Online sürücülük imtahan testləri 37 (şərhlərlə) – Yol hərəkəti qaydaları

Yedəyə alınan NV-nin sürcüsü yedəyəalan NV-nin sürücüsünün siqnallarına uyğun siqnallar verməli (m.55.V), sutkanın qaranlıq vaxtı və məhdudiyyətli görünmə şəraitində qabarit işıq siqnallarını qoşmalıdır (m.73.III). Deməli, cavablarda sadalanan halların hər birində yedəyə alınan mexaniki nəqliyyat vasitəsində qabarit işıq siqnalları qoşulmalıdır.

Yalnız 7.14 "Hərəkət zolağı" lövhəciyi ilə birgə tıtbiq olunan A nişanı (3.24 "Maksimum sürətin məhdudlaşdırılması" nişanı) üzərində quraşdırıldığı hərəkət zolağında təsir qüvvəsində olur.

Yol sahəsinin başlanğıcında quraşdırılmış 4.1.1 nişanı ən yaxın yolayrıcıya qədər qüvvədə olur. Bu nişan həyətlərə və yola bitişik digər ərazilərə girmək üçün sağa dönməyi qadağan etmir (m.65.V). Bu nişan yolayrıcıdan sonra quraşdırılmışdırsa, deməli özündən əvvəlki yolayrıcıya da şamil edilmir. Bu səbəbdən, geriyə dünmək istəyən sürücü nişandan əvvəldə olan yolayrıcıda geriyə dönə bilər.

Oxlar şəklində olan 1.19 nişanlanması yolun hərəkət hissəsinin daralan sahəsinə (həmin istiqamətdə zolaqların azaldığı sahəyə) yaxınlaşmanı bildirir (m.69.VI). Bu halda, sağ hərəkət zolağına keçmək lazımdır.

Svetoforun ox şəklində olan əlavə bölməsinin yaşıl işığının yanması, 5.8.1 "Zolaqlarda hərəkət istiqamətləri" nişanı və 1.18 nişanlanma xətti sizə kənar sol zolaqdan sola və ya geriyə dönməyə icazə verir (m.59.IV; m.42.VI).

Geriyə dönmək üçün siz əvvəlcə 4.3 "Dairəvi hərəkət" nişanının tələbini yerinə yetirməli, yəni sağadönmə manevri edib yolayrıcıya daxil olmalısınız. Bu manevri yerinə yetirən zaman sağadönmə siqnalını qoşmalısınız (m.42.I).

Bu şəraitdə qırmızı rəngli avtomobilin sürücüsü dairənin 1-ci zolağına keçib sonra sağa dönməliydi (m.42.V). Sarı rəngli avtomobilin sürücsü isə 1.1 nişanlanma xəttinin tələbini pozur (m.69.VI). Göy rəngli avtomobilin sürücüsü piyadalara yol verməklə qaydaları pozmur.

Yolun bu sahəsində geriyədönməni qadağan edən nişan və nişanlanma xətti yoxdur. Qarşıda döngənin olmasını nəzərə alaraq, geriyə dönmənin əsas şərti 100 metrdən artıq məsafənin görünməsidir (m.42.XII).

Hərəkət hissəsini zolaqlara ayıran qırıq nişanlanma xəttini sutkanın vaxtından asılı olmayaraq yerdəyişmə, dönmə, ötmə və digər manevrlər zamanı kəsməyə icazə verilir (əgər bu manevrlər yol nişanları vasitəsilə qadağan edilməmişdirsə) (m.69.VI, VII),

1.6 nişanlanma xətti qarşıda 1.1 bütöv xəttin olması barədə məlumat verir. 1.1 xəttini isə kəsib keçməklə manevr etmək qadağandır (m.69.VI, VII). Deməli, sürücü qarşıda təhlükəli sahənin və 1.1 bütöv xəttin olduğunu nəzərə alıb ötməməlidir. Əgər zolaqlar adi qırıq xətlə (1.5) ayrılsaydı, onda ötmək olardı.

