Online sürücülük imtahan testləri 39 (şərhlərlə) – Yol hərəkəti qaydaları

5.15 "Duracaq yeri" nişanı ilə birgə quraşdırılan 7.6.3 "NV-nin duracağa qoyulma üsulu" lövhəciyi, eləcə də m.52.II, m.53.XXIII sürücüləri yolun hərəkət hissəsinə bitişik səkinin kənarında parklanmağa yalnız minik avtomobillərinə, motosikletlərə, mopedlərə və velosipedlərə piyadaların hərəkətinə mane olmamaq şərtilə icazə verilməsi barədə məlumatlandırır.

3.28 "Durmaq qadağandır" nişanının təsir sahəsində NV-nin dayanmasına icazə verilir. NV-nin dayanmasaı adamların minməsi və ya düşməsi yaxud yüklərin yığılması və ya boşaldılması üçün zəruri vaxt ərzində NV-nin hərəkətsiz vəziyyətə gətirilməsidir (m.1.29). Burada göründüyü kimi, dayanma müddəti zərurətdən asılı olaraq, 5 dəqiqədən də artıq ola bilər.

5.11.1 "Geriyədönmə yeri" nişanı ilə işarələnmiş ayırıcı zolağın kəsiyi qarşısında müvəqqəti olaraq, 4.1.1 "Düzünə hərəkət" nişanı quraşdırılmışdır. Bu iki nişanın tələbləri bir-birinə ziddir. Qaydalara görə, belə olan hallarda müvəqqəti quraşdırılmış nişanın tələbləri rəhbər tutulur (m.61.VI-I, m.69.VII). Deməli, yalnız A istiqamətində hərəkət davam etdirməyə icazə verilir.

2.5 nişanlanma xətti kiçikradiuslu döngələrdə, sərt enişlərdə, digər təhlükəli sahələrdə yol sədlərinin yan səthini göstərir (m.69.IX). Bu şəkildəki 2.5 nişanlanma xətti sizi yolun təhlükəli sahəsi ilə hərəkət etməyiniz barədə xəbərdar edir.

"Soladönmə" siqnalını göstərən nizamlayıcının sinə tərəfindən gələn NV-yə yalnız sağ istiqamətdə hərəkət etməyə icazə verilir (m.58.II). Bu şəraitdə sizə yalnız A istiqamətində hərəkət etməyə icazə verilir.

Yolayrıcıda 4.1.2 "Sağa hərəkət" nişanının tələbini rəhbər tutaraq, sağa dönməlisiniz. Bu manevri yerinə yetirən zaman sağadönmə siqnalını mütləq qoşmalısınız (m.42.I).

Şəkildə göründüyü kimi, kəsişəm yolda ümumi istifadədə olan NV üçün xüsusi zolaq (BUS) nəzərdə tutulmuşdur. Qaydalara görə belə yollarda hərəkət edən digər NV-nin həmin zolaqda hərəkəti və dayanması qadağandır (m.48.IV). Yük avtomobilnin sürücüsü yolayrıcı qarşısında quraşdırılmış 5.10.2 yol nişanına əhəmiyyət vermədən ümumi istifadədə olan NV üçün nəzərdə tutulmuş xüsusi zolağa dönməklə qaydaları pozmuş olur.

İctimai nəqliyyatın dayanacaq məntəqələrinin yerləşdiyi yerdə marşrut NV-nin olub-olmamasından aslı olmayaraq, geriyə dönmək qadağandır (m.42.XII).

Yalnız 1-ci nizamlayıcının siqnalı ("Soladönmə") hərəkətə icazə verir. Bu siqnalda onun sol tərəfindən gələn NV-yə bütün istiqamətlərdə hərəkət etməyə icazə verir. Nizamlayıcının digər siqnalları isə bu şəkildə hərəkəti qadağan edir (m.58.II).

Dönmə göstəriciləri manevrə başlamazdan əvvəl verilir, manevri başa çatdırdıqdan sonra isə hərəkətinizin sonrakı istiqaməti barədə yaranan fikrin yol hərəkətinin digər iştirakçılarını çatdırmaması üçün dərhal kəsilir (m.42.III).

