Online sürücülük testləri 18 (şərhlərlə) – Yol hərəkəti qaydaları

"Dayanmaq qadağandır" nişanı 1.4 nişanlanma xətti (bütöv sarı xətt) ilə birlikdə tətbiq edilə bilər. Bu zaman nişanın qüvvədə olduğu sahə nişanlanma xəttinin uzunluğu ilə müəyyənləşdirilir (m.64.VIII). 1.4 nişanlanma xətti nişan olmadan tətbiq edilmir (m.69.VI).

2.4 "Yol verin" nişanı ilə 7.12 "Obyektə qədər məsafə" lövhəciyinin birgə quraşdırılması 250 metr qarşıda yolayrıcının olması və həmin yolayrıcının qarşısında 2.5 "Dayanmadan keçmək qadağandır" nişanının quraşdırılması barədə sizi məlumatlandırır.

Eyni istiqamətdə üç və daha artıq hərəkət zolağı olan yolda NV-nin bütün hərəkət zolağını tutduğu intensiv hərəkət vaxtı ağırçəkili NV həmin istiqamətdə yalnız sağ kənar zolaqla hərəkət etməli, icazə verilən maksimum kütləsi 3,5 tondan çox olan NV isə həmin istiqamətdə sol kənar hərəkət zolağını (hərəkət istiqamətini sola dəyişmək və ya dönmək halları istisna olmaqla) tutmalıdır (m.49.V). Deməli, yük avtomobili bu şəraitdə hərəkəti sola və ya geriyə davam etdirə bilər.

1.11 nişanlanma xəttini qırıq xətt tərəfdən, habelə yalnız ötməni və ya yandan keçməni başa çatdırdıqdan sonra bütöv xətt tərəfdən kəsib keçməyə icazə verilir (m.69.VI, VII). Bu şəraitdə yalnız B avtomobilinin sürücüsü qaydaları pozmur.

Reversiv svetoforun qırmızı işığı sol zolağa keçməni qadağan etdiyindən, ötməyə icazə verilmir (m.59.VIII).

Yolayrıcıda baş yol üzrə hərəkəti davam etdirərkən sola dönəcəyiniz zaman digər yol hərəkəti iştirakçılarının olub-olmamasına baxmayaraq, soladönmə siqnalını yandırmalısınız (m.42.I).

Sağa, sola və geriyə dönməmişdən əvvəl sürücü həmin istiqamətdə hərəkət hissəsində müvafiq kənar vəziyyəti tutmalıdır (m.42.VI). Bu zaman elə dönmək lazımdır ki, NV hərəkət hissələrinin kəsişdiyi yerdən çıxarkən qarşıdan gələn nəqliyyatın yoluna keçməsin. NV sağa dönərkən hərəkət hissəsinin mümkün qədər sağ kənarına yaxın hərəkət etməlidir (m.42.VII). Deməli, sağadönməni A trayekoriyası ilə yerinə yetirmək lazımdır.

Körpülərdə və tunellərdə geriyə hərəkət qadağan olunduğundan (m.42.XII, XIV) sürücü piyadaya yaxınlaşa bilməz. 4.1.1 "Düzünə hərəkət" nişanı geriyə hərəkəti qadağan etmir. NV-nin sürücüsü bu yolda geriyə hərəkət edə bilər.

NV-nin sıx axını zamanı bu axının sürətindən az və ya çox sürətlə hərəkət etmək təhlükəlidir. Ona görə də belə şəraitdə hərəkət etdiyiniz zaman sürəti hərəkətin intensivliyinə uyğun seçməlisiniz (m.50.I).

Dəmiryol keçidlərində və onlara 100 metrdən az qaldıqda ötmə qadağandır (m.51.V), lakin bilavasitə keçiddən sonra ötməyə başlamaq olar (əgər bunu qadağan edən yol nişanı və ya nişanlanma xətti tətbiq edilməyibsə).

Yaşayış məntəqələrində birtərəfli hərəkət yollarının sol tərəfində icazə verilən maksimum kütləsi 3,5 t-dan artıq olan yük avtomobilinə dayanmağa yalnız yük götürmək və ya boşaltmaq üçün icazə verilir (m.52.II).

