Online sürücülük testləri 5 (şərhlərlə) – Yol hərəkəti qaydaları

Bu yol nişanı piyadaların hərəkəti üçün nəzərdə tutulan zolağı (yolu) işarələmək məqsədilə tətbiq edilir (m.65). Piyada zolağı (yolu) yalnız piyadaların və onlara bərabər tutulan şəxslərin hərəkəti üçün nəzərdə tutulur (m.1.36).

3.26 "Səs siqnalı vermək qadağandır" nişanı qüvvədə olduğu sahədə səs siqnalından istifadə etməyə yalnız yol nəqliyyat hadisəsinin qarşısını almaq məqsədilə icazə verir. Yaşayış məntəqələrindən kənarda bu nişanın olmadığı yerlərdə ötmə zamanı digər sürücüləri xəbərdarlıq etmək məqsədilə də səs siqnalından istifadə etməyə icazə verilir.

Şəkildə yolayrıcıda hərəkət hissələrinin iki birləşməsi vardır. 4.1.1 "Düzünə hərəkət" nişanı bu yolayrıcıda hərəkət hissələrinin birinci birləşmə yerinə şamil edilir (m.65.IV) və burada dönmə manevrini qadağan edir. Belə olan halda, yalnız B trayektoriyası ilə geriyə dönmək olar.

Məcburi dayanma dedikdə, texniki nasazlıq və ya aparılan yükün, sürücünün (sərnişinlərin) vəziyyətinin və ya yolda maneə yaranmasının yolun dağılması, yükün yola düşməsi və s.) doğurduğu üzündən NV-nin hərəkətinin dayandırılması başa düşülür (m.1.30). Yol hərəkəti qadalarını yerinə yetirmək məqsədilə dayanıb piyadalara və ya NV-yə yol vermək məcburi dayanma hesab edilmir.

Minik avtomobilinin sürücüsü üstün keçid hüququna malik olan operativ NV-nin hərəkətinə mane olmur və bu səbəbdən orta zolaqda hərəkəti davam etdirə bilər (m.48.II; m.74.III). Yaşayış məntəqələrində sağ solaq boş olduğu halda ondan soldakı zolaqda hərəkət etmək qadağan deyil (m.49.I). Bu şəraitdə sürücü birinci və ya ikinci zolaqda hərəkət etməklə qaydaları pozmur.

Dayanmanın qadağan edildiyi yerdə məcburi dayanma zamanı avtomobili işarələmək üçün qəza dayanma nişanından (A) istifadə olunmalıdır (m.55.II; m.72.11).

Sürücü yola bitişik ərazidən yola çıxarkən yolda hərəkət edən nəqliyyat vasitələrinə və piyadalara yol verməlidir (m.42.IV). Bu şəraitdə minik avtomobili yola bitişik ərazidən (YDM-dən) çıxdığından, yük avtomobilinin sürücüsü üstünlüyə malikdir.

Solda hərəkət hissəsi ilə bir səviyyədə yerləşən eyni istiqamətdə tramvay yolları olduqda və 5.8.1 və ya 5.8.2 nişanları ilə başqa hərəkət qaydası müəyyən edilmədikdə, həmin yollardan keçərək sola və geriyə dönmək lazımdır (m.42.IV). Bu şəraitdə tramvayın olmadığı halda B trayektoryası ilə geriyə dönməyə icazə verilir.

Yaşayış məntəqələrindən kənarda, habelə yaşayış məntəqələrində 5.1 və ya 5.3 nişanları ilə işarələnmiş yolun hərəkət hissəsində hərəkət istiqamətində sağ zolaq boş olduğu halda sol zolaqlarla hərəkət etmək qadağandır (m.49.I).

2.3.1 "İkinci dərəcəli yolla kəsişmə" nişanı qarşıda nizamlanmayan yolayrıcının olmasını və sizin bu yolayrıcıya baş yolla yaxınlaşmağınızı göstərir. Nizamlanmayan yolayrıcılarda baş yol olmayan yolla hərəkət etdikdə ötmə qadağandır (m.51.V). Deməli, sizə bu vəziyyətdə ötməyə icazə verilir.

5.23 "Yaşayış məntəqəsinin qurtaracığı" nişanı qaydaların yaşayış məntəqələrində hərəkətin xüsusiyyətlərinə aid olan tələblərinin nişana kimi qüvvədə olmasını, yəni bu nişan quraşdırılan yerə qədər yolun sol tərəfində dayanmağa icazə verilmədiyini göstərir. Yaşayış məntəqəsindən kənarda NV-nin yolun hərəkət hissəsindən sol tərəfdə dayanması (durması) qadağandır (m.52.I-II). Ona görə də göstərilən yerlərdən yalnız C-də dayanmağa icazə verilir.

