Online sürücülük imtahan testləri 30 (şərhlərlə) – Yol hərəkəti qaydaları

Svetoforun yaşıl rəngli işığından sonra sarı rəngli işıq yandıqda və ya nizamlayıcı qolunu yuxarı qaldırdıqda., NV-ni kəskin tormozlamadan 1.12 stop-xəttin qarşısında (və ya nizamlayıcının göstərdiyi yerdə) saxlaya bilməyən sürücülərə hərəkəti davam etdirməyə icazə verilir (m.60.IV). Sürücülər bilməlidilər ki, bu qayda təhlükəsizliyi təmin etmək məqsədilə qəbul olunmuşdur. Svetoforun sarı rəngli işığı yanarkən yolayrıcını keçən sürücülər İXM-nin 327.2-ci maddəsinə əsasən məsuliyyətə cəlb olunurlar.

3.24 "Maksimum sürətin məhdudlaşdırılması" nişanı saatda 40 kilometrdən artıq sürətlə hərəkət etməyi qadağan edir.

Məcburi hərəkət istiqaməti nişanının təsiri qarşısında quraşdırıldığı yolun hərəkət hissəsinin kəsişmə yerinə şamil edilir (m.65.IV). Şəkildəki yolayrıcıda hərəkət hissələrinin bir kəsişməsi vardır. Deməli, 4.1.1 "Düzünə hərəkət" nişanı bu yolayrıcıda sola, sağa və geriyə dönməyi qadağan edir. 4.1.1 nişanı yolayrıcıdan sonrakı yol sahəsində qüvvədə olmadığından, burada düzünə hərəkət etmək, geriyə dönmək və həyətlərə dönmək qadağan deyil.

2.7 nişanlanma xətti təhlükəli sahələrdə yol səthindən hündürlüyə qalxan təhlükəsizlik adacıqlarını (bordürü) göstərir (m.69.IX).

Yolayrıcıda durmuş nizamlayıcının sol və sağ tərəfindən gələn tramvaylara düzünə, relssiz NV-yə isə düzünə və sağa hərəkət etməyə icazə verilir. 5.7.1 "Birtərəfli hərəkət yoluna çıxış" nişanı və nizamlayıcının siqnalı sizə hərəkəti düzünə və sağa davam etdirməyə icazə verir (m.58.II; m.60.V).

Şəkildən göründüyü kimi hər iki zolaqda hərəkət eyni istiqamətdə təşkil olunmuşdur. Sola dönmək istəyən sürücü eyni səmtə gedən NV-yə yol verməli, sonra kənar sol zolaqdan dönmə manevrini icra etməlidir (m.42.V, VI).

Sürücü yerdəyişmə zamanı hərəkət istiqamətini dəyişmədən eyni səmtə gedən NV-yə yol verməlidir. Eyni səmtə hərəkət edən NV yerdəyişməni eyni vaxtda edirsə, bu zaman sürücü özündən sağdakı NV-yə yol verməlidir (m.42.V). Soldakı şəkildə hərəkət istiqamətini dəyişmədən eyni səmtdə hərəkət edən minik avtomobilinə, sağdakı şəkildə isə yerdəyişməni eyni vaxtda edən zaman sağdakı NV-yə yol verməyə borclusunuz.

1.20 "Piyada keçidi" nişanı yaşayış məntəqələrindən kənarda piyada keçidinə 150-300 metr qalmış quraşdırılır və bu nişan geriyədönməni qadağan etmir. Yolun 100 metrdən artıq məsafədə görünməsini (m.42.XII), hərəkət zolaqlarını ayıran nişanlanma xəttinin qırıq-qırıq olmasını (m69.VI, VII) nəzərə alaraq, bu yerdə geriyə dönməyə icazə verilir.

Üç hərəkət zolağı olan ikitərəfli hərəkət yollarında NV yolun hərəkət hissəsinin mərkəzində yerləşən və hər iki istiqamət üçün sol kənar hesab olunan orta zolağa keçməməlidir. Orta zolağa keçməyə yalnız ötmə, yandankeçmə, sola, yaxud geriyədönmə zamanı icazə verilir (m.49.III). Orta zolaqdan başqa məqsədlə istifadə etmək qadağandır.

