Online sürücülük testləri 17 (şərhlərlə) – Yol hərəkəti qaydaları

"C1E" altkateqoriyalı - qoşqusunun icazə verilən maksimum kütləsi 750 kq-dan artıq, lakin avtomobilin yüksüz kütləsindən çox olmayan və bütövlükdə belə tərkibin icazə verilən maksimum kütləsi 12.000 kq-dan artıq olmayan "C1" altkateqoriyasından olan, "CE" kateqoriyası isə bu tip qoşqularla bütün yük avtomobillərini idarə etmək üçündür.

Velosipedlər və mopedlər yalnız yolun sağ kənar zolağında, mümkün qədər sağ tərəfdə bir cərgə ilə hərəkət etməlidirlər. Onların sürücülərinə tramvay hərəkəti olan yollarda, o cümlədən hərəkət istiqamətində hərəkət üçün birdən artıq zolağı olan yollarda sola və ya geriyə dönmək qadağandır (m.46.I, II),

Bu yolayrıcıda siz göstərilmiş hər bir istiqamətdə hərəkəti davam etdirə bilərsiniz. Belə ki, 5.7.2 "Birtərəfli hərəkət yoluna çıxış" nişanı kəsişən yolda hərəkətin birtərəfli olması barədə məlumat verir və NV-nin sağa, yəni əks-hərəkət istiqaməti olan yola dönməsinin qarşısını alır.

Cizgilərin uzunluğu onların arasındakı məsafədən üç dəfə böyük olan qırıq-qırıq xətlər yaxınlaşma xəttidir (1.6 nişanlanma xətti). Bu nişanlanma xətti əks və ya eyni istiqamətli nəqliyyat axınlarını ayıran 1.1 və ya 1.11 nişanlanma xətlərinə yaxınlaşma barədə xəbərdarlıq edir (m.69.VI).

"Sola dönmə" siqnalını göstərən nizamlayıcının sol tərəfindən gələn NV-yə bütün istiqamətlərdə hərəkət etməyə icazə verilir (m.58.II). Bu şəraitdə sizə bütün istiqamətlərdə hərəkət etməyə icazə verilir.

"Sola dönmə" siqnalını göstərən nizamlayıcının sol tərəfindən gələn NV-yə bütün istiqamətlərdə hərəkət etməyə icazə verilir (m.58.II). Bu şəraitdə sizə bütün istiqamətlərdə hərəkət etməyə icazə verilir.

Yolun sağ kənarından hərəkətə başlamazdan öncə sürücü əmin olmalıdır ki, o, bu manevrlə hərəkətin digər iştirakçıları üçün təhlükə və maneə yaratmır (m.42.I). Bu səbəbdən yolun sağ kənarından hərəkətə başlamaq istəyən sürücü hərəkətdə olan (yolun sağ kənarında dayanmaq istəyən) avtomobilə yol verməlidir.

Yolayrıcında geriyə hərəkət etmək qadağandır (m.42.XIV), lakin həyətlərə giriş yeri yolayrıcı sayılmır (m.1.11). Ona görə də hərəkətin digər iştirakçılarına maneə yaradılmayacağı halda, bu yerdə geriyə hərəkət etməklə dönməyə icazə verilir.

Qoşqu aparan avtomobillər yaşayış məntəqələrindən kənarda, avtomagistrallarda saatda 90 kilometrdən çox olmayan sürətlə hərəkət etməlidir (m.50.II).

Ötən NV-nin sürücüsünə hərəkət sürətini artırmaqla və ya başqa hərəkətlərlə ötən NV-nin sürücüsünə maneçilik törətmək qadağandır (m.51.IV). Ötülən NV-nin sürücüsünə hərəkət sürətini aşağı salmaq və ya artırmaq qadağandır. O, yalnız əvvəlki və ya cüzi azaldılmış sürətlə hərəkəti davam etdirməlidir.

Yaşayış məntəqələrində birtərəfli hərəkət yollarının həm sol, həm də sağ tərəfində minik avtomobillərinin dayanma və durmasına icazə verilir (m.52.II). 3.28 "Durmaq qadağandır" nişanı NV-nin dayanmasını qadağan etmədiyindən, bu şəraitdə göstərilən yerlərdə minik avtomobillərinin dayanmasına icazə verilir.

