Online sürücülük imtahan testləri 26 (şərhlərlə) – Yol hərəkəti qaydaları

Dönməni göstərmək üçün əl ilə verilən siqnal bilavasitə manevrə başlamazdan əvvəl qurtara bilər (m.42.III). Burada məqsəd sürücünün manevr zamanı hər iki əlindən istifadə etmək imkanına malik olmasıdır.

1.15 "Sürüşkən yol" yol nişanı yaşayış məntəqələrində təhlükli sahənin başlanğıcından 50 -100 metr qabaqda quraşdırılır (m.62.III).

Reversiv hərəkətli yol sahəsinin bitməsi barədə 5.36 "Qarşılıqlı hərəkətin qurtaracağı" nişanı (C) məlumat verir. A və B nişanları isə onların adlarına müvafiq sahələrin bitməsi barədə məlumat verir.

2.1 nişanlanma xətti yol qurğularının hərəkətdə olan NV üçün təhlükə doğuran ünsürlərini (körpülərin dayaqlarını və s.) göstərir (m.69.IX).

Bu yolayrıcıda svetoforun işlək vəziyyətdə olmasına baxmayaraq, NV-nin hərəkət növbəliyi nizamlayıcının siqnalları ilə nizamlanır. Belə olan halda sürücülər nizamlayıcının siqnallarına və göstərişlərinə əməl etməlidirlər. Nizamlayıcının göstərişlərinə əsasən sürücü NV-ni stop-xəttin qarşısında dayandırmalıdır (m.52.II; m.60.III,V).

Yolayrıcının üstündə asılmış 5.8.1 "Zolaqlarda hərəkət istiqamtləri" nişanı hər iki zolaqdan sağa dönməyə icazə verilməsi barədə məlumat verir. Yana uzadılmış sağ qol yaxud yana uzadılaraq düzbucaq şəklində dirsəkdən yuxarı bükülmüş sol qol sağadönmə siqnalına uyğundur (m.42.II). Deməli, hər iki motosikletçi sağadönmə manevri edəcəyi barədə hərəkətin digər iştirakçılarını xəbrdar edir.

Sola və geriyə dönməzdən əvvəl sürücü həmin istiqamətdə hərəkət hissəsində müvafiq kənar vəziyyət tutmalıdır. Solda hərəkət hissəsi ilə bir səviyyədə yerləşən eyni istiqamətdə tramvay olduqda, 5.8.1 və ya 5.8.2 nişanları ilə başqa hərəkət qaydası müəyyən edilmədikdə, həmin yollardan keçərək sola və geriyə dönmək lazımdır. Bu zaman tramvay üçün maneə yaradılmamalıdır (m.42.VI). Bu səbəbdən siz yalnız A trayektoriyası ilə sola dönə bilərsiniz. A trayektoriyası üzrə dönməkdə məqsəd arxadan gələn NV-nin düz istiqamətdə hərəkəti üçün şərait yaratmaqdır.

Yolun bu sahəsində geriyədönməni qadağan edən nişan və nişanlanma xətti yoxdur. Qarşıda döngənin olmasını nəzərə alaraq, geriyə dönmək üçün əsas şərt 100 metrdən artıq məsafənin görünməsidir (m.42.XII).

7.14 "Hərəkət zolağı" lövhəciyi ilə birgə quraşdırılmış 4.7 "Minimum sürətin məhdudlaşdırılması" nişanı sürücülərə sol zolaqda saatda 50 km-dən az sürətlə hərəkət etmənin qadağan olduğunu göstərir. Bu yol yaşayış məntəqəsindən kənarda olduğundan, icazə verilən maksimum kütləsi 3,5 t-dan artıq olan yük avtomobilləri üçün maksimum sürət saatda 70 km-dən artıq olmamalıdır (m.50.II).

Yoxuşun sonunda və digər məhdudiyyətli görünüşlü yol sahələrində eyni istiqamətli hərəkət zolağına çıxmaqla ötməyə icazə verilir. Digər cavablarda izah edilmiş yerlərdə ötmək qadağandır (m.51.V).

Parklanma yerlərinin 5 faizi (bir parklanma yerindən az olmayaraq) əlillər üçün ayrılır. Əllilər üçün ayrılmış parklanma yerləri 1.24 nişanlanma simvolunun ağ boya ilə təsviri vasitəsilə işarələnir. Əlillər üçün ayrılan parklanma yerlərində yalnız əlil avtomobili nişanı ilə nişanlanmış NV dura bilər. Sürücülər "əlil" tanınma nişanından qanunsuz istifadəyə görə məsuliyyət daşıyırlar (m.53.X).

