Online sürücülük imtahan testləri 49 (şərhlərlə) – Yol hərəkəti qaydaları

3.22 "Yük avtomobillərinin ötməsi qadağandır" nişanı icazə verilən maksimum kütləsi 3,5 t-dan artıq olan yük avtomobillərinə (qarşısında hərəkət edən NV-nin sürətindən asılı olmayaraq) bütün NV-nin ötməyi qadağan edir.

Yalnız 4.1.3 "Sola hərəkət" nişanı (2) bütün hallarda sürücünü sola dönməyə məcbur edir. Bu nişan geriyə dönməyə də icazə verir (m.65.III). Şəkildəki digər nişanlar sürücünü sola dönməyə məcbur etmir. Belə ki, 3, 4 və 5-ci nişanlar yalnız sağa dönməyi qadağan edir. 1-ci nişan yolayrıcıdan sola gedən yolun minik avtomobillərinin hərəkəti üçün olduğunu bildirir, lakin sizin digər istiqamətlər üzrə hərəkətinizə məhdudiyyət qoymur.

Servis nişanları yollarda müvafiq obyektlərin yerləşməsi barədə məlumat verir (m.67.I). B (6.10 "Kempinq") nişanı kempinqi, A (6.9 "Mehmanxana və ya motel") və C (6.11 "Dincəlmə yeri") nişanları müvafiq obyektləri bildirir. Servis nişanları yaşayış məntəqələrində, obyektlərin bilavasitə yanında və ya onlara dönəcək yerlərdə quraşdırılır. Yaşayış məntəqələrindən kənar yollarda bu nişanlar obyektdə 400-800 m qalmış quraşdırılır (m.67.II).

Yolayrıcılarda kənarda yolun sol kənarından geriyə dönmək üçün hərəkət hissəsinin eni kifayət qədər olmadıqda hərəkət hissəsinin sağ kənarından (yolun sağ qırağından), yəni A trayektoriyası ilə manevr etməyə icazə verilir (m.42.IX).

Yalnız B (2.5 "Dayamadan keçmək qadağandır") nişanı sürücünü stop-xəttin qarşısında, bu xətt olmadıqda isə hərəkət hissələrinin kəsişməsinin və dəmiryol keçidlərində nişanın qarşısında dayanmağa məcbur edir. C (5.33 "Stop-xətt") nişanı svetofor və ya nizamlayıcının qadağan siqnalında NV-nin dayanmalı olduğu yeri göstərir. A və D nişanları isə şıraitdən asılı olaraq, sürücüyə yol verməyi tövsiyə edir.

Sağakı şəkildə eninə kəsiyi göstərilmiş yol avtomobilinin döngədə hərəkəti zamanı onun dayanıqlığını daha çox təmin edir. Döngədə hərəkət edən avtomobilin aşmasına səbəb ağırlıq və mərkəzdənqaçma qüvvələridir. Bu döngədə yolun sol tərəfinin nisbətən hündür olması dönmə zamanı avtomobilə təsir edən qüvvələri kompensasiya edir və onun aşmasının qarşısını alır. Ona görə də müasir sürətli hərəkət yollarında, döngə olan sahələrdə yolun bir tərəfi digər tərəfə nisbətən hündür olur.

Avtomagistralda icazə verilmiş maksimum kütləsi 3,5 t-dan artıq olan yük avtmobillərinin birinci və ikinci zolaqdan başqa digər zolaqlarda hərəkəti qadağandır (m.43.II). Bu əraitdə sizin idarə etdiyiniz yük avtomobilinin ivazə verilmiş maksimum kütləsi 3,5 t-dan artıq olmadığından, göstərilən qaydada ötməyə icazə verilir.

Pis görünmə şəraitində (qaranlıqda, yağış və qar yağan şəraitdə) hərəkət edərkən sürətin seçilməsi üçün əsas amil, dayanma yolunun uzunluğunun görünmə məsafəsindən az olmasıdır.