NV-ni parklanma yerlərində və hərəkət hissələrinin genişləndirilmiş sahələrində müvafiq nişanlar (7.6.4-7.6.7), o cümlədən 1.1 nişanlanma xəttinin göstərişinə uyğun olaraq hərəkət hissəsinin kənarına paralel olmayan şəkildə (bucaq altında) saxlamağa icazə verilir. Qalan bütün hallarda NV yolun hərəkət hissəsinin kənarına paralel şəkildə və bir cərgədə saxlanılmalıdır (m.52.I). Bu şəraitdə sürücü avtomobili hərəkət hissəsinin kənarına paralel saxlamadığından və bununla da digər NV üçün maneə yaratdığından durma qaydasını pozur.

Bu nizamlanan yolayrıcıda üstünlük nişanlarının quraşdırılmasına baxmayaraq, NV-nin hərəkət növbəliyi svetoforların siqnalları ilə müəyyənləşdirilir. Svetoforun icazə siqnalının yanmasına baxmayaraq, siz soldan yaxınlaşan, göy sayrışan işıq və xüsusi səs siqnalını qoymuş operativ NV-yə (m.74.I-III), sola dönərkən qarşıdan gələn motosikletə yol verməlisiniz (m.76.I).

Yolayrıcının qarşısında üstünlük nişanları quraşdırılmadıqda, o, konfiqurasiyasından asılı olmayaraq, nizamlanmayan yolayrıcı sayılır. Eyni əhəmiyyətli yolların kəsişdiyi yolayrıcıda tramvay hərəkət istiqamətindən asılı olmayaraq, relssiz NV-yə nisbətən üstünlüyə malikdir (m.77.III). Ona görə də siz tramvaya yol verməlisiniz.

Siz eyni əhəmiyyətli olmayan yolların kəsişdiyi nizamlanmayan yolayrıcıya ikinci dərəcəli yolla yaxınlaşdığınızdan (2.4 "Yol verin" nişanı) baş yolla hərəkət edən yük avtomobilinə yol verməlisiniz (m.77.I). Qarşıdan gələn minik avtomobili də ikinci dərəcəli yolla yaxınlaşır, lakin o, düz istiqamətdə hərəkət etdyindən, siz ona yol verdikdən sonra geriyə dönə bilərsiniz (m.77.IV).

Süni işıqlandırılan tunelə daxil olduqda hərəkət sürətindən, eyni və əks-istiqamətlərdə hərəkət edən NV-dən və görünmə şəraitindən asılı olaraq, faraların yaxın və ya uzaq işıqlarından istifadə olunmalıdır (m.73.III,IV). Bu şəraitdə yalnız qabarit işıqları qoşmaqla hərəkət etmək qadağandır, belə ki, tuneldə işıqların qəfil sönməsi zamanı qabarit işıqlar təhlükəsizliyi təmin etmir.

Yedəyəalma zamanı yedəyə alınan avtobusda sutkanın vaxtından və yedəyəalma üsulundan asılı olmayaraq, sərnişin daşınması qadağandır (m.55.V).

Yağış və ya qar yağdığı şəraitdə şüşə silgəci sürücü tərəfdə işləmədikdə hərəkətin davam etdirilməsi qadağandır (m.37.I, 1 saylı əlavə 4).

Yolayrıcı sayılmayan, lakin sağdan bitişik ərazisi olan dar yerdə təhlükəsiz geriyə dönmək manevri soldakı şəkildə göstərilmişdir. Bu şəraitdə sürücü geriyə hərəkət edib yola çıxan zaman həm öz hərəkət trayektoriyasına, həm də çıxdığı hərəkət zolağına nəzarət etmək imkanına malik olur.

Travmatik şok həyat üçün önəmli olan funksiyaların dərin sarsıntısı olduğundan, zərərçəkən şəxsin ciddi tibbi yardıma ehtiyacı olur. Şoka düşmüş zərərçəkənə ilk tibbi yardımın göstərilməsi onu uzatmaqdan, üstünü örtməkdən, ağrıkəsici vasitələr verməkdən, nəfəsinə və nəbzinə nəzarət etməkdən ibarətdir.