Dayanacaq meydançasına (sarı ziqzaq şəklində işarələnmiş yer), meydança olmadıqda isə, ümumi istifadədə olan NV-nin dayanacaq yerini işarə edən 5.12 və ya 5.13 yol nişanlarına 15 metrdən yaxın dayanmaq qadağandır (m.52.IV). A və C minik avtomobillərinin sürücüləri bu qaydaya əməl edərək 5.12 nişanından 15 metr aralıda dayansalar da, B avtomobilinin sürücüsü qaydalara əhəmiyyət vermir və ya onları bilmir. Deməli, yuxarı şəkildəki şəraitdə B avtomobilinin sürücüsü qaydaları pozmuş olur. Ümumi istifadədə olan NV-nin dayanacaq meydançası avtobusların həmin yerlərə rahat girişini, maneəsiz hərəkətə başlayıb yola çıxmasını və adamların avtobusa təhlükəsiz şəraitdə minib-düşməsini təmin etməlidir. Dayanacaq meydançası iki və daha artıq avtobusun eyni vaxtda dayanması üçün nəzərdə tutduğu halda, dayanacaq meydançasının uzunluğu sarı ziqzaq şəklində olan nişanlanma ilə müəyyən edilir (m.69.VI). Əgər sarı ziqzaq şəklində nişanlanma varsa, ona 15 metrdən yaxın dayanmaq qadağandır.

Dəmiryol keçidlərində dayanmaq qadağandır. Keçiddən aralı yerlərdə dayanmağa icazə verilir. Lakin 1-ci avtomobil ilə bütöv nişanlanma xətti arasında qalan məsafə 3 m-dən az olduğundan onun sürücüsü dayanma qaydasını pozur (m.52.IV). Bildiyiniz kimi hərəkət zolağının eni, təqribən 3 m olur. Əgər bu zolaqda minik avtomobili dayandırılıbsa, deməli zolağın boş qalan hissəsi 3 m-dən az olur. 2-ci avtomobilin sürücüsü isə qaydları pozmur (m.44.III).

Svetoforun işləmədiyi və yol nişanlarının olmadığı bu yolayrıcı eyni əhəmiyyətli yolların kəsişdiyi yolayrıcı kimi qəbul olunur (m.75.III, IV). Bu şəraitdə yük avtomobili yolayrıcıya çıxaraq minik avtomobilinə yol vermək üçün dayanmalıdır. Bu zaman sağ tərəfi boşalan avtobus hərəkətə başlayaraq yolayrıcını keçməlidir. Daha sonra minik avtomobilinin sürücüsü yolayrıcını keçir və sonda yük avtomobilinin sürücüsü hərəkətini davam etdirir (m.77.I-IV).

Yolayrıcından kənarda, tramvay yollarının yolun hərəkət hissəsi ilə kəsişdiyi yerlərdə tramvay, onun depodan çıxması hallarından başqa, sutkanın vaxtından, avtomobil yolunun işarələnməsindən asılı olmayaraq, relssiz NV-yə nisbətən üstünlüyə malikdir (m.48.III).

Relssiz NV-nin sürücüləri sola və ya geriyə dönərkən, eyni əhəmiyyətli yolda qarşı tərəfdən düzünə və ya sağa hərəkət edən NV-yə yol verməlidir (m.77.IV). Siz baş yolla hərəkəti davam etdirdiyinizdən (m.1.9), üstünlüyə maliksiniz (m.77.II).

Yaşayış zonalarında (5.51 "Yaşayış zonası") saatda 20 kilometrdən artıq sürətlə hərəkət etmək qadağandır (m.45.II).

Sutkanın qaranlıq vaxtında (süni işıqlandırmanın olmasından asılı olmayaraq) və məhdudiyyətli görünmə şəraitində avtoqatarlarda dayanma (durma) zamanı "Avtoqatar" (kabinanın üstündə yerləşdirilmiş 3 ədəd narıncı fanar) tanınma nişanı yandırılmalıdır (m.73.V).

İcazə verilən maksimum kütləsi 750 kq-dan artıq olmayan qoşqunu aparan və özünün icazə verilən maksimum kütləsi 3,5 t-dan artıq olmayan avtomobilləri idarə etmək üçün sürücülük vasiqəsində "B" kateqoriyasının olması kifayətdir (m.34.IV).

İşlənmiş qazlarda zərərli maddələrin miqdarı və onların tüstülüyü dövlət standartlarında müəyyən edilmmiş kəmiyyətlərdən çox olduğu halda, NV-nin istismarı qadağandır (1 saylı əlavə-6).

Sürücünün son dərəcədə yorğunluğunun tipik əlamətlri mürgüləmək, əzginlik və diqqətin kütləşməsidir. Bu vəziyyətdə olan sürücü NV-ni idarə etməməlidir (m.37.I).