Online sürücülük imtahan testləri 24 (şərhlərlə) – Yol hərəkəti qaydaları

Ayırıcı zolaq - yolun ayrılmış elementi olub, yanaşı yerləşən hərəkət hissələrini bir-birindən ayıran, lakin NV-nin, piyadaların hərəkəti və ya dayanması üçün nəzərdə tutulmayan hissədir (m.1.14). 1.3 bütöv qoşa üfiqi nişanlanma xətti ayırıcı zolaq hesab edilmir.

7.4.1 "Nəqliyyat vasitəsinin növü" lövhəciyi quraşdırılmış nişanın NV-yə şamil olunmasını dəqiqləşdirir. Bu şəraitdə 3.24 "Maksimum sürətin məhdudlaşdırılması" nişanı icazə verilən maksimum kütləsi 3,5 tondan artıq olan yük avtomobillərinə şamil edildiyindən, siz saatda 50 km-dən artıq olmayan sürətlə hərəkət etməlisiniz.

5.7.1 "Birtərəfli hərəkət yoluna çıxış" nişanı kəsişən yolda NV-nin hərəkət istiqamətini göstərir. Bu yolayrıcıda düzünə, sağa və geriyə hərəkəti davam etdirməyə icazə verilir, lakin bütün hallarda siz yolayrıcıda olan NV-yə yol verməlisiniz.

Müvəqqəti quraşdırılmış 4.2.2 "Maneəni soldankeçmə" nişanı sizə 1.1 nişanlanma xəttini kəsməyə və maneəni yalnız A trayektoriyası ilə keçməyə icazə verir. Əgər yeri dəyişdirilə bilən dayaqlarda qurulmuş müvəqqəti yol nişanının tələbi ilə yoldakı nişanlanma xətlərinin tələbləri bir-birinə zidd gəlirsə, sürücülər müvəqqəti quraşdırılmış yol nişanının tələblərini əsas tutmalıdırlar (m.61.VI-I, m.69.VII).

Bütün yerlərdə, həmçinin avtodayanacaqlarda və YDM-də sürücü hərəkətə başlamazdan, yerdəyişmədən, dönmədən, ötmədən və dayanmadan qabaq müvafiq istiqamətə dönmək üçün xarici işıq siqnallarının köməyi ilə, bunlar olmadıqda və ya nasazlıq yarandıqda isə əl işarələri ilə (yaxınlıqda başqa NV-nin olub-olmamasından asılı olmayaraq) siqnal verməlidir. Bu zaman manevr təhlükəsiz olmalı və hərəkətin digər iştirakçıları üçün maneə yaratmamalıdır (m.42.I).

NV-də dönmə xarici işıq siqnalları nasaz olduqda sürücü əl işarələri ilə siqnal verməlidir. 2.4 "Yol verin" nişanının tələbini yerinə yetirmək məqsədilə minik avtomobilinin sürücüsü sürəti azaldaraq, motosikletə yol verməsi üçün dayanmalıdır. O, qolunu qaldırmaqla bu barədə məlumat verir (m.42.II).

Şəkildəki oxşəkilli nişanlanma xətləri 4.1.4 nişanının tələbini dəqiqləşdirir və konkret olaraq zolaqlar üzrə verilmiş istiqamətləri göstərir (m.69.IV (18)).

Geriyə dönmək bilavasitə dəmiryol keçidlərində qadağandır (m.42.XII), keçidlərin qarşısında isə qatarın olub-olmamasında asılı olmayaraq, geriyə dönməyə icazə verilir.

Normal hərəkət zamanı NV-nin sürücüləri vəziyyətdən asılı olaraq, yolun hərəkət hissəsinin sağ kənarı ilə hərəkət etməlidir. Yaşayış məntəqəsindən kənar, habelə 5.1 və 5.3 nişanları ilə işarələnmiş yollarda eyni istiqamətdə sağ zolaq boş olduğu halda, sol zolaqlara keçmək qadağandır (m.49.I). Yuxarı şəkildəki şəraitdə hər iki zolaq boş olduğundan, hərəkəti sağ zolaqda davam etdirməlisiniz. Yaşayış məntəqələrində isə sağ zolaq boş olduğu halda, sol zolaqlarda hərəkət etmək qadağan deyil. Bu, döngələrin çox sayda olması, dayanmış NV-nin çoxluğu, manevretmə tələbatının yüksək olması, yolun sol tərəfində dayanma (durmanın) mümkünlüyü və s. bu kimi amillərlə əlaqədardır. Buna baxmayaraq, sürücü əsas olmadıqda sol zolaqları tutmamalıdır.

Sutkanın qaranlıq vaxtı yüksək sürətlə hərəkət edən sürücü faraların işıqlandırdığı sahədə maneə gördükdə NV-ni saxlamaqda çətinlik çəkir. Ona görə də sürücü hərəkət istiqamətində görmə şəraitini nəzərə alaraq sürəti elə seçməlidir ki, NV-nin dayanma məsafəsi (yolu) yolun görünmə məsafəsindən az olsun (m.50.I).

Şəkildən görünür ki, yolun sol tərəfində ayın tək günləri, sağ tərəfində isə cüt günləri durmaq qadağandır. Sizin görmək istədiyiniz iş NV-nin durması ilə əlaqədardır (m.1.29,31). İşin ayın cüt günündə aparıldığını və nişanların qüvvəsinin quraşdırıldığı yerdən sonrakı sahəyə şamil edildiyini (m.64.III, IX) nəzərə alaraq, deyə bilərik ki, A və C yerlərində durmağa icazə verilir.

Göstərilən yerlərdən yalnız A-da durmağa icazə verilir, belə ki, bu yerdə durmaqla avtomobilin sürücüsü qaydaları pozmur. B-də isə avtomobilin durması girişin qarşısını kəsir və digər NV-nin həyətdən çıxmasına maneə yaradır (m.52.VI).

Bu nizamlanan yolayrıcıda üstünlük nişanlarının quraşdırılmasına baxmayaraq, NV-nin hərəkət növbəliyi svetoforların siqnalları ilə müəyyənləşdirilir. Bu şəraitdə svetoforun qırmızı siqnalı ilə eyni vaxtda əlavə bölməsində yandırılmış ox işarəsi istiqamətində hərəkət edən tramvay kəsişən yolun sol tərəfindən yaxınlaşan və svetoforun əsas icazə siqnalı ilə hərəkət edən minik avtomobilinə yol verməlidir (m.76.III).

Bu sürücülər svetoforun yaşıl işığı yanarkən yolayrıcıya daxil olmuşdur. Onlar sağa və ya sola dönərkən dönəcəyi yolun hərəkət hissəsini keçməkdə olan piyadalara yol verməlidirlər (m.75.I).

Siz eyni əhəmiyyətli yolların kəsişdiyi nizamlanmayan yolayrıcıya baş yolla (2.1 "Baş yol" və 7.13 "Baş yolun istiqaməti" nişanları) daxil olduğunuzdan ikinci dərəcəli yolla yaxınlaşan minik avtomobilinə qarşı üstünlüyə maliksiniz. Bu yolayrıcıya baş yolun digər tərəfindən daxil olan avtobus da sizdən sol tərəfdə yerləşdiyindən sizə yol verməlidir (m.77.I-III).

Sizə sağ zolaqda hərəkət etmək qadağandır. 5.9 "Marşrut NV üçün zolaq" nişanı və 1.23 nişanlanması ilə işarə edilmiş ümumi istifadədə olan NV üçün nəzərdə tutulmuş zolaqda digər NV-nin hərəkəti qadağandır (m.48.IV).

Svetoforun siqnalları üstünlük yol nişan qrupunun tələblərini ləğv edir (m.75.III, IV).

Güclü işıq saçdığına görə arxa duman fənərlərindən yalnız məhdudiyyətli görünmə şəraitində istifadə edilə bilər. Arxa duman fənərlərini stop-siqnallara qoşmaq arxadan gələn sürücünün gözlərini qamaşdıra bilməsinə görə qadağandır (m.73.IX).

Əgər duracaq tormoz sistemi tam yüklü NV-ni 16 dərəcədən, təchiz olunmuş vəziyyətdə minik avtomobilləri və avtobusları 23 dərəcədən, yük avtomobilləri və avtomobil qatarlarını isə 31 dərəcədən çox olmayan enişdə tərpənməz vəziyyətdə saxlaya bilmirsə, həmin NV-nin istismarı qadağan edilir (1 saylı əaləvə-1).

Avtomobilin sağ təkərləri yolun sağındakı yumşaq yaş torpağa çıxdığı halda, sol və sağ tərəfin təkərləri ilə yol arasındakı ilişmə qüvvəsində fərq yaranır. Bu da avtomobilin sürüşmə və aşmasına gətirib çıxaran təhlükəli səbəblərdən biridir. Belə şəraitdə tormozdan istifadə etməməklə avtomobili yolun hərəkət hissəsinə astaca qaytarmaq məsləhət görülür.