Qarşılıqlı keçmə çətinləşən hallarda hansı sürücü tərəfdə maneə varsa, həmin sürücü yol verməlidir. 1.13 və 1.14 nişanları ilə işarələnmiş yerlərdə maneə olduqda, enişlə aşağı hərəkət edən NV-nin sürücüsü yoxuşla yuxarı hərəkət edən NV-yə yol verməlidir (m.51.VII). 1.14 "Sərt eniş" nişanı sizin enişlə aşağıya doğru hrəkət etməyiniz barədə xəbərdar edir. Deməli, qarşıdan gələn avtomobil yoxuşla yuxarı hərəkət etdiyi üçün siz ona yol verməyə borclusunuz.

Parklanma problemi və onun həllinin aktiallığı daima gündəmdə olan məsələlərdəndir. 01 iyul 2017-ci il tarixdə Qaydalarda 53-cü maddənin yeni redaksiyada verilməsinə baxmayaraq, bu problem hələ də həllini tapmayıb (15.06.2018-cu il tarixə olan vəziyyət). Buna baxmayaraq, sürücülər bu maddənin tələblərini bilməlidirlər. Cavablarda sadalanan hərəkətlərin hamsı qadağandır.

7.2.3 "Qüvvədəolma zonası" lövhəciyi 3.28 "Durmaq qadağandır" nişanının təsir sahəsinin bitdiyi yeri, yəni NV-nin nişanlar quraşdırılan yerə kimi durmasının qadağan olduğunu göstərir. Nişanlardan sonra göstərilən yerdə (A) dayanmağa icazə verilir, amma yol çiyninin olduğu halda hərəkət hissəsində (B) dayanmaq qadağandır.

Svetoforların işləmədiyinə görə sürücülər üstünlük nişanlarını əsas tutaraq yolayrıcını keçməlidirlər (m.75.IV). Avtobusun sürücüsü yolayrıcıya ikinci dərəcəli yolla daxil olduğundan hər iki avtomobilə yol verməlidir. Yük avtomobilinin sürücüsü geriyə dönərkən eyni əhəmiyyətli yolda qarşı tərəfdən düzünə hərəkət edən minik avtomobilinə yol verməlidir (m.77.I-IV).

Hər iki şəkildə eyni əhəmiyyətli yolların kəsişdiyi yolayrıcı göstərilib. Tramvay eyi əhəmiyyətli yolların kəsişdiyi yolayrıcıda relssiz NV qarşısında üstünlüyə malik olduğundan, siz hər iki şəkildəki şəraitdə ona yol verməlisiniz (m.77.III). Qarşıdan gələn minik avtomobilinin sürücüsü ilə sola dönəcəyinə görə sizə yol verməlidir (m.77.IV).

Siz eyni əhəmiyyətli olmayan yolların kəsişdiyi nizamlanmayan yolayrıcıya baş yolla (2.1 "Baş yol" və 7.13 "Baş yolun istiqaməti" nişanları) daxil olduğunuzdan, ikinci dərəcəli yolla avtobusa qarşı üstünlüyə maliksiniz. bu yolayrıcıya baş yolun digər tərəfindən daxil olan minik avtomobili də sizdən sol tərəfdə yerləşdiyi üçün sizə yol verməlidir (m.77.I-III).

Sürücülər yaşayış zonasından çıxarkən hərəkətin digər iştirakçılarına yol verməlidirlər (m.45.III).

Avtomagistralın bütün sahələrində, həmçinin hərəkət hissəsinin kənarında geriyə hərəkət etmək qadağandır (m.43.II).

Yaşayış məntəqəsində səs siqnalından istifadə etməyə yalnız yol-nəqliyyat hadisəsinin qarşısını almaq məqsədilə icazə verilir (m.73.XI). Belə olan hallarda səs siqnalı vaxtında verilməli, yəni yol-nəqliyyat hadisəsinin qarşısını almaq məqsədilə lazımı tədbirlərin yerinə yetirilməsinə kifayət qədər vaxt qalmalıdır. Səs siqnalının davamlığı tələb olunan həddən artıq olmamalıdır.

DÜİST P51709-2001-in tələblərinə əsasən, qabarit işıqları və qeydiyyat nömrə nişanının işığını qoşmadan arxa duman fənərlərindən istifadə etmə arxadan gələn NV-nin sürücülərini çaşdıra bilməsi səbəbindən qadağandır.

Minik avtomobili yüksüz və sərnişinsiz olduğu halda, döngələrdə aşmağa qarşı daha davamlıdır, belə ki, onun ağırlıq mərkəzi daha aşağı vəziyyətdə olduğundan aşırma momenti daha kiçik olur.