Online sürücülük imtahan testləri 45 (şərhlərlə) – Yol hərəkəti qaydaları

3.7 "Qoşqu ilə hərəkət qadağandır" nişanı qoşqu aparan yük avtomobillərinin, traktorların və yedəklə hərəkət edən bütün NV-nin hərəkətini qadağan edir (m.64).

3.12 "Oxa düşən ağırlığın məhdudlaşdırılması" nişanı hər hansı oxuna düşən faktiki ağırlıq 5 t-dan artıq olan NV-nin hərəkətini qadağan etməsi barədə məlumat verir (m.64). Sürücü bilməlidir ki, yük avtomobilinin faktiki kütləsinin kütləsinin təqribən 30%-i qabaq, 70%-i isə arxa oxa (asqıya) düşür. Asqıda 2 ox olduqda, yük onlar arasında bərabər bölünür.

Bu nişanlardan ikisi (B və C) sola dönməyə icazə verir: B nişanı (5.19.3 "Dalan") sola gedən yolun az məsafədən sonra bitməsi; C (5.10.3 "Ümumi istifadədə olan NV üçün zolağı olan yola çıxış") nişanı qarşıdakı kəsişən yolda NV-nin ümumi axınının sağdan sola, ümumi istifadədə olan NV-nin hərəkətinin isə soldan sağa doğru bir zolaqda təşkil olunması; A (5.7.1 "Birtərəfli hərəkət yoluna çıxış") nişanı isə sağa və geriyə dönməyə, o cümlədən hərəkəti düz istiqamətdə davam etdirməyə icazə verməsi barədə məlumat verir.

A (1.19 "İkitərəfli yol") nişanı ikitərəfli hərəkəti olan yolun başlanğıcına yaxınlaşma; B (5.35 "Qarşılıqlı hərəkət") nişanı bir və ya bir neçə zolaqda hərəkət istiqamətinin əksinə dəyişə bilən yolların başlanğıcına yaxınlaşma; C (5.8.7 "Zolaqlarda hərəkət istiqaməti") nişanı isə üçzolaqlı yolun iki zolağında hərəkətin bir tərəfə təşkil olunması barədə məlumat verir.

Yuxarı şəkildə göstərilmiş avtomobilin sürücüsü dayanma qaydasını pozur. Belə ki, NV-nin səki və hərəkət hissəsinin arasındakı qazonda dayanması qadağandır (m.52.I, II, IV). Aşağı şəkildəki yük avtomobilinin dayanması qaydalara zidd deyil, belə ki, 1.5 qırıq nişanlanma xətti dayanmış avtomobili ötüb keçmək imkanlarını məhdudlaşdırmır (m.52.IV; m.69.VI, VII).

3.25 "Maksimum sürətin məhdudlaşdırdığı zonanın qurtaracağı" nişanı 3.24 nişanı ilə NV üçün təyin olunmuş maksimum sürət həddinin (70 km/saat) qüvvədəolma sahəsinin bitdiyini göstərir (m.64.VIII). Bu yol qaydalara görə yaşayış məntəqəsindən kənar, avtomagistrala aid edilməyən başqa yol sayılır və burada yedəyinə mexaniki NV aparan NV üçün saatda 50 km-dən çox olmayan maksimum sürət təyin edilmişdir (m.50.II).

1.1, 1.3 nişanlanma xətti, yaxud ayırıcı zolağı olan üçtərəfli yolayrıcıdakı yan keçidin qarşı tərəfində üfiqi nişanlanma xətti ilə dayanmış NV arasındakı məsafə 3 metrdən az olmadığı halda, dayanmağa icazə verilir (m.52.IV).

Güclü yağış yağdıqda təkərlərlə yolun təması olan yerlərində (əsasən protektoru yeyilmiş təkərlərdə) su yığılır və nəticədə "su qatı" yaranır. Belə olduqda, təkərlərlə yolun səthi arasındakı ilişmə itir və avtomobil yolda sürüşməyə başlayır. Sürücü bütün bunları nəzərə almalı və buna bənzər şəraitə düşdükdə  avtomobili mühərrik vasitəsilə tormozlamalıdır.

Yaşayış məntəqələrində sürücülər işarələnmiş dayanacaqlardan hərəkətə başlayan trolleybus və avtobuslara yol verməlidirlər. Trolleybus və avtobus sürücüləri yalnız onlara yol verdiyinə əmin olduqdan sonra hərəkətə başlaya bilərlər (m.48.V).