Hər iki sürücü durmaq qaydasını pozur. Belə ki, dəmiryol keçidində və onun hər iki tərəfinin 50 metr yaxınlığında durmaq qadağandır (m.52.VI).

Siz svetoforun qırmızı siqnalı ilə eyni vaxtda əlavə bölməsində yandırılmış ox işarəsi istiqamətində hərəkət etdiyinizdən, başqa istiqamətlərdən gələn NV-yə yol vermlisiniz (m.76.II). Bu şəraitdə sağ zolaqda hərəkət etdiyinizdən, minik avtomobilinin hərəkətinə maneə yaratmadan hərəkəti davam etdirə bilərsiniz.

Eyini əhəmiyyətli yolların kəsişdiyi yolayrıcıda relssiz NV-nin sürücüsü sağdan yaxınlaşan NV-yə, o cümlədən sola və ya geriyə dönərkən qarşı tərəfdən düzünə və ya sağa hərəkət edən NV-yə yol verməlidir (m.77.III, IV). Beləliklə, yuxarı şəkildəki şəraitdə minik avtomobili yolayrıcıya daxil olub motosikletə yol vermək üçün dayandıqdan sonra, aşağı şəkildəki şəraitdə isə motosikletə yol verdikdən sonra dönməni başa çatdırmalısınız.

Svetoforun sarı rəngli işığının yanıb-sönməsi yolayrıcının nizamlanmayan olduğunu göstərir (m.59.III). Eyni əhəmiyyətli yolların kəsişdiyi nizamlanmayan yolayrıcıya siz baş yolla (m.1.9), tramvay və yük avtomobili isə ikinci dərəcəli yolla yaxınlaşır. Qaydalara görə siz üstünlüyə maliksiniz və yolayrıcını birinci keçməlisiniz (m.77.I).

Birtərəfli hərəkət yolunun (5.5 "Birtərəfli yol" nişanının) sol tərəfində NV-nin dayanmasına icazə verildiyi üçün (m.52.II) yalnız A avtomobilinin sürücüsü adamları düşürmək üçün düzgün dayanmışdır. B avtomobilinin sürücüsü yolun mərkəzində və bütöv nişanlanma xəttinin yanında dayanmaqla qaydaları pozmuş olur. 5.9 "Ümumi istifadədə olan NV üçün zolaq" nişanı və 1.23 nişanlanması ilə işarə edilmiş, ümumi istifadədə olan NV üçün nəzərdə tutulmuş sağ zolaqda yalnız ümumi istifadədə olan NV hərəkət edə bilər. Bu halda (onun digər zolaqlarda bütöv xətlə ayrıldığı halda) həmin zolaqda digər NV-nin hərəkəti və dayanması qadağandır (m.48.IV). Deməli, C avtomobilinin sürücüsü də qaydaları pozur.

5.1 "Avtomagistral" nişanı ilə işarələnmiş və NV-nin yüksək sürətlə hərəkəti üçün təyin olunmuş yollarda sürmə təlimi keçmək qadağandır. Bu qayda, 5.3 "Avtomobillər üçün yol" nişanı ilə işarələnmiş yollara da şamil edilir (m.43.II,IV).

Sutkanın işıqlı vaxtında hərəkət zamanı minik və yük avtomobillərinin ümumi axınında görünmək üçün motosiklet və mopedlərdə faraların yaxın işıqları və ya duman faraları yandırılmalıdır (m.73.V).

Motosikletlərin istismarı zamanı şinlərin protektorundakı naxışların qalan hündürlüyü ən azı 0,8 mm olmalıdır (1 saylı əlavə 5). Bu hündürlük 0,8 mm-dən az olduqda motosikletin təkərləri və yolun yaş səthi arasında ilişmə həddən artıq pisləşir.

Sərt enişdə avtomobilin mühərriklə tormozlanması onun aşağı ötürmədə hərəkəti zamanı daha effektivdir. Bu səbəbdən eniş nə qədər sərt olarsa, sürücü daha aşağı ötürməni (yəni 2-ci və ya 1-ci ötürmə) seçməlidir.