Yaşayış məntəqələrində birtərəfli hərəkət yollarının həm sol, həm də sağ tərəfində minik avtomobillərinin dayanma və durmasına icazə verilir (m.52.II). Lakin bu şəraitdə göstərilən yerdə dayanmağa icazə verilmir. Belə ki, qaydalara görə piyada keçidində və onlara 5 metrdən az yaxınllıqda dayanmaq qadağandır (m.52.IV).

1.10 sarı qırıq nişanlanma xətti 3.28 nişanı ilə birlikdə tətbiq edildikdə, durmanın qadağan olunduğu yerləri bildirir. Bu xətt hərəkət hissəsinin kənarına və ya bordürün üst hissəsinə çəkilir (m.52.VI; m.69.VI). Qaydalara əsaslanaraq, bu xəttin sonuna qədər durma qadağandır.

Bu şəraitdə nizamlayıcının siqnalı yolayrıcıya yaxınlaşan bütün NV-yə hərəkəti davam etdirməyə icazə verir (m.58.II). Lakin sizin və tramvayların hərəkət trayektoriyaları kəsişdiyindən, hər iki tramvaya yol verməlisiniz (m.76.III).

Eyni əhəmiyyətli yolların kəsişdiyi yolayrıcıda NV-nin sürücüsü sağdan yaxınlaşan NV-yə yol verməlidir (m.77.III). Bu qaydaya əməl etməklə, siz hər iki şəkildə göstərilən yolayrıcını sonuncu keçməlisiniz. Yuxarı şəkildəki şəraitdə hər iki NV sizdən sağda olduğundan onlara yol verməlisiniz. Aşağı şəkildəki şəraitdə yalnız motosikletə yol verdikdən sonra yolayrıcını keçə bilərsiniz. Motosikletçi isə özündən sağda olan minik avtomobilinə yol verdikdən sonra yolayrıcını keçə bilər.

Siz eyni əhəmiyyətli olmayan yolların kəsişdiyi nizamlanmayan yolayrıcıya baş yolla (2.1 "Baş yol" və 7.13 "Baş yolun istiqaməti" nişanları) daxil olduğunuzdan, ikinci dərəcəli yollarla yaxınlaşan NV-yə qarşı üstünlüyə maliksiniz. Bu yolayrıcıya baş yolun digər tərəfindən daxil olan motosiklet də sizdən solda yerləşdiyindən sizə yol verməyə borcludur (m.77.I-III).

Avtomagistralın hərəkət hissəsinin kənarını göstərən xətdən sağda yalnız məcburi dayanma hallarında dayanmağa icazə verilir (m.43.III). Bu zaman sürücü NV-ni qaydalara əsasən nişanlamalı, yəni qəzadayanma işıq siqnalını və ya qəzadayanma nişanını quraşdırmalıdır (m.55.II).

Yolun hərəkət hissəsində yerləşən minik meydançasında dayanan tramvaya yaxınlaşdıqda, tramvaya doğru hərəkət edən və ya ondan düşən sərnişinlərə yol verməlisiniz (m.54.V).

Sutkanın işıqlı vaxtında yaşayış məntəqəsində ötülən nəqliyyat vasitəsinin sürücüsünü xəbərdar etmək məqsədilə yalnız faraların işıqlarının qısamüddətli yandırılıb-söndürülməsindən istifadə edə bilərsiniz (m.73.XIII). Bu halda, səs siqnalından istifadə etmək qadağandır (m.73.XI).

DÜİST 8769-75-in tələblərinə əsasən, arxa duman fənərləri qırmızı rəngdə olmalıdır.

Su sahəsini keçdikdən sonra tormozun effektivliyini tez bərpa etmək məqsədilə sürücü hərəkəti davam etdirməli və tormoz pedalını tez-tez (qısamüddətli) sıxmaqla tormoz kolodkalarının üzlüklərini qurutmalıdır.