Şəkildə nizamlanan yolayrıcı göstərilmişdir və burada NV-nin hərəkət növbəliyi nizamlayıcının siqnalları ilə müəyyənləşdirilir. "Müəyyən istiqamət üzrə hərəkət" siqnalı nizamlayıcının sol və sağ tərəfindən gələn relssiz NV-nin düzünə və sağa hərəkət etməsinə icazə verir, sinə və arxa tərəfindən gələn NV-nin hərəkətini isə qadağan edir (m.58.II). Bu şəraitdə yük avtomobilinin sürücüsü və velosipedçi qaydaları pozur.

Yaşayış məntəqələrində birtərəfli hərəkət yollarının həm sol, həm də sağ tərəfində minik avtomobillərinin dayanma və durmasına icazə verilir (m.52.II). Lakin bu şəraitdə göstərilən yerlərin heç birində dayanmağa icazə verilmir. Belə ki, qaydalara görə piyada keçidində və onlara 5 metrdən az yaxınlıqda dayanmaq qadağandır (m.52.IV).

3.28 "Durmaq qadağandır" nişanı ayın günlərindən asılı olmayaraq, durmanı qadağan edir. 3.29 "Ayın tək günlərində durmaq qadağandır" nişanı ayın tək günlərində, 3.30 "Ayın cüt günlərində durmaq qadağandır" nişanı isə ayın cüt günlərində durmanı qadağan edir. Deməli, 1-ci və 2-ci nişan ayın tək günlərində durmanı qadağan edir.

7.6.1 lövhəciyi və nişanlanma xətəri NV-nin bordürə paralele şəkildə parklanmalı olduğu barədə məlumat verir. Hər iki avtomoblin sürücüsü bu qaydalara əməl edir. Bu yerdə icazə verilən maksimum kütləsi 3,5 t-dan çox olan yük avtomobillərinin parklanması qadağandır (m.53.XXIII, XXIV). B avtomobilinin icazə verilən maksimum kütləsi 15 t olduğundan, onun sürücüsü parklanma qaydasını pozur.

7.4.1 "Nəqliyyat vasitəsinin növü" lövhəciyi 4.1.1 "Düzünə hərəkət" nişanının icazə verilən maksimum kütləsi 3,5 t-dan artıq olan yük avtomobillərinə şamil olduğunu müəyyən edir (m.68.I). Bu səbəbdən siz yük avtomobilində hərəkəti yalnız düzünə davam etdirə bilərsiniz.

Siz soldan biləşən yola dönərkən yaşayış zonasına daxil olursunuz. Yaayış zonasının girişində 5.51 nişanı quraşdırılmışdır. Yaşayış zonasında bütün NV üçün maksimum hərəkət sürəti 20 km/saat təyin olunmuşdur (m.50.II).

Atmosfer təzyiqi avtomobilin yanacaq sərfinə birbaşa təsir edən amillərdən biridir. Atmosfer təzyiqi yanacağın hava ilə qarışmasına, yanıcı qarışığın əmələ gəlməsinə və bu qaışığın silindirlərə tələb olunan miqdarda doldurulmasına təsir edir. Atmosfer təzyiqi aşağı düşdükdə (dəniz səviyyəsindən yüksək yerlərə qalxdıqda), yanacaqla hava tələb olunan nisbətdə qarışmır, zəngin yanıcı qarışıq əmələ gəlir, nəticədə yanacağın sərfi artır.

Sürücü sürəti artırarkən tormoz yolunun hərəkət sürətinin neçə dəfə artmasının kvadratına bərabər olaraq artdığını, yəni sürətin iki dəfə artırılması zamanı tormoz yolunun dörd dəfə artmasını nəzərə almalıdır.

Sərnişinlərin rahatlığını təmin etmək məqsədilə avtobusun pəncərələrindən və arxa şüşəsindən pərdə asmağa icazə verilir. Lakin bu halda avtobusun hər iki tərəfində arxanı göstərən xarici güzgülər olmalıdır (1 saylı əlavə-7).

Sürüşkən yolda sürəti qəflətən artırdıqda, avtomoblin sürüşməsi aparıcı təkərlərin yerində fırlanmasından irəli gəlir. Hərəkət sürətinin qəflətən artırılması ilə əlaqədar sürüşmə baş verdikdə, sürücü qazın pedalını sıxmağı azaltmalıdır.

Yol nəqliyyat hadisəsi törədən sürücü yalnız məhkəmənin qərarı ilə cinayət məsuliyyətinə cəlb oluna bilər.