Online sürücülük testləri 4 (şərhlərlə) – Yol hərəkəti qaydaları

1.3 bütöv qoşa üfüqi nişanlanma xətti ayırıcı zolaq hesab edilmir. Bu nişanlanma xətti 4 və daha artıq hərəkət zolağı olan yollarda əks istiqamətli nəqliyyat axınlarını ayırır (m.69.VI). Şəkildən göründüyü kimi bu yolda bir hərəkət hissəsi, iki hərəkət istiqaməti və dörd hərəkət zolağı vardır (m.1.14).

Xəbərdarlıq nişanları hərəkət zamanı şəraitə uyğun tədbirlər görülməsi tələb edilən yolun təhlükəli sahəsinə yaxınlaşma və təhlükənin xarakteri barədə yol hərəkəti iştirakçılarına məlumat verir. Belə nişanları görən sürücü diqqəti artırmalı və şəraitə uyğun olaraq təhlükəsiz tədbirləri görməyə hazır olmalıdır. 1.17 "Çınqıl sıçrayışı" nişanı yolda hərəkət edən NV-nin təkərləri altından çınqıl sıçrayışının mümkün olacağı barədə xəbərdalıq edir. Bunları nəzəri alaraq, sıçrayan daşların avtomobilinizə dəyməməsi üçün sürəti azltmalı, ara məsafəsi və intervalı isə mümkün qədər artırmalısınız.

Şəkildəki yolayrıcıda hərəkət hissələrinin iki kəsişməsi vardır. 4.1.1 "Düzünə hərəkət" nişanı bu yolayrıcıda hərəkət hissələrinin birinci kəsişmə yerinə şamil edilir (m.65.IV). Belə olan halda C istiqamətində hərəkəti davam etdirmək qadağandır.

Boş yol kəsişən (bitişən) yola nisbətən müvafiq nişanlarla işarələnmiş yol və ya torpaq yola nisbətən bərk örtüyü olan (asfalt və ya sement-beton, daş materialları və s.) yol yaxud bitişik ərazilərdən çıxışlara nisbətən hər hansı yoldur (m.1.9). Yolların bərk örtüklərinin tipi və zolaqlarının sayı onların bir-birilə müqayisədə baş hesab edilməsi üçün təsnifat əlaməti sayılmır.

Minik avtomobilinin sürücüsü üstün keçid hüququna malik olan operativ NV-nin hərəkətinə mane olmamaq və ona yol vermək məqsədilə sağ hərəkət zolağına keçib orada hərəkəti davam etdirməlidir (m.37.I; m.48.II; m.49.I; m.74.III)

Qaydalara görə yaşayış məntəqələrində birtərəfli hərəkət olan yolların sol tərəfində dayanmağa icazə verilir (m.52.II). Bu şəraitdə sürücü yolun sol tərəfində, 3.27 "Dayanmaq qadağandır" nişanın təsir sahəsində texniki nasazlıq səbəbindən dayanmışdır. Dayanmanın qadağan edildiyi yerlərdə NV-nin məcburi dayanması və ya onun hərəkət hissəsində olması yol hərəkətinin digər iştirakçıları üçün maneə yaradırsa, sürücü qəza dayanma işıq siqnalını və ya qıza dayanma nişanını quraşdırmalıdır. (m.55.II).

Sürücü yola bitişik ərazidən yola çıxarkən yolda hərəkət edən nəqliyyat vasitələrinə və piyadalara yol verməlidir (m.42.IV). Bu şəraitdə yük avtomobili yola bitişik ərazidən çıxdığından siz ona qarşı üstünlüyə maliksiniz.

Bu yolayrıcıda geriyədönmə manevrini ancaq sol zolaqdan yerinə yetirə bilərsiniz (m.42.VI).

Yük avtomobilinin bort platformasında olan sərnişinlərə ayaq üstə durmaq, bortun və ya bortdan yuxarı səviyyədə olan yükün üzərində oturmaq qadağandır (m.56.II).

1.6 "Eyni əhəmiyyətli yolların kəsişməsi" nişanı xəbərdar edir ki, siz eyni əhəmiyyətli yolların kəsişməsinə yaxınlaşırsınız. Nizamlanmayan yolayrıcılarda baş yol olmayan yolla hərəkət etdikdə ötmə qadağandır (m.51.V). Bu şəraitdə at arabasını yalnız o halda ötməyə icazə verilir ki, ötmə yolayrıcıya kimi başa çatsın.

Yaşayış məntəqələrində (5.22 "Yaşayış məntəqəsinin başlanğıcı") hər istiqamət üçün bir hərəkət zolağı olan yolların sol tərəfində dayanmağa və durmağa icazə verilmir (m.52.I,II). Yolun sol tərəfi dedikdə-yolun sürücüyə və onun idarə etdiyi NV-nin irəli hərəkət istiqamətinə nisbətən tərəfi nəzərdə tutulur. Bu şəraitdə göstərilən yerlərdən ancaq A və C-də dayanmağa icazə verilir.

3.28 "Durmaq qadağandır" nişanı 7.2.2 "Qüvədəolma zonası" lövhəciyi ilə quraşdırıldığından o, NV-nin durmasını nişanların qoyulduğu yerdən sonra 300 metr məsafədə qadağan edir. Sizin bu yerin yaxınlığında yaşamağınıza baxmayaraq, avtomobili şəkildə göstrilən yerdə duracağa qoymaqla qaydaları pozmuş olursunuz.

Svetoforun icazə siqnalı bütün nəqliyyat vasitələrinə hərəkəti davam etdirməyə icazə verir (m.59.III). Bu siqnal eyni vaxtda həm də relssiz NV-nin hərəkətinə icazə verirsə, tramvay hərəkət istiqamətindən asılı olmayaraq, relssiz NV qarşısında üstünlüyə malikdir (m.76.III). Bu şəraitdə siz sola dönərkən tramvaya yol verməlisiniz. Qarşıdan gələn minik avtomobili də sola döndüyü üçün sizin dönmə trayektoriyalarınızın kəsişməsinə əmin olmalı və sonra dönməlisiniz.

Bu şəraitdə sürücü nizamlanmayan piyada keçidini keçməkdə olan piyadaya (m.54.I), həm də yolayrıcıda sağa dönərkən dönəcəyi yolun hərəkət hissəsini keçməkdə olan piyadalara yol verməlidir (m.75.I).

Baş yolun istiqamətini dəyişən yolayrıcıya siz ikinci dərəcəli yolla daxil olursunuz (2.4 "Yol verin" və 7.13 "Baş yolun istiqaməti" nişanları). Eyni əhəmiyyətli olmayan yolların kəsişdiyi yolayrıcıda ikinci dərəcəli yolla hərəkət edən NV-nin sürücüsü baş yolla yolayrıcıya yaxınlaşan NV-yə onların sonrakı hərəkət istiqamətindən aslı olmayaraq yol verməlidir (m.77.I). Ona görə də siz hər iki NV-yə yol verməlisiniz.

Qaydalara görə, yük NV-nin xarici işıq siqnallarının, işıqqaytarıcılarının, qeydiyyat və tanınma nişanlarının üstünü tutarsa, onların daşınması qadağandır (m.57.III). Nəqliyyat vaistəsinin qabaritindən qabaq və arxa tərəfindən 1 m-dən çox çıxan yükləri "İriqabaritli yük" nişanı ilə işarələməklə daşımağa icazə verilir (m.57.V). Sərnişin oturacağının üzərinə yüklərin yığılma və daşınması qadağan deyildir.

Avtomobillərin sükan idarə mexanizmində lüft olmalıdır. Bu, sükan idarəsində olan çoxsaylı işlək hissələr və nizamlanan birləşmələrə görə yaranır. Lüft əsasən sükan çarxının sola-sağa boş gedişi ilə müşahidə olunur və o, dərəcə ilə ölçülür. Yük avtomobillərində lüft 25 dərəcədən çox olmamalıdır (1 saylı əlavə 2). Sükan idarəsində yeyilmə və boşalmalar artıqca lüft də artır. Lüft 25 dərəcədən çox olduqda yük avtomobilinin istismarı qadağan edilməlidir.

Avtoqatar döngəni keçən zaman onun arxa təkərləri (qoşqusu) döngənin mərkəzinə doğru yerdəyişmə edir. Siz döngədə avtoqatarla eyni istiqamətdə hərəkət etdiyiniz zaman bunu nəzərə almalı və yan intervalı daha çox saxlamalısınız.

Baldır sümüklərinin sınması zamanı sınmış sümüklərin tərpənməz vəziyyətini təmin etmək məqsədilə şin ayağın içəri və çöl tərəfindən, daban və diz oynaqlaının bərkidilməsi ilə dabandan başlayaraq budun yarısınadək qoyulur.

Yol hərəkət qaydalarını pozduğuna görə İXM-in 22-ci maddəsinə əsasən sürücüyə qarşı xəbərdarlıq, cərimə, inzibati xətanın törədilməsində alət və ya inzibati xətanın biavasitə obyekti olmuş predmetin müsadirəsi, nəqliyyat vasitəsini idarəetmə hüququnun məhdudlaşdırılması və inzibati həbs kimi cəzalar tətbiq edilə bilər.