Online sürücülük testləri 12 (şərhlərlə) – Yol hərəkəti qaydaları

Sürücülük vəsiqəsində "C" kateqoriyası - "D" kateqoriyasına aid edilməyən, icazə verilən maksimum kütləsi 3,5 t-dən artıq olan avtomobilləri, habelə qoşqusunun icazə verilən maksimum kütləsi 750 kq-dan artıq olmayan "C" kateqoriyasından olan və C1 altkateqoriyasına daxil edilən avtomobilləri idarə etmək hüququ verir (m.34.IV).

1.12.1 "Təhlükəli döngələr" nişanı nişanların quraşdırıldığı yerdən 150-300 m sonra birinci döngə sola olmaqla, bir neçə təhlükəli döngələr sahəsinin başlaması barədə xəbərdar edir (m.62.III). 7.2.1 "Qüvvədə olma zonası" nişanı bu təhlükəli döngələr olan yol sahəsinin ümumi uzunluğunun 500 metr olmasını göstərir.

4.3 "Dairəvi hərəkət" nişanı lazımi döngəyə (istiqamətə) dönənə qədər dairənin mərkəzi ətrafında saat əqrəbinin əks-istiqamətində hərəkət etmək lazım olduğunu bildirir. Siz geriyə dönmək istədiyiniz zaman bu qaydaya riayət etməlisiniz. Belə halda şəkildə göstərilən qaydada geriyə dönmək qadağandır.

1.10 sarı qırıq nişanlanma xəttinin 3.28 nişanı ilə birlikdə tətbiqi durmanın qadağa olduğu yeri bildirir. Bu xətt hərəkət hissəsinin kənarına və ya bordürün üst hissəsinə çəkilir (m.52.VI; m.69.VI). Bu nişanlanma xətti dayanmanı qadağan etmir.

Svetoforlar işlədiyindən bu yolayrıcı nizamlanan sayılır və gördüyünüz üstünlük nişanları nəzərə alınmır. Şəkildə olan avtomobillərin hər biri hərəkəti davam etdirə bilər. Lakin sola dönən NV qarşıdan gəlib düz istiqamətdə gedən və ya sağa dönən NV-yə yol verməlidir (m.76.I). Beləliklə, sola dönərkən qarşı tərəf üstünlüyə, sağa dönərkən isə siz üstünlüyə maliksiniz.

Sürücü sürəti artırarkən bilməlidir ki, hərəkət sürəti neçə dəfə artarsa, tormoz yolu bu artımın kvadratına bərabər olaraq artır. Bu o deməkdir ki, sürət üç dəfə artırılarsa, tormoz yolu doqquz dəfə artacaq.

Svetoforun siqnalı hər iki avtomobilin hərəkətinə icazə verir. Sürücülər 42-ci maddənin 6 və 7-ci bəndlərinin tələblərini pozmur. A avtomobilinin dönməsi maneə yaratmadıqda, onlar eyni vaxtda dönə bilər (m.1.41, m.42.VI,VII, m.76,I).

Minik avtomobilinin sürücüsünə sonradan sağa dönmək məqsədilə geriyə hərəkət etməyə icazə verilmir, belə ki, onun yolu ictimai nəqliyyatın dayanacaq məntəqələri olan yerlərdən keçdiyindən geriyə hərəkət etmək qadağandır (m.42.XIV).

İcazə verilən maksimum kütləsi 3,5 tondan artıq olan yük avtomobilləri yaşayış məntəqələrindən kənarda avtomagistrallarda saatda 90 kilometrdən çox olmayan sürətlə hərəkət etməlidir (m.50.II).

Siz ikinci dərəcəli yolla nizamlanmayan yolayrıcıya yaxınlaşırsınız. Bu nizamlanmayan yolayrıcıya kimi olan məsafə 2.4 "Yol verin" nişanı qoyulan yerdən 200 metrdir. Nizamlanmayan yolayrıcılarda baş yol olmayan yolla hərəkət etdikdə ötmək qadağandır (m.51.V). Deməli, yük avtomobilinin yalnız o halda ötmək olar ki, bu ötmə nizamlanmayan yolayrıcıya kimi başa çatmış olsun.