Minik avtomobili yolun hərəkət hissəsi ilə səki arasında olan qazonda durur. 5.15 "Duracaq yeri" nişanı və 7.6.2-7.6.3, 7.6.6-7.6.9 "NV-nin duracağa qoyulma üsulu" lövhəciklərinin quraşdırıldığı halda minik avtomobilləri səkilərdə dura bilər (m.52.I,II,IV). Bu şəraitdə sürücü öz avtomobilini qazonda saxlamaqla durma qaydasını pozmuşdur.

Bu nizamlanan yolayrıcıda üstünlük nişanlarının quraşdırmasına baxmayaraq, NV-nin hərəkət növbəliyi svetoforların siqnalları ilə müəyyənləşdirilir. Svetoforun icazə siqnalı hərəkəti davam etdirməyə icazə verdiyindən siz stop-xəttin qarşısında dayanmadan yolayrıcını keşməlisiniz. Svetoforun yalnız sarı rəngli işığının yanıb-sönməsi və ya onun söndürüldüyü hallarda sürücülər 2.5 "Dayanmadan keçmək qadağandır" nişanının tələblərini yerinə yetirməlidir.

Bu şəritdə yolayrıcıya yalnız sola, sağa və geriyə dönmək məqsədilə girməyə icazə verilir. Əgər yolayrıcıda və ya hərəkət hissələrinin kəsişməsində tixac yaranıbsa və bu, sürücünü dayanmağa məcbur edərək digər NV-nin hərəkəti üçün maneə yaradacaqsa, sürücünün belə yolayrıcıya və ya kəsişməyə girməsi qadağandır (m.75.II).

Eyni əhəmiyyətli olmayan yolların kəsişdiyi nizamlanmayan yolayrıcıya siz ikinci dərəcəli yolla yaxınlaşırsınız (2.4 "Yol verin" nişanı). Qaydalara görə bu halda siz üstünlüyə malik deyilsiniz (m.77.I).

Sürücü bilməlidir ki, şlaqbaumun vəziyyətindən asılı olmayaraq, svetoforun qadağan siqnalının yanması keçidə daxil olmağı qadağan edir (m.44.III).

Texniki baxışdan keçirilmiş NV üçün DYP orqanının mərkəzi informasiya sistemi vasitəsilə onların texniki baxışdan keçməsi barədə elektron talon tərtib olunur. Texniki baxışdan sonra beynəlxalq sərnişin və yük daşımalarında iştirak edən NV-nin sahiblərinin müraciəti əsasında onlara, həmçinin kağız daşıyıcıda texniki baxış talonu verilir (m.30.VII).

Sürüşkən yolda avtomobilin sürüşməsi tormozvermə zamanı arxa təkərlərin bloklanmasından irəli gəlir. Tormozvermə zamanı əmələ gələn sürüşməni aradan qaldırmaq məqsədilə sürücü birinci növbədə tormozverməni dayandırmalı, daha sonra sükanı sürüşən tərəfə döndərməklə yolda avtomobilin hərəkət trayektoryasını bərpa etməlidir.

Sınmış sümüklər bağlanmadıqda qan damarları və sinirlər zədələnə bilər. Ona görə də körpücük sümüyü sınmış zərərçəkənə ilk tibbi yardım göstərmək məqsədilə dirsəkdən düzbucaq altında bükülmüş qolu boynundan ləçəklə asmaq və bint ilə gövdəyə bağlamaq lazımdır. Ləçək olmadıqda isə ona bənzər ölçüdə digər parçadan (geyimdən) istifadə etmək olar.

Sürücü digər qaydaları pozmadan yalnız NV-ni sərxoş halda idarəetmə faktına görə saxlandıqda, o, 400 manat məbləğində cərimə olunmaqla, 5 balla qiymətləndirilir və ya onun sürücülük hüququ 6 aydan 1 ilədək müddətə məhdudlaşdırılır (İXM m.333.1). Sürücü il ərzində NV-ni təkrar sərxoş halda idarəetmə faktına görə və ya sərxoş halda digər qaydaları pozduğuna görə saxlandıqda, bu zaman ona qarşı daha ciddi tənbeh növləri tətbiq edilir (İXM m.333.1-333.5).