönərkən eyni əhəmiyyətli yolda qarşı tərəfdən düzünə və ya sağa hərəkət edən NV-yə yol verməlidir (m.77.IV). Ona görə də siz avtobusa yol verdikdən sonra sola dönməni başa çatdırmalısınız.

Qaydalara əsasən, NV-də onun texniki xarakteristikasında nəzərdə tutulduğundan artıq sayda (12 yaşda uşaqları hesaba almadan) adamların daşınması qadağan edilir. NV-nin texniki xarakteristikasında nəzərdə tutulduğundan artıq sayda daşınan sərnişinlər 12 yaşdan kiçik olduqda NV-nin faktiki kütləsi istehsalçı müəssisənin müəyyən etdiyi icazə verilən maksimum kütlədən artıq olmamalıdır (m.56.IX).

Nəqliyyat vasitəsinin hərəkəti zamanı işçi tormoz sistemi nasaz hala düşərsə, yəni bu sistem fəaliyyət göstərməzsə, hərəkət dayandırılmalıdır (m.37.I, 1 saylı əlavə.1).

Duman şəraitində hərəkət edərkən sürücü maneələrə qədər olan məsafənin real məsafədən uzaq qəbul olunmasını bilməlidir.

Onurğa sümüyünün zədələnməsi zamanı yardımın mahiyyəti ondan ibarətdir ki, onurğa beyninin zədələnməməsi üçün fəqərələrin yerindən tərpənməsinin qarşısı alınsın. Onurğa sütunu zədəsi almış zərərçəkənə ilk tibbi yardım göstərmək üçün onu arxası üstə səthi möhkəm olan düz yerdə uzatmaq və tərpənməsinin qarşısını almaq lazımdır.

Arxa duman fənərlərindən yalnız məhdudiyyətli görünmə şəraitində istifadə etmək olar. Belə şəraitdə hərəkətdə olan və ya yolda dayandırılmış NV-də duman faraları da yandırıla bilər. Deməli, məhdudiyyətli görünmə şəraitində həm duman faralarının, həm də arxa duman fənərlərinin eyni vaxtda qoşulmasına icazə verilir (m.73.V, VII, IX).