Kişilər Marsdan, qadınlar Veneradandır – John Gray

Kişilər Marsdan, qadınlar Veneradandır – John Gray. Xülasə

Kişi və qadın münasibətlərində əksər problemlər ona görə yaranır ki, biz doğrudanda müxtəlifik. Sadəcə müxtəlif adamlar deyilik, həm də müxtəlif planetlərdənik. Əksər məsələlərə yanaşmamız o dərəcədə fərqlənir ki, birbirimizi yaxşı başa düşmək üçün bizə ümumi dil tələb olunur.

Bu kitab hər birimizə həmin dili tapıb mənimsəməyə imkan verəcək. Bu dili öyrəndikdən sonra isə sevgidə, ailədə, işgüzar münasibətlərdə uğursuz olmağımızın səbəblərinin çoxu aradan qalxacaq.

Bu kitabı böyük sevgi və səmimiyyətlə arvadım Bonni Qreyə ithaf edirəm. Onun sevgisi, dəymədüşərliyi, müdrikliyi və qüvvəsi mənə ola biləcəyim qədər diqqətli və başa düşən olmağa, bir yerdə öyrəndiklərimizi başqaları ilə bölüşməyə kömək etdi.

Qarşılıqlı münasibətlərin uğuru

Siz məqsədi ünsiyyətdən zəruri olan şeyləri almaqda sizə kömək etmək olan vəsaiti öyrəndiniz. İndi qarşılıqlı münasibətlərinizin uğurlu olması üçün hər cür zəmin yaranmışdır. Uğura ümid etmək üçün hər cür əsasınız var. Siz sevgidə bir dövrdən digərinə keçəndə özünüzü inamlı hiss edəcəksiniz.

Mən minlərlə cütün cəmi bir gün ərzində qarşılıqlı münasibətlərini yaxşıya doğru dəyişdiklərinin şahidi olmuşam. Onlar şənbə günü mənim seminarıma gəlir, bazar günü isə sevgi onların evinə qayıdırdı. Siz də bu kitabın səhifələrindəki bilik və bacarıqlardan istifadə etsəniz uğur qazanacaqsınız. Bundan başqa, yaddan çıxarmayın ki, kişilər Marsdan, qadınlar isə Veneradandır.

Lakin sizi xəbərdar etmək istəyirəm: sevginin öz təqvimi olduğunu yaddan çıxartmayın. Yazda asan alınan şey, yayda gərgin əmək tələb edir. Payızda məmnunluq və alicənablıq hiss edəcəksiniz. Lakin qış gələcək, onunla da boşluq hissi. Yayda münasibətləri təkmilləşdirmək üçün lazım olan biliklər çox tez yaddan çıxır. Payızda hiss etdiyiniz sevgi qışda sizi tərk edə bilər.

Yayda, çətinliklər başlayanda, zəruri olan sevgini almayanda, tamamilə gözlənilməz olaraq bu kitabdan aldığınız bilikləri unuda bilərsiniz. Hər şey çox tez baş verir. Yenidən həyat yoldaşınızı ittiham etməyə başlayar və onun ehtiyaclarına necə dəstək verməyi yaddan çıxara bilərsiniz.

Daxilinizdə qış hisslərinin nəticəsi olan bir boşluq yarananda özünüzü necə sevməli və özünüzə necə dəstək verməli olduğunuzu unuda bilərsiniz. Güman ki, özünüzə, yaxın adamınıza tərəddüdlə yanaşacaqsınız. Sizdə həyata arsız baxış yarana bilər, sizi hətta çıxılmazlıq hissi bürüyə bilər. Lakin bunların hamısı prosesin tərkib hissələridir. Ən qaranlıq vaxt səhər açılmazdan qabaq olur.

Münasibətlərimizdə uğur qazanmaq üçün biz sevgi təqviminin olduğunu başa düşməli və qəbul etməliyik. Bəzən sevgi çay kimi yüngül və sərbəst axır, bəzən isə səy tələb edir. Biz seçdiyimiz adamdan daim xoşbəxt, razı və xeyirxah olacağını gözləməli deyilik. Biz özümüzə münasibətdə də anlayış göstərməli, bundan əlavə, dost münasibətlərin yaradılması ilə bağlı hər şeyin yadımızda qalacağına arxayın olmamalıyıq.

Öyrənmə prosesi təkcə biliklərin alınmasını və təcrübədə möhkəmləndirilməsini nəzərdə tutmur. Bütün kitab boyu siz valideynlərinizin özləri bilmədiklərindən sizə də verə bilmədikləri bilik və vərdişlərlə tanış olurdunuz. Lakin indi, zəruri biliklər qazandıqdan sonra da realist olun. Özünüzə səhv etmək hüquq verin. Axı müəyyən müddətdən sonra öyrəndiklərinizin çoxunu unuda bilərsiniz.

Təhsil nəzəriyyəsinə görə, yeni məlumatı mənimsəmək üçün ona iki yüz dəfə qulaq asmaq lazımdır. Biz nə özümüzdən, nə də sevdiyimiz şəxsdən gözləyə bilmərik ki, bu kitabdan alınmış bütün biliklər birdəfəlik şüurumuza hopacaq. Biz səbrli olmalı, kiçik də olsa qabağa atılan hər bir addımı diqqətsiz və təqdirsiz qoymamalıyıq. Bu ideyaları mənimsəmək üçün vaxta ehtiyac var. Yalnız bu halda onlar həyatınızın ayrılmaz hissəsi olacaq.

Bizə təkcə yenini mənimsəmək deyil, həm də keçmiş biliklərdən imtina edərək yenilərini öyrənmək lazımdır. Biz qarşılıqlı münasibətlərdə necə uğur qazanmağı öyrənirik, özümüz də məsum və sadəlövh uşaqlar deyilik. Bizim davranışımıza həm valideynlərimiz, həm də böyüdüyümüz mədəni mühit öz damğasını vurub.

Qəlb həyəcanlarının keçmiş təcrübəsi də az əhəmiyyət daşımır. Yeni məqsəd əsasında sevgi və qarşılıqlı anlaşma dayanan münasibətlərin sirlərinə yiyələnməkdir. Biz bu yolu ilk keçənlərik. Siz tanış olmayan ölkədgə gəzirsiniz, ona görə də azmaq qorxusunu istisna etməyin. Öz səyahətiniz zamanı bu kitabdan düzgün istiqaməti yenidən tapmağa kömək edəcək yol xəritəsi kimi istifadə edin.

Əks cinsin üzvləri ilə münasibətdə növbəti məyusluq hiss edəndə yadınıza salın ki, kişilər Marsdan, qadınlar isə Veneradandır. Kitabdan yalnız bu müddəanı mənimsəsəniz belə o sizə sevən və xeyirxah olmağa kömək edəcək. Tədriclə qınamaq və təqsirləndirmək meylindən əl çəkin, sizə lazım olanı ardıcıl və təkidlə xahiş etməyi öyrənin, onda sizə çox lazım olan və sizin layiq olduğunuz ahəngdar, sevgi dolu münasibətləri qura biləcəksiniz.

Sizin qarşınızda böyük perspektivlər var. Sevginizi təkmilləşdirmək və möhkəmləndirməyi davam edin. Sizə şəxsi həyatınızda yaxşıya doğru dəyişikliklər əldə etmək üçün kömək göstərməyə imkan verdiyinizə görə sağ olun.

Xalqların və kütlənin psixologiyası – Gustave Le BonBəhanələrə yox! – Brayan Treysi

Əvvəlki məqaləLev Tolstoy həyat qanunları
Növbəti məqaləQadınlar haqqında 20 maraqlı fakt

Fikirlərinizi bildirin.