Sürücülərdən heç biri dayanma qaydasını pozmur. Belə ki, bilavasitə dəmiryolu keçidində dayanmaq qadağandır ( m.52.IV). Keçid yaxınlığında yol çiyninə çıxaraq bu qaydada dayanmaq qaydalara zidd deyil. Lakin keçidə 50 m-dən az məsafədə NV-nin durması qadağandır (m.52.VI).

Yaşayış məntəqələrində birtərəfli hərəkət yollarının sol və sağ tərəfində minik avtomobillərinin dayanması və durmasına icazə verilir (m.52.II). Sürücü C yerində avtomobili duracağa qoymaqla, qaydaları pozmuş olur, belə ki, 7.2.3 "Qüvvədə olma zonası" lövhəciyi 3.27 nişanının təsir sahəsinin bitdiyi yeri göstərir, yəni NV-nin nişanlar quraşdırılan yerə kimi dayanması və durması qadağandır. 

Bu şəraitdə siz svetoforun qırmızı siqnalı ilə eyni vaxtda əlavə bölməsində yandırılmış ox işarəsi istiqamətində hərəkət etdiyinizdən, başqa istiqamətlərdən gələn NV-yə yol verməlisiniz (m.76.II).

Bu yolayrıcının konfiqurasiyasına baxmayaraq, o, eyni əhəmiyyətli yolların kəsişdiyi nizamlanmayan yolayrıcıdır və yük avtomobili sizdən sağda yerləşdiyindən ona yol verməyə borclusunuz (m.77.III).

Svetoforun sarı rəngli işığının yanıb-sönməsi yolayrıcının nizamlanmayan olduğunu göstərir (m.59.III). Belə olduğu halda, siz üstünlük nişanlarının (2.1 "Baş yol" və 7.13 "Baş yolun istiqaməti" nişanlarının) tələblərini əsas tutmalisiniz. Bu  şəraitdə siz və sağdan yaxınlaşan minik avtomobili yolayrıcıya baş yolla daxil olursunuz. Siz eyni əhəmiyyətli olmayan yolların kəsişdiyi nizamlanmayan yolayrıcıda yalnız sağdan yaxınlaşan minik avtomobilinə yol verməlisiniz, belə ki, qaydalara əsasən yolayrıcıda baş yol istiqamətini dəyişdikdə, baş yolla hərəkət edən sürücülər öz aralarında eyni əhəmiyyətli yolların kəsişdiyi yolayrıcını keçmək qaydalarını əsas tutmalıdırlar (m.77.II,III). Burada tramvay ikinci dərəcəli yolla daxil olduğundan, siz üstünlüyə maliksiniz (m.77.I).

Keçiddən o tayda tıxac yarandıqda və bu, sürücünü keçiddə dayanmağa məcbur etdikdə, qatarların yaxınlaşmadığı hallarda belə keçidə daxil olmaq qadağandır (m.44.III).

Svetoforun sarı rəngli işığının yanıb-sönməsi NV-nin hərəkətinə icazə verir və nizamlanmayan yolayrıcının və ya piyada keçidinin olması və təhlükə barədə xəbərdar edir (m.59.III).

Yoxuşda dayanmış avtomobili hərəkətə gətirərkən duracaq tormozun dəstəyini hərəkətə başlama ilə eyni vaxtda buraxmaq lazımdır. Duracaq tormozun dəstəyi hərəkətə başlayana kimi buraxılarsa, bu avtomobilin geriyə getməsinə, hərəkətə başlayandan sonra buraxılarsa, mühərrikin dayanmasına səbəb olacaqdır.

Yod məhlulu və brilliant yaşılı yaranın içərisindəki toxumalara kimyəvi zədə vurmaq imkanına malikdir. Bu məhlullardan yaranın ətrafını effektiv şəkildə dezinfeksiya etmək məqsədilə istifadə edilir. Ona görə də yod məhlulu və brilliant yaşılı dezinfeksiya vasitəsi kimi yalnız yaranın ətrafında dəriyə sürtülməlidir.

"Yol hərəkəti haqqında" Qanunun 1 saylı əlavəsində istismarı qadağan edən nasazlıqlar verilmişdir. Yalnız 1-ci cavabdakı nasazlıq istismarı qadağan etmir. Bunun hərəkət üçün təhlükəli olmasına baxmayaraq, imkan olan kimi aradan qaldırılmalıdır.