Şəkildə nizamlanan yolayrıcı göstərilmişdir. Burada NV-nin hərəkət növbəliyi nizamlayıcının siqnalları ilə müəyyənləşdirilir. "Soladönmə" siqnalı nizamlayıcının sol tərəfindən gələn tramvayların sola dönməsinə, relssiz NV-yə bütün istiqamətlərdə, sinə tərəfindən gələn NV-yə sağa hərəkət etməyə icazə verir, sağ və arxa tərəfdən gələn NV-nin hərəkətini isə qadağan  edir (m.58.II). Bu şəraitdə yük avtomobili və tramvayın sürücüləri qaydaları pozurlar.

Yolayrıcılarda geriyə dönmək qadağan deyil, lakin geriyə hərəkət etmək qadağandır (m.42.XII, XIV). Bu, yolayrıcıda hərəkətin intensiv, manevrlərin isə çox və müxtəlif olması, o cümlədən geriyə hərəkət edən sürücünün diqqətinin yayınlığı ilə bağlıdır.

7.5.2 "İş günləri" lövhəciyi ilə birgə quraşdırılmış 3.28 "Durmaq qadağandır" nişanı ayın bütün iş günlərində durmanı qadağan edir. 3.29 "Ayın tək günlərində durmaq qadağandır" nişanı ayın tək günlərində, 3.30 "Ayın cüt günlərində durmaq qadağandır" nişanı isə ayın cüt günlərində durmanı qadağan edir. Deməli, ayın tək günlərində durmanı soldakı və ortadakı nişanlar qadağan edir.

7.5.2 "İş günləri" lövhəciyi sürücüləri 3.2 "Hərəkət qadağandır" nişanının yalnız həfdənin iş günlərində qüvvədə olması barədə məlumatlandırır. Lakin bu nişan onun təsir sahəsində yaşayan və ya işləyən insanların NV-nə şamil olunmur. Deməli, bu nişanların təsir zonasında yerləşən iş yerinizə həfdənin bütün günlərində getməyə icazə verilir.

5.15 "Duracaq yeri" nişanı ilə birgə quraşdırılan 7.6.2 "NV-nin duracağa qoyulma üsulu" lövhəciyi və m.52.II sürücüləri yolun hərəkət hissəsinə bitişik səkinin kənarında parklanmağa yalnız minik avtomobillərinə, motosikletlərə, mopedlərə və velosipedlərə piyadaların hərəkətinə maneə yaratmamaq şərti ilə icazə verilməsi barədə məluat verir. Bu yük avtomobili piyadaların hərəkətinə maneə yaratmasa da onun göstərilən yerdə parklanması qadağandır.

Arxa ox protektotu bərpa olunmuş şənlərin geydirilməsi avtomobilinin istismarının qadağan edilməsi üçün səbəb deyildir. Şinlərdə kordun çılpaqlaşması, karkasının təbəqələrə ayrılması, protektorun və ya rezinin qopması kimi zədələrin olması avtomobilin istisarını qadağan edir (1 saylı əlavə-5).

Avtomobilin faktiki kütləsi onun icazə verilən maksimum kütləsindən az olarsa, o, döngələrdə hərəkət edərkən aşmağa qarşı daha davamlı olar. Əgər avtomobilin faktiki kütləsi onun icazə verilən maksimum kütləsinə bərabər olarsa, bu zaman ona təsir edən və aşmağa səbəb olan qüvvələrin kəmiyyəti də nisbətən böyük olar.

Qarşıdan gələn iriqabaritli NV-nin (avtoqatarların, avtobusların) sürəti olduğundan daha yüksək qəbul edilir.

Siz minik avtomobilini dərman qutusu, odsöndürən və qəzadayanma nişanı olduğu halda istismaq edə bilərsiniz (1 saylı əlavə-7). Minik avtomobilində diyirlənməyə qarşı dayaqların olmaması istismarın qadağan edilməsi üçün səbəb və ya nasazlıq sayılmır.

Sadalanan hallardan yalnız soyutma sisteminin tempratur göstəricisinin işləməməsi (nasazlığı) avtomobilin istismarını qadağan etmir. Spidometrin və yük forması bostlarının cəftələrinin işləməməsi kimi nasazlıqların olması yük avtomobilinin istismarını qadağan edir (1 saylı əlavə-7).

Sürücü sürəti artırarkən tormoz yolunun hərəkət sürətinin artmasının kvadratına bərabər olaraq artmasını, yeni sürətin 2 dəfə artması zamanı tormoz yolunun 4 dəfə artacağını, sürətin 3 dəfə artması zamanı toroz yolunun 9 dəfə artacağını, sürətin 4 dəfə artması zamanı tormoz yolunun 16 dəfə artacağını bilməlidir.