3.28 "Durmaq qadağandır" nişanının təsir sahəsi bu şəraitdə yaşayış məntəqəsinin sonuna kimidir (m.64.VI). 5.23 "Yaşayış məntəqəsinin qurtaracağı" nişanını keçdikdən sonra sutkanın istənilən vaxtı yolun sağ kənarında (yol çiynində) durmağa icazə verilir.

Bu nizamlanan yolayrıcında üstünlük nişanlarının quraşdırılmasına baxmayaraq, NV-nin hərəkət növbəliyi svetoforların siqnalları ilə müəyyənləşdirilir. Narıncı və sarı rəngli işartılı məşəlin qoşulması NV-yə hərəkət zamanı üstün keçid hüququ vermir (m.74.V). Ona görə də bu yük avtomobilinin sürücüsü svetoforun icazə siqnalını gözləyərək sizə yol verir. Siz isə sola dönərkən yalnız qarşıdan gələn avtobusa yol verməlisiniz (m.76.I).

Hər iki şəkildə eyni əhəmiyyətli yolların kəsişdiyi nizamlanmayan yolayrıcı göstərilmişdir. Yuxarıdakı şəkildə göstərilən şəraitdə minik avtomobili sizdən sağda yerləşdiyindən siz ona yol verməlisniz. Aşağıdakı şəkildə isə əksinə - üstünlüyə maliksiniz (m.77.III).

Bu şəraitdə siz, tramvay və sağdan yaxınlaşan minik avtomobili yolayrıcıya baş yolla daxil olursunuz (2.1 "Baş yol" və 7.13 "Baş yolun istiqaməti" nişanları). Yolayrıcıda baş yol istiqamətini dəyişərsə, baş yolla hərəkət edən sürücülər öz aralarında eyni əhəmiyyətli yolların kəsişdiyi yolayrıcını keçmək qaydalarını əsas tutmalıdır. Tramvay isə hərəkət istiqamətindən asılı olmayaraq, relssiz NV qarşısında üstünlüyə malikdir (m.77.I-III). Bu səbəbdən siz, tramvay və sağdan yaxınlaşan minik avtomobilinə yol verməlisiniz. İkinci dərəcəli yolla yaxınlaşan motosikletçi yolayrıcıda olan bütün NV-yə yol verməlidir (m.77.I).

Əgər qarşıdan gələn NV-nin sürücüsü işıqları yandırıb-söndürməklə gözlərinin qamaşdığını bildirirsə, onunla aranızdakı məsafədə asılı olmayaraq, uzaq işıqları yaxın işıqlara keçirməyə borclusunuz (m.73.IV).

Qaydalarda yedəyəalma zamanı yedəyə alınan avtobusda, tralleybusda və yük avtomobilinin bort platformasında sərnişin daşınması qadağan edilmiş, yedəyə alan minik avtomobillərində sərnişindaşınmasına qarşı məhdudiyyətlər qoyulmamışdır (m.55.V). Deməli, yedəyə alan və alınan minik avtomobillərində sərnişinlərin daşınmasına icazə verilir.

Fara və arxa qabarit işıqları yanmayan (nasaz olan) NV-yə həm məhdudiyyətli görünmə şəraitində, həm də sutkanın qaranlıq vaxtında hətta təmir və ya duracaq yerinə kimi hərəkəti davam etdirmək qadağandır (m.37.I, 1 saylı əlavə3).

Yolun bağlı sahəsindən açıq sahəyə çıxarkən yandan əsən güclü küləyin təsiri daha təhlükəlidir. Belə ki, bu yerdə küləyin gücü NV-nin hərəkət istiqamətinin dəyişməsinə təsir edə və onun aşmasına səbəb ola bilər.

Huşitirmə zamanı insan 30-40 saniyə ərzində huşsuz vəziyyətdə olur və bu ərəfədə qan təzyiqi kəskin şəkildə aşağı düşür. Belə olan halda, zərəçəkənin ayaqlarını qaldırmaqla qanın ürəyə axması təmin edilir, daxili orqanların qanla təminatı yaxşılaşır və qan təzyiqi artır. Huşitirmə zamanı zərərçəkənə ilk tibbi yardımın göstərilməsi zamanı o, uzadılaraq, ayaqları azacıq qaldırılmalı, bundan əlavə, zərərçəkənin sıxıcı paltarları boşaldılmalı (çıxarılmalı), təmiz hava qəbulu təmin edilməli, ammiak spirti iylədilməli və s. tədbirlər